1 Timoteo 6:1 - Mixteco del suroeste de Tlaxiaco Oaxaca

¹ Nta̱ká ñɨvɨ ya̱ kúvi musúꞌ, ya̱ yɨ́ꞌɨ́ naꞌá ɨɨn i̱toꞌoꞌ, íyó ku̱ꞌvayuꞌú ráa ya̱ íyó saꞌá ñáꞌnú ráa nu̱u̱nꞌ i̱toꞌoꞌ ráa, sáva nkákuíyuꞌú ñɨvɨ kune̱ꞌyá ráa Ndiosíꞌ jín tu̱ꞌun re̱ꞌ ya̱ xínéꞌénꞌ‑ó.

1 Timoteo 6:1 Referans Kwoze

Tito 2:5

jín ya̱ kuꞌun kájí iniꞌ ráa, jín ya̱ koo ninuꞌun ráa, jín ya̱ kuneen kuéntáꞌ ráa veꞌi ráa, jín ya̱ koo ñunkúún iniꞌ ráa, jín ya̱ kɨꞌɨ ráa chi̱ji naꞌá yɨɨ́ ráa, sáva nkákuíyuꞌú inka ñɨvɨ jie̱ꞌe̱ꞌ Tu̱ꞌun Ndiosíꞌ.

Romanos 2:24

Chi suꞌva vá níso nu̱u̱nꞌ Tutuꞌ nééꞌ Tu̱ꞌun Ndiosíꞌ: “Rá ñɨvɨ rá inka nación ya̱ ntu kúvi Israel káꞌánꞌ kuáá ráa si̱kɨ̱ꞌ Ndiosíꞌ jie̱ꞌe̱ꞌ ránoꞌó.”

1 Pedro 3:16

Soo másúꞌ koo iniꞌ rán naxiníkó rán nu̱u̱nꞌ ráa, jee kaꞌanꞌ yɨ́ñúꞌún rán jín ráa, jee kueꞌnu na̱a̱ꞌ rán ya̱ jíníꞌ rán ya̱ ntu íyó si̱kɨ̱ꞌ rán, sáva sáá káꞌánꞌ niva̱ꞌa ráa si̱kɨ̱ꞌ rán kukanuun ráa jie̱ꞌe̱ꞌ tu̱ꞌun niváꞌa ya̱ káꞌánꞌ ráa jie̱ꞌe̱ꞌ va̱ꞌa jiáꞌnu rán jie̱ꞌe̱ꞌ yɨ́ꞌɨ́ rán nu̱u̱nꞌ Cristo.

1 Pedro 2:12

Jee kueꞌnu va̱ꞌa rán nteñu rá ñɨvɨ ya̱ ntu jíníꞌ ráa Tu̱ꞌun Ndiosíꞌ, sáva súka̱ꞌ káꞌánꞌ rá ñɨvɨ si̱kɨ̱ꞌ rán kuéntáꞌ kua̱ꞌ sáꞌá rán tiñu níváꞌa, soo kuniꞌ rá ñɨvɨ vá rá tiñu váꞌa sáꞌá rán, jee nakuetúꞌún ráa Ndiosíꞌ ki̱vɨ̱ꞌ niji tuku Cristo sanáaꞌ re̱ꞌ sáni ya̱ nááꞌ.

Gálatas 5:1

Nna̱kani núne Cristo yó, sáva kuiñɨ núne yó. Saáva kuiñɨ ni̱ꞌin núne rán nu̱u̱nꞌ tu̱ꞌun ley vá ya̱ nta̱túníꞌ Ndiosíꞌ. Jee koto kíninkava tuku rán xi̱ntíín tu̱ꞌun vá ya̱ kuvi tuku rán musúꞌ sátíñú saɨn.

Hechos 15:10

Saájee, ¿na̱kui chi kénta rán si̱kɨ̱ꞌ ya̱ sáꞌá Ndiosíꞌ, sáva síkítɨ́ꞌ rán iniꞌ re̱ꞌ? Chi jiáꞌa rán ɨɨn tiñu véi nasɨ́kuitɨꞌ nu̱u̱nꞌ rá ñɨvɨ níkɨ́nꞌ ñujiínꞌ Jesús, ya̱ ntu nkúvi kuniso‑ó maa ni rá tátáꞌ‑ó yanaꞌán.

Hechos 10:22

Jee nna̱xiníkó ráa: ―Capitán Cornelio kúvi re̱ꞌ te̱e na̱a̱ꞌ nu̱u̱nꞌ Ndiosíꞌ, jee ñúyúꞌví iniꞌ re̱ꞌ néñu̱ꞌun re̱ꞌ Ndiosíꞌ. Jee nɨꞌɨ rá ñɨvɨ Israel jiáꞌa ráa ya̱ naáꞌ ya̱ kúvi re̱ꞌ suꞌva. Ɨɨn najiáꞌáꞌ ííꞌ Ndiosíꞌ nkachiꞌ‑i nu̱u̱nꞌ re̱ꞌ, ya̱ kána re̱ꞌ nó kɨ̱ꞌɨ̱nꞌ nú nu̱u̱nꞌ veꞌi re̱ꞌ, sáva teso̱ꞌo re̱ꞌ tu̱ꞌun ya̱ kachiꞌ nú nu̱u̱nꞌ re̱ꞌ ―nkachiꞌ ráa nu̱u̱nꞌ Pedro.

Hechos 10:7

Jee sáá nkene najiáꞌáꞌ ííꞌ ya̱ nkaꞌanꞌ‑a jín re̱ꞌ, jee nkana Cornelio u̱vi̱ꞌ musúꞌ re̱ꞌ jín ɨɨn soldado, ya̱ yɨ́tíñú‑u nu̱u̱nꞌ Ndiosíꞌ. Kúvi re̱ꞌ ɨɨn rá soldado ya̱ jiátíñú kutú Cornelio.

Lucas 17:1

Jee nkachiꞌ Jesús nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ ráa: ―Sukuáni íyó ya̱ sikúvi iniꞌ ñɨvɨ nu̱u̱nꞌ kua̱chi. Soo na̱ ka̱ꞌ náꞌví ka̱ꞌ ɨɨn ñɨvɨ ya̱ retú maáa xinínkava‑a inka ka̱ꞌ táꞌán‑a nu̱u̱nꞌ kua̱chi, [chi xéénꞌ kunoꞌo‑o].

Mateo 11:30

Chi ntu víjí kɨꞌɨ rán xi̱ntíín ni̱ꞌ jee tiñu taji ni̱ꞌ nu̱u̱nꞌ rán nsú tiñu véi ví‑i ―nkachiꞌ Jesús.

1 Timoteo 5:14

Saáva kuíni ni̱ꞌ ya̱ ñaꞌan náꞌví núun kui̱ya̱ꞌ natana̱ꞌa ráa, jee sikuéꞌnu ráa se̱ꞌya, jee kuneeꞌ kuéntáꞌ ráa veꞌi ráa. Jee sukuán jee nkúne ña ichi nu̱u̱nꞌ ñɨvɨ núníꞌin ichi Cristo sáva ni ɨɨn nkúvi kaꞌanꞌ u̱ꞌvi̱ꞌ‑i kune̱ꞌyá‑a ráña.

1 Corintios 10:32

Jee saáva koto na̱ sáꞌá rán tiñu ya̱ sikúvi rán iniꞌ rá ñɨvɨ ya̱ nsíkíninkava rán ráa nu̱u̱nꞌ kua̱chi, va̱ni ñɨvɨ ñuunꞌ Israel, áxí va̱ni ñɨvɨ inka nación, áxí va̱ni rá ñɨvɨ ya̱ jínúꞌ iniꞌ ráa káníjiá ráa yɨ́ꞌɨ́ ráa xi̱ntíín Ndiosíꞌ.

Mateo 11:9

Soo ¿ná kúvi ya̱ nkene rán ña̱ne̱ꞌyá rán rúja? ¿Á ɨɨn te̱e ya̱ nákani re̱ꞌ tu̱ꞌun kéne yuꞌú máá maá Ndiosíꞌ rúja? Saá nijia ví, soo káchíꞌ ni̱ꞌ nu̱u̱nꞌ rán ya̱ kúñáꞌnú re̱ꞌ ka̱ꞌ nsú káꞌ rá inka te̱e ya̱ nna̱kani tu̱ꞌun nkene yuꞌú Ndiosíꞌ,

Génesis 24:27

jee kachiꞌ‑i: “Na̱ ka̱ꞌ netuꞌ ka̱ꞌ kúvi I̱toꞌoꞌ ya̱ kuvi Ndiosíꞌ i̱toꞌoꞌ ni̱ꞌ Abraham, ya̱ ntu̱ví nxínóo re̱ꞌ i̱toꞌoꞌ ni̱ꞌ Abraham nu̱u̱nꞌ ya̱ íyó mániꞌ iniꞌ re̱ꞌ néꞌyá re̱ꞌ maa jee nsi̱kúnkuvi na̱a̱ꞌ re̱ꞌ jín‑i, jee nuꞌuꞌ chi nchuꞌun I̱toꞌoꞌ ichi nuꞌuꞌ kɨ̱ꞌɨ̱nꞌ ni̱ꞌ veꞌi rá táꞌán i̱toꞌoꞌ ni̱ꞌ Abraham”, nkachiꞌ musúꞌ vá ni nákuetúꞌún re̱ꞌ.

Génesis 24:12

Jee ni̱ka̱nꞌ táꞌvíꞌ re̱ꞌ: “Oh I̱toꞌoꞌ, ya̱ kúvi nú Ndiosíꞌ i̱toꞌoꞌ ni̱ꞌ Abraham, jíkánꞌ táꞌvíꞌ ni̱ꞌ nu̱u̱nꞌ nú ya̱ saꞌá nú ya̱ kɨ̱ꞌɨ̱nꞌ va̱ꞌa ki̱vɨ̱ꞌ vitan jín nuꞌuꞌ, jee koo ya̱ ma̱ni̱ꞌ iniꞌ nú kune̱ꞌyá nú i̱toꞌoꞌ ni̱ꞌ Abraham.

Génesis 24:2

Jee nkachiꞌ Abraham nu̱u̱nꞌ máá musúꞌ nyɨɨ ñáꞌnú ka̱ꞌ nu̱u̱nꞌ veꞌi re̱ꞌ ya̱ jiátíñú saɨn re̱ꞌ ya̱ néen kuéntáꞌ nɨꞌɨ ya̱ kúmí re̱ꞌ: ―Chisó naꞌá nú nteñu sɨ́ꞌɨn tíkóó ni̱ꞌ,

Génesis 16:9

Jee nkachiꞌ máá najiáꞌáꞌ ííꞌ I̱toꞌoꞌ‑ó nu̱u̱nꞌ ña: ―Nikó nu̱u̱nꞌ i̱toꞌoꞌ nú jee chiꞌi nú maánú xi̱ntíín ña.