1 Timoteo 3:10 - Mixteco del suroeste de Tlaxiaco Oaxaca

¹⁰ Xíꞌnañúꞌún kototúníꞌ‑ó ráa. Jee retú ntu̱náꞌ íyó chikua̱chi ñɨvɨ ráa, jee ku̱ꞌva‑ó saꞌá ráa tiñu yaꞌá.

1 Timoteo 3:10 Referans Kwoze

1 Timoteo 5:22

Koto kéꞌen ya̱chi̱ꞌ nú kani nú ni ɨɨn te̱e kuniso ɨɨn tiñu nu̱u̱nꞌ ñanitáꞌán‑ó, chi xíꞌna íyó kani va̱ꞌa iniꞌ nú. Jee suni koto nákuíñɨꞌ nú jín kua̱chi sáꞌá inka ñɨvɨ. Jee koo ninuꞌun nú.

1 Timoteo 3:13

Jee rá te̱e chíneí vá, ya̱ síkúnkuvi va̱ꞌa ráa rá tiñu ráa, jee ni̱ꞌi̱nꞌ ráa ya̱ koo ñáꞌnú ñɨvɨ nu̱u̱nꞌ ráa, jee ni̱ꞌi̱nꞌ ráa ka̱ꞌ ya̱ kaꞌanꞌ neí iniꞌ ráa jie̱ꞌe̱ꞌ tu̱ꞌun Cristo Jesús ya̱ kúneí iniꞌ ráa.

1 Juan 4:1

Ránoꞌó ya̱ ñúnúunꞌ ni̱ꞌ, koto jínúꞌ iniꞌ rán nta̱ká rá ñɨvɨ ya̱ káchíꞌ ráa ya̱ káꞌánꞌ ráa tu̱ꞌun ya̱ njia̱ꞌa Ta̱chi̱ꞌ Ííꞌ sákachiꞌ ráa. Chisaꞌ kototúníꞌ rán ráa sáva nanukútúꞌun rán retú ta̱chi̱ꞌ njia̱ꞌa rá tu̱ꞌun káꞌánꞌ ráa kúvi Ta̱chi̱ꞌ Ííꞌ ya̱ va̱ji ne̱ nu̱u̱nꞌ Ndiosíꞌ áxí ntu̱ví. Chi kue̱ꞌe̱ꞌ víꞌí ñɨvɨ jíkanuun ñɨ̱vɨ́ yaꞌá káꞌánꞌ ráa tuntúꞌún, ya̱ kátúꞌún ráa nika̱ꞌ ya̱ kúvi ráa ñɨvɨ ya̱ nákani ráa tu̱ꞌun kéne yuꞌú Ndiosíꞌ.

1 Timoteo 3:6

Jee rá te̱e yósóꞌ nu̱u̱nꞌ rá ñɨvɨ yɨ́ꞌɨ́ nu̱u̱nꞌ Cristo, nsú te̱e sukuán ni̱nu̱ꞌ iniꞌ Cristo kúvi re̱ꞌ, sáva nkúꞌun téyɨ́ɨ́ iniꞌ re̱ꞌ, jee sáva suꞌva nkíninkava re̱ꞌ nu̱u̱nꞌ kua̱chi sáva ntu sijíta Ndiosíꞌ re̱ꞌ, sánikua̱ꞌ nkininkava kui̱ꞌna̱ꞌ kúñáꞌnú jee nsi̱jíta Ndiosíꞌ maa.

1 Timoteo 3:2

Ɨɨn te̱e níso tiñu vá, íyó kuvi re̱ꞌ ɨɨn te̱e, ya̱ ntu kúvi chikua̱chi ñɨvɨ re̱ꞌ, jín ya̱ kuvi re̱ꞌ yɨɨ́ métúꞌún ñaꞌan ni, jín ya̱ ñúꞌún ñáꞌnú iniꞌ re̱ꞌ, jín ya̱ ñúꞌún kájí iniꞌ re̱ꞌ, jín ya̱ jiáꞌnu ñáꞌnú re̱ꞌ nu̱u̱nꞌ rá ñɨvɨ, jín ya̱ íyó mániꞌ iniꞌ re̱ꞌ ya̱ ku̱ꞌva re̱ꞌ ntíꞌ veꞌi kino̱o ñɨvɨ jíka ichi. Jee kuvi xinéꞌénꞌ re̱ꞌ.

1 Corintios 1:8

Jee saꞌá re̱ꞌ ya̱ kuiñɨ ni̱ꞌin rán kuneí iniꞌ rán Cristo ne̱kua̱ꞌ ji̱nu ya̱ tékúꞌ nú, sáva ni ɨɨn ntu̱náꞌ kuvi chikua̱chi ránoꞌó sáá kenta nikó I̱toꞌoꞌ‑ó Jesús ya̱ kúvi Cristo.

Colosenses 1:22

jie̱ꞌe̱ꞌ níꞌiꞌ Se̱ꞌya re̱ꞌ sáá nkenta‑a kúvi‑i te̱e ñunéꞌyúꞌ. Nsa̱ꞌá re̱ꞌ suꞌva sáva saꞌá sɨ́ɨ́n re̱ꞌ yó sáva nkɨ́ꞌɨ‑ó ka̱ꞌ nu̱u̱nꞌ ya̱ niváꞌa, jee nkóo téꞌén si̱kɨ̱ꞌ‑ó, jee ni ntu̱náꞌ kúvi chikua̱chi ka̱ꞌ yó, sáá saꞌá re̱ꞌ ya̱ kuiñɨ‑ó ichinúúnꞌ re̱ꞌ.