1 Timoteo 3:2 - Mixteco del suroeste de Tlaxiaco Oaxaca

² Ɨɨn te̱e níso tiñu vá, íyó kuvi re̱ꞌ ɨɨn te̱e, ya̱ ntu kúvi chikua̱chi ñɨvɨ re̱ꞌ, jín ya̱ kuvi re̱ꞌ yɨɨ́ métúꞌún ñaꞌan ni, jín ya̱ ñúꞌún ñáꞌnú iniꞌ re̱ꞌ, jín ya̱ ñúꞌún kájí iniꞌ re̱ꞌ, jín ya̱ jiáꞌnu ñáꞌnú re̱ꞌ nu̱u̱nꞌ rá ñɨvɨ, jín ya̱ íyó mániꞌ iniꞌ re̱ꞌ ya̱ ku̱ꞌva re̱ꞌ ntíꞌ veꞌi kino̱o ñɨvɨ jíka ichi. Jee kuvi xinéꞌénꞌ re̱ꞌ.

1 Timoteo 3:2 Referans Kwoze

2 Timoteo 2:24

Jee ɨɨn musúꞌ ya̱ jiátíñú maá I̱toꞌoꞌ‑ó ntu̱ví íyó saꞌá‑a tuntíxín, íyó ya̱ koo ñunkúún iniꞌ‑i jín nɨꞌɨ ñɨvɨ, jee íyó kuvi xinéꞌénꞌ‑e, íyó keꞌneꞌ iniꞌ‑i,

Romanos 12:13

Jee chineí rán ya̱ jíniñúꞌún rá ñɨvɨ nsa̱ꞌá sɨ́ɨ́n Ndiosíꞌ ráa sáva kɨꞌɨ ráa nu̱u̱nꞌ Cristo. Jee koo ma̱ni̱ꞌ iniꞌ rán ku̱ꞌva rán ntíꞌ veꞌi rán kino̱o rá ñɨvɨ yɨ́ꞌɨ́ ráa nu̱u̱nꞌ Cristo ya̱ jíka ráa ichi.

1 Timoteo 5:9

Tɨɨn rá súví rá ñaꞌan náꞌví, [sáva grupo rá ñɨvɨ kúneí iniꞌ ráa Cristo chineí ráa ráña], retú ntu núun ya̱ u̱ni̱xiko (60) kui̱ya̱ꞌ ña, jee retú nkuvi ña ñasɨ́ꞌɨ́ ɨɨn te̱e ni [ni sáá ntekuꞌ re̱ꞌ],

1 Pedro 4:9

Ku̱ꞌva rán veꞌi rán kino̱o rá ñɨvɨ ya̱ kenta veꞌi rán, jee koto táyuꞌú rán jie̱ꞌe̱ꞌ‑e.

1 Pedro 5:8

Jee kuꞌun ñáꞌnú iniꞌ rán nito koo rán, chi kui̱ꞌna̱ꞌ kúñáꞌnú ya̱ túfíꞌ ta̱ꞌán re̱ꞌ jín ránoꞌó, jíkanuun re̱ꞌ kuéntáꞌ ɨɨn nikaꞌa ya̱ ne̱ nɨ́ꞌɨn sáxéenꞌ ti̱ꞌ núkú ti̱ꞌ kajiꞌ ti̱ꞌ chi núkú re̱ꞌ ɨɨn ñɨvɨ sáva xináánꞌ re̱ꞌ maa.

Hebreos 13:2

Jee koto náánꞌ iniꞌ rán ya̱ ku̱ꞌvanúún rán veꞌi rán kino̱o rá ñɨvɨ sáá jíniñúꞌún‑u nu̱u̱nꞌ kino̱o‑o. Chi jie̱ꞌe̱ꞌ vá, jee íyó ñɨvɨ káꞌvi ni ya̱ njia̱ꞌanúún ráa veꞌi ráa nu̱u̱nꞌ rá najiáꞌáꞌ ííꞌ Ndiosíꞌ nkino̱o rává sú ntu jíníꞌ ráa maa.

Tito 2:2

Xinéꞌénꞌ nú rá te̱e ñáꞌnú, ya̱ ntu jíꞌi víꞌí jee ntu jíni ráa, jín ya̱ ñáꞌnú iniꞌ ráa, jín ya̱ kuꞌun kájí iniꞌ ráa, jín ya̱ kuiñɨ na̱a̱ꞌ kutú ráa ya̱ kúneí iniꞌ ráa Cristo, jín ya̱ kunu̱u̱nꞌ ráa rá ñɨvɨ jín Ndiosíꞌ, jín ya̱ kuni̱ꞌin ráa kuiñɨ ni̱ꞌin ráa jín Jesús.

Filipenses 2:15

Sáva nkúvi chikua̱chi ñɨvɨ ránoꞌó, chisaꞌ ninuꞌun koo rán, ya̱ kúvi rán se̱ꞌya Ndiosíꞌ, ya̱ íyó noo nteñu rá ñɨvɨ tiempúꞌ vitan ya̱ sáꞌá tiákuá ráa jee kánéꞌén ráa. Jee tu̱vi rán nteñu ráa kuéntáꞌ jiánu̱te̱ꞌ tiu̱u̱nꞌ íyó súkún nu̱u̱nꞌ ñɨ̱vɨ́ neenꞌ,

1 Pedro 4:7

Soo ya̱ va̱kuyatin ya̱ nɨꞌɨ ntáká rá íyó, saáva nito koo rán kuꞌun kájí iniꞌ rán sáva kuvi kaꞌanꞌ rán jín Ndiosíꞌ.

Hebreos 3:14

Chi ni̱yo tu̱neí iniꞌ‑ó ne̱ tiempúꞌ xíꞌnañúꞌún ya̱ káchíꞌ tu̱ꞌun na̱a̱ꞌ. Jee retú koo kutú tu̱neí iniꞌ‑ó sukuán ne̱kua̱ꞌ kenta nu̱u̱nꞌ nɨ́ꞌɨ tékúꞌ‑ó, jee sukuán kenta‑ó kuneeꞌ nkáꞌnú‑ó jín Cristo.

1 Timoteo 4:3

Kunii̱yo ráa tana̱ꞌá ñɨvɨ. Jee tatúníꞌ ráa ya̱ chusává ñɨvɨ kajiꞌ‑i sava nu̱u̱nꞌ neyu ya̱ yájíꞌ‑ó. Soo ya̱ yájíꞌ‑ó vá nsa̱ꞌá Ndiosíꞌ, sáva kajiꞌ ñɨvɨ ya̱ kúneí iniꞌ ráa Cristo, jín ya̱ jíníꞌ ráa ya̱ naáꞌ, jee ku̱ꞌva‑ó ya̱ kútaꞌviꞌ nu̱u̱nꞌ re̱ꞌ jie̱ꞌe̱ꞌ‑e.

Lucas 1:6

Jee ni núvíꞌ ráa nkuvi ñɨvɨ na̱a̱ꞌ ichinúúnꞌ Ndiosíꞌ, chi na̱a̱ꞌ va̱ꞌa ñaꞌnu ráa sánikua̱ꞌ ntáká tiñu ya̱ nta̱túníꞌ I̱toꞌoꞌ‑ó Ndiosíꞌ jín rá tiñu ñakɨnꞌ re̱ꞌ, jee ntu íyó na̱ jie̱ꞌe̱ꞌ chikua̱chi ñɨvɨ si̱kɨ̱ꞌ ráa jie̱ꞌe̱ꞌ vá.

Lucas 2:36

Jee suni yukuán íñɨ́ ɨɨn ñaꞌan naní Ana ya̱ kúvi ɨɨn ñaꞌan ya̱ nákani ña tu̱ꞌun kéne yuꞌú máá maá Ndiosíꞌ, jee kúvi ña se̱ꞌya Fanuel, jee kúvi ña tataꞌ Aser. Jee nyɨɨ ña nku̱ñáꞌnú víꞌí ña, jee ne̱ súchí núún ña nta̱na̱ꞌá ña, jee nneeꞌ ña jín yɨɨ́ ña u̱xa̱ꞌ kui̱ya̱ꞌ.

1 Timoteo 3:8

Suni sukuán, rá te̱e ya̱ nééꞌ si̱kɨ̱ꞌ ráa ya̱ chíneí ráa rá ñɨvɨ kúneí iniꞌ rává Cristo, íyó kuvi ráa te̱e jiáꞌnu ñáꞌnú, jee íyó kuvi ráa te̱e saɨn iniꞌ jín ya̱ nsú máá tiñu jíꞌi sáꞌá ráa, jín ya̱ nkóo uꞌvi iniꞌ ráa ya̱ nku̱núunꞌ ráa xu̱ꞌún ya̱ nsáꞌ níꞌínꞌ ninuꞌun.

1 Timoteo 3:12

Jee te̱e ya̱ nééꞌ si̱kɨ̱ꞌ ráa sáva chíneí ráa rá ñɨvɨ kúneí iniꞌ Cristo, íyó kuvi re̱ꞌ yɨɨ́ métúꞌún ñaꞌan ni ne̱ kuviꞌ ña, jee íyó kosoꞌ va̱ꞌa re̱ꞌ nu̱u̱nꞌ se̱ꞌya re̱ꞌ jín táꞌán veꞌi maáréꞌ.

1 Timoteo 5:10

jee retú túvi ya̱ váꞌa sáꞌá ña nu̱u̱nꞌ inka ñɨvɨ, jee retú nsi̱kuéꞌnu va̱ꞌa ña se̱ꞌya ña, jee retú ni̱yo ma̱ni̱ꞌ iniꞌ ña, ya̱ njia̱ꞌa ña ntíꞌ veꞌi ña kino̱o ñɨvɨ jíka ichi, jee retú nsa̱ꞌá ña tiñu suꞌva, sáva kootiñu ña nu̱u̱nꞌ rá ñɨvɨ yɨ́ꞌɨ́ nu̱u̱nꞌ Cristo, sú tiñu láꞌví ví‑i ya̱ nna̱kete ña jie̱ꞌe̱ꞌ ráa, jee retú nchi̱neí ña rá ñɨvɨ nóꞌo, jee retú nyɨ̱tíñú ña nsa̱ꞌá ña nta̱ká nu̱u̱nꞌ ya̱ váꞌa.

1 Timoteo 5:22

Koto kéꞌen ya̱chi̱ꞌ nú kani nú ni ɨɨn te̱e kuniso ɨɨn tiñu nu̱u̱nꞌ ñanitáꞌán‑ó, chi xíꞌna íyó kani va̱ꞌa iniꞌ nú. Jee suni koto nákuíñɨꞌ nú jín kua̱chi sáꞌá inka ñɨvɨ. Jee koo ninuꞌun nú.