1 Timoteo 4:2 - Mixteco del suroeste de Tlaxiaco Oaxaca

² Rá tu̱ꞌun vá xínéꞌénꞌ ñɨvɨ sansuꞌva ya̱ kúvi ñɨvɨ túꞌún, chi jíjia iniꞌ ráa kátúꞌún ráa, chi ntu nákani iniꞌ ráa kuéntáꞌ níꞌiꞌ ráa.

1 Timoteo 4:2 Referans Kwoze

Efesios 4:19

Chi kuéntáꞌ níꞌiꞌ ráa ntu jiáni iniꞌ ráa ka̱ꞌ jie̱ꞌe̱ꞌ tiñu sáꞌá ráa, jee nákúꞌva ráa maáráa nu̱u̱nꞌ tiñu néꞌí néꞌén, sáva saꞌá ráa ntáká nu̱u̱nꞌ rá tiñu ntu̱ví íyó ninuꞌun, jee ntántúníꞌ níyo iniꞌ ráa saꞌá ráa ka̱ꞌ sukuán.

Romanos 16:18

Chi rá ñɨvɨ sáꞌá sukuán jee ntu yɨ́tíñú ráa nu̱u̱nꞌ I̱toꞌoꞌ‑ó Cristo, chisaꞌ chíñúꞌún ráa chi̱ji maáráa. Jee ne̱ jiákɨ́nꞌ ráa tu̱ꞌun káꞌánꞌ ráa jín tu̱ꞌun yɨ́ñúꞌún káꞌánꞌ ráa, jee sukuán xínáꞌví ráa ánímaꞌ rá ñɨvɨ ya̱ ntiáꞌan kujia iniꞌ rává Tu̱ꞌun Ndiosíꞌ.

Hechos 20:30

Jee ne̱ nteñu rán koo rá te̱e ya̱ kijiéꞌé xinéꞌénꞌ ráa tu̱ꞌun xínáꞌví nu̱u̱nꞌ Tu̱ꞌun Ndiosíꞌ nu̱u̱nꞌ rá ñɨvɨ níta ñujiínꞌ Jesús sáva tɨɨn rává tu̱ꞌun xínéꞌénꞌ ráa sáva kunikɨnꞌ rává ráa.

Apoclipsis 16:14

Jee kúvi ráa ta̱chi̱ꞌ kíni kui̱ꞌna̱ꞌ, ya̱ sáꞌá ráa seña a̱nasɨ́. Jee kua̱ꞌa̱nꞌ ráa nu̱u̱nꞌ rá ñɨvɨ nísotíñú ya̱ tátúníꞌ nu̱u̱nꞌ nta̱ká rá ñuunꞌ kua̱íyó ñɨ̱vɨ́ nu̱u̱nꞌ nééꞌ ñɨvɨ, sáva nastútú ráa rává jín rá soldado rává kantáꞌán rává si̱kɨ̱ꞌ Ndiosíꞌ, máá ki̱vɨ̱ꞌ ñáꞌnú ñani Ndiosíꞌ keꞌneꞌ re̱ꞌ kua̱chi rá ñɨvɨ, ya̱ níso re̱ꞌ fesáꞌ ííꞌ ni̱ꞌin ya̱ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó.

2 Timoteo 3:5

jín ya̱ kachiꞌ ráa nika̱ꞌ ya̱ yɨ́tíñú ráa nu̱u̱nꞌ Ndiosíꞌ, soo jie̱ꞌe̱ꞌ tiñu sáꞌá ráa stúvi ráa ya̱ kúíchi iniꞌ ráa maa, chi kasɨꞌ ráa ya̱ sama fuersáꞌ ííꞌ níso re̱ꞌ iniꞌ ánímaꞌ ráa. Chusává nú nu̱u̱nꞌ ñɨvɨ ya̱ íyó suꞌva.

Romanos 1:28

Nu̱u̱nꞌ nku̱ichi iniꞌ ráa tɨɨn kuéntáꞌ ráa ya̱ íyó Ndiosíꞌ. Nna̱siáꞌa Ndiosíꞌ ráa nu̱u̱nꞌ antúníꞌ kánéꞌí ráa sáva saꞌá ráa tiñu ya̱ ntu̱ví íyó saꞌá ráa.

Mateo 24:24

Chi kiji rá te̱e xínáꞌví ya̱ kachiꞌ ráa nika̱ꞌ ya̱ Cristo ví ráa. Jee kenta rá ñɨvɨ ya̱ kachiꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ, jee saꞌá ráa rá seña a̱nasɨ́ jín rá tiñu a̱nasɨ́ ya̱ ti̱vɨ́ xíniꞌ rá ñɨvɨ sáva xináꞌví ráa rá ñɨvɨ. Jee saꞌá ráa maa sáva xináꞌví ráa ne̱ rá ñɨvɨ nka̱ji Ndiosíꞌ, retú sa̱naanꞌ kuvi.

Mateo 7:15

’Kumí rán maárán nu̱u̱nꞌ rá te̱e túꞌún ya̱ káchíꞌ ráa nika̱ꞌ ya̱ kúvi ráa ñɨvɨ nákani tu̱ꞌun kéne yuꞌú Ndiosíꞌ nu̱u̱nꞌ ráa, jee káñunkúún sáꞌá ráa nika̱ꞌ maáráa va̱ji ráa nu̱u̱nꞌ rán kuéntáꞌ lanchi másúꞌ, soo ñúꞌún kánéꞌén iniꞌ ráa kuéntáꞌ ñúꞌún máñáꞌ iniꞌ váꞌúꞌ xéénꞌ.

Efesios 4:14

Sáva nkúvi‑ó ka̱ꞌ kuéntáꞌ rá súchí lúlí ya̱ ntu ɨɨn ni jiáni iniꞌ ráa, jee sáva ntu kúvi‑ó ka̱ꞌ kuéntáꞌ ɨɨn nantíñú xínó xíníji ta̱chi̱ꞌ víjin chínaꞌá‑a cháꞌá chúkuán ya̱ súkuíkó‑o, chi nsáꞌ síkívɨ inka tu̱ꞌun ka̱ꞌ maáó yaꞌá yukuán, ya̱ xínéꞌénꞌ rá te̱e xínáꞌví cháꞌá chúkuán, ya̱ nito nasɨ́kuitɨꞌ íyó ráa jee máñáꞌ ráa jín tu̱ꞌun jíta xínéꞌénꞌ ráa.