1 Timoteo 5:1 - Mixteco del suroeste de Tlaxiaco Oaxaca

¹ Koto kúxeenꞌ nú nu̱u̱nꞌ ɨɨn te̱e ñáꞌnú, soo nakutíñú nú nu̱u̱nꞌ re̱ꞌ kuéntáꞌ káꞌánꞌ nú jín tátáꞌ nú. Jee nakutíñú va̱ꞌa nú nu̱u̱nꞌ rá te̱e súchí ka̱ꞌ, kuéntáꞌ kúvi ráa rá ñaniꞌ nú,

1 Timoteo 5:1 Referans Kwoze

Tito 2:2

Xinéꞌénꞌ nú rá te̱e ñáꞌnú, ya̱ ntu jíꞌi víꞌí jee ntu jíni ráa, jín ya̱ ñáꞌnú iniꞌ ráa, jín ya̱ kuꞌun kájí iniꞌ ráa, jín ya̱ kuiñɨ na̱a̱ꞌ kutú ráa ya̱ kúneí iniꞌ ráa Cristo, jín ya̱ kunu̱u̱nꞌ ráa rá ñɨvɨ jín Ndiosíꞌ, jín ya̱ kuni̱ꞌin ráa kuiñɨ ni̱ꞌin ráa jín Jesús.

1 Pedro 5:1

Vitan jee nákutíñú ni̱ꞌin ni̱ꞌ nu̱u̱nꞌ rá te̱e kúñáꞌnú nu̱u̱nꞌ ránoꞌó ya̱ yɨ́ꞌɨ́ xi̱ntíín Cristo, chi nuꞌuꞌ jee suni te̱e kúñáꞌnú kúvi ni̱ꞌ jín ráa nu̱u̱nꞌ rá ñɨvɨ yɨ́ꞌɨ́ xi̱ntíín Cristo, jee kúvi ni̱ꞌ ɨɨn te̱e ya̱ jiáꞌa ni̱ꞌ ya̱ nááꞌ ya̱ ya niniꞌ jínúunꞌ ni̱ꞌ rá tu̱nóꞌó nnoꞌo Cristo. Jee suni ni̱ꞌi̱nꞌ ni̱ꞌ kuñáꞌnú ni̱ꞌ kuéntáꞌ maáréꞌ sáá nenta nijinꞌ re̱ꞌ jín tiñu níso re̱ꞌ.

Gálatas 6:1

Ránoꞌó ñaniꞌ, ré ɨɨn táꞌán rán nkininkava nu̱u̱nꞌ kua̱chi, suvirán ya̱ sáꞌá sáni kuíni Ta̱chi̱ꞌ Ííꞌ Ndiosíꞌ, jee nachuꞌun tuku rán máá ichi váꞌa. Kaꞌanꞌ másúꞌ iniꞌ rán jín‑i. Jee nito koo rán maárán, sáva nsíkúvi iniꞌ rán nu̱u̱nꞌ kua̱chi vá.

Tito 2:6

Suni sukuán xiníꞌvɨ́ꞌ nú iniꞌ rá te̱e súchí ka̱ꞌ ya̱ kani kájí iniꞌ ráa

Mateo 23:8

’Soo ránoꞌó, koto jiáꞌa rán ya̱ kaꞌanꞌ rá ñɨvɨ mestrúꞌ kúñáꞌnú ránoꞌó. Chi métúꞌún ni mestrúꞌ kúñáꞌnú rán íyó, ya̱ kúvi Cristo, jee ntáká ránoꞌó chi ɨɨn ni kúvi rán ya̱ kúvi rán ñaniꞌ jín ku̱ꞌva.

1 Timoteo 5:17

Rá te̱e kúñáꞌnú, ya̱ yósóꞌ va̱ꞌa nu̱u̱nꞌ rá ñanitáꞌán, ya̱ níkɨ́nꞌ ichi Cristo, jee íyó ni̱ꞌi̱nꞌ ráa si̱kɨ̱ꞌ ka̱ꞌ ya̱ sáñáꞌnú rá ñanitáꞌán nu̱u̱nꞌ ráa, jín ya̱ ku̱ꞌva rán ya̱ꞌvi ráa. Víꞌí ka̱ꞌ ya̱ maáráa stékútu̱ꞌún Tu̱ꞌun Ndiosíꞌ jee xínéꞌénꞌ ráa maa, íyó ni̱ꞌi̱nꞌ ráa ya̱ꞌvi ráa.

Romanos 13:7

Jee chunáán rán nu̱u̱nꞌ nta̱ká rá ñɨvɨ ya̱ táyáꞌvi rán. Retú táyáꞌvi rán xu̱ꞌún náneeꞌ vetíñú, jee chunáán rán maa. Jee retú táyáꞌvi rán xu̱ꞌún tetáꞌán, jee chunáán rán maa. Jee nu̱u̱nꞌ ñɨvɨ ya̱ íyó saꞌá ñáꞌnú rán, jee saꞌá ñáꞌnú rán nu̱u̱nꞌ ñɨvɨ vá. Jee nu̱u̱nꞌ ñɨvɨ ya̱ íyó nakuatáꞌví rán, jee nakuatáꞌví rán ráa.

Hechos 15:4

Sáá nkenta Pablo jín Bernabé ñuunꞌ Jerusalén, jee rá ñɨvɨ yukuán ya̱ kúneí iniꞌ ráa Jesús, jín rá te̱e nísotíñú apóstol, jín rá te̱e kúñáꞌnú nu̱u̱nꞌ ráa nna̱kuatáꞌví rává Pablo jín rá kútáꞌán jín re̱ꞌ. Jee nna̱kani Pablo jín Bernabé nɨꞌɨ ya̱ nsa̱ꞌá Ndiosíꞌ jín ráa.

Hechos 14:23

Jee ñani Pablo jín Bernabé rá te̱e kúñáꞌnú, sáva kosoꞌ rává nu̱u̱nꞌ ta grupo rá ñɨvɨ kúneí iniꞌ ráa Jesús. Jee nneeꞌ niteꞌ ráa sáá nkaꞌanꞌ ráa jín Ndiosíꞌ, sáva nxi̱nóo ráa rává naꞌá I̱toꞌoꞌ‑ó, ya̱ kúneí iniꞌ ráa, sáva nachituvi re̱ꞌ ráa.

Apoclipsis 4:4

Jee nu̱u̱nꞌ teyuꞌ re̱ꞌ tátúníꞌ re̱ꞌ, yukuán ni̱kótíyu o̱ko̱ꞌ ku̱mi̱ꞌ (24) ka̱ꞌ teyuꞌ nu̱u̱nꞌ tátúníꞌ. Jee yukuán nééꞌ o̱ko̱ꞌ ku̱mi̱ꞌ (24) rá maá te̱e kúñáꞌnú. Jee ñúꞌún ráa máá saꞌma kuíjín, jee ñúxíniꞌ ráa corona oro.

3 Juan 1:1

Nuꞌuꞌ, ya̱ kúvi ni̱ꞌ te̱e ñáꞌnú nu̱u̱nꞌ rá ñɨvɨ kúneí iniꞌ Jesús, tée ni̱ꞌ tutuꞌ yaꞌá nu̱u̱nꞌ noꞌó, Gayo, ya̱ ma̱ni̱ꞌ jín ni̱ꞌ, ya̱ ñúnúunꞌ nijia ni̱ꞌ.

2 Juan 1:1

Nuꞌuꞌ, [Juan] ya̱ kúvi ni̱ꞌ ɨɨn rá te̱e kúñáꞌnú nu̱u̱nꞌ rá ñɨvɨ kúneí iniꞌ Jesús, tée ni̱ꞌ tutuꞌ yaꞌá nu̱u̱nꞌ ñaꞌan ya̱ nka̱ji Ndiosíꞌ, jín suni nu̱u̱nꞌ rá se̱ꞌya ña, ya̱ ñúnúunꞌ nijia ni̱ꞌ. Jee nsáꞌ kua̱chi métúꞌún nuꞌuꞌ ni̱ꞌ, chi suni nta̱ká rá ñɨvɨ ya̱ ntɨɨn tu̱ꞌun na̱a̱ꞌ Jesús ñúnúunꞌ ráa ránoꞌó,

Santiago 5:14

¿Á íyó néni ɨɨn ránoꞌó ya̱ kúꞌvíꞌ?, jee íyó kana ñɨvɨ kúꞌvíꞌ vá rá te̱e kúñáꞌnú nu̱u̱nꞌ rá ñɨvɨ kúneí iniꞌ Jesús, jee ka̱ka̱nꞌ táꞌvíꞌ ráa nu̱u̱nꞌ Ndiosíꞌ jie̱ꞌe̱ꞌ ñɨvɨ vá jee nu̱u̱nꞌ súví I̱toꞌoꞌ‑ó chisó ráa aceite maa.

Santiago 3:17

Soo ya̱ níchí ya̱ va̱ji ne̱ nu̱u̱nꞌ Ndiosíꞌ ví ya̱: xíꞌna ka̱ꞌ jiáꞌnu ninuꞌun ñɨvɨ, jee kuíre nééꞌ ñunkúún ráa, jee másúꞌ iniꞌ ráa, jee jiáku̱ꞌun iniꞌ ráa íyó maniꞌ ráa ya̱ káchíꞌ inka ñɨvɨ, jee kúkánáa ráa ya̱ náꞌví iniꞌ ráa, jee sáꞌá ráa ya̱ váꞌa ya̱ va̱ji ne̱ ánímaꞌ ráa kuéntáꞌ kúun rá vixíꞌ nu̱u̱nꞌ yutun, jee saɨn íyó iniꞌ ráa, jee nsú sansuꞌva íyó ráa.

Hechos 20:17

Jee ne̱ Mileto, nta̱jí re̱ꞌ tu̱ꞌun nu̱u̱nꞌ rá te̱e kúñáꞌnú nu̱u̱nꞌ rá ñɨvɨ, nééꞌ ñuunꞌ Éfeso, ya̱ kúneí iniꞌ ráa Jesús, jee nkana re̱ꞌ ráa.

Hechos 15:6

Jee nku̱tútú rá te̱e níso ráa tiñu apóstol jín rá te̱e kúñáꞌnú, sáva kuna̱a̱ꞌ iniꞌ ráa tiñu yaꞌá.

1 Timoteo 5:2

jín nu̱u̱nꞌ rá ñaꞌan ñáꞌnú kuéntáꞌ káꞌánꞌ nú jín náánꞌ maánú, jín nu̱u̱nꞌ ráña súchí ka̱ꞌ kuéntáꞌ káꞌánꞌ nú jín rá ku̱ꞌva maánú. Jee kaꞌanꞌ ninuꞌun nú jín ráña.