1 Timoteo 6:10 - Mixteco del suroeste de Tlaxiaco Oaxaca

¹⁰ Yoꞌo nta̱ká [nu̱u̱nꞌ] ya̱ níváꞌa ví ya̱ ñúnúunꞌ xu̱ꞌún. Jee sava ñɨvɨ, ya̱ kuíni víꞌí ráa maa, nxi̱nóo ráa ichi Cristo ya̱ kúneí iniꞌ‑ó. Jee suꞌva nkenta xinóꞌo víꞌí ráa maáráa.

1 Timoteo 6:10 Referans Kwoze

1 Timoteo 6:9

Soo rá ñɨvɨ ñúꞌún iniꞌ, ya̱ kukúká ráa, jee kininkava ráa nu̱u̱nꞌ ya̱ níyo kánéꞌén iniꞌ ráa, jín nu̱u̱nꞌ ya̱ níyo naanꞌ iniꞌ ráa, ya̱ kúvi máñáꞌ maáráa, ya̱ saꞌá kini ráa maáráa. Jee kininkava ráa nu̱u̱nꞌ ti̱vɨ́ ráa, jee sikɨ́naanꞌ ráa maáráa, ya̱ koo sɨ́ɨ́n ráa nu̱u̱nꞌ Ndiosíꞌ nɨ́ɨ́nkání.

Tito 1:11

Íyó kasɨꞌ‑ó yuꞌú rá ñɨvɨ ya̱ sáꞌá suꞌva, chi stívɨ́ ráa nɨꞌɨ ñɨvɨ sava rá veꞌi. Chi xínéꞌénꞌ ráa tu̱ꞌun ya̱ ntu íyó xinéꞌénꞌ ráa, sáva ni̱ꞌi̱nꞌ ráa xu̱ꞌún, ya̱ nsáꞌ ninuꞌun níꞌínꞌ ráa maa.

Judas 1:11

Na̱ ka̱ꞌ xe̱e̱nꞌ kunoꞌo ráa ka̱ꞌ, chi chínikɨnꞌ ráa ichi ñujiínꞌ sánikua̱ꞌ nsa̱ꞌá Caín yanaꞌán. Jee ñúꞌún káñá iniꞌ ráa chínikɨnꞌ ráa ichi ñujiínꞌ xínáꞌví sánikua̱ꞌ nsa̱ꞌá Balaam yanaꞌán chi xínéꞌénꞌ ráa tu̱ntúꞌún sáva ni̱ꞌi̱nꞌ ráa xu̱ꞌún. Jee kɨ̱naanꞌ ráa sánikua̱ꞌ nnoꞌo Coré jín rá táꞌán re̱ꞌ yanaꞌán, chi ni̱ꞌi̱ꞌ ráa jie̱ꞌe̱ꞌ ya̱ nkuni̱ꞌin iniꞌ ráa nu̱u̱nꞌ Tu̱ꞌun Ndiosíꞌ ya̱ njiáꞌa re̱ꞌ nu̱u̱nꞌ Moisés.

2 Timoteo 4:10

Chi Demas nxi̱nóo nuꞌuꞌ, chi ñúnúunꞌ re̱ꞌ ka̱ꞌ rá íyó ñɨ̱vɨ́ yaꞌá, jee kua̱ꞌa̱nꞌ re̱ꞌ ne̱ ñuunꞌ Tesalónica. Jee Crescente kua̱ꞌa̱nꞌ ñuunꞌ Galacia. Jee Tito kua̱ꞌa̱nꞌ ñuunꞌ Dalmacia.

1 Timoteo 3:3

Íyó kuvi re̱ꞌ ɨɨn te̱e ya̱ ntu jíꞌi víꞌí nixiꞌ jee ntu jíni‑i, jín ya̱ ntu núkú‑u tuntíxín, jín ya̱ ntu ñúnúunꞌ re̱ꞌ xu̱ꞌún ya̱ nsáꞌ níꞌínꞌ ninuꞌun, chisaꞌ koo másúꞌ iniꞌ re̱ꞌ, jín ya̱ ntu kántátúꞌun re̱ꞌ, jín ya̱ ntu nóꞌónꞌ ka̱ꞌ iniꞌ re̱ꞌ xu̱ꞌún.

Mateo 23:13

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo!, ¡te̱e sansuꞌva kúvi rán! Chi jiásɨ́ꞌ rán ya̱ ki̱vɨ rá ñɨvɨ xi̱ntíín Ndiosíꞌ ya̱ nééꞌ antivɨ́ súkún tatúníꞌ re̱ꞌ nu̱u̱nꞌ ráa, chi ránoꞌó jee ni ntu kívɨ rán xi̱ntíín re̱ꞌ, jee ni ntu jiáꞌa rán ya̱ ki̱vɨ rá inka ka̱ꞌ ñɨvɨ.

Santiago 5:19

Ránoꞌó ñaniꞌ ni̱ꞌ jín ku̱ꞌva ni̱ꞌ, retú néni ɨɨn rán ya̱ nnu̱sɨ́ɨ́n nu̱u̱nꞌ ya̱ naáꞌ, jee retú inka rán nachuꞌun tuku ichi na̱a̱ꞌ maa,

1 Timoteo 6:21

Íyó sava ñɨvɨ jiáꞌayuꞌú ráa nu̱u̱nꞌ rá tu̱ꞌun vá, jee nku̱sɨ́ɨ́n ráa nu̱u̱nꞌ ichi Cristo, ya̱ kúneí iniꞌ‑ó. Na̱ ka̱ꞌ koo ma̱ni̱ꞌ iniꞌ Ndiosíꞌ ka̱ꞌ jín ránoꞌó.

Génesis 29:26

Jee Labán nna̱xiníkó: ―Ñuunꞌ ránꞌ yaꞌá jee ntu̱ví íyó ñujiínꞌ ránꞌ ya̱ ku̱ꞌva ránꞌ se̱ꞌya sɨ́ꞌɨ́ súchí ránꞌ ka̱ꞌ tana̱ꞌá ña xíꞌna ka̱ꞌ nsú káꞌ se̱ꞌya sɨ́ꞌɨ́ ránꞌ ya̱ nkaku xíꞌnañúꞌún ka̱ꞌ.

Apoclipsis 18:13

jín canela, jín especia ya̱ sáꞌá nu̱ꞌú neyu, jín su̱jie ííꞌ, jín su̱jie u̱va̱ꞌ jiáꞌánꞌ vi̱xi̱ꞌ naní mirra, jín aceite jiáꞌánꞌ vi̱xi̱ꞌ, jín nixiꞌ vinúꞌ uva, jín aceite, jín yuchi trigúꞌ, jín nikɨn trigúꞌ, jín rá xi̱ni̱kɨ̱ꞌ, jín rá lanchi, jín rá kitɨ, jín rá karretáꞌ, jín rá musúꞌ ya̱ sátíñú saɨn ya̱ nkuya̱ꞌvi.

Génesis 38:16

Saájee nku̱sɨ́ɨ́n re̱ꞌ yuíchí sáva kikuyatin re̱ꞌ nu̱u̱nꞌ ña, jee nkachiꞌ re̱ꞌ nu̱u̱nꞌ ña: ―¿Taji nú maánú nune̱ꞌén ni̱ꞌ jín noꞌó? ―nkachiꞌ re̱ꞌ nu̱u̱nꞌ ña soo ni nsáꞌ jíníꞌ re̱ꞌ ya̱ sia̱nú re̱ꞌ ví ña. Jee nna̱xiníkó ña nu̱u̱nꞌ re̱ꞌ: ―¿Ná kúvi ya̱ taji nú jie̱ꞌe̱ꞌ ya̱ kava ni̱ꞌ jín nú? ―nkachiꞌ ña nu̱u̱nꞌ re̱ꞌ.

Génesis 29:14

Jee nkachiꞌ Labán nu̱u̱nꞌ Jacob: “Máá nááꞌ nijia ya̱ maánú kúvi se̱ꞌya ni̱ñɨ̱ꞌ veꞌi maáníꞌ”, nkachiꞌ Labán. Saájee nkino̱o Jacob ɨɨn yo̱o̱ꞌ nneeꞌ re̱ꞌ jín Labán.

Mateo 6:19

’Koto na̱ nantíñú síkuéꞌnu rán chuva̱ꞌa rán maa ya̱ sakúká rán maárán iniꞌ ñɨ̱vɨ́ yaꞌá, nu̱u̱nꞌ stívɨ́ ti̱kixinꞌ jín su̱jieyóó maa jee náánꞌ‑a, jín nu̱u̱nꞌ kívɨ rá kui̱ꞌná sákuíꞌná ráa maa.

Mateo 13:22

Jee nikɨn ña̱kava‑a nteñu rá yu̱ku̱ꞌ iñu sáá nxi̱náváꞌ te̱e vá maa, suvi‑i kúvi ñɨvɨ ya̱ tésóꞌo ráa Tu̱ꞌun Ndiosíꞌ, soo nániꞌvɨꞌ víꞌí ka̱ꞌ iniꞌ‑i jie̱ꞌe̱ꞌ kue̱ꞌe̱ꞌ tiñu íyó iniꞌ ñɨ̱vɨ́ yaꞌá jee kuíni‑i kukúká‑a, jee yaꞌá xínáꞌví‑i ñɨvɨ vá, jee sátéꞌéꞌ‑e vá nu̱u̱nꞌ Tu̱ꞌun Ndiosíꞌ, jee saáva ntu jiáꞌnu ñɨvɨ vá ntu jíjia‑a jín Tu̱ꞌun Ndiosíꞌ, kuéntáꞌ ntu kénta ku̱ꞌva nikɨn tataꞌ.

Marcos 4:19

soo nániꞌvɨꞌ víꞌí iniꞌ ráa jie̱ꞌe̱ꞌ kue̱ꞌe̱ꞌ tiñu íyó iniꞌ ñɨ̱vɨ́ yaꞌá. Jee kuíni ráa kukúká ráa jee yaꞌá xínáꞌví‑i ñɨvɨ vá, jee kuíni víꞌí ráa inka nantíñú. Jee nɨꞌɨ yaꞌá ya̱ ñúꞌún kúvi iniꞌ ráa jee sátéꞌéꞌ yaꞌá Tu̱ꞌun Ndiosíꞌ, jee ntu jiáꞌnu ráa ntu jíjia ráa jín Tu̱ꞌun Ndiosíꞌ, kuéntáꞌ ntu kénta ku̱ꞌva nikɨn tataꞌ.

Colosenses 3:5

Saáva xinóo rán ya̱ níyo iniꞌ rá ñɨvɨ ñɨ̱vɨ́ yaꞌá sáꞌá ráa, ya̱ ntu yɨ́ꞌɨ́ ráa xi̱ntíín Ndiosíꞌ, kuéntáꞌ ñaꞌniꞌ rán ya̱ níyo néꞌén iniꞌ rán, ya̱ íyó suꞌva: koto kúsíkɨ́ iniꞌ rán, koto sáꞌá néꞌí rán, koto ñúꞌún téní iniꞌ rán, koto níyo néꞌén iniꞌ rán, koto sáꞌá úꞌvi iniꞌ rán, ya̱ nuún kúvi‑i jín ya̱ néñu̱ꞌun rán nantíñú ya̱ nsú Ndiosíꞌ ví‑i.

2 Timoteo 3:2

Chi koo ya̱ kunu̱u̱nꞌ rá ñɨvɨ maáráa ni, jín ya̱ kunu̱u̱nꞌ ráa xu̱ꞌún, jín ya̱ kaꞌanꞌ téyɨ́ɨ́ ráa, jín ya̱ kani vi̱xi̱ꞌ iniꞌ ráa, jín ya̱ tenu̱u̱nꞌ ráa si̱kɨ̱ꞌ ñɨvɨ jín si̱kɨ̱ꞌ Ndiosíꞌ, jín ya̱ kujiááꞌ iniꞌ ráa nu̱u̱nꞌ tátáꞌ ráa jín nu̱u̱nꞌ nánáꞌ ráa, jín ya̱ ni nsáꞌ koo ya̱ kútaꞌviꞌ nu̱u̱nꞌ ráa, jín ya̱ ni nkóo ya̱ ñáꞌnú nu̱u̱nꞌ ráa nu̱u̱nꞌ Ndiosíꞌ,

Génesis 34:27

Jee suni nkenta rá inka ka̱ꞌ rá se̱ꞌya yɨ́ɨ́ Jacob, jee njia̱ꞌa ráa nu̱u̱nꞌ káá rá ñunéꞌyúꞌ níꞌiꞌ jee ntavaꞌ ráa nɨꞌɨ rá nantíñú íyó iniꞌ ñuunꞌ vá nu̱u̱nꞌ ntɨɨn xe̱e̱nꞌ ku̱ꞌva ráa Dina.