1 Timoteo 2:4 - Mixteco del suroeste de Tlaxiaco Oaxaca

⁴ jee kuíni re̱ꞌ ya̱ nɨꞌɨ ñɨvɨ ni̱ꞌi̱nꞌ ráa ya̱ natavaꞌ re̱ꞌ ráa nu̱u̱nꞌ kua̱chi ráa nanitáꞌvíꞌ ráa, jín ya̱ kenta kukáꞌnú iniꞌ ráa ya̱ naáꞌ.

1 Timoteo 2:4 Referans Kwoze

2 Pedro 3:9

Jee nsáꞌ kúkuéé I̱toꞌoꞌ‑ó síkúnkuvi re̱ꞌ ya̱ nchi̱sóyuꞌú re̱ꞌ ya̱ tiaaꞌ tuku re̱ꞌ kuéntáꞌ kua̱ꞌ ya̱ jiáni iniꞌ sava rá ñɨvɨ jie̱ꞌe̱ꞌ ya̱ kukuéé re̱ꞌ. Chisaꞌ nétukáꞌnú iniꞌ re̱ꞌ néꞌyá re̱ꞌ ránoꞌó, chi ntu kuíni re̱ꞌ ya̱ kɨ̱naanꞌ ni ɨɨn ñɨvɨ chisaꞌ kuíni re̱ꞌ ya̱ nta̱ká ñɨvɨ nakani iniꞌ ráa chiꞌi ráa maáráa xi̱ntíín re̱ꞌ.

Tito 2:11

Chi ntu̱vi nu̱u̱nꞌ nɨꞌɨ ñɨvɨ ya̱ íyó mániꞌ iniꞌ Ndiosíꞌ néꞌyá re̱ꞌ ñɨvɨ sáá nta̱jí re̱ꞌ Cristo, ya̱ nátavaꞌ re̱ꞌ ñɨvɨ nu̱u̱nꞌ kua̱chi ráa xinánitáꞌvíꞌ re̱ꞌ ráa.

2 Timoteo 2:25

jee íyó koo másúꞌ iniꞌ‑i sáá nachuꞌun‑u ichi váꞌa rá ñɨvɨ núníꞌin jín tu̱ꞌun na̱a̱ꞌ. Sa̱naanꞌ ku̱ꞌva Ndiosíꞌ nakani iniꞌ ráa, ne̱ kenta kukáꞌnú iniꞌ ráa tu̱ꞌun na̱a̱ꞌ.

1 Timoteo 4:10

Chi jie̱ꞌe̱ꞌ yaꞌá sátíñú ni̱ꞌin‑ó jee núnasɨ́‑ó sátíñú‑ó, chi njia̱ꞌa‑ó tu̱neí iniꞌ‑ó Ndiosíꞌ ya̱ tékúꞌ. Jee suvire̱ꞌ ví ya̱ kúvi saꞌá re̱ꞌ ya̱ kúvi natavaꞌ re̱ꞌ nta̱ká ñɨvɨ nu̱u̱nꞌ kua̱chi ráa xinánitáꞌvíꞌ re̱ꞌ ráa. Jee sáni máá rá ñɨvɨ ya̱ ínúꞌ iniꞌ ráa Cristo ví ya̱ sáꞌá re̱ꞌ ya̱ nanitáꞌvíꞌ ráa.

Lucas 24:47

Jee te̱ku̱tu̱ꞌún tu̱ꞌun ni̱ꞌ ya̱ nu̱u̱nꞌ nuꞌuꞌ váji ya̱ nakani iniꞌ ñɨvɨ jie̱ꞌe̱ꞌ kua̱chi ráa sáva kunekáꞌnú iniꞌ Ndiosíꞌ ráa jie̱ꞌe̱ꞌ kua̱chi ráa. Te̱ku̱tu̱ꞌún tu̱ꞌun ni̱ꞌ nu̱u̱nꞌ rá ñɨvɨ ntáká rá ñuunꞌ kua̱íyó ñɨ̱vɨ́ jee kajiéꞌé‑e ne̱ ñuunꞌ Jerusalén.

Apoclipsis 14:6

Saájee niniꞌ ni̱ꞌ inka ka̱ꞌ najiáꞌáꞌ ííꞌ Ndiosíꞌ náva‑a kua̱ꞌa̱nꞌ‑a jíkó‑o sava súkún. Jee va̱ji‑i jín tu̱ꞌun váꞌa Ndiosíꞌ stekútu̱ꞌún‑u vá nu̱u̱nꞌ rá ñɨvɨ nééꞌ ñɨ̱vɨ́, nu̱u̱nꞌ ntáká nu̱u̱nꞌ rá ñɨvɨ, jín nu̱u̱nꞌ ñɨvɨ ntáká tataꞌ, jín nu̱u̱nꞌ ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, jín nu̱u̱nꞌ ntáká ñuunꞌ.

Juan 14:6

Jee nkachiꞌ Jesús nu̱u̱nꞌ‑u: ―Nuꞌuꞌ kúvi ni̱ꞌ ichi ya̱ nátuꞌva ñɨvɨ nu̱u̱nꞌ Ndiosíꞌ, jín nu̱u̱nꞌ nuꞌuꞌ va̱ji ya̱ naáꞌ, jín maáníꞌ ví ya̱ sáꞌá‑a ya̱ kutekuꞌ ñɨvɨ jín Ndiosíꞌ nɨ́ɨ́nkání. Ntu íyó inka ka̱ꞌ ichi ya̱ kenta ñɨvɨ nu̱u̱nꞌ Tátáꞌ ni̱ꞌ Ndiosíꞌ, chi métúꞌún nuꞌuꞌ ví‑i ya̱ sáꞌá ya̱ nkénta ñɨvɨ nu̱u̱nꞌ Ndiosíꞌ.

Mateo 28:19

Saáva kuáꞌán rán xinéꞌénꞌ rán tu̱ꞌun váꞌa ni̱ꞌ nu̱u̱nꞌ ñɨvɨ ntáká rá ñuunꞌ sáva kuneí iniꞌ ráa nuꞌuꞌ jee ki̱vɨ ráa xi̱ntíín ni̱ꞌ ya̱ sukuáꞌa ráa tu̱ꞌun ni̱ꞌ, jee sikuánuté rán ráa nu̱u̱nꞌ súví Tátáꞌ‑ó Ndiosíꞌ jín Se̱ꞌya re̱ꞌ, jín Ta̱chi̱ꞌ Ííꞌ re̱ꞌ.

Tito 1:1

Maáníꞌ, Pablo, ya̱ kúvi ni̱ꞌ musúꞌ ya̱ jiátíñú Ndiosíꞌ. Jee suni níso ni̱ꞌ tiñu apóstol, ya̱ nchu̱ichí Jesucristo nuꞌuꞌ, sáva ku̱ꞌva ni̱ꞌ tu̱ꞌun re̱ꞌ nu̱u̱nꞌ rá ñɨvɨ, sáva rá ñɨvɨ ya̱ nka̱ji Ndiosíꞌ ráa kuneí iniꞌ ráa maa, jee sáva kuniꞌ noo ráa tu̱ꞌun na̱a̱ꞌ, jee sáva kunikɨnꞌ ráa ichi na̱a̱ꞌ nu̱u̱nꞌ Ndiosíꞌ sáni kuíni re̱ꞌ,

2 Timoteo 3:7

Sukuáni núkú ráña kútúꞌva ráña inka tu̱ꞌun jiáá, soo ni nsáꞌ kuvi kenta kukáꞌnú iniꞌ ráña ya̱ nááꞌ.

Lucas 14:23

’Saájee nkachiꞌ i̱toꞌoꞌ xí veꞌi vá nu̱u̱nꞌ musúꞌ‑u: “Kuáꞌán iniꞌ rá ichi káꞌnú jín rá ichi kuíñɨ́, jee tetuvi nú rá ñɨvɨ ki̱vɨ ráa, sáva chitú veꞌi ni̱ꞌ.

Lucas 1:77

Jee sáva sikúkáꞌnú nú iniꞌ rá ñɨvɨ re̱ꞌ ya̱ sikáku re̱ꞌ ráa jie̱ꞌe̱ꞌ kua̱chi ráa, jie̱ꞌe̱ꞌ ya̱ kunekáꞌnú iniꞌ re̱ꞌ ráa nu̱u̱nꞌ kua̱chi ráa.

Juan 17:17

Jee saꞌá ya̱ kusɨ́ɨ́n ráa ya̱ nkɨ́ꞌɨ ráa ka̱ꞌ nu̱u̱nꞌ ya̱ niva̱ꞌa jee kɨtíñú ráa nu̱u̱nꞌ nú jie̱ꞌe̱ꞌ ya̱ naáꞌ nú, chi tu̱ꞌun nú máá tu̱ꞌun na̱a̱ꞌ kúvi‑i.

Juan 6:37

Chi nta̱ká ñɨvɨ ya̱ táji Tátáꞌ ni̱ꞌ nu̱u̱nꞌ ni̱ꞌ, jee natuꞌva ráa nuꞌuꞌ. Jee ɨɨn ñɨvɨ natuꞌva‑a nuꞌuꞌ ni nsáꞌ sukuíta ni̱ꞌ maa nu̱u̱nꞌ ni̱ꞌ.

Marcos 16:15

Jee nkachiꞌ re̱ꞌ nu̱u̱nꞌ ráa: ―Kuáꞌán rán kua̱íyó ñɨ̱vɨ́, jee stekútu̱ꞌún rán tu̱ꞌun váꞌa jie̱ꞌe̱ꞌ nuꞌuꞌ nu̱u̱nꞌ rá ñɨvɨ kua̱íyó ñɨ̱vɨ́, ya̱ nsa̱ꞌá Ndiosíꞌ.

Hebreos 10:26

Soo retú kuíni iniꞌ maáó káñunkúún sáꞌá sáꞌá‑ó kua̱chi, sú ya̱ nni̱ꞌi̱nꞌ‑ó kuniꞌ‑ó tu̱ꞌun na̱a̱ꞌ váꞌa jie̱ꞌe̱ꞌ Cristo, saájee ntu̱né íyó inka ka̱ꞌ ya̱ kúvi so̱ko̱ꞌ‑ó maa kuviꞌ‑i sáva chunáán nkáꞌnú‑ó jie̱ꞌe̱ꞌ kua̱chi‑ó.

Romanos 11:14

Jee sukuán sáꞌá ni̱ꞌ sáva sa̱naanꞌ kuvi saꞌá ni̱ꞌ kukuíñɨ́ iniꞌ rá táꞌán ñuunꞌ ni̱ꞌ Israel kune̱ꞌyá ráa ránoꞌó ya̱ kúneí iniꞌ rán Ndiosíꞌ, sáva saꞌá ni̱ꞌ ya̱ suni ni̱ꞌi̱nꞌ sava ráa ya̱ natavaꞌ Ndiosíꞌ ráa nu̱u̱nꞌ kua̱chi ráa nanitáꞌvíꞌ ráa.

Santiago 3:14

Soo retú ñúꞌún tu̱ꞌun táꞌvi ñúkuíñɨ́ iniꞌ ánímaꞌ rán jee uꞌvi iniꞌ ánímaꞌ rán kuíni rán ya̱ kuñáꞌnú rán, jee koto káꞌánꞌ téyɨ́ɨ́ rán jee koto kátúꞌún rán si̱kɨ̱ꞌ ya̱ naáꞌ suꞌva.

2 Juan 1:1

Nuꞌuꞌ, [Juan] ya̱ kúvi ni̱ꞌ ɨɨn rá te̱e kúñáꞌnú nu̱u̱nꞌ rá ñɨvɨ kúneí iniꞌ Jesús, tée ni̱ꞌ tutuꞌ yaꞌá nu̱u̱nꞌ ñaꞌan ya̱ nka̱ji Ndiosíꞌ, jín suni nu̱u̱nꞌ rá se̱ꞌya ña, ya̱ ñúnúunꞌ nijia ni̱ꞌ. Jee nsáꞌ kua̱chi métúꞌún nuꞌuꞌ ni̱ꞌ, chi suni nta̱ká rá ñɨvɨ ya̱ ntɨɨn tu̱ꞌun na̱a̱ꞌ Jesús ñúnúunꞌ ráa ránoꞌó,