1 Timoteo 6:2 - Mixteco del suroeste de Tlaxiaco Oaxaca

² Jee rá musúꞌ, ya̱ íyó i̱toꞌoꞌ ráa, ya̱ ínúꞌ iniꞌ rává Cristo, ntu̱ví íyó núun ka̱ꞌ sáꞌá ñáꞌnú ráa nu̱u̱nꞌ i̱toꞌoꞌ ráa, jie̱ꞌe̱ꞌ ya̱ ñaniꞌ ráa ví rává. Soo íyó saꞌá va̱ꞌa ráa ka̱ꞌ tiñu, chi i̱toꞌoꞌ ráa ya̱ ni̱ꞌi̱nꞌ tiñu váꞌa vá, kúvi ñɨvɨ ínúꞌ iniꞌ rává Cristo, jee Ndiosíꞌ jín rá musúꞌ ñúnúunꞌ ráa rává. Xinéꞌénꞌ nú jee xiníꞌvɨ́ꞌ nú iniꞌ ñɨvɨ tu̱ꞌun yaꞌá.

1 Timoteo 6:2 Referans Kwoze

Colosenses 4:1

Jee ránoꞌó rá i̱toꞌoꞌ xí tiñu ya̱ náka rán musúꞌ, saꞌá na̱a̱ꞌ rán jín rá musúꞌ rán, jee saꞌá va̱ꞌa rán jín ráa sánikua̱ꞌ íyó ni̱ꞌi̱nꞌ ráa, chi jíníꞌ rán ya̱ suni íyó I̱toꞌoꞌ rán ya̱ nééꞌ ñuunꞌ íyó súkún.

1 Timoteo 4:11

Tatúníꞌ jee xinéꞌénꞌ rá tu̱ꞌun yaꞌá.

Judas 1:8

Jee suni sukuán rá ñɨvɨ túꞌún ya nki̱vɨ ráa nteñu ránoꞌó, jee káchíꞌ ráa ya̱ níꞌínꞌ ráa Tu̱ꞌun Ndiosíꞌ nu̱u̱nꞌ ñuma̱ꞌná, jee sáꞌá ráa tiñu téní sɨ̱ɨ̱ꞌ iniꞌ ya̱ ntu íyó ninuꞌun yɨkɨkúñu ráa. Jee suni jíníichiꞌ ráa rá nísotíñú, jee ténúunꞌ ráa si̱kɨ̱ꞌ rá najiáꞌáꞌ ííꞌ kúñáꞌnú.

2 Pedro 2:10

Jee víꞌí ka̱ꞌ xinóꞌo re̱ꞌ rá ñɨvɨ ya̱ núkú ráa sáꞌá ráa tiñu téní sɨ̱ɨ̱ꞌ iniꞌ ya̱ níyo néꞌén iniꞌ ráa ya̱ ntu íyó ninuꞌun iniꞌ ráa, jee kúíchi iniꞌ ráa ya̱ ni ɨɨn nkúvi tátúníꞌ‑i nu̱u̱nꞌ ráa. Jee ni̱ꞌin víꞌí iniꞌ ráa, jee chúneí iniꞌ ráa saꞌá ráa rá tiñu kuíni iniꞌ maáráa, jee ni ntu yúꞌví ráa tenu̱u̱nꞌ ráa si̱kɨ̱ꞌ rá kúñáꞌnú.

1 Pedro 5:1

Vitan jee nákutíñú ni̱ꞌin ni̱ꞌ nu̱u̱nꞌ rá te̱e kúñáꞌnú nu̱u̱nꞌ ránoꞌó ya̱ yɨ́ꞌɨ́ xi̱ntíín Cristo, chi nuꞌuꞌ jee suni te̱e kúñáꞌnú kúvi ni̱ꞌ jín ráa nu̱u̱nꞌ rá ñɨvɨ yɨ́ꞌɨ́ xi̱ntíín Cristo, jee kúvi ni̱ꞌ ɨɨn te̱e ya̱ jiáꞌa ni̱ꞌ ya̱ nááꞌ ya̱ ya niniꞌ jínúunꞌ ni̱ꞌ rá tu̱nóꞌó nnoꞌo Cristo. Jee suni ni̱ꞌi̱nꞌ ni̱ꞌ kuñáꞌnú ni̱ꞌ kuéntáꞌ maáréꞌ sáá nenta nijinꞌ re̱ꞌ jín tiñu níso re̱ꞌ.

Hebreos 3:14

Chi ni̱yo tu̱neí iniꞌ‑ó ne̱ tiempúꞌ xíꞌnañúꞌún ya̱ káchíꞌ tu̱ꞌun na̱a̱ꞌ. Jee retú koo kutú tu̱neí iniꞌ‑ó sukuán ne̱kua̱ꞌ kenta nu̱u̱nꞌ nɨ́ꞌɨ tékúꞌ‑ó, jee sukuán kenta‑ó kuneeꞌ nkáꞌnú‑ó jín Cristo.

Hebreos 3:1

Jee saáva, ránoꞌó ñanitáꞌán, ya̱ nsa̱ꞌá sɨ́ɨ́n Ndiosíꞌ ránoꞌó sáva kɨꞌɨ rán nu̱u̱nꞌ re̱ꞌ, jín ya̱ jíꞌín rán nkana re̱ꞌ ránoꞌó ne̱ súkún nu̱u̱nꞌ nééꞌ re̱ꞌ, jee saáva íyó tɨɨn kuéntáꞌ va̱ꞌa rán jie̱ꞌe̱ꞌ [Cristo] Jesús ya̱ níso re̱ꞌ tiñu apóstol ya̱ nchu̱ichí Ndiosíꞌ ntaji re̱ꞌ Tu̱ꞌun Ndiosíꞌ nu̱u̱nꞌ‑ó, jee suni kúvi re̱ꞌ su̱tu̱ꞌ kúñáꞌnú nu̱u̱nꞌ‑ó, jie̱ꞌe̱ꞌ tu̱ꞌun re̱ꞌ ya̱ jiáꞌayuꞌú‑ó ya̱ kúneí iniꞌ‑ó re̱ꞌ.

Tito 3:8

Tu̱ꞌun yaꞌá ví máá na̱a̱ꞌ nijia. Jee kuíni ni̱ꞌ, ya̱ íchí sanáaꞌ ni̱ꞌin nú rá tu̱ꞌun yaꞌá nu̱u̱nꞌ rá ñɨvɨ kúneí iniꞌ ráa Ndiosíꞌ, sáva kɨtíñú ráa saꞌá ráa rá tiñu váꞌa. Jee ya̱ váꞌa víꞌí ví rá tu̱ꞌun yaꞌá, jee íyótiñu‑u nu̱u̱nꞌ rá ñɨvɨ.

Tito 2:15

Rá tu̱ꞌun yaꞌá vá xinéꞌénꞌ nú. Kaꞌanꞌ ni̱ꞌin nú jín nɨꞌɨ tiñu níso nú, sáva xiníꞌvɨ́ꞌ nú iniꞌ rá ñɨvɨ, jee nuxeenꞌ nú nu̱u̱nꞌ ñɨvɨ ya̱ sáꞌá niva̱ꞌa. Koto jiáꞌnu niva̱ꞌa nú, sáva ni ɨɨn ñɨvɨ nku̱níichiꞌ ráa noꞌó.

Tito 2:1

Soo noꞌó, kachiꞌ nú tu̱ꞌun ya̱ íyó sánikua̱ꞌ kúvi tu̱ꞌun na̱a̱ꞌ váꞌa xínéꞌénꞌ‑ó.

1 Timoteo 5:1

Koto kúxeenꞌ nú nu̱u̱nꞌ ɨɨn te̱e ñáꞌnú, soo nakutíñú nú nu̱u̱nꞌ re̱ꞌ kuéntáꞌ káꞌánꞌ nú jín tátáꞌ nú. Jee nakutíñú va̱ꞌa nú nu̱u̱nꞌ rá te̱e súchí ka̱ꞌ, kuéntáꞌ kúvi ráa rá ñaniꞌ nú,

2 Tesalonicenses 1:3

Sukuáni íyó ku̱ꞌva ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ jie̱ꞌe̱ꞌ ránoꞌó, ñaniꞌ jín ku̱ꞌva. Íyó va̱ꞌa sáꞌá ránꞌ suꞌva, chi jiáꞌnu víꞌí ka̱ꞌ ya̱ kúneí iniꞌ rán Jesús, jee kúkueꞌeꞌ ka̱ꞌ ñúnúunꞌ nɨꞌɨ rán ɨɨn inka ñanitáꞌán rán.

Colosenses 1:4

Chi nteso̱ꞌo ránꞌ tu̱ꞌun jie̱ꞌe̱ꞌ ya̱ kúneí iniꞌ rán Cristo Jesús, jín jie̱ꞌe̱ꞌ ya̱ ñúnúunꞌ rán nta̱ká rá ñɨvɨ ya̱ nsa̱ꞌá sɨ́ɨ́n Ndiosíꞌ ráa sáva kɨꞌɨ ráa nu̱u̱nꞌ Cristo Jesús.

Colosenses 1:2

tájí ránꞌ tutuꞌ yaꞌá kua̱jiaaꞌ nu̱u̱nꞌ ránoꞌó ñaniꞌ, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨꞌɨ rán nu̱u̱nꞌ Cristo Jesús, ya̱ nééꞌ rán ñuunꞌ Colosas, ya̱ kúvi rán ñaniꞌ‑ó ya̱ síkúnkuvi na̱a̱ꞌ rán nu̱u̱nꞌ re̱ꞌ. Na̱ ka̱ꞌ koo ma̱ni̱ꞌ iniꞌ Tátáꞌ‑ó Ndiosíꞌ [jín I̱toꞌoꞌ‑ó Jesús ya̱ kúvi Cristo] kune̱ꞌyá ráa ránoꞌó, jín ya̱ kuneeꞌ va̱ꞌa rán saꞌá ráa.

Efesios 3:6

Jee tu̱ꞌun ya̱ níyo yuꞌuꞌ iniꞌ re̱ꞌ jee nstúvi re̱ꞌ maa vitan ví yaꞌá: Tu̱ꞌun váꞌa jie̱ꞌe̱ꞌ Cristo sáꞌá ya̱ ñɨvɨ rá inka nación, ya̱ ntu kúvi ñɨvɨ Israel, ɨɨn nuún ni ta̱ꞌvi̱ꞌ ni̱ꞌi̱nꞌ ráa jín rá ñɨvɨ Israel, jee ɨɨn ni nnuvi ráa kuéntáꞌ ɨɨn yɨkɨkúñu, jee ɨɨn nuún ni ni̱ꞌi̱nꞌ ráa ya̱ nchi̱sóyuꞌú re̱ꞌ, jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús.

Efesios 1:15

Saáva, sáá nteso̱ꞌo ni̱ꞌ tu̱ꞌun jie̱ꞌe̱ꞌ rán, jie̱ꞌe̱ꞌ ya̱ kúneí iniꞌ rán I̱toꞌoꞌ‑ó Jesús, jín jie̱ꞌe̱ꞌ ya̱ ñúnúunꞌ rán ntáká rá ñɨvɨ ya̱ nsa̱ꞌá sɨ́ɨ́n Ndiosíꞌ ráa, sáva kɨꞌɨ ráa nu̱u̱nꞌ Cristo,

Efesios 1:1

Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Tée ni̱ꞌ tutuꞌ yaꞌá nu̱u̱nꞌ ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨtíñú rán nu̱u̱nꞌ Cristo, ya̱ nééꞌ rán ñuunꞌ Éfeso. Suvirán níkɨ́nꞌ va̱ꞌa jiáꞌnu na̱a̱ꞌ rán nu̱u̱nꞌ Cristo Jesús, ya̱ ñani Ndiosíꞌ re̱ꞌ sáva tatúníꞌ re̱ꞌ ñɨ̱vɨ́.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Romanos 11:17

Jee rá ñɨvɨ Israel kúvi ráa kuéntáꞌ naꞌá yutun olivo stíláꞌ. Jee retú nku̱ichi iniꞌ Ndiosíꞌ sava ráa kuéntáꞌ náneeꞌ re̱ꞌ naꞌá yutun vá, jee noꞌó ya̱ ntu kúvi ñɨvɨ Israel, ya̱ kúvi nú kuéntáꞌ naꞌá yutun olivo yúkú, jee retú nna̱tetáꞌán Ndiosíꞌ noꞌó nu̱u̱nꞌ yutun stíláꞌ vá nakuneeꞌ nú nu̱u̱nꞌ nna̱neeꞌ re̱ꞌ ráa, jee nkenta níꞌínꞌ nú ya̱ váꞌa kuéntáꞌ va̱ji ne̱ nu̱u̱nꞌ yoꞌo sáví yutun olivo stíláꞌ vá.

Romanos 8:29

Chi rá ñɨvɨ vá ya̱ jíníꞌ ya̱chi̱ꞌ re̱ꞌ nka̱ji ya̱chi̱ꞌ re̱ꞌ nékúvi, jee sunisaá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ kuneen ráa iniꞌ Se̱ꞌya re̱ꞌ, sáva kuvi‑i Se̱ꞌya ñáꞌnú ya̱ kosoꞌ‑o nu̱u̱nꞌ kue̱ꞌe̱ꞌ ñaniꞌ‑i jín ku̱ꞌva‑a.

Mateo 25:40

’Jee nuꞌuꞌ ya̱ kúvi ya̱ tátúníꞌ nu̱u̱nꞌ nɨꞌɨ naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán ya̱, mákua sukuán nsa̱ꞌá rán jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee nu̱u̱nꞌ nuꞌuꞌ nsa̱ꞌá rán maa”, kachiꞌ ni̱ꞌ.

Mateo 23:8

’Soo ránoꞌó, koto jiáꞌa rán ya̱ kaꞌanꞌ rá ñɨvɨ mestrúꞌ kúñáꞌnú ránoꞌó. Chi métúꞌún ni mestrúꞌ kúñáꞌnú rán íyó, ya̱ kúvi Cristo, jee ntáká ránoꞌó chi ɨɨn ni kúvi rán ya̱ kúvi rán ñaniꞌ jín ku̱ꞌva.

Mateo 6:24

’Ni ɨɨn ñɨvɨ ntu kúvi kɨtíñú‑u nu̱u̱nꞌ u̱vi̱ꞌ i̱toꞌoꞌ xí tiñu, chi taꞌvi iniꞌ‑i kune̱ꞌyá‑a ɨɨn, jee kunu̱u̱nꞌ‑u inka, áxí, kɨtíñú‑u nu̱u̱nꞌ ɨɨn, jee kuniichiꞌ‑i inka. Jee saáva ntu kúvi kɨtíñú rán nu̱u̱nꞌ Ndiosíꞌ jín suni nu̱u̱nꞌ xu̱ꞌún.

Hechos 1:15

Rá ki̱vɨ̱ꞌ yukuán, nku̱tútú yatin sientúꞌ o̱ko̱ꞌ (120) ñɨvɨ yukuán. Jee nnakui̱ñɨ̱ꞌ nichiꞌ Pedro nteñu rá ñanitáꞌán vá, jee nkachiꞌ‑i nu̱u̱nꞌ ráa: