1 Timoteo 2:1 - Mixteco del suroeste de Tlaxiaco Oaxaca

¹ Xíꞌnañúꞌún ka̱ꞌ nu̱u̱nꞌ nɨꞌɨ, náxiníꞌvɨ́ꞌ ni̱ꞌ iniꞌ ñanitáꞌán‑ó ya̱ yɨ́ꞌɨ́ ráa nu̱u̱nꞌ Cristo, ya̱ kaꞌanꞌ‑ó jín Ndiosíꞌ jie̱ꞌe̱ꞌ nɨꞌɨ ñɨvɨ, jee ka̱ka̱nꞌ táꞌvíꞌ‑ó ya̱ jíniñúꞌún ráa, jee ka̱ka̱nꞌ táꞌvíꞌ‑ó ya̱ chineí Ndiosíꞌ ráa, jee ku̱ꞌva‑ó ya̱ kútaꞌviꞌ nu̱u̱nꞌ Ndiosíꞌ jie̱ꞌe̱ꞌ ráa.

1 Timoteo 2:1 Referans Kwoze

2 Tesalonicenses 1:3

Sukuáni íyó ku̱ꞌva ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ jie̱ꞌe̱ꞌ ránoꞌó, ñaniꞌ jín ku̱ꞌva. Íyó va̱ꞌa sáꞌá ránꞌ suꞌva, chi jiáꞌnu víꞌí ka̱ꞌ ya̱ kúneí iniꞌ rán Jesús, jee kúkueꞌeꞌ ka̱ꞌ ñúnúunꞌ nɨꞌɨ rán ɨɨn inka ñanitáꞌán rán.

Santiago 5:16

Saáva íyó nanaꞌmaꞌ ɨɨn inka rán jie̱ꞌe̱ꞌ kua̱chi rán, jee íyó ka̱ka̱nꞌ táꞌvíꞌ rán jie̱ꞌe̱ꞌ ɨɨn inka rán, sáva nuvi rán. Máá ñáꞌnú nasɨ́kuitɨꞌ ví ya̱ jíkánꞌ táꞌvíꞌ ñɨvɨ na̱a̱ꞌ jee sáꞌá Ndiosíꞌ tiñu jie̱ꞌe̱ꞌ ya̱ jíkánꞌ táꞌvíꞌ.

Efesios 5:20

Jee nu̱u̱nꞌ súví I̱toꞌoꞌ‑ó Jesús ya̱ kúvi Cristo, sukuáni íyó ku̱ꞌva rán ya̱ kútaꞌviꞌ rán nu̱u̱nꞌ Tátáꞌ‑ó Ndiosíꞌ, jie̱ꞌe̱ꞌ ntáká na̱janu̱u̱nꞌ.

2 Timoteo 2:24

Jee ɨɨn musúꞌ ya̱ jiátíñú maá I̱toꞌoꞌ‑ó ntu̱ví íyó saꞌá‑a tuntíxín, íyó ya̱ koo ñunkúún iniꞌ‑i jín nɨꞌɨ ñɨvɨ, jee íyó kuvi xinéꞌénꞌ‑e, íyó keꞌneꞌ iniꞌ‑i,

1 Timoteo 2:4

jee kuíni re̱ꞌ ya̱ nɨꞌɨ ñɨvɨ ni̱ꞌi̱nꞌ ráa ya̱ natavaꞌ re̱ꞌ ráa nu̱u̱nꞌ kua̱chi ráa nanitáꞌvíꞌ ráa, jín ya̱ kenta kukáꞌnú iniꞌ ráa ya̱ naáꞌ.

Filipenses 1:3

Jiáꞌa ni̱ꞌ ya̱ kútaꞌviꞌ nu̱u̱nꞌ Ndiosíꞌ ni̱ꞌ jie̱ꞌe̱ꞌ rán, nta̱ká íchí ya̱ nákúꞌun iniꞌ ni̱ꞌ ránoꞌó.

Hebreos 6:11

Soo ñúkúvi iniꞌ ráníꞌ ya̱ suni sukuán kuꞌun káñá iniꞌ ta ɨɨn ɨɨn rán, ne̱ kenta ji̱nu tékúꞌ rán, sáva nɨꞌɨ noo kino̱o kutú iniꞌ rán ya̱ íyó tu̱neí iniꞌ‑órán ya̱ taji Ndiosíꞌ nu̱u̱nꞌ‑ó ya̱ nchi̱sóyuꞌú re̱ꞌ.

Tito 3:2

jín ya̱ nkákuíyuꞌú ráa jie̱ꞌe̱ꞌ ni ɨɨn ñɨvɨ, jín ya̱ nkántátúꞌún ráa, chisaꞌ koo ñunkúún iniꞌ ráa, jín ya̱ koo másúꞌ iniꞌ ráa jín nɨꞌɨ ñɨvɨ.

Tito 2:11

Chi ntu̱vi nu̱u̱nꞌ nɨꞌɨ ñɨvɨ ya̱ íyó mániꞌ iniꞌ Ndiosíꞌ néꞌyá re̱ꞌ ñɨvɨ sáá nta̱jí re̱ꞌ Cristo, ya̱ nátavaꞌ re̱ꞌ ñɨvɨ nu̱u̱nꞌ kua̱chi ráa xinánitáꞌvíꞌ re̱ꞌ ráa.

1 Timoteo 5:5

Soo ñaꞌan náꞌví nijia, ya̱ nkino̱o métúꞌún, ví ya̱ íyó tu̱neí iniꞌ ña Ndiosíꞌ, jee níkɨ́nꞌ ña káꞌánꞌ ña jín re̱ꞌ, jee nuví niñuꞌ ta íchí níkɨ́nꞌ ña jíkánꞌ táꞌvíꞌ ña nu̱u̱nꞌ re̱ꞌ.

1 Corintios 15:3

Chi tu̱ꞌun ñáꞌnú ka̱ꞌ ya̱ nxi̱néꞌénꞌ ni̱ꞌ ránoꞌó, kúvi tu̱ꞌun ya̱ suni ni̱ꞌi̱nꞌ ni̱ꞌ maa nu̱u̱nꞌ maá Ndiosíꞌ ranika̱ꞌ. Jee suvi kúvi tu̱ꞌun vá ya̱ níꞌiꞌ Cristo sáva natavaꞌ re̱ꞌ yó nu̱u̱nꞌ kua̱chi‑ó, kuéntáꞌ sánikua̱ꞌ káchíꞌ nu̱u̱nꞌ Tutuꞌ Ííꞌ níso Tu̱ꞌun Ndiosíꞌ, ya̱ naní Escritura,

Hechos 17:30

Soo tióꞌ ya̱ta̱ꞌ ntu nsa̱ꞌá kuéntáꞌ Ndiosíꞌ ya̱ ntu jíníꞌ rá ñɨvɨ jie̱ꞌe̱ꞌ re̱ꞌ. Soo vitan tátúníꞌ re̱ꞌ nu̱u̱nꞌ kua̱íyó ñɨvɨ nu̱u̱nꞌ nɨꞌɨ ñɨ̱vɨ́ ya̱ nakani iniꞌ ráa ñujiínꞌ ráa.

1 Tesalonicenses 3:12

Jee suni jíkánꞌ táꞌvíꞌ ránꞌ ya̱ saꞌá I̱toꞌoꞌ‑ó, ya̱ kukueꞌeꞌ ka̱ꞌ kunu̱u̱nꞌ víꞌí rán ka̱ꞌ ɨɨn inka táꞌán rán jín nɨꞌɨ rá inka ka̱ꞌ ñɨvɨ, sánikua̱ꞌ suni ñúnúunꞌ ránꞌ ránoꞌó.

Romanos 6:17

Soo nkútaꞌviꞌ‑ó nu̱u̱nꞌ Ndiosíꞌ, ya̱ súnika̱ꞌ nyɨ̱ꞌɨ rán xi̱ntíín kua̱chi kuéntáꞌ musúꞌ kéꞌen, nékúvi, soo vitan jee nka̱níjiá rán ne̱ ánímaꞌ rán Tu̱ꞌun Ndiosíꞌ ya̱ nxi̱néꞌénꞌ ráa nu̱u̱nꞌ ránoꞌó.

Romanos 1:8

Jee xíꞌnañúꞌún ka̱ꞌ jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ Ndiosíꞌ ni̱ꞌ jie̱ꞌe̱ꞌ ntáká ránoꞌó sáni chúꞌun káñá Jesucristo iniꞌ ni̱ꞌ sáꞌá ni̱ꞌ maa, chi tékútu̱ꞌún nu̱u̱nꞌ nɨꞌɨ ñɨ̱vɨ́ na̱sa kúneí iniꞌ rán Jesús.

2 Corintios 8:6

Saáva ni̱ka̱nꞌ táꞌvíꞌ ránꞌ nu̱u̱nꞌ Tito ya̱ sijínu re̱ꞌ tiñu vá, ya̱ ya nka̱jiéꞌé re̱ꞌ nteñu ránoꞌó ya̱ kɨ̱nastútú re̱ꞌ ya̱ íyó ma̱ni̱ꞌ iniꞌ ránú ku̱ꞌva rán nu̱u̱nꞌ rá láꞌví.

Efesios 3:13

Jee saáva jíkánꞌ táꞌvíꞌ ni̱ꞌ nu̱u̱nꞌ ránoꞌó, ya̱ koto núun iniꞌ rán jie̱ꞌe̱ꞌ tu̱nóꞌó nóꞌo ni̱ꞌ jie̱ꞌe̱ꞌ ya̱ kúvi ya̱ váꞌa nu̱u̱nꞌ ránoꞌó, chi sukuán sáꞌá Ndiosíꞌ ya̱ netuꞌ kuvi ránoꞌó.

Efesios 6:18

Jee íyó kaꞌanꞌ rán jín Ndiosíꞌ jee ka̱ka̱nꞌ táꞌvíꞌ rán nu̱u̱nꞌ re̱ꞌ, ntáká tiempúꞌ. Kaꞌanꞌ rán jín Ndiosíꞌ sáni chíneí Ta̱chi̱ꞌ Ííꞌ re̱ꞌ ránoꞌó. Jee nito koo rán kunikɨnꞌ ni̱ꞌin rán ka̱ka̱nꞌ táꞌvíꞌ rán jie̱ꞌe̱ꞌ ntáká inka rá ñɨvɨ ya̱ nsásɨ́ɨ́n Ndiosíꞌ kuvi ráa ñɨvɨ re̱ꞌ.

Filipenses 4:6

Koto núkuíꞌyá iniꞌ rán na̱ni jie̱ꞌe̱ꞌ, chisaꞌ jie̱ꞌe̱ꞌ nta̱ká tiñu, kaꞌanꞌ rán jín Ndiosíꞌ jee ka̱ka̱nꞌ rán nu̱u̱nꞌ re̱ꞌ jee suni nakuatáꞌví rán nu̱u̱nꞌ re̱ꞌ jee saájee ka̱ka̱nꞌ táꞌvíꞌ ránꞌ nu̱u̱nꞌ re̱ꞌ ya̱ jíniñúꞌún rán.