2 Corintios 1:15 - Mixteco del suroeste de Tlaxiaco Oaxaca

¹⁵ Kúneí iniꞌ ni̱ꞌ yukuán, saáva nkuna̱a̱ꞌ iniꞌ ni̱ꞌ ya̱ xíꞌnañúꞌún ka̱ꞌ kua̱jiane̱ꞌyá ni̱ꞌ ránoꞌó, sáva kuvi ya̱ váꞌa nu̱u̱nꞌ ránoꞌó ya̱ uvíꞌ íchí.

2 Corintios 1:15 Referans Kwoze

1 Corintios 4:19

Soo ya̱chi̱ꞌ ni kua̱jiaaꞌ néꞌyá ni̱ꞌ ránoꞌó, retú maá I̱toꞌoꞌ‑ó kuíni ya̱ sukuán kuvi, jee kukáꞌnú iniꞌ ni̱ꞌ nsú tu̱ꞌun káꞌánꞌ rá ñɨvɨ téyɨ́ɨ́ vá, chisaꞌ kukáꞌnú iniꞌ ni̱ꞌ retánꞌ sátíñú fuersáꞌ ííꞌ Ndiosíꞌ iniꞌ ráa jee ná kúvi ya̱ kuvi saꞌá ráa.

Romanos 1:11

Chi níyo iniꞌ ni̱ꞌ kune̱ꞌyá ni̱ꞌ ránoꞌó jee xinéꞌénꞌ ni̱ꞌ tu̱ꞌun re̱ꞌ nu̱u̱nꞌ ránoꞌó sáva saꞌá Ta̱chi̱ꞌ Ííꞌ Ndiosíꞌ ka̱ꞌ tiñu váꞌa iniꞌ rán sáva kuiñɨ ni̱ꞌin rán ka̱ꞌ jín re̱ꞌ.

Romanos 15:29

Jee jíníꞌ ni̱ꞌ ya̱ netuꞌ noo kuvi nta̱ká‑ó sáá kenta ni̱ꞌ yukuán kuneeꞌ ni̱ꞌ jín rán nakani ni̱ꞌ tu̱ꞌun váꞌa Cristo.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

1 Corintios 11:34

Jee retú ɨɨn ñɨvɨ ví‑i jee jíso̱ko‑o, jee íyó kajiꞌ‑i xi̱ta̱ꞌ ne̱ veꞌi maáa, sáva ntu sijíta Ndiosíꞌ maáó sáá nútútú‑ó. Jee íyó ka̱ꞌ rá na̱ jie̱ꞌe̱ꞌ tiñu kaꞌanꞌ ni̱ꞌ jín rán, soo koo kí chi retú ki̱vɨ̱ꞌ kanta ni̱ꞌ nu̱u̱nꞌ nééꞌ rán, jee nasaꞌá na̱a̱ꞌ ni̱ꞌ maa.

Mateo 1:19

Soo José, ya̱ káá náꞌviꞌ re̱ꞌ jie̱ꞌe̱ꞌ ña, jee kúvi re̱ꞌ ɨɨn te̱e na̱a̱ꞌ, jee ntu nkuíni re̱ꞌ ku̱ꞌva re̱ꞌ tu̱nkánuun María, saáva nkuna̱a̱ꞌ iniꞌ re̱ꞌ naneꞌen re̱ꞌ tutuꞌ ya̱ xinóo sayo yuꞌuꞌ re̱ꞌ ña.

1 Corintios 16:7

Chi ntu kuíni ni̱ꞌ kua̱chi kua̱jiaaꞌ jínu ni̱ꞌ nu̱u̱nꞌ nééꞌ rán, chi ñúꞌún iniꞌ ni̱ꞌ ya kunee ni̱ꞌ yakuꞌ tiempúꞌ jín ránoꞌó retú maá Ndiosíꞌ kuíni.

2 Corintios 12:14

Tɨɨn kuéntáꞌ rán, ya̱ íyó tu̱ꞌva ni̱ꞌ ya̱ kua̱jiane̱ꞌyá ni̱ꞌ ránoꞌó ya̱ uníꞌ íchí. Jee nkuvi ni̱ꞌ tiñu véi nu̱u̱nꞌ ránoꞌó, chi ntu núkú ni̱ꞌ rá nantíñú rán, chisaꞌ núkú ni̱ꞌ ránoꞌó kɨꞌɨ rán nu̱u̱nꞌ Cristo. Chi ránoꞌó kúvi rán kuéntáꞌ se̱ꞌya ni̱ꞌ nu̱u̱nꞌ Ndiosíꞌ, jee nsáꞌ íyó stútú rá se̱ꞌya ya̱ koto ráa rá tátáꞌ ráa, chisaꞌ rá tátáꞌ íyó stútú ráa ya̱ koto ráa rá se̱ꞌya ráa.