1 Timoteo 4:16 - Mixteco del suroeste de Tlaxiaco Oaxaca

¹⁶ Nito koo nú maánú na̱sa jiáꞌnu nú jín nu̱u̱nꞌ tu̱ꞌun xínéꞌénꞌ nú. Jee kuni̱ꞌin nú nu̱u̱nꞌ tiñu yaꞌá, chi retú sáꞌá nú suꞌva, jee saꞌá nú ya̱ maánú jín suni rá ñɨvɨ tésóꞌo ya̱ káchíꞌ nú, kunikɨnꞌ va̱ꞌa rán ichi nátavaꞌ Ndiosíꞌ ránoꞌó nu̱u̱nꞌ kua̱chi rán síkáku re̱ꞌ ránoꞌó.

1 Timoteo 4:16 Referans Kwoze

Tito 1:9

Jee íyó kuiñɨ ni̱ꞌin re̱ꞌ jín tu̱ꞌun na̱a̱ꞌ ya̱ kúvi kúneí iniꞌ‑ó sáni nxi̱néꞌénꞌ‑ó, sáva kuvi nasáneí re̱ꞌ iniꞌ rá ñɨvɨ jín tu̱ꞌun na̱a̱ꞌ váꞌa ya̱ xinéꞌénꞌ re̱ꞌ. Jee suni sáva kuvi nachuꞌun re̱ꞌ ichi na̱a̱ꞌ ñɨvɨ ya̱ núníꞌin ráa káꞌánꞌ ráa si̱kɨ̱ꞌ tu̱ꞌun váꞌa Ndiosíꞌ.

Tito 2:7

jín nta̱ká tiñu. Jee noꞌó, saꞌá nú tiñu váꞌa sáva kuvi nú ɨɨn ichi váꞌa kunikɨnꞌ ráa. Ni xínéꞌénꞌ nú jee koo na̱a̱ꞌ nú, jín ya̱ koo ñáꞌnú iniꞌ nú,

2 Timoteo 4:2

Saáva tétíñú ni̱ꞌin ni̱ꞌ nu̱u̱nꞌ noꞌó ya̱: Kachitu̱ꞌún nú tu̱ꞌun váꞌa jie̱ꞌe̱ꞌ re̱ꞌ. Naniꞌvɨꞌ iniꞌ nú kachitu̱ꞌún nú maa nu̱u̱nꞌ ñɨvɨ sáá íyó tiempúꞌ núne jee súnika̱ꞌ ntu̱ví tiempúꞌ núne. Naxinákutíñú nú nu̱u̱nꞌ rá ñɨvɨ ya̱ sáꞌá niva̱ꞌa, jee kuxeenꞌ nú nu̱u̱nꞌ ráa, jee nasáneí nú iniꞌ ráa, jín nɨꞌɨ ya̱ káꞌnú íyó iniꞌ nú jín ya̱ xinéꞌénꞌ nú.

Efesios 4:14

Sáva nkúvi‑ó ka̱ꞌ kuéntáꞌ rá súchí lúlí ya̱ ntu ɨɨn ni jiáni iniꞌ ráa, jee sáva ntu kúvi‑ó ka̱ꞌ kuéntáꞌ ɨɨn nantíñú xínó xíníji ta̱chi̱ꞌ víjin chínaꞌá‑a cháꞌá chúkuán ya̱ súkuíkó‑o, chi nsáꞌ síkívɨ inka tu̱ꞌun ka̱ꞌ maáó yaꞌá yukuán, ya̱ xínéꞌénꞌ rá te̱e xínáꞌví cháꞌá chúkuán, ya̱ nito nasɨ́kuitɨꞌ íyó ráa jee máñáꞌ ráa jín tu̱ꞌun jíta xínéꞌénꞌ ráa.

Hebreos 13:9

Íyó kéꞌín tu̱ꞌun xínéꞌénꞌ ñɨvɨ ya̱ ntu kúnuún jín Tu̱ꞌun Ndiosíꞌ. Jee koto jiáꞌa rán ya̱ nastúꞌva rá tu̱ꞌun vá ránoꞌó nu̱u̱nꞌ‑u. Chi íyó váꞌa ya̱ nukutú ánímaꞌ‑ó saꞌá Ndiosíꞌ chi íyó mániꞌ iniꞌ re̱ꞌ yó, nsú káꞌ jie̱ꞌe̱ꞌ tu̱ꞌun ya̱ tátúníꞌ jie̱ꞌe̱ꞌ ya̱ yájíꞌ‑ó, chi ni ntu̱náꞌ váꞌa nsa̱ꞌá tu̱ꞌun tátúníꞌ vá nu̱u̱nꞌ rá ñɨvɨ ya̱ nyɨ̱tíñú ráa nsa̱ꞌá ráa maa.

Hebreos 12:15

Kumí rán maárán sáva ni ɨɨn rán koto xínóo‑o ya̱ váꞌa táji Ndiosíꞌ nu̱u̱nꞌ‑ó jie̱ꞌe̱ꞌ íyó mániꞌ iniꞌ re̱ꞌ yó, sáva ni ɨɨn rán nkújia tu̱ꞌun ñúꞌún táꞌvi iniꞌ ñɨvɨ nteñu rán, ya̱ saꞌá níní‑i iniꞌ rá ñanitáꞌán‑ó jee stívɨ́‑ɨ kue̱ꞌe̱ꞌ ráa kuéntáꞌ yu̱ku̱ꞌ u̱va̱ꞌ.

2 Timoteo 3:14

Soo noꞌó, kuni̱ꞌin nú jín ya̱ nku̱tu̱ꞌvá nú, ya̱ jínúꞌ iniꞌ nú. Chi suvinú vá jíníꞌ nú iniꞌ rá ñɨvɨ ya̱ nxi̱néꞌénꞌ maa noꞌó.

Lucas 21:34

’Saáva kumí rán maárán ya̱ koto túví rán maárán nu̱u̱nꞌ ñujiínꞌ ya̱ stívɨ́ rán maárán, jín nu̱u̱nꞌ ya̱ ku̱ka̱ꞌva rán nu̱u̱nꞌ nixiꞌ, jín nu̱u̱nꞌ ya̱ nívini naniꞌvɨꞌ iniꞌ rán na̱ni jie̱ꞌe̱ꞌ ya̱ íyó ni tékúꞌ rán iniꞌ ñɨ̱vɨ́ yaꞌá, sáva ntu kininkava sa̱naanꞌ kuitɨꞌ ki̱vɨ̱ꞌ vá ya̱ta̱ꞌ rán,

1 Timoteo 4:6

Retú nakutíñú nú rá tu̱ꞌun yaꞌá nu̱u̱nꞌ rá ñaniꞌ jín rá ku̱ꞌva yɨ́ꞌɨ́ ichi Cristo, jee kuvi nú ɨɨn te̱e ya̱ sikúnkuvi va̱ꞌa nú nu̱u̱nꞌ Cristo Jesús. Jee kujia nú jín rá tu̱ꞌun, ya̱ kúneí iniꞌ‑ó jín ya̱ xínéꞌénꞌ‑ó ya̱ ya níkɨ́nꞌ nú.

1 Timoteo 1:3

Sáá kua̱ꞌa̱nꞌ ni̱ꞌ ñuunꞌ sánitɨ́ɨn Macedonia, jee ni̱ka̱nꞌ ni̱ꞌ ya̱ kino̱o nú ñuunꞌ Éfeso, sáva tatúníꞌ nú nu̱u̱nꞌ ñɨvɨ káꞌvi ni, ya̱ koto xínéꞌénꞌ ráa tu̱ntúꞌún, ya̱ sɨ́ɨ́n káꞌánꞌ nu̱u̱nꞌ tu̱ꞌun váꞌa jie̱ꞌe̱ꞌ Cristo.

Romanos 16:17

Jee ránoꞌó ñanitáꞌán ni̱ꞌ, jíkánꞌ táꞌvíꞌ ni̱ꞌ ya̱ nito koo rán maárán nu̱u̱nꞌ rá ñɨvɨ ya̱ sáꞌá ráa ya̱ kusɨ́ɨ́n rá táꞌán‑ó jín xíkíninkava ráa táꞌán‑ó jín tu̱ꞌun ya̱ ntu kétáꞌán jín tu̱ꞌun ya̱ ya nku̱tu̱ꞌva rán. Jee kuiyo rán nu̱u̱nꞌ ráa.

2 Timoteo 2:10

Saáva jiéꞌnéꞌ iniꞌ ni̱ꞌ nɨꞌɨ tu̱nóꞌó yaꞌá jie̱ꞌe̱ꞌ rá ñɨvɨ nkáji Ndiosíꞌ, sáva ni̱ꞌi̱nꞌ ráa ya̱ nanitáꞌvíꞌ ráa jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús, jee viiꞌ nasɨ́kuitɨꞌ kuneeꞌ ráa nɨ́ɨ́nkání jín re̱ꞌ.

1 Corintios 9:27

Chisaꞌ, xichiꞌ nákeꞌen ni̱ꞌ yɨkɨkúñu ni̱ꞌ, jee chíꞌi ni̱ꞌ maa xi̱ntíín ni̱ꞌ, jee sáꞌá ni̱ꞌ sukuán sáva sáá nku̱neí ni̱ꞌ ya̱ nste̱kútu̱ꞌún ni̱ꞌ Tu̱ꞌun Ndiosíꞌ nu̱u̱nꞌ inka ñɨvɨ, jee retú ntu nákeꞌen ni̱ꞌ yɨkɨkúñu ni̱ꞌ jee sa̱naanꞌ jee ntu tɨɨn kuéntáꞌ Ndiosíꞌ ya̱ nsa̱ꞌá ni̱ꞌ jee xitá re̱ꞌ ta̱ꞌvi̱ꞌ nachunáán re̱ꞌ nu̱u̱nꞌ nuꞌuꞌ nékúvi.

Hechos 6:4

Soo ránuꞌuꞌ, kɨtíñú ránꞌ máá tiñu ya̱ kaꞌanꞌ ránꞌ jín Ndiosíꞌ jín tiñu ya̱ stekútu̱ꞌún ránꞌ Tu̱ꞌun Ndiosíꞌ ―nkachiꞌ rá apóstol.

Marcos 13:9

’Soo nito koo rán maárán, chi naku̱ꞌva ráa ránoꞌó xi̱ntíín rá te̱e jiéꞌnéꞌ kua̱chi. Jee ku̱ꞌva rá ñɨvɨ ránoꞌó jín yoꞌo iniꞌ rá veꞌi sinagoga nu̱u̱nꞌ kútútú rá ñɨvɨ Israel. Jee kuiñɨ rán ichinúúnꞌ rá te̱e nísotíñú kúvi gobernador jín rá te̱e ya̱ tátúníꞌ rá nación sijíta ráa ránoꞌó, jie̱ꞌe̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ. Jee suꞌva naku̱ꞌva rán ya̱ nááꞌ jie̱ꞌe̱ꞌ nuꞌuꞌ nu̱u̱nꞌ ráa.

Santiago 5:20

jee kuniꞌ nú ya̱ néni ɨɨn rán ya̱ nachuꞌun tuku ichi ɨɨn ñɨvɨ kua̱chi kene‑e nu̱u̱nꞌ ichi niva̱ꞌa nki̱vɨ‑ɨ, jee sikáku nú ñɨvɨ vá nu̱u̱nꞌ kuviꞌ‑i nu̱u̱nꞌ Ndiosíꞌ, nékúvi, jee koo tu̱ꞌun káꞌnú iniꞌ nu̱u̱nꞌ kue̱ꞌe̱ꞌ kua̱chi nsa̱ꞌá‑a.

Tito 2:15

Rá tu̱ꞌun yaꞌá vá xinéꞌénꞌ nú. Kaꞌanꞌ ni̱ꞌin nú jín nɨꞌɨ tiñu níso nú, sáva xiníꞌvɨ́ꞌ nú iniꞌ rá ñɨvɨ, jee nuxeenꞌ nú nu̱u̱nꞌ ñɨvɨ ya̱ sáꞌá niva̱ꞌa. Koto jiáꞌnu niva̱ꞌa nú, sáva ni ɨɨn ñɨvɨ nku̱níichiꞌ ráa noꞌó.

Colosenses 4:17

Jee kachiꞌ rán xá nu̱u̱nꞌ Arquipo: “Ya̱ kuniꞌvɨꞌ iniꞌ nú nu̱u̱nꞌ tiñu nni̱ꞌi̱nꞌ nú saꞌá nú nu̱u̱nꞌ I̱toꞌoꞌ‑ó, sáva sikúnkuvi nú maa.”

1 Corintios 9:22

Jee sáá nééꞌ ni̱ꞌ jín rá ñaniꞌ‑ó ya̱ táyáꞌ iniꞌ tu̱jiáni iniꞌ ráa jie̱ꞌe̱ꞌ ya̱ ntiáꞌan kujia iniꞌ ráa nu̱u̱nꞌ Tu̱ꞌun Ndiosíꞌ, jee suni sukuán jiáꞌnu ni̱ꞌ sáni jiáꞌnu maáráa ya̱ táyáꞌ iniꞌ, sáva ni̱ꞌi̱nꞌ ni̱ꞌ ya̱ sijínúꞌ ni̱ꞌ iniꞌ ráa tu̱ꞌun vá. Jee sukuán násaꞌá ni̱ꞌ maáníꞌ, chi jiáꞌnu ni̱ꞌ sánikua̱ꞌ jiáꞌnu ntáká nu̱u̱nꞌ ñɨvɨ, sáva sú na̱ja ka̱ꞌ kuneí sijínúꞌ ni̱ꞌ iniꞌ sava ráa ji̱nu̱ꞌ iniꞌ ráa Jesús jee natavaꞌ re̱ꞌ ráa nu̱u̱nꞌ kua̱chi ráa sikáku re̱ꞌ ráa.

Romanos 11:14

Jee sukuán sáꞌá ni̱ꞌ sáva sa̱naanꞌ kuvi saꞌá ni̱ꞌ kukuíñɨ́ iniꞌ rá táꞌán ñuunꞌ ni̱ꞌ Israel kune̱ꞌyá ráa ránoꞌó ya̱ kúneí iniꞌ rán Ndiosíꞌ, sáva saꞌá ni̱ꞌ ya̱ suni ni̱ꞌi̱nꞌ sava ráa ya̱ natavaꞌ Ndiosíꞌ ráa nu̱u̱nꞌ kua̱chi ráa nanitáꞌvíꞌ ráa.

Romanos 2:7

Jee rá ñɨvɨ níkɨ́nꞌ ni̱ꞌin ráa sáꞌá ráa ya̱ váꞌa chi núkú ráa ya̱ saꞌá Ndiosíꞌ ya̱ nuñáꞌnú ráa, jín ya̱ nakuatáꞌví re̱ꞌ ráa jín ya̱ nku̱víꞌ ráa ka̱ꞌ. Jee nachunáán re̱ꞌ nu̱u̱nꞌ ráa ya̱ kutekuꞌ ráa jín re̱ꞌ nɨ́ɨ́nkání.

Hechos 26:22

Ne̱ vitan Ndiosíꞌ nchi̱neí nuꞌuꞌ. Jee íñɨ́ ni̱ꞌ, sáva nástúvi ni̱ꞌ ya̱ naáꞌ nu̱u̱nꞌ rá ñɨvɨ ñáꞌnú jín nu̱u̱nꞌ rá ñɨvɨ láꞌví. Jee ntu sɨ́ɨ́n káꞌánꞌ ni̱ꞌ ya̱ nkachiꞌ Moisés jín rá inka te̱e ya̱ nna̱kani ráa tu̱ꞌun nkene yuꞌú Ndiosíꞌ, chi káchíꞌ ni̱ꞌ mákua nkachiꞌ ráa ya̱ kuvi.

Filemón 1:19

Nuꞌuꞌ, Pablo, tée ni̱ꞌ rá tu̱ꞌun yaꞌá jín naꞌá maáníꞌ sáva stúvi ya̱ nááꞌ ya̱ maáníꞌ chunáán maa. Jee ntu jíniñúꞌún ni̱ꞌ naxinákúꞌun ni̱ꞌ iniꞌ nú ya̱ noꞌó táyáꞌvi maánú nu̱u̱nꞌ ni̱ꞌ [chi ntaji ni̱ꞌ tu̱ꞌun váꞌa Jesús nu̱u̱nꞌ nú jee nni̱ꞌi̱nꞌ nú ya̱ natavaꞌ re̱ꞌ noꞌó nu̱u̱nꞌ kua̱chi nú nsi̱káku re̱ꞌ noꞌó].

1 Tesalonicenses 2:16

Chi núkú ráa jiásɨ́ꞌ ráa nu̱u̱nꞌ ránuꞌuꞌ, sáá káchítu̱ꞌún ránꞌ tu̱ꞌun jie̱ꞌe̱ꞌ Jesús nu̱u̱nꞌ rá ñɨvɨ ntu kúvi Israel, sáva natavaꞌ Ndiosíꞌ rá ñɨvɨ vá nu̱u̱nꞌ kua̱chi ráa nanitáꞌvíꞌ ráa. Suꞌva sukuáni sáꞌá rá ñɨvɨ Israel vá ya̱ núkueꞌeꞌ ka̱ꞌ kua̱chi si̱kɨ̱ꞌ ráa. Saájee ne̱ nkúvi ka̱ꞌ, jee nkenta ya̱ kítɨ́ꞌ iniꞌ Ndiosíꞌ néꞌyá re̱ꞌ ráa jee xinóꞌo re̱ꞌ ráa.

1 Corintios 1:21

Chi níchí nasɨ́kuitɨꞌ sáꞌá Ndiosíꞌ, chi nsú ya̱ níchí ñúꞌún xi̱ni̱ꞌ rá ñɨvɨ ñɨ̱vɨ́ sáꞌá ya̱ kuniꞌ ráa iniꞌ Ndiosíꞌ, chisaꞌ nkuva̱ꞌa iniꞌ Ndiosíꞌ ya̱ jiátíñú re̱ꞌ tu̱ꞌun váꞌa re̱ꞌ sáva natavaꞌ re̱ꞌ rá ñɨvɨ nu̱u̱nꞌ kua̱chi ráa sikáku re̱ꞌ ráa ya̱ kúneí iniꞌ ráa ínúꞌ iniꞌ ráa re̱ꞌ, asúꞌ jiáni iniꞌ rá ñɨvɨ ñɨ̱vɨ́ ya̱ tu̱ꞌun naanꞌ ví tu̱ꞌun re̱ꞌ ya̱ tékútu̱ꞌún nu̱u̱nꞌ ráa.

1 Timoteo 4:15

Naniꞌvɨꞌ iniꞌ nú rá tiñu yaꞌá. Jee kɨtíñú saꞌá maa, sáva tu̱vi kájí nu̱u̱nꞌ nɨꞌɨ ñɨvɨ, ya̱ jíjia iniꞌ nú.