2 Corintios 1:19 - Mixteco del suroeste de Tlaxiaco Oaxaca

¹⁹ Chi Se̱ꞌya Ndiosíꞌ kúvi Jesús ya̱ kúvi Cristo, [ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ]. Jie̱ꞌe̱ꞌ Jesús ví ya̱ nste̱kútu̱ꞌún ránuꞌuꞌ nu̱u̱nꞌ ránoꞌó. Nuꞌuꞌ jín Silvano jín Timoteo ví ya̱ nste̱kútu̱ꞌún ránꞌ nu̱u̱nꞌ ránoꞌó jie̱ꞌe̱ꞌ re̱ꞌ. Jee nsáꞌ u̱vi̱ꞌ nu̱u̱nꞌ jiáni iniꞌ Cristo jee ntu̱ví nkáchíꞌ re̱ꞌ “kuvi” soo tuku “nkúvi” nkachiꞌ re̱ꞌ. Chisaꞌ Cristo sukuáni káchíꞌ re̱ꞌ ya̱ “kuvi”.

2 Corintios 1:19 Referans Kwoze

Hebreos 13:8

Chi Jesús, ya̱ kúvi Cristo, jee sáni ni̱yo re̱ꞌ tiempúꞌ ya̱ta̱ꞌ, ɨɨn ni kúvi ré tiempúꞌ vitan, jín suni nɨ́ɨ́nkání tiempúꞌ ichinúúnꞌ.

Apoclipsis 1:17

Jee sáá niniꞌ ni̱ꞌ re̱ꞌ, jee nna̱niso ni̱ꞌ nu̱u̱nꞌ íñɨ́ jie̱ꞌe̱ꞌ re̱ꞌ kuéntáꞌ ɨɨn ni̱yɨ níꞌiꞌ. Jee ntee re̱ꞌ naꞌá kuáꞌá re̱ꞌ nu̱u̱nꞌ ñunéꞌyúꞌ ni̱ꞌ, jee nkachiꞌ re̱ꞌ nu̱u̱nꞌ ni̱ꞌ: ―Koto yúꞌví nú. Chi maáníꞌ kúvi ya̱ ya íyó ni̱ꞌ nɨ́ɨ́nkání ne̱ xíꞌnañúꞌún ne̱ sáá ntiáꞌan kijiéꞌé kiko̱o ñɨ̱vɨ́, jee sáá nɨꞌɨ ñɨ̱vɨ́ jee koo ni̱ꞌ nɨ́ɨ́nkání.

2 Juan 1:9

Nta̱ká ñɨvɨ ya̱ jiáꞌa ka̱ꞌ nu̱u̱nꞌ tu̱ꞌun na̱a̱ꞌ, jee ntu kínóo kutú ráa jín tu̱ꞌun nxi̱néꞌénꞌ Cristo, jee ntu̱ví íyó Tátáꞌ‑ó Ndiosíꞌ jín ráa. Jee ñɨvɨ ya̱ kínóo kutú‑u jín tu̱ꞌun vá jee Tátáꞌ‑ó Ndiosíꞌ jín suni máá Se̱ꞌya re̱ꞌ íyó ráa jín ñɨvɨ vá.

Apoclipsis 2:18

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, rá nééꞌ nu̱u̱nꞌ ñuunꞌ Tiatira: “Nuꞌuꞌ kúvi ni̱ꞌ Se̱ꞌya Ndiosíꞌ ya̱ íyó rá titɨ nchinúún ni̱ꞌ kuéntáꞌ yáá ñuꞌunꞌ. Jee rá jie̱ꞌe̱ꞌ ni̱ꞌ jiánu̱te̱ꞌ ráa kuéntáꞌ kua̱ꞌ xiñúꞌ jiánu̱te̱ꞌ ka̱a kuáán ya̱ núlɨɨ‑ɨ. Tu̱ꞌun yaꞌá káchíꞌ nuꞌuꞌ:

1 Juan 5:20

Soo jíníꞌ‑ó ya̱ nkiji Se̱ꞌya Ndiosíꞌ, jee nsa̱ꞌá re̱ꞌ ya̱ ki̱ku̱ꞌun iniꞌ‑ó sáva kuniꞌ‑ó maáréꞌ ya̱ kúvi nijia re̱ꞌ Ndiosíꞌ. Jee yɨ́ꞌɨ́‑ó iniꞌ naꞌá maáréꞌ ya̱ kúvi nijia Ndiosíꞌ. Yɨ́ꞌɨ́‑ó naꞌá Se̱ꞌya re̱ꞌ, Jesús ya̱ kúvi Cristo. Suvivá kúvi nijia‑a Ndiosíꞌ, jee maáa ví ya̱ sáꞌá‑a ya̱ kutekuꞌ‑ó nɨ́ɨ́nkání jín Ndiosíꞌ.

Apoclipsis 1:8

Jee káchíꞌ I̱toꞌoꞌ‑ó Ndiosíꞌ: “Nuꞌuꞌ kúvi ni̱ꞌ letra A ya̱ kajiéꞌé xíꞌnañúꞌún jín letra Z ya̱ jínu nu̱u̱nꞌ nɨ́ꞌɨ, [chi maáníꞌ kúvi ya̱ ya íyó ni̱ꞌ nɨ́ɨ́nkání ne̱ xíꞌnañúꞌún ne̱ sáá ntiáꞌan kijiéꞌé kiko̱o ñɨ̱vɨ́, jee sáá nɨꞌɨ ñɨ̱vɨ́ jee koo ni̱ꞌ nɨ́ɨ́nkání]”, nkachiꞌ re̱ꞌ sukuán chi maáréꞌ vá íyó vitan, jín ni̱yo nɨ́ɨ́nkání, jee suni koo re̱ꞌ nɨ́ɨ́nkání. Jee maáréꞌ níso re̱ꞌ fesáꞌ ííꞌ ni̱ꞌin ya̱ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó.

Hechos 18:5

Sáá nkene Silas jín Timoteo Macedonia, jee sáá nkenta ráa ñuunꞌ Corinto, nka̱jiéꞌé Pablo máá tiñu stékútu̱ꞌún‑u tu̱ꞌun jie̱ꞌe̱ꞌ Jesús. Jee ístúvi‑i nu̱u̱nꞌ rá ñɨvɨ Israel ya̱ Jesús ví Cristo, [ya̱ ñani Ndiosíꞌ sáva natavaꞌ‑a ñɨvɨ nu̱u̱nꞌ kua̱chi ráa].

Apoclipsis 1:11

Jee nkachiꞌ nusuyuꞌú vá nu̱u̱nꞌ ni̱ꞌ: ―[Nuꞌuꞌ kúvi ni̱ꞌ letra A ya̱ kijiéꞌé xíꞌnañúꞌún jín letra Z ya̱ jínu nu̱u̱nꞌ nɨ́ꞌɨ, chi maáníꞌ kúvi ya̱ ya íyó ni̱ꞌ nɨ́ɨ́nkání ne̱ xíꞌnañúꞌún ne̱ sáá ntiáꞌan kijiéꞌé kiko̱o ñɨ̱vɨ́, jee sáá nɨꞌɨ ñɨ̱vɨ́ koo ni̱ꞌ nɨ́ɨ́nkání.] Jee tee nú nu̱u̱nꞌ ɨɨn tutuꞌ ntáká ya̱ kuniꞌ jínúunꞌ nú, jee tají nú maa kɨ̱ꞌɨ̱nꞌ‑ɨ nu̱u̱nꞌ ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ kútútú ráa rá ñuunꞌ ya̱ yɨ́ꞌɨ́ xi̱ntíín ñuunꞌ Asia: Éfeso, Esmirna, Pérgamo, Tiatira, Sardis, Filadelfia, Laodicea ―nkachiꞌ‑i nu̱u̱nꞌ ni̱ꞌ.

1 Juan 1:3

Jee ya̱ niniꞌ jínúunꞌ ráníꞌ, jín ya̱ nteso̱ꞌo ránꞌ ya̱ nkaꞌanꞌ re̱ꞌ, jee suvi‑i vá káchítu̱ꞌún ránꞌ nu̱u̱nꞌ ránú, sáva unuún koo iniꞌ ránú jín ránuꞌuꞌ. Jee íyó unuún nijia iniꞌ‑ó jín Tátáꞌ‑ó Ndiosíꞌ jín Se̱ꞌya re̱ꞌ Jesús ya̱ níso re̱ꞌ tiñu Cristo.

2 Pedro 1:17

Jee nni̱ꞌi̱nꞌ re̱ꞌ ya̱ Tátáꞌ‑ó Ndiosíꞌ nkaꞌanꞌ yɨ́ñúꞌún‑u jín re̱ꞌ, jee nsa̱ꞌá ñáꞌnú‑u re̱ꞌ. Chi ne̱ súkún nkiji rá tu̱ꞌun ne̱ nu̱u̱nꞌ nuva máá Ndiosíꞌ máá viiꞌ kúñáꞌnú‑u, jee nkachiꞌ‑i: “Yaꞌá ví Se̱ꞌya ni̱ꞌ jee ñúnúunꞌ ni̱ꞌ re̱ꞌ, jee kúváꞌa iniꞌ ni̱ꞌ néꞌyá ni̱ꞌ re̱ꞌ”, nkachiꞌ Ndiosíꞌ.

Hebreos 1:11

Soo rá yukuán kɨ̱naanꞌ‑a, soo noꞌó chi nɨ́ɨ́nkání íyó nú, jee ntáká rá yukuán kenta kutúꞌú ráa kuéntáꞌ kútúꞌú ɨɨn saꞌma.

Hechos 15:22

I̱ña̱jée rá te̱e nísotíñú ráa apóstol jín rá te̱e kúñáꞌnú jín ntáká rá inka rá ñɨvɨ kúneí iniꞌ ráa Jesús, jee nkuna̱a̱ꞌ iniꞌ ráa ya̱ ka̱ji ráa rá te̱e nteñu ráa, ya̱ tají ráa kɨ̱ꞌɨ̱nꞌ nu̱u̱nꞌ ñuunꞌ Antioquía jín Pablo jín Bernabé. Nka̱ji ráa Judas, ya̱ naní Barsabás, jín ɨɨn te̱e naní Silas. Kúvi ráa u̱vi̱ꞌ rá te̱e kúñáꞌnú nteñu rá ñaniꞌ.

Hechos 9:20

Jee kuíntañúꞌún nste̱kútu̱ꞌún re̱ꞌ jie̱ꞌe̱ꞌ Jesús iniꞌ rá veꞌi sinagoga nu̱u̱nꞌ kútútú rá ñɨvɨ Israel nu̱u̱nꞌ súkuáꞌa ráa Tu̱ꞌun Ndiosíꞌ. Nkachiꞌ re̱ꞌ ya̱ Jesús kúvi Se̱ꞌya Ndiosíꞌ.

Hechos 8:36

Jee ni kua̱ꞌa̱nꞌ ráa ichi, jee nkenta ráa nu̱u̱nꞌ ñúꞌún nute. Jee nkachiꞌ te̱e nísotíñú vá: ―¡Kune̱ꞌyá nute vá! ¿Á íyó ya̱ chúsává ya̱ kuanuté ni̱ꞌ?

Juan 20:31

Soo rá tu̱ꞌun yaꞌá ntee ni̱ꞌ nu̱u̱nꞌ tutuꞌ yaꞌá, sáva ránoꞌó ji̱nu̱ꞌ iniꞌ rán ya̱ Jesús kúvi re̱ꞌ Cristo, ya̱ nátavaꞌ‑a ñɨvɨ nu̱u̱nꞌ kua̱chi ráa, jín ya̱ kúvi re̱ꞌ Se̱ꞌya Ndiosíꞌ, jee sáva ni̱ꞌi̱nꞌ rán ya̱ kutekuꞌ rán nɨ́ɨ́nkání jín re̱ꞌ jie̱ꞌe̱ꞌ ya̱ kúneí iniꞌ rán re̱ꞌ.

Juan 19:7

Soo nna̱xiníkó rá te̱e kúñáꞌnú nu̱u̱nꞌ ñɨvɨ Israel vá nu̱u̱nꞌ Pilato: ―Ránuꞌuꞌ chi íyó ɨɨn tu̱ꞌun ley ya̱ tátúníꞌ‑i nu̱u̱nꞌ ránꞌ, jee sáni káchíꞌ tu̱ꞌun ley ránꞌ íyó kuviꞌ re̱ꞌ, chi jie̱ꞌe̱ꞌ ni ka̱ꞌ nkachiꞌ re̱ꞌ ya̱ kúvi re̱ꞌ Se̱ꞌya Ndiosíꞌ.

Juan 8:58

Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ ne̱ ntiáꞌan ka̱ꞌ kaku Abraham, jee ya̱ íyó nuꞌuꞌ ―nkachiꞌ Jesús.

Juan 6:69

Jee ránuꞌuꞌ chi ya̱ ínúꞌ iniꞌ ránꞌ jee ya jíníꞌ ránꞌ ya̱ noꞌó vá ííꞌ ya̱ va̱ji ne̱ nu̱u̱nꞌ Ndiosíꞌ ―nkachiꞌ Pedro.

Juan 3:16

’Chi na̱ ka̱ꞌ vá ñúnúunꞌ ka̱ꞌ Ndiosíꞌ ñɨvɨ ñɨ̱vɨ́, saáva njia̱ꞌa re̱ꞌ Se̱ꞌya métúꞌún re̱ꞌ nkiji‑i, sáva nta̱ká rá ñɨvɨ ya̱ kúneí iniꞌ ráa maa, jee nsáꞌ kɨ̱naanꞌ ráa, chisaꞌ kutekuꞌ ráa nɨ́ɨ́nkání jín re̱ꞌ.

Juan 1:49

Jee nna̱xiníkó Natanael: ―Mestrúꞌ, noꞌó kúvi nijia Se̱ꞌya Ndiosíꞌ, jee noꞌó kúvi te̱e nísotíñú ya̱ kiji tatúníꞌ nú nu̱u̱nꞌ rá ñɨvɨ ñuunꞌ maáó Israel ―nkachiꞌ re̱ꞌ.

Juan 1:34

Jee ya̱ niniꞌ ni̱ꞌ vá, jee jiáꞌa ni̱ꞌ ya̱ naáꞌ jie̱ꞌe̱ꞌ re̱ꞌ ya̱ maáréꞌ kúvi nijia Se̱ꞌya Ndiosíꞌ ―nkachiꞌ Juan.

Lucas 1:35

Jee nna̱xiníkó najiáꞌáꞌ ííꞌ vá nu̱u̱nꞌ ña: ―Ta̱chi̱ꞌ Ííꞌ kiji‑i nu̱u̱nꞌ noꞌó, jee kiji fuersáꞌ níꞌin níso maá Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ jee kenta‑a kikasɨꞌ kátɨ́‑ɨ noꞌó jee saꞌá‑a tiñu a̱nasɨ́ jín noꞌó. Jee saáva te̱e lúlí i̱i̱ꞌ ya̱ kaku vá kuna̱ní‑i Se̱ꞌya Ndiosíꞌ.

Marcos 1:1

Suꞌva nka̱jiéꞌé tu̱ꞌun váꞌa jie̱ꞌe̱ꞌ Jesús, ya̱ nísotíñú re̱ꞌ ya̱ kúvi Cristo, ya̱ ñani Ndiosíꞌ re̱ꞌ tatúníꞌ re̱ꞌ nu̱u̱nꞌ ñɨ̱vɨ́, jee kúvi re̱ꞌ Se̱ꞌya Ndiosíꞌ.

Mateo 27:54

Jee te̱e kúvi capitán rá soldado jín rá soldado ya̱ íñɨ́ ráa jín re̱ꞌ ya̱ kúmí ráa Jesús, jee sáá niniꞌ ráa ya̱ nta̱an jín nɨꞌɨ ya̱ nkuvi, jee nyu̱ꞌví nasɨ́kuitɨꞌ ráa, jee nkachiꞌ ráa: ―Máá nááꞌ nijia ya̱ Se̱ꞌya Ndiosíꞌ kúvi te̱e yaꞌá ―nkachiꞌ ráa.

Mateo 27:40

Jee káchíꞌ ráa nu̱u̱nꞌ re̱ꞌ: ―Noꞌó ya̱ káchíꞌ nú ya̱ kanɨꞌ nú veñu̱ꞌun káꞌnú, jee u̱ni̱ꞌ ki̱vɨ̱ꞌ nasaꞌá nú maa, ¡sikáku maánú!, ¡jee nuun nú nu̱u̱nꞌ kurúsiꞌ i̱ña̱ꞌ, retú Se̱ꞌya nijia Ndiosíꞌ ví nú! ―nkachiꞌ ráa nu̱u̱nꞌ re̱ꞌ.

Mateo 24:35

Súkún jín ñɨ̱vɨ́ yaꞌá kɨ̱naanꞌ ráa, soo rá tu̱ꞌun káchíꞌ ni̱ꞌ, ni nsáꞌ kɨ̱naanꞌ‑a chi nɨꞌɨ sikúnkuvi.

Mateo 17:5

Jee ni káꞌánꞌ i̱i̱ꞌ ka̱ꞌ Pedro, jee nkenta vi̱ko̱ꞌ maa jiánu̱te̱ꞌ kuéntáꞌ íyó nuva ñuꞌunꞌ ñasɨꞌ‑ɨ ráa, jee nu̱u̱nꞌ vi̱ko̱ꞌ vá nkene ɨɨn ta̱chi̱yuꞌú, jee káchíꞌ‑i: ―Yaꞌá ví Se̱ꞌya ni̱ꞌ jee ñúnúunꞌ ni̱ꞌ re̱ꞌ, jee kúváꞌa iniꞌ ni̱ꞌ néꞌyá ni̱ꞌ re̱ꞌ. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ ―nkachiꞌ nusuyuꞌú vá.

Mateo 3:17

Saájee ɨɨn ta̱chi̱yuꞌú nteso̱ꞌo ne̱ antivɨ́ súkún, jee nkachiꞌ‑i: ―Yaꞌá kúvi Se̱ꞌya ni̱ꞌ jee ñúnúunꞌ ni̱ꞌ maa, jee kúváꞌa víꞌí iniꞌ ni̱ꞌ néꞌyá ni̱ꞌ maa ―nkachiꞌ Ndiosíꞌ.

Juan 20:28

Saájee nna̱xiníkó Tomás jee nkachiꞌ‑i nu̱u̱nꞌ re̱ꞌ: ―¡I̱toꞌoꞌ maáníꞌ jín Ndiosíꞌ maáníꞌ!

Mateo 4:3

Saájee nkenta kui̱ꞌna̱ꞌ kúñáꞌnú ya̱ sikúvi‑i iniꞌ ñɨvɨ, jee nkachiꞌ‑i nu̱u̱nꞌ Jesús: ―Ya̱ kúvi nú Se̱ꞌya Ndiosíꞌ, jee kachiꞌ nu̱u̱nꞌ rá yu̱u̱ꞌ yaꞌá ya̱ nuvi ráa i̱xta̱tíláꞌ kajiꞌ nú ―nkachiꞌ‑i.

Hechos 16:1

Jee suni ña̱ꞌa̱nꞌ Pablo ñuunꞌ Derbe jín Listra. Jee yukuán nneeꞌ ɨɨn te̱e ya̱ níkɨ́nꞌ‑ɨ ñujiínꞌ Jesús, naní Timoteo. Kúvi re̱ꞌ se̱ꞌya yɨ́ɨ́ ɨɨn ñaꞌan ñuunꞌ Israel ya̱ kúneí iniꞌ ña Jesús. Soo tááꞌ re̱ꞌ kúvi te̱e Grecia.

2 Corintios 1:1

Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Nuꞌuꞌ jín ñaniꞌ‑ó Timoteo táji ránꞌ tutuꞌ yaꞌá nu̱u̱nꞌ ránoꞌó, ya̱ kúvi ñɨvɨ Ndiosíꞌ ya̱ jínúꞌ iniꞌ rán Jesús, ya̱ nééꞌ rán ñuunꞌ Corinto, ya̱ kútútú rán yukuán. Jee suni táji ránꞌ maa nu̱u̱nꞌ ntáká rá ñɨvɨ ya̱ nsásɨ́ɨ́n Ndiosíꞌ sáva kɨꞌɨ ráa nu̱u̱nꞌ re̱ꞌ, ya̱ nééꞌ ráa ntáká rá ñuunꞌ sánitɨ́ɨn Acaya.

1 Tesalonicenses 1:1

Nuꞌuꞌ Pablo jín Silvano jín Timoteo, tée ránꞌ nu̱u̱nꞌ tutuꞌ nu̱u̱nꞌ ránoꞌó, ya̱ kúneí iniꞌ rán Cristo, ya̱ nééꞌ rán ñuunꞌ Tesalónica, jee nútútú rán yukuán. Yɨ́ꞌɨ́ rán nu̱u̱nꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ níso re̱ꞌ tiñu Cristo, [ya̱ ñani Ndiosíꞌ re̱ꞌ sáva tatúníꞌ re̱ꞌ nu̱u̱nꞌ nɨꞌɨ]. Na̱ ka̱ꞌ koo ma̱ni̱ꞌ iniꞌ ráa kune̱ꞌyá ráa ránoꞌó jín ya̱ kuneeꞌ va̱ꞌa rán saꞌá ráa.

2 Tesalonicenses 1:1

Nuꞌuꞌ Pablo, jín Silvano jín Timoteo, tée ránꞌ nu̱u̱nꞌ tutuꞌ yaꞌá nu̱u̱nꞌ ránoꞌó, ya̱ kúneí iniꞌ rán Jesús, ya̱ nééꞌ rán ñuunꞌ Tesalónica, jín ya̱ kútútú rán yukuán. Suvirán yɨ́ꞌɨ́ rán nu̱u̱nꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ níso re̱ꞌ tiñu Cristo [ya̱ ñani Ndiosíꞌ sáva tatúníꞌ re̱ꞌ nu̱u̱nꞌ nɨꞌɨ].

1 Timoteo 3:16

Va̱tu̱ꞌ nijia ya̱ kúvi ya̱ naáꞌ, ya̱ mánasɨ́ ví tu̱ꞌun yuꞌuꞌ jie̱ꞌe̱ꞌ ichi na̱a̱ꞌ Ndiosíꞌ, ya̱ sukuán ntañúꞌún nstúvi re̱ꞌ nu̱u̱nꞌ‑ó: Ndiosíꞌ ntu̱vi nu̱u̱nꞌ ñɨ̱vɨ́, jee ni̱yo yɨkɨkúñu re̱ꞌ, chi nkenta kúvi re̱ꞌ ɨɨn te̱e. Nstúvi kájí nijia Ta̱chi̱ꞌ Ííꞌ re̱ꞌ, ya̱ na̱a̱ꞌ ví re̱ꞌ. Ntu̱vi re̱ꞌ nu̱u̱nꞌ rá najiáꞌáꞌ ííꞌ Ndiosíꞌ. Nte̱ku̱tu̱ꞌún jie̱ꞌe̱ꞌ re̱ꞌ nu̱u̱nꞌ rá ñɨvɨ ñɨ̱vɨ́. Ni̱nu̱ꞌ iniꞌ ñɨvɨ ñɨ̱vɨ́ re̱ꞌ. Nnaa re̱ꞌ kua̱noꞌonꞌ re̱ꞌ súkún nu̱u̱nꞌ ñuunꞌ viiꞌ nasɨ́kuitɨꞌ nu̱u̱nꞌ tátúníꞌ Ndiosíꞌ.

1 Pedro 5:12

Ñani‑ó Silvano, ya̱ jíníꞌ ni̱ꞌ ya̱ síkúnkuvi va̱ꞌa re̱ꞌ nɨꞌɨ, jee nchi̱neí re̱ꞌ nuꞌuꞌ tée ni̱ꞌ yakuꞌ ni tu̱ꞌun yaꞌá kua̱jiaaꞌ nu̱u̱nꞌ rán, sáva nasáneí ni̱ꞌ iniꞌ ránoꞌó jee sáva ku̱ꞌva ni̱ꞌ ya̱ nááꞌ ya̱ tu̱ꞌun ntee ni̱ꞌ nu̱u̱nꞌ tutuꞌ yaꞌá káꞌánꞌ jie̱ꞌe̱ꞌ ya̱ váꞌa ya̱ nááꞌ nijia sikútaꞌviꞌ Ndiosíꞌ yó ya̱ íyó mániꞌ iniꞌ re̱ꞌ néꞌyá re̱ꞌ yó. Kuiñɨ kutú rán jín‑i.