1 Timoteo 2:2 - Mixteco del suroeste de Tlaxiaco Oaxaca

² Jee suni sukuán náxiníꞌvɨ́ꞌ ni̱ꞌ iniꞌ ñanitáꞌán‑ó ya̱ kaꞌanꞌ‑ó jín Ndiosíꞌ jie̱ꞌe̱ꞌ rá te̱e, ya̱ tátúníꞌ nu̱u̱nꞌ rá ñuunꞌ, jín jie̱ꞌe̱ꞌ nta̱ká rá te̱e nísotíñú, sáva kuvi kuneeꞌ ñunkúún‑ó jee kuneeꞌ va̱ꞌa‑ó, ni jiáꞌnu‑ó ichi na̱a̱ꞌ sáni kuíni Ndiosíꞌ jee jiáꞌnu ñáꞌnú‑ó.

1 Timoteo 2:2 Referans Kwoze

1 Tesalonicenses 4:11

Jee nakeni rán kuneeꞌ ñunkúún rán. Jee jitú iniꞌ rán tiñu sáꞌá maárán. Jee satíñú rán sáva koto rán maárán. Íyó saꞌá rán yaꞌá sáni ya̱ nta̱túníꞌ ránꞌ nu̱u̱nꞌ ránoꞌó.

Hebreos 12:14

Naniꞌvɨꞌ iniꞌ rán nukú rán kuneeꞌ ñunkúún rán jín ntáká ñɨvɨ jín ya̱ kusɨ́ɨ́n rán nu̱u̱nꞌ kua̱chi jee kɨtíñú rán nu̱u̱nꞌ Ndiosíꞌ. Chi retú ntu yɨ́tíñú ɨɨn ñɨvɨ nu̱u̱nꞌ Ndiosíꞌ, ni nsáꞌ kuniꞌ‑i nu̱u̱nꞌ I̱toꞌoꞌ‑ó.

Romanos 12:18

Retú kúvi, na̱sa kua̱ꞌ kenta kúneí rán, kuniꞌvɨꞌ iniꞌ rán kuneeꞌ ñunkúún rán jín ntáká rá ñɨvɨ.

Filipenses 4:8

Jee nu̱u̱nꞌ nɨ́ꞌɨ ka̱ꞌ kachiꞌ ni̱ꞌ ka̱ꞌ nu̱u̱nꞌ rán, ránoꞌó ñaniꞌ jín ku̱ꞌva. Kuꞌun iniꞌ rán jie̱ꞌe̱ꞌ nta̱ká tu̱ꞌun na̱a̱ꞌ, jín jie̱ꞌe̱ꞌ nta̱ká tiñu ya̱ íyó ñáꞌnú, jín jie̱ꞌe̱ꞌ nta̱ká tiñu ya̱ íyó na̱a̱ꞌ, jín jie̱ꞌe̱ꞌ nta̱ká tiñu ya̱ íyó ninuꞌun, jín jie̱ꞌe̱ꞌ nta̱ká tiñu ya̱ sáꞌá ya̱ níní viiꞌ kuvi iniꞌ ñɨvɨ, jín jie̱ꞌe̱ꞌ nta̱ká tiñu ya̱ sáꞌá ñáꞌnú ñɨvɨ nu̱u̱nꞌ‑u. Retú íyó tiñu ya̱ íyó váꞌa, jee retú íyó tiñu ya̱ íyó níꞌínꞌ‑i ya̱ nakuetúꞌún ñɨvɨ jie̱ꞌe̱ꞌ‑e, kuꞌun iniꞌ rán maa.

Hechos 24:16

Saáva sukuáni núnasɨ́ ni̱ꞌ kunikɨnꞌ ni̱ꞌ ichi váꞌa, sáva kuniꞌ ni̱ꞌ ya̱ ntu níso ni̱ꞌ kua̱chi nu̱u̱nꞌ Ndiosíꞌ jín nu̱u̱nꞌ rá ñɨvɨ.

Hechos 10:22

Jee nna̱xiníkó ráa: ―Capitán Cornelio kúvi re̱ꞌ te̱e na̱a̱ꞌ nu̱u̱nꞌ Ndiosíꞌ, jee ñúyúꞌví iniꞌ re̱ꞌ néñu̱ꞌun re̱ꞌ Ndiosíꞌ. Jee nɨꞌɨ rá ñɨvɨ Israel jiáꞌa ráa ya̱ naáꞌ ya̱ kúvi re̱ꞌ suꞌva. Ɨɨn najiáꞌáꞌ ííꞌ Ndiosíꞌ nkachiꞌ‑i nu̱u̱nꞌ re̱ꞌ, ya̱ kána re̱ꞌ nó kɨ̱ꞌɨ̱nꞌ nú nu̱u̱nꞌ veꞌi re̱ꞌ, sáva teso̱ꞌo re̱ꞌ tu̱ꞌun ya̱ kachiꞌ nú nu̱u̱nꞌ re̱ꞌ ―nkachiꞌ ráa nu̱u̱nꞌ Pedro.

Lucas 2:25

Jee saájee ni̱yo ɨɨn te̱e naní Simeón, jee nééꞌ re̱ꞌ Jerusalén jee kúvi re̱ꞌ ɨɨn te̱e na̱a̱ꞌ ya̱ yɨ́tíñú re̱ꞌ nu̱u̱nꞌ Ndiosíꞌ, jee ñúꞌún iniꞌ re̱ꞌ nétu re̱ꞌ ya̱ kiji I̱toꞌoꞌ‑ó sikáku re̱ꞌ rá ñɨvɨ ñuunꞌ Israel nasaváꞌa re̱ꞌ iniꞌ ráa. Jee Ta̱chi̱ꞌ Ííꞌ Ndiosíꞌ íyó‑o jín Simeón.

Lucas 1:6

Jee ni núvíꞌ ráa nkuvi ñɨvɨ na̱a̱ꞌ ichinúúnꞌ Ndiosíꞌ, chi na̱a̱ꞌ va̱ꞌa ñaꞌnu ráa sánikua̱ꞌ ntáká tiñu ya̱ nta̱túníꞌ I̱toꞌoꞌ‑ó Ndiosíꞌ jín rá tiñu ñakɨnꞌ re̱ꞌ, jee ntu íyó na̱ jie̱ꞌe̱ꞌ chikua̱chi ñɨvɨ si̱kɨ̱ꞌ ráa jie̱ꞌe̱ꞌ vá.