1 Timoteo 3:1 - Mixteco del suroeste de Tlaxiaco Oaxaca

¹ Tu̱ꞌun na̱a̱ꞌ ví yaꞌá. Retú ne̱ ni ɨɨn te̱e ya̱ kuíni re̱ꞌ kunisotíñú re̱ꞌ ya̱ kuneen kuéntáꞌ re̱ꞌ rá ñɨvɨ yɨ́ꞌɨ́ nu̱u̱nꞌ Cristo, jee yaꞌá ví ɨɨn tiñu váꞌa kuíni re̱ꞌ saꞌá re̱ꞌ.

1 Timoteo 3:1 Referans Kwoze

Tito 1:7

Chi te̱e kúñáꞌnú ya̱ kuatíñú Ndiosíꞌ kumí re̱ꞌ rá ñɨvɨ kúneí iniꞌ ráa Cristo, saáva maáréꞌ íyó kuvi re̱ꞌ ɨɨn te̱e: ya̱ ntu kúvi chikua̱chi ñɨvɨ, jín ya̱ ntu jiáni téyɨ́ɨ́ iniꞌ, jín ya̱ ntu xe̱e̱nꞌ iniꞌ, jín ya̱ ntu jíꞌi víꞌí nixiꞌ jee ntu jíni, jín ya̱ ntu núkú tuntíxín, jín ya̱ ntu uꞌvi iniꞌ xu̱ꞌún, ya̱ ntu níꞌinꞌ ninuꞌun vá.

Hechos 20:28

’Kumí rán maárán jee kumí rán ñanitáꞌán ya̱ kúneí iniꞌ ráa Jesús. Chi ñani Ta̱chi̱ꞌ Ííꞌ ránoꞌó, sáva kuvi rán rá te̱e kúñáꞌnú nu̱u̱nꞌ ráa, sáva kunaka rán rá ñɨvɨ kúneí iniꞌ ráa Ndiosíꞌ. Ñatɨ ni̱ñɨ̱ꞌ maá Se̱ꞌya re̱ꞌ, sáá ni̱ꞌi̱ꞌ‑i nu̱u̱nꞌ kurúsiꞌ, sáva nakeꞌen re̱ꞌ rá ñɨvɨ vá.

1 Pedro 5:2

Saáva kumí váꞌa rán rá ñɨvɨ ya̱ kúvi ráa kuéntáꞌ lanchi Ndiosíꞌ ya̱ néen kuéntáꞌ rán ráa, jee nsú ɨɨn kuéntáꞌ tétuvi ví ya̱ saꞌá rán maa, chisaꞌ ne̱ koo iniꞌ rán saꞌá rán maa sáni kuíni Ndiosíꞌ, jee nsú jie̱ꞌe̱ꞌ ya̱ koo u̱ꞌvi̱ꞌ iniꞌ rán ni̱ꞌi̱nꞌ rán xu̱ꞌún saꞌá rán maa, chisaꞌ ne̱ kuꞌun káñá iniꞌ rán saꞌá rán maa.

1 Timoteo 1:15

Tu̱ꞌun na̱a̱ꞌ ví yaꞌá. Jee íyó tɨɨn nɨꞌɨ ñɨvɨ tu̱ꞌun yaꞌá, ya̱ káchíꞌ, ya̱ Cristo Jesús ya̱ nkiji nu̱u̱nꞌ ñɨ̱vɨ́, sáva natavaꞌ re̱ꞌ rá ñɨvɨ kua̱chi nu̱u̱nꞌ kua̱chi ráa sikáku re̱ꞌ ráa. Jee nuꞌuꞌ, ña̱ko̱so̱ꞌ ni̱ꞌ ka̱ꞌ nu̱u̱nꞌ ya̱ nsa̱ꞌá ni̱ꞌ kua̱chi mánasɨ́ nijia.

1 Pedro 2:25

Chi nékúvi jee kúvi rán kuéntáꞌ rá lanchi ya̱ nkene sɨ́ɨ́n, soo vitan nni̱kó rán nu̱u̱nꞌ Cristo, ya̱ maáréꞌ vá kúmí ránoꞌó kuéntáꞌ ɨɨn ya̱ kúmí‑i lanchi, jee néen kuéntáꞌ re̱ꞌ ránoꞌó.

Hebreos 12:15

Kumí rán maárán sáva ni ɨɨn rán koto xínóo‑o ya̱ váꞌa táji Ndiosíꞌ nu̱u̱nꞌ‑ó jie̱ꞌe̱ꞌ íyó mániꞌ iniꞌ re̱ꞌ yó, sáva ni ɨɨn rán nkújia tu̱ꞌun ñúꞌún táꞌvi iniꞌ ñɨvɨ nteñu rán, ya̱ saꞌá níní‑i iniꞌ rá ñanitáꞌán‑ó jee stívɨ́‑ɨ kue̱ꞌe̱ꞌ ráa kuéntáꞌ yu̱ku̱ꞌ u̱va̱ꞌ.

2 Timoteo 2:11

Yaꞌá ví tu̱ꞌun ya̱ maa na̱a̱ꞌ nijia: Chi retú ni̱ꞌi̱ꞌ‑ó jie̱ꞌe̱ꞌ yɨ́ꞌɨ́‑ó nu̱u̱nꞌ re̱ꞌ jee suni kutekuꞌ‑ó jín re̱ꞌ.

1 Timoteo 4:9

Tu̱ꞌun na̱a̱ꞌ ví yaꞌá, jee íyó tɨɨn ñɨvɨ ñɨ̱vɨ́ maa.

Filipenses 1:1

Maáníꞌ Pablo jín Timoteo, kúvi ránꞌ musúꞌ Cristo Jesús. Tée ránꞌ tutuꞌ yaꞌá nu̱u̱nꞌ nta̱ká ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨꞌɨ rán nu̱u̱nꞌ Cristo Jesús, ya̱ nééꞌ rán ñuunꞌ Filipos, jín nu̱u̱nꞌ rá te̱e kúñáꞌnú nu̱u̱nꞌ rán, jín nu̱u̱nꞌ rá ñaniꞌ rán ya̱ chíneí ráa ránoꞌó.

Lucas 15:10

Jee saáva nuꞌuꞌ káchíꞌ ni̱ꞌ nu̱u̱nꞌ rán ya̱ suni íyó tu̱ꞌun kúsɨ́ɨꞌ iniꞌ rá najiáꞌáꞌ ííꞌ Ndiosíꞌ jie̱ꞌe̱ꞌ ɨɨn ñɨvɨ kua̱chi retú nákani iniꞌ‑i jie̱ꞌe̱ꞌ kua̱chi sáꞌá‑a jee kunikɨnꞌ‑ɨ Ndiosíꞌ ―nkachiꞌ Jesús.

Tito 3:8

Tu̱ꞌun yaꞌá ví máá na̱a̱ꞌ nijia. Jee kuíni ni̱ꞌ, ya̱ íchí sanáaꞌ ni̱ꞌin nú rá tu̱ꞌun yaꞌá nu̱u̱nꞌ rá ñɨvɨ kúneí iniꞌ ráa Ndiosíꞌ, sáva kɨtíñú ráa saꞌá ráa rá tiñu váꞌa. Jee ya̱ váꞌa víꞌí ví rá tu̱ꞌun yaꞌá, jee íyótiñu‑u nu̱u̱nꞌ rá ñɨvɨ.

Efesios 4:12

Njia̱ꞌa re̱ꞌ rá tiñu vá nu̱u̱nꞌ ráa sáva sikújia ráa iniꞌ rá ñɨvɨ ya̱ nsa̱ꞌá sɨ́ɨ́n Ndiosíꞌ kúvi ñɨvɨ re̱ꞌ. Síkújia ráa iniꞌ maáó ya̱ kúvi‑ó rá ñɨvɨ re̱ꞌ sáva kɨtíñú‑ó saꞌá‑ó tiñu re̱ꞌ nu̱u̱nꞌ ɨɨn inka táꞌán‑ó, sáva sikuéꞌnu‑ó ɨɨn inka táꞌán‑ó, ya̱ ɨɨn ni ñɨvɨ kuvi‑ó nu̱u̱nꞌ Cristo, kuéntáꞌ ɨɨn yɨkɨkúñu.

Hechos 1:20

Jee suni nkachiꞌ Pedro nu̱u̱nꞌ ráa: ―Chi káchíꞌ nu̱u̱nꞌ Tutuꞌ Ííꞌ naní Salmo: Íyó koo saɨn veꞌi re̱ꞌ. Jee koto ni ɨɨn nééꞌ iniꞌ‑i. Jee suni káchíꞌ‑i: Íyó nakui̱ñɨ̱ꞌ inka ka̱ꞌ nu̱u̱nꞌ tiñu níso re̱ꞌ. Sukuán káchíꞌ Tutuꞌ Ííꞌ.

1 Pedro 4:15

Jee saáva koto sáꞌá rán tiñu jiáꞌníꞌ ta̱ꞌán, áxí ya̱ sákuíꞌná, áxí rá tiñu níváꞌa, áxí rá tiñu ya̱ kíní‑i maáa nu̱u̱nꞌ ñujiínꞌ rá inka ñɨvɨ, jee saáva retú kunoꞌo‑ó soo ntu íyó kunoꞌo rán jie̱ꞌe̱ꞌ rá tiñu vá jie̱ꞌe̱ꞌ ya̱ ntu nsa̱ꞌá rán maa.

1 Tesalonicenses 5:14

Jee ntañúꞌún ránoꞌó ñanitáꞌán, náxiníꞌvɨ́ꞌ ráníꞌ iniꞌ ránoꞌó ya̱: nachúꞌún rán ichi rá ñɨvɨ kúxí, ya̱ ntu kúníꞌ ráa satíñú ráa. Jee nasáneí rán iniꞌ rá ñɨvɨ núun iniꞌ. Jee nasásɨ́ɨꞌ rán iniꞌ rá ñɨvɨ ntu neí iniꞌ. Jee koo káꞌnú iniꞌ rán jín nɨꞌɨ rá ñɨvɨ.

Romanos 11:13

Soo káchíꞌ ni̱ꞌ nu̱u̱nꞌ ránoꞌó ya̱ ntu kúvi rán ñɨvɨ ñuunꞌ Israel: Jie̱ꞌe̱ꞌ ya̱ níso ni̱ꞌ tiñu apóstol ya̱ nchu̱ichí Cristo sáva kachitu̱ꞌún ni̱ꞌ tu̱ꞌun re̱ꞌ nu̱u̱nꞌ ránoꞌó ya̱ ntu̱ví kúvi rán ñɨvɨ Israel, jee nákuetúꞌún ni̱ꞌ tiñu ya̱ ntaji Cristo nu̱u̱nꞌ ni̱ꞌ.