1 Timoteo 2:5 - Mixteco del suroeste de Tlaxiaco Oaxaca

⁵ Chi kua̱chi ɨɨn Ndiosíꞌ ni íyó. Jee íyó kua̱chi ɨɨn ni ya̱ saꞌá‑a ya̱ nakama̱ni̱ꞌ ñɨvɨ jín Ndiosíꞌ. Máá Cristo Jesús ví te̱e vá.

1 Timoteo 2:5 Referans Kwoze

Gálatas 3:20

Ɨɨn te̱e, ya̱ íñɨ́ re̱ꞌ ma̱ꞌñú ñɨvɨ sáva kaꞌanꞌ re̱ꞌ jín ɨɨn inka ráa sáva natúꞌún ráa, jee ntu íñɨ́ re̱ꞌ ma̱ꞌñú ɨɨn ñɨvɨ ni. Soo ɨɨn ni ví Ndiosíꞌ.

1 Corintios 8:6

soo nu̱u̱nꞌ maáó, chi métúꞌún ni Ndiosíꞌ íyó ya̱ kúvi Tátáꞌ‑ó. Jee maáréꞌ nsa̱ꞌá ntáká ya̱ íyó, jee suni maáó nsáꞌá re̱ꞌ yó sáva kɨtíñú‑ó nu̱u̱nꞌ re̱ꞌ. Jee suni ɨɨn ni I̱toꞌoꞌ‑ó íyó, ya̱ suvi kúvi Jesús ya̱ kúvi re̱ꞌ Cristo, ya̱ ña̱tíñú Ndiosíꞌ maa sáva nsa̱ꞌá ráa ntáká ya̱ íyó, jee suni nsa̱ꞌá re̱ꞌ yó ranika̱ꞌ.

Hebreos 9:15

Saáva, níso re̱ꞌ tiñu ñujiínꞌ jie̱ꞌe̱ꞌ tratúꞌ jiáá ya̱ yɨ́tíñú re̱ꞌ nu̱u̱nꞌ Ndiosíꞌ jín nu̱u̱nꞌ ñɨvɨ. Chi ni̱ꞌi̱ꞌ re̱ꞌ sáva chunáán nkáꞌnú re̱ꞌ nu̱u̱nꞌ Ndiosíꞌ sáva nakani núne re̱ꞌ rá ñɨvɨ nu̱u̱nꞌ kua̱chi nsa̱ꞌá rá ñɨvɨ sáá nyɨ̱ꞌɨ ráa chi̱ji tratúꞌ xíꞌnañúꞌún, sáva rá ñɨvɨ ya̱ nkana Ndiosíꞌ ni̱ꞌi̱nꞌ ráa ta̱ꞌvi̱ꞌ ya̱ koo nɨ́ɨ́nkání, ya̱ yukuán vá nchi̱sóyuꞌú re̱ꞌ.

Hebreos 7:25

Jee rá ñɨvɨ ya̱ jiánatuꞌva ráa nu̱u̱nꞌ Ndiosíꞌ jie̱ꞌe̱ꞌ Cristo, jee saáva kávii kuitɨꞌ kuvi natavaꞌ Jesús ráa nu̱u̱nꞌ kua̱chi ráa, jee sikáku re̱ꞌ xinánitáꞌvíꞌ re̱ꞌ nɨ́ɨ́nkání ráa, chi tékúꞌ re̱ꞌ nɨ́ɨ́nkání, sáva yɨ́tuvi re̱ꞌ náma re̱ꞌ ráa nu̱u̱nꞌ Ndiosíꞌ.

Hebreos 12:24

Jee nkikuyatin rán nu̱u̱nꞌ Jesús ya̱ níso re̱ꞌ tiñu ñujiínꞌ jie̱ꞌe̱ꞌ tratúꞌ jiáá ñakɨnꞌ re̱ꞌ, ya̱ yɨ́tuvi re̱ꞌ jie̱ꞌe̱ꞌ‑ó nu̱u̱nꞌ Ndiosíꞌ, jín nu̱u̱nꞌ ni̱ñɨ̱ꞌ re̱ꞌ ya̱ ñatɨ‑ɨ ya̱ násaꞌá noo‑o yó nu̱u̱nꞌ kua̱chi‑ó. Jee nkakua̱chi ni̱ñɨ̱ꞌ re̱ꞌ nu̱u̱nꞌ Ndiosíꞌ tu̱ꞌun máá ñáꞌnú va̱ꞌa ka̱ꞌ nsú káꞌ ni̱ñɨ̱ꞌ Abel ya̱ ñatɨ sáá ni̱ꞌi̱ꞌ‑i.

Juan 1:14

Jee maáréꞌ ya̱ kúvi Tu̱ꞌun vá nkenta nkuvi re̱ꞌ ɨɨn te̱e ñunéꞌyúꞌ jee nneeꞌ re̱ꞌ nteñu‑ó. Jee niniꞌ ránꞌ ya̱ viiꞌ nasɨ́kuitɨꞌ kúñáꞌnú re̱ꞌ. Kúñáꞌnú re̱ꞌ chi Se̱ꞌya métúꞌún Ndiosíꞌ kúvi re̱ꞌ ya̱ váji ne̱ nu̱u̱nꞌ Tátáꞌ‑ó Ndiosíꞌ. Jee ntántúníꞌ íyó mániꞌ iniꞌ re̱ꞌ néꞌyá re̱ꞌ yó jee mani kúvi re̱ꞌ ya̱ nááꞌ ya̱ saꞌ víꞌí káꞌ stúvi ya̱ nááꞌ jie̱ꞌe̱ꞌ Ndiosíꞌ.

Romanos 10:12

Chi ntu sɨ́ɨ́n kúvi rá ñɨvɨ Israel jín rá ñɨvɨ ya̱ ntu kúvi Israel, chi maá I̱toꞌoꞌ kúvi I̱toꞌoꞌ nu̱u̱nꞌ nɨꞌɨ, jee ntántúníꞌ jiáꞌa re̱ꞌ ya̱ váꞌa sáꞌá re̱ꞌ nu̱u̱nꞌ rá ñɨvɨ ya̱ kákua̱chi ráa nu̱u̱nꞌ re̱ꞌ ya̱ kuvi re̱ꞌ I̱toꞌoꞌ ráa.

Juan 17:3

Jee suꞌva kúvi ya̱ kutekuꞌ ñɨvɨ nɨ́ɨ́nkání jín‑ó: ya̱ kuniꞌ ráa iniꞌ noꞌó, ya̱ métúꞌún maánú vá kúvi nijia maá Ndiosíꞌ nijia, jín ya̱ suni kuniꞌ ráa iniꞌ nuꞌuꞌ, ya̱ maáníꞌ vá kúvi Jesús ya̱ níso ni̱ꞌ tiñu Cristo ya̱ nchu̱ichí nú nuꞌuꞌ va̱ji ni̱ꞌ jín tiñu ntaji nú níso ni̱ꞌ.

Hebreos 8:6

Soo vitan jee su̱tu̱ꞌ‑ó ya̱ kúvi Cristo nni̱ꞌi̱nꞌ re̱ꞌ tiñu máá ñáꞌnú nasɨ́kuitɨꞌ ka̱ꞌ nsú káꞌ rá tiñu nsa̱ꞌá rá su̱tu̱ꞌ vá. Jee suni sukuán níso re̱ꞌ tiñu ñujiínꞌ jie̱ꞌe̱ꞌ tratúꞌ jiáá ya̱ kúvi va̱ꞌa nasɨ́kuitɨꞌ ka̱ꞌ nsú káꞌ tratúꞌ túꞌú. Jee suni ñakɨnꞌ Ndiosíꞌ tratúꞌ jiáá vá jie̱ꞌe̱ꞌ rá tiñu váꞌa nasɨ́kuitɨꞌ ka̱ꞌ nchi̱sóyuꞌú re̱ꞌ ya̱ saꞌá re̱ꞌ maa.

Efesios 4:6

Jee métúꞌún ni Ndiosíꞌ íyó, ya̱ kúvi Tátáꞌ nu̱u̱nꞌ ntáká‑ó, ya̱ maáréꞌ vá yósóꞌ nu̱u̱nꞌ kua̱íyó kuitɨꞌ‑ó, jee sáꞌá re̱ꞌ tiñu ya̱ kúvi ntáká‑ó, jee yɨ́ꞌɨ́ re̱ꞌ iniꞌ ntáká‑ó.

1 Corintios 8:4

Saájee káchíꞌ ni̱ꞌ tu̱ꞌun jie̱ꞌe̱ꞌ rá sókóꞌ rá ñɨvɨ nu̱u̱nꞌ rá santúꞌ ñunéꞌyúꞌ. Jee jíníꞌ‑ó ya̱ ntu̱náꞌ kúvi rá nantíñú nsa̱ꞌá jín naꞌá íyó iniꞌ ñɨ̱vɨ́ yaꞌá ya̱ néñu̱ꞌun ñɨvɨ, chi ntu̱ví íyó inka ka̱ꞌ ndiosíꞌ chi métúꞌún Ndiosíꞌ tékúꞌ ni vá íyó.

Mateo 1:23

Kune̱ꞌyá rán, ɨɨn ñaꞌan súchí núún, nanise̱ꞌya ña, jee sikáku ña ɨɨn su̱chí yɨ́ɨ́, jee sikúnání ráa maa Emanuel káchíꞌ nu̱u̱nꞌ Tutuꞌ Ííꞌ. Emanuel kuíni kachiꞌ: Ndiosíꞌ íyó re̱ꞌ jín‑ó.

Apoclipsis 1:13

Jee ma̱ꞌñú ni uxáꞌ rá kantilerúꞌ vá niniꞌ ni̱ꞌ ya̱ íñɨ́ re̱ꞌ ya̱ túvi kuéntáꞌ maáréꞌ ya̱ nta̱jí Ndiosíꞌ re̱ꞌ nu̱u̱nꞌ ñɨ̱vɨ́ sáva kuvi re̱ꞌ Se̱ꞌya Ñɨvɨ. Jee ñúꞌún re̱ꞌ ɨɨn saꞌma maá kání ya̱ kénta ne̱ su̱ku̱nꞌ jie̱ꞌéꞌ re̱ꞌ. Jee núꞌníꞌ ɨɨn manchíjí oro ni̱ka re̱ꞌ.

Mateo 1:1

Yaꞌá ví rá súví rá ñɨvɨ tataꞌ ichiyúkúnꞌ yanaꞌán nu̱u̱nꞌ nkiji Jesús nkaku re̱ꞌ, ya̱ nísotíñú re̱ꞌ ya̱ kúvi re̱ꞌ máá Cristo [ya̱ ñani Ndiosíꞌ re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa]. Jee kúvi Jesús nu̱u̱nꞌ tataꞌ ichiyúkúnꞌ nkene nu̱u̱nꞌ David jee nu̱u̱nꞌ tataꞌ ichiyúkúnꞌ váji nu̱u̱nꞌ Abraham.

Hechos 4:12

Soo kua̱chi Jesús kúvi natavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó, chi ntu̱né íyó inka ka̱ꞌ nu̱u̱nꞌ kɨꞌɨ‑ó sáva nanitáꞌvíꞌ‑ó. Chi ntu̱né íyó inka ka̱ꞌ súví ni ɨɨn ñɨvɨ nu̱u̱nꞌ ñɨ̱vɨ́ yaꞌá ya̱ njia̱ꞌa Ndiosíꞌ nu̱u̱nꞌ ñɨvɨ sáva natavaꞌ re̱ꞌ yó nu̱u̱nꞌ kua̱chi‑ó sikáku re̱ꞌ yó ―nkachiꞌ Pedro.

Romanos 1:3

jie̱ꞌe̱ꞌ Se̱ꞌya re̱ꞌ Jesús, ya̱ nkuvi tataꞌ ichiyúkúnꞌ nkiji‑i nu̱u̱nꞌ David sáá nkiji‑i kuvi‑i ñɨvɨ ñunéꞌyúꞌ.

1 Timoteo 6:13

Tétíñú ni̱ꞌ noꞌó ichinúúnꞌ Ndiosíꞌ, ya̱ sáꞌá re̱ꞌ kutekuꞌ nɨꞌɨ ya̱ tékúꞌ, jín ichinúúnꞌ Cristo Jesús, ya̱ nsa̱náaꞌ va̱ꞌa re̱ꞌ ya̱ naáꞌ ichinúúnꞌ te̱e nísotíñú, naní Poncio Pilato.

1 Juan 2:1

Ránoꞌó ya̱ kúneí iniꞌ rán Jesús, ya̱ kúvi rán kuéntáꞌ se̱ꞌya ni̱ꞌ, tée ni̱ꞌ rá tu̱ꞌun yaꞌá nu̱u̱nꞌ rán sáva nsáꞌá rán kua̱chi. Soo retú néni ɨɨn‑ó saꞌá kua̱chi, jee íyó ɨɨn re̱ꞌ ya̱ yɨ́tuvi re̱ꞌ náma re̱ꞌ yó ichinúúnꞌ Tátáꞌ‑ó Ndiosíꞌ, jee suvire̱ꞌ kúvi Jesús ya̱ kúvi Cristo ya̱ na̱a̱ꞌ kúvi re̱ꞌ.

Lucas 14:22

Jee sáá nni̱kó musúꞌ vá, jee nkachiꞌ‑i: “I̱toꞌoꞌ ni̱ꞌ nsa̱ꞌá ni̱ꞌ ya̱ nta̱túníꞌ nú, soo núne i̱i̱ꞌ ka̱ꞌ nu̱u̱nꞌ kuneeꞌ ka̱ꞌ ñɨvɨ iniꞌ veꞌi nú jee chitú‑u”, nkachiꞌ‑i.