2 Corintios 1:11 - Mixteco del suroeste de Tlaxiaco Oaxaca

¹¹ sáá chíneí táꞌán ránú ránuꞌuꞌ ya̱ jíkánꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ ránuꞌuꞌ. Jee suni koo kue̱ꞌe̱ꞌ ñɨvɨ ku̱ꞌva ráa ya̱ kútaꞌviꞌ nu̱u̱nꞌ Ndiosíꞌ jie̱ꞌe̱ꞌ ta̱ꞌvi̱ꞌ sikútaꞌviꞌ re̱ꞌ nu̱u̱nꞌ ránuꞌuꞌ ya̱ nama re̱ꞌ ránuꞌuꞌ jie̱ꞌe̱ꞌ jíkánꞌ táꞌvíꞌ kue̱ꞌe̱ꞌ ñɨvɨ jie̱ꞌe̱ꞌ ránuꞌuꞌ.

2 Corintios 1:11 Referans Kwoze

Filipenses 1:19

chi jíníꞌ ni̱ꞌ, ya̱ jie̱ꞌe̱ꞌ nta̱ká tiñu yaꞌá kene va̱ꞌa jín nuꞌuꞌ, jie̱ꞌe̱ꞌ ya̱ káꞌánꞌ rán jín Ndiosíꞌ jie̱ꞌe̱ꞌ ni̱ꞌ, jín jie̱ꞌe̱ꞌ ya̱ chíneí chítuvi Ta̱chi̱ꞌ Ííꞌ Jesús ya̱ kúvi Cristo nuꞌuꞌ.

2 Corintios 4:15

Saáva nɨꞌɨ yaꞌá kúvi ya̱ váꞌa nu̱u̱nꞌ ránoꞌó. Jín sáva kukueꞌeꞌ ka̱ꞌ ñɨvɨ ni̱ꞌi̱nꞌ ya̱ ma̱ni̱ꞌ iniꞌ Ndiosíꞌ jín ráa. Saájee sáva kukueꞌeꞌ nasɨ́kuitɨꞌ ka̱ꞌ rá ñɨvɨ ku̱ꞌva ráa ya̱ kútaꞌviꞌ ráa nu̱u̱nꞌ Ndiosíꞌ, sáva stúvi‑ó ya̱ viiꞌ nasɨ́kuitɨꞌ kúñáꞌnú Ndiosíꞌ.

Hechos 12:5

Saájee nku̱mí ráa Pedro iniꞌ veka̱a, soo rá ñɨvɨ ya̱ kúneí iniꞌ ráa Jesús, ñúꞌún káñá iniꞌ ráa jíkánꞌ táꞌvíꞌ ráa nu̱u̱nꞌ Ndiosíꞌ jie̱ꞌe̱ꞌ re̱ꞌ.

Colosenses 4:3

Jee suni ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ ránuꞌuꞌ, sáva kune re̱ꞌ ichi sáva stekútu̱ꞌún ránꞌ tu̱ꞌun váꞌa jie̱ꞌe̱ꞌ Cristo, ya̱ nyɨse̱ꞌí‑i tiempúꞌ ya̱ta̱ꞌ. Jee jie̱ꞌe̱ꞌ nste̱kútu̱ꞌún ni̱ꞌ maa yɨ́ꞌɨ́ ni̱ꞌ veka̱a.

Hebreos 13:18

Ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ ránuꞌuꞌ. Chi jíníꞌ va̱ꞌa ráníꞌ ya̱ ntu̱náꞌ ñúꞌún kua̱chi iniꞌ ránꞌ jín ya̱ kuíni ránꞌ ya̱ saꞌá na̱a̱ꞌ va̱ꞌa ránꞌ ntáká nu̱u̱nꞌ ntáká tiñu.

Filemón 1:22

Jee suni métú tiempúꞌ saꞌá túꞌva nú nu̱u̱nꞌ kuneeꞌ ni̱ꞌ, chi íyó tu̱neí iniꞌ ni̱ꞌ jee nétu ni̱ꞌ ya̱ naxiníkó Ndiosíꞌ tu̱ꞌun jíkánꞌ táꞌvíꞌ rán jee saꞌá re̱ꞌ ya̱ kua̱jiane̱ꞌyá ni̱ꞌ ránoꞌó.

2 Tesalonicenses 3:1

Jee íyó inka tu̱ꞌun kachiꞌ ráníꞌ nu̱u̱nꞌ ránoꞌó, ñanitáꞌán, ya̱ ka̱ka̱nꞌ táꞌvíꞌ ránú nu̱u̱nꞌ Ndiosíꞌ jie̱ꞌe̱ꞌ ránuꞌuꞌ. Sáva kutenuun ya̱chi̱ꞌ tu̱ꞌun jie̱ꞌe̱ꞌ I̱toꞌoꞌ‑ó, jee sáva koo ñáꞌnú tu̱ꞌun vá nu̱u̱nꞌ rá ñɨvɨ, sáni nkuvi nteñu ránoꞌó.

1 Tesalonicenses 5:25

Ránoꞌó rá ñanitáꞌán, suni ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ ránuꞌuꞌ.

2 Corintios 9:14

Jee suni ka̱ka̱nꞌ táꞌvíꞌ ráa nu̱u̱nꞌ Ndiosíꞌ jie̱ꞌe̱ꞌ ránoꞌó, chi ñúꞌún ñunkúún iniꞌ ráa néꞌyá ráa ránoꞌó, jie̱ꞌe̱ꞌ ya̱ ntántúníꞌ íyó mániꞌ nasɨ́kuitɨꞌ iniꞌ Ndiosíꞌ néꞌyá re̱ꞌ ránoꞌó, ya̱ sátíñú re̱ꞌ iniꞌ rán.