1 Timoteo 4:6 - Mixteco del suroeste de Tlaxiaco Oaxaca

⁶ Retú nakutíñú nú rá tu̱ꞌun yaꞌá nu̱u̱nꞌ rá ñaniꞌ jín rá ku̱ꞌva yɨ́ꞌɨ́ ichi Cristo, jee kuvi nú ɨɨn te̱e ya̱ sikúnkuvi va̱ꞌa nú nu̱u̱nꞌ Cristo Jesús. Jee kujia nú jín rá tu̱ꞌun, ya̱ kúneí iniꞌ‑ó jín ya̱ xínéꞌénꞌ‑ó ya̱ ya níkɨ́nꞌ nú.

1 Timoteo 4:6 Referans Kwoze

Colosenses 3:16

Saájee íyó kuꞌun kutú nasɨ́kuitɨꞌ ka̱ꞌ tu̱ꞌun jie̱ꞌe̱ꞌ Cristo iniꞌ ánímaꞌ rán, jee suꞌva xinéꞌénꞌ rán jee nakutíñú rán nu̱u̱nꞌ rá táꞌán rán jín nta̱ká tu̱ꞌun níchí. Jee ne̱ jín ánímaꞌ rán kata rán nu̱u̱nꞌ rá yaaꞌ Tu̱ꞌun Ndiosíꞌ naní salmo, jín rá yaaꞌ himno ya̱ nákuetúꞌún rán Cristo, jín rá yaaꞌ ííꞌ jie̱ꞌe̱ꞌ Ndiosíꞌ, jee nakuatáꞌví rán re̱ꞌ.

Tito 2:1

Soo noꞌó, kachiꞌ nú tu̱ꞌun ya̱ íyó sánikua̱ꞌ kúvi tu̱ꞌun na̱a̱ꞌ váꞌa xínéꞌénꞌ‑ó.

Colosenses 4:7

Jee nakani Tíquico nɨꞌɨ tu̱ꞌun na̱sa íyó jie̱ꞌe̱ꞌ nuꞌuꞌ. Suvire̱ꞌ kúvi ñaniꞌ‑ó ya̱ ñúnúunꞌ‑órán. Jee yɨ́tíñú re̱ꞌ síkúnkuvi na̱a̱ꞌ nijia re̱ꞌ nu̱u̱nꞌ tiñu maá I̱toꞌoꞌ‑ó. Jee kúvi re̱ꞌ ɨɨn musúꞌ ya̱ jiátíñú I̱toꞌoꞌ‑ó ya̱ táꞌán sátíñú nkáá re̱ꞌ jín ránuꞌuꞌ nu̱u̱nꞌ I̱toꞌoꞌ‑ó.

Mateo 13:52

Saájee nkachiꞌ re̱ꞌ nu̱u̱nꞌ ráa: ―Saáva ntáká te̱e kúvi mestrúꞌ xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jee súkuáꞌa ráa tu̱ꞌun ni̱ꞌ, jee ki̱vɨ ráa xi̱ntíín Ndiosíꞌ nééꞌ antivɨ́ tátúníꞌ re̱ꞌ nu̱u̱nꞌ ráa, jee kúvi ráa kuéntáꞌ ɨɨn te̱e kúvi i̱toꞌoꞌ xí veꞌi, ya̱ nteñu rá nantíñú yɨ́yáꞌvi chúꞌun va̱ꞌa‑a nátavaꞌ‑a rá nantíñú jiáá jín rá nantíñú túꞌú.

Judas 1:5

Chi súnika̱ꞌ ya jíníꞌ va̱ꞌa rán ntáká tu̱ꞌun yaꞌá ya̱ káchíꞌ ni̱ꞌ nu̱u̱nꞌ rán, soo kuíni ni̱ꞌ xinákúꞌun tuku ni̱ꞌ iniꞌ rán na̱sa nsa̱ꞌá Ndiosíꞌ, sáá nkuvi nsi̱káku re̱ꞌ rá ñɨvɨ Israel ne̱ yanaꞌán, jee ntavaꞌ re̱ꞌ ráa nu̱u̱nꞌ ñu̱ꞌún Egipto nkene ráa, jee kuíre nxi̱náánꞌ re̱ꞌ rá ñɨvɨ ya̱ ntu nka̱níjiá ráa ji̱nu̱ꞌ iniꞌ ráa re̱ꞌ.

2 Juan 1:9

Nta̱ká ñɨvɨ ya̱ jiáꞌa ka̱ꞌ nu̱u̱nꞌ tu̱ꞌun na̱a̱ꞌ, jee ntu kínóo kutú ráa jín tu̱ꞌun nxi̱néꞌénꞌ Cristo, jee ntu̱ví íyó Tátáꞌ‑ó Ndiosíꞌ jín ráa. Jee ñɨvɨ ya̱ kínóo kutú‑u jín tu̱ꞌun vá jee Tátáꞌ‑ó Ndiosíꞌ jín suni máá Se̱ꞌya re̱ꞌ íyó ráa jín ñɨvɨ vá.

1 Pedro 2:2

Jee kuéntáꞌ ñúkúvi iniꞌ rá nchíkɨ́n yɨ́kɨ́n xu̱kui jíꞌíꞌ ráa, jee sukuán kuꞌun kúvi iniꞌ rán xu̱kui ninuꞌun, ya̱ kúvi Tu̱ꞌun Ndiosíꞌ, sáva sikújia‑a iniꞌ rán kueꞌnu na̱a̱ꞌ rán sáni nsi̱káku re̱ꞌ ránoꞌó nkɨ́ꞌɨ rán xi̱ntíín kua̱chi rán.

2 Timoteo 4:3

Chi kiji tiempúꞌ ya̱ ni nsáꞌ keꞌneꞌ iniꞌ rá ñɨvɨ teso̱ꞌo ráa tu̱ꞌun na̱a̱ꞌ va̱ꞌa ya̱ xínéꞌénꞌ‑ó, chi sáni níyo iniꞌ maáráa, jee nukú ráa kue̱ꞌe̱ꞌ te̱e ya̱ xínéꞌénꞌ tu̱ꞌun sáni táꞌán iniꞌ ráa teso̱ꞌo ráa.

2 Timoteo 3:10

Soo noꞌó, nnikɨnꞌ nú nku̱mí va̱ꞌa nú tu̱ꞌun xínéꞌénꞌ ni̱ꞌ, na̱sa jiáꞌnu ni̱ꞌ ichi na̱a̱ꞌ, ná kúvi ya̱ ñúꞌún iniꞌ ni̱ꞌ saꞌá ni̱ꞌ, na̱sa kúneí iniꞌ ni̱ꞌ I̱toꞌoꞌ‑ó, na̱sa íyó káꞌnú iniꞌ ni̱ꞌ, na̱sa ñúnúunꞌ ni̱ꞌ ñɨvɨ jín Ndiosíꞌ, jín na̱sa kúníꞌin ni̱ꞌ íñɨ́ ni̱ꞌ jín Cristo.

2 Timoteo 1:6

Saáva xínákúꞌun ni̱ꞌ iniꞌ nú ya̱ chuꞌun káñá nú iniꞌ maánú kuatíñú nú ta̱ꞌvi̱ꞌ va̱ꞌa ya̱ ntaji Ndiosíꞌ nu̱u̱nꞌ nú, ya̱ kúvi ya̱ chíneí chítuvi Ndiosíꞌ noꞌó, sáva saꞌá nú tiñu re̱ꞌ. Jee ta̱ꞌvi̱ꞌ vá níso nú jie̱ꞌe̱ꞌ ya̱ nchi̱só ni̱ꞌ naꞌá ni̱ꞌ xi̱ni̱ꞌ nú.

1 Timoteo 6:3

Ré néni ɨɨn ñɨvɨ xínéꞌénꞌ tu̱ꞌun íyó sɨ́ɨ́n, ya̱ ntu káꞌánꞌ nuún jín tu̱ꞌun na̱a̱ꞌ I̱toꞌoꞌ‑ó Jesús ya̱ kúvi Cristo, jee ya̱ ntu íyó na̱kua̱ꞌ xínéꞌénꞌ Ndiosíꞌ jie̱ꞌe̱ꞌ ichi na̱a̱ꞌ sáni kuíni Ndiosíꞌ ya̱ kaka‑ó,

1 Timoteo 4:16

Nito koo nú maánú na̱sa jiáꞌnu nú jín nu̱u̱nꞌ tu̱ꞌun xínéꞌénꞌ nú. Jee kuni̱ꞌin nú nu̱u̱nꞌ tiñu yaꞌá, chi retú sáꞌá nú suꞌva, jee saꞌá nú ya̱ maánú jín suni rá ñɨvɨ tésóꞌo ya̱ káchíꞌ nú, kunikɨnꞌ va̱ꞌa rán ichi nátavaꞌ Ndiosíꞌ ránoꞌó nu̱u̱nꞌ kua̱chi rán síkáku re̱ꞌ ránoꞌó.

1 Timoteo 1:10

jín nu̱u̱nꞌ ñɨvɨ kúsíkɨ́ jín inka ñɨvɨ ya̱ ntu kúvi ñasɨ́ꞌɨ́ re̱ꞌ áxí ntu kúvi yɨɨ́ ña, jín nu̱u̱nꞌ rá ñɨvɨ kívɨ ráa ñujiínꞌ xeꞌne, jín nu̱u̱nꞌ ñɨvɨ sákuíꞌná ráa ñɨvɨ, jín nu̱u̱nꞌ ñɨvɨ túꞌún, jín nu̱u̱nꞌ ñɨvɨ sánáaꞌ ráa nu̱u̱nꞌ tu̱ꞌun káꞌánꞌ ráa jín tu̱ntúꞌún nu̱u̱nꞌ ñɨvɨ, jín nu̱u̱nꞌ ñɨvɨ ya̱ sáꞌá néni ɨɨn tiñu, ya̱ íyó sɨ́ɨ́n nu̱u̱nꞌ tu̱ꞌun jíníꞌ‑ó ya̱ tu̱ꞌun na̱a̱ꞌ ví ya̱ káꞌánꞌ‑a

1 Tesalonicenses 3:2

Jee nchu̱ichí ránꞌ Timoteo nu̱u̱nꞌ ránoꞌó. Ñaniꞌ‑ó ví re̱ꞌ. Jee táꞌán sátíñú jín‑ó ví re̱ꞌ, ya̱ sáꞌá re̱ꞌ tiñu Ndiosíꞌ, sáva sikúténuun re̱ꞌ tu̱ꞌun jie̱ꞌe̱ꞌ Cristo. Sáꞌá re̱ꞌ tiñu vá, sáva kuiñɨ ni̱ꞌin ránú kúneí iniꞌ rán Cristo jee nasáneí re̱ꞌ iniꞌ ránoꞌó.

Colosenses 2:19

Chi ntu̱ví íñɨ́ ráa jín Cristo, ya̱ yósóꞌ‑o nu̱u̱nꞌ‑ó kuéntáꞌ kúvi re̱ꞌ xi̱ni̱ꞌ nu̱u̱nꞌ‑ó. Jee kúvi‑ó kuéntáꞌ yɨkɨkúñu re̱ꞌ, chi náketáꞌán‑ó jín re̱ꞌ, kuéntáꞌ nééꞌ táꞌán yɨkɨkúñu jín xi̱ni̱ꞌ jín rá nu̱u̱nꞌ ñútáꞌán jín rá tu̱chi fuersáꞌ. Jee táji re̱ꞌ ya̱ jíniñúꞌún‑ó sáva kujia iniꞌ‑ó sáni síkuéꞌnu Ndiosíꞌ yó.

Filipenses 3:16

Soo kani iniꞌ‑ó jee kaka na̱a̱ꞌ‑ó sánikua̱ꞌ ya̱ nijia iniꞌ‑o.

Efesios 6:21

Jee nakani Tíquico nɨꞌɨ tu̱ꞌun na̱sa íyó jie̱ꞌe̱ꞌ nuꞌuꞌ jín ná kúvi ya̱ sáꞌá ni̱ꞌ. Suvire̱ꞌ kúvi ñaniꞌ‑ó ya̱ ñúnúunꞌ‑órán. Jee yɨ́tíñú re̱ꞌ síkúnkuvi na̱a̱ꞌ nijia re̱ꞌ nu̱u̱nꞌ tiñu maá I̱toꞌoꞌ‑ó.

2 Corintios 6:4

Chisaꞌ, nta̱ká nu̱u̱nꞌ ya̱ kúvi, stúvi ránꞌ ya̱ kúvi ránꞌ musúꞌ ya̱ sátíñú nu̱u̱nꞌ Ndiosíꞌ, jie̱ꞌe̱ꞌ ya̱ kúníꞌin ránꞌ íñɨ́ ni̱ꞌin rán jín Cristo, jín nu̱u̱nꞌ ya̱ kúmániꞌ nu̱u̱nꞌ ránꞌ, jín nu̱u̱nꞌ ya̱ víjí sáꞌá‑a nu̱u̱nꞌ ránꞌ,

2 Corintios 3:6

Chi suni maáréꞌ ví ya̱ nsa̱ꞌá re̱ꞌ ya̱ tu̱ꞌva ránꞌ sátíñú ránꞌ nu̱u̱nꞌ re̱ꞌ, jie̱ꞌe̱ꞌ tratúꞌ jiáá ya̱ ñakɨnꞌ Ndiosíꞌ na̱ja kɨꞌɨ ñɨvɨ nu̱u̱nꞌ re̱ꞌ. Jee tratúꞌ jiáá yaꞌá nsú ley ví‑i ya̱ ntee re̱ꞌ sáva tatúníꞌ re̱ꞌ nu̱u̱nꞌ rá ñɨvɨ. Chisaꞌ tratúꞌ jiáá ví ya̱ táji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ‑ó sáva kɨꞌɨ‑ɨ iniꞌ ánímaꞌ‑ó. Chi ley ya̱ ntee nu̱u̱nꞌ tutuꞌ, jee síjíta‑a yó ya̱ kuéntáꞌ níꞌiꞌ‑ó nu̱u̱nꞌ Ndiosíꞌ. Soo Ta̱chi̱ꞌ Ííꞌ re̱ꞌ ví ya̱ xítékúꞌ‑u yó nɨ́ɨ́nkání nu̱u̱nꞌ re̱ꞌ.

1 Corintios 4:17

Jee jie̱ꞌe̱ꞌ rá tu̱ꞌun ya̱ káchíꞌ ni̱ꞌ yaꞌá kúvi ya̱ nchu̱ichí ni̱ꞌ Timoteo kua̱jiaaꞌ re̱ꞌ nu̱u̱nꞌ rán. Jee Timoteo kúvi kuéntáꞌ se̱ꞌya ni̱ꞌ ya̱ ñúnúunꞌ ni̱ꞌ, jee káníjiá re̱ꞌ síkúnkuvi va̱ꞌa re̱ꞌ nu̱u̱nꞌ I̱toꞌoꞌ‑ó. Jee maáréꞌ ví ya̱ xinákúꞌun re̱ꞌ iniꞌ rán jie̱ꞌe̱ꞌ na̱sa jiáꞌnu ni̱ꞌ ichi Cristo Jesús, jín ya̱ jiáꞌnu ni̱ꞌ sánikua̱ꞌ xínéꞌénꞌ ni̱ꞌ tu̱ꞌun váꞌa Cristo nu̱u̱nꞌ ntáká ichi nu̱u̱nꞌ jíka ni̱ꞌ xínéꞌénꞌ ni̱ꞌ nu̱u̱nꞌ ntáká grupo rá ñɨvɨ ya̱ jínúꞌ iniꞌ ráa Cristo.

Romanos 15:15

Soo nkiji iniꞌ ni̱ꞌ nku̱neí iniꞌ ni̱ꞌ ntee ni̱ꞌ nu̱u̱nꞌ tutuꞌ yaꞌá nu̱u̱nꞌ ránoꞌó jie̱ꞌe̱ꞌ sava tiñu, sáva naxinákúꞌun ni̱ꞌ iniꞌ rán jie̱ꞌe̱ꞌ tiñu níso ni̱ꞌ ya̱ nsi̱kútaꞌviꞌ Ndiosíꞌ nu̱u̱nꞌ ni̱ꞌ,

Hechos 20:35

Jee jie̱ꞌe̱ꞌ nsa̱ꞌá ni̱ꞌ nɨꞌɨ yaꞌá, jee suꞌva nna̱stúvi ni̱ꞌ ya̱ íyó satíñú ni̱ꞌin‑ó sukuán, sáva chineí‑ó rá ñɨvɨ kúmániꞌ nu̱u̱nꞌ. Naku̱ꞌun iniꞌ rán tu̱ꞌun ya̱ nkachiꞌ I̱toꞌoꞌ‑ó Jesús: “Netuꞌ kúvi‑ó ka̱ꞌ ku̱ꞌva‑ó nsú ká natɨɨn‑ó.”

Hechos 20:31

Saáva nito koo rán. Kunaꞌán rán ya̱ nuví niñuꞌ ya̱ uníꞌ kui̱ya̱ꞌ jee ntu nsi̱kɨ́kui̱ñɨ̱ꞌ ni̱ꞌ nna̱kutíñú ni̱ꞌ nu̱u̱nꞌ ta ɨɨn rán, ne̱ nnaꞌyuꞌ ni̱ꞌ.

Lucas 1:3

Jee nuꞌuꞌ [Lucas] nna̱nukú tu̱ꞌun ñunkúún va̱ꞌa ni̱ꞌ ntáká tu̱ꞌun jie̱ꞌe̱ꞌ kua̱ꞌ nkuvi ne̱ ya̱ nka̱jiéꞌé nkiji Jesús. Jee saáva, nuꞌuꞌ ranika̱ꞌ, ñani iniꞌ ni̱ꞌ ya̱ íyó va̱ꞌa ya̱ suni nuꞌuꞌ tée yɨ́yuꞌú ni̱ꞌ rá tu̱ꞌun jie̱ꞌe̱ꞌ kua̱ꞌ nkuvi. Jee tée ni̱ꞌ maa nu̱u̱nꞌ noꞌó, Teófilo, te̱e ñáꞌnú,

Hechos 1:15

Rá ki̱vɨ̱ꞌ yukuán, nku̱tútú yatin sientúꞌ o̱ko̱ꞌ (120) ñɨvɨ yukuán. Jee nnakui̱ñɨ̱ꞌ nichiꞌ Pedro nteñu rá ñanitáꞌán vá, jee nkachiꞌ‑i nu̱u̱nꞌ ráa:

2 Corintios 11:23

¿Á sátíñú ráa nu̱u̱nꞌ Cristo? Soo saꞌ víꞌí káꞌ va̱ꞌa jiáꞌa ni̱ꞌ nu̱u̱nꞌ tiñu sáꞌá ráa. (Káꞌánꞌ ni̱ꞌ kuéntáꞌ ɨɨn ya̱ jíkó xíniꞌ.) Nnu̱nasɨ́ ni̱ꞌ nsa̱tíñú ni̱ꞌin ni̱ꞌ ka̱ꞌ nsú káꞌ suviráa. Nyɨ̱ꞌɨ víꞌí ni̱ꞌ ka̱ꞌ veka̱a nsú káꞌ maáráa. Ntu ñúkúꞌvá njia̱ꞌa ñɨvɨ nuꞌuꞌ. Yatin kuviꞌ ni̱ꞌ kue̱ꞌe̱ꞌ íchí.

Filipenses 2:20

Chi ntu̱náꞌ íyó ni ɨɨn inka te̱e yaꞌá jín ni̱ꞌ, ya̱ nuún ñúꞌún iniꞌ‑i jín ni̱ꞌ jie̱ꞌe̱ꞌ rán, kuéntáꞌ maáréꞌ, ya̱ nániꞌvɨꞌ nijia iniꞌ‑i jie̱ꞌe̱ꞌ rán.

Filipenses 2:22

Soo jíníꞌ rán, sáá jiáꞌnu va̱ꞌa Timoteo, chi nsa̱tíñú re̱ꞌ jín ni̱ꞌ, sáva kueꞌnu tu̱ꞌun váꞌa Jesús, kuéntáꞌ ɨɨn se̱ꞌya sátíñú jín tátáꞌ re̱ꞌ.