1 Timoteo 1:5 - Mixteco del suroeste de Tlaxiaco Oaxaca

⁵ Jee tátúníꞌ‑ó suꞌva nu̱u̱nꞌ ñanitáꞌán‑ó ya̱ kúneí iniꞌ ráa Cristo, sáva kunu̱u̱nꞌ ráa ɨɨn inka ráa, ya̱ kene‑e ne̱ ánímaꞌ noo, jín ne̱ ya̱ kuniꞌ ráa ya̱ ntu̱ví níso kua̱chi si̱kɨ̱ꞌ ráa, jín ne̱ ya̱ ntu ñúnkúún ni ka̱ꞌ sáꞌá ráa ya̱ kúneí nijia iniꞌ ráa Cristo.

1 Timoteo 1:5 Referans Kwoze

1 Timoteo 1:19

Jee kuni̱ꞌin, ya̱ kúneí iniꞌ nú Cristo. Jee kueꞌnu na̱a̱ꞌ nú ya̱ kuniꞌ nú ya̱ ntu níso kua̱chi si̱kɨ̱ꞌ nú. Íyó sava ñɨvɨ nsu̱kuíta ichi vá, jee nxi̱náánꞌ ráa ya̱ kúneí iniꞌ ráa Cristo.

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

2 Timoteo 2:22

Kunu nú chusává maánú nu̱u̱nꞌ ya̱ níyo iniꞌ nú ya̱ sɨ̱ɨ̱ꞌ iniꞌ ɨɨn te̱e súchí. Jee kunikɨnꞌ nú ichi ya̱ kino̱o na̱a̱ꞌ nú nu̱u̱nꞌ Ndiosíꞌ, ya̱ tu̱ꞌun kuneí iniꞌ nú Cristo, ya̱ tu̱ꞌun kunu̱u̱nꞌ nú Ndiosíꞌ jín ñɨvɨ, jín ya̱ tu̱ꞌun kuneeꞌ ñunkúún nú jín táꞌán nú. Jee saꞌá nú suꞌva jín rá ñɨvɨ ya̱ ni̱ka̱nꞌ táꞌvíꞌ ráa jín ánímaꞌ noo nu̱u̱nꞌ Cristo, ya̱ kuvi re̱ꞌ I̱toꞌoꞌ ráa.

2 Timoteo 1:5

Nákúꞌun iniꞌ ni̱ꞌ ya̱ ntu ñúnkúún nika̱ꞌ kúneí nijia iniꞌ nú Cristo. Xíꞌna suꞌva nku̱neí iniꞌ náñaꞌnú nú, Loida, jín nánáꞌ nú, Eunice. Jee ínúꞌ iniꞌ ni̱ꞌ, ya̱ suni sukuán kúneí iniꞌ nú nika̱ꞌ.

2 Timoteo 1:3

Jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ noꞌó. Suvire̱ꞌ ví ya̱ sátíñú ni̱ꞌ nu̱u̱nꞌ re̱ꞌ, ne̱ ánímaꞌ ni̱ꞌ jíníꞌ ni̱ꞌ ya̱ sáꞌá na̱a̱ꞌ ni̱ꞌ nu̱u̱nꞌ re̱ꞌ, sáni nsa̱ꞌá rá jííꞌ yanaꞌán ni̱ꞌ. Jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ re̱ꞌ, sáá sukuáni jíkánꞌ táꞌvíꞌ ni̱ꞌ jie̱ꞌe̱ꞌ nú, sáá káꞌánꞌ ni̱ꞌ jín Ndiosíꞌ, va̱ni yakuááꞌ, va̱ni nuví.

1 Pedro 3:21

Jee kuéntáꞌ kua̱ꞌ nkáku ráa nu̱u̱nꞌ nute vá, jee suni kuéntáꞌ sukuán kúnkunuún kúvi‑i ya̱ jiánuté‑ó tiempúꞌ vitan síkáku‑u ñɨvɨ, jie̱ꞌe̱ꞌ ya̱ nna̱tekuꞌ i̱i̱ꞌ Jesús ya̱ kúvi Cristo nkene‑e nteñu rá níyɨ. Soo nsú jie̱ꞌe̱ꞌ ya̱ siíyo rá téꞌén ñunéꞌyúꞌ‑ó jín nute, chisaꞌ jiánuté‑ó sáva stúvi‑ó ya̱ ne̱ ánímaꞌ‑ó chisóyuꞌú‑ó kueꞌnu na̱a̱ꞌ‑ó nu̱u̱nꞌ Ndiosíꞌ jín ya̱ jíkánꞌ táꞌvíꞌ‑ó nu̱u̱nꞌ Ndiosíꞌ ya̱ sííyo kua̱chi‑ó nonoo ánímaꞌ‑ó ya̱ jíníꞌ‑ó ya̱ ntu níso‑ó kua̱chi.

1 Pedro 3:16

Soo másúꞌ koo iniꞌ rán naxiníkó rán nu̱u̱nꞌ ráa, jee kaꞌanꞌ yɨ́ñúꞌún rán jín ráa, jee kueꞌnu na̱a̱ꞌ rán ya̱ jíníꞌ rán ya̱ ntu íyó si̱kɨ̱ꞌ rán, sáva sáá káꞌánꞌ niva̱ꞌa ráa si̱kɨ̱ꞌ rán kukanuun ráa jie̱ꞌe̱ꞌ tu̱ꞌun niváꞌa ya̱ káꞌánꞌ ráa jie̱ꞌe̱ꞌ va̱ꞌa jiáꞌnu rán jie̱ꞌe̱ꞌ yɨ́ꞌɨ́ rán nu̱u̱nꞌ Cristo.

1 Pedro 1:22

Soo vitan jee ya̱ nna̱saꞌá ninuꞌun re̱ꞌ iniꞌ ánímaꞌ rán, jie̱ꞌe̱ꞌ ya̱ [nsa̱ꞌá Ta̱chi̱ꞌ Ííꞌ re̱ꞌ] ya̱ nka̱níjiá rán tu̱ꞌun na̱a̱ꞌ re̱ꞌ, sáva kunu̱u̱nꞌ nijia rán rá ñanitáꞌán rán, saáva ne̱ ninuꞌun ánímaꞌ rán kunu̱u̱nꞌ ntántúníꞌ víꞌí rán ɨɨn inka táꞌán rán.

2 Pedro 1:7

Jee jie̱ꞌe̱ꞌ ya̱ yɨ́tíñú rán nu̱u̱nꞌ Cristo jee nachisó rán ya̱ kunu̱u̱nꞌ rán ɨɨn inka ñanitáꞌán rán ya̱ yɨ́ꞌɨ́ ráa nu̱u̱nꞌ Cristo, jee jie̱ꞌe̱ꞌ ñúnúunꞌ rán rá ñanitáꞌán jee nachisó rán ya̱ kunu̱u̱nꞌ rán rá ñɨvɨ.

Romanos 10:4

Chi Cristo ví ya̱ nsi̱kúnkuvi nɨꞌɨ ya̱ kuíni Ndiosíꞌ saꞌá‑a jín ley Moisés, sáva nta̱ká rá ñɨvɨ ya̱ kúneí iniꞌ ráa Cristo jee kino̱o na̱a̱ꞌ ráa nu̱u̱nꞌ Ndiosíꞌ.

Tito 1:15

Rá ñɨvɨ íyó ninuꞌun jiáni ninuꞌun iniꞌ ráa jie̱ꞌe̱ꞌ nta̱ká nantíñú. Soo rá ñɨvɨ máñáꞌ ya̱ ntu ínúꞌ iniꞌ ráa tu̱ꞌun nááꞌ, jee ntu̱náꞌ jiáni ninuꞌun iniꞌ ráa jie̱ꞌe̱ꞌ ni ɨɨn nantíñú, chi ñúꞌún máñáꞌ antúníꞌ ráa jee ntu jíníꞌ ráa ya̱ níso kua̱chi si̱kɨ̱ꞌ ráa.

1 Timoteo 3:9

Jee kueꞌnu na̱a̱ꞌ ráa, sáva kuniꞌ ráa ya̱ ntu níso kua̱chi si̱kɨ̱ꞌ ráa, sáá kuiñɨ ni̱ꞌin ráa jín tu̱ꞌun yuꞌuꞌ jie̱ꞌe̱ꞌ Cristo, ya̱ kúneí iniꞌ‑ó, ya̱ sukuán nstúvi Ndiosíꞌ nu̱u̱nꞌ ñɨvɨ.

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

1 Pedro 4:8

Jee ya̱ ñáꞌnú ka̱ꞌ nu̱u̱nꞌ nɨꞌɨ vá kukáñá iniꞌ rán kunu̱u̱nꞌ rán ɨɨn inka táꞌán rán, chi retú ñúnúunꞌ táꞌán‑ó, jee jiásɨ́ꞌ‑ó nu̱u̱nꞌ kue̱ꞌe̱ꞌ rá kua̱chi sáꞌá‑ó jie̱ꞌe̱ꞌ ya̱ nékáꞌnú iniꞌ‑ó ɨɨn inka táꞌán‑ó.

Santiago 4:8

Natuꞌva rán nu̱u̱nꞌ Ndiosíꞌ, jee natuꞌva re̱ꞌ nu̱u̱nꞌ rán. ¡Ñɨvɨ kua̱chi! ¡Íyó saꞌá noo rán maárán nu̱u̱nꞌ kua̱chi sáꞌá rán! ¡Ñɨvɨ ya̱ ɨɨn u̱vi̱ꞌ ñúꞌún iniꞌ ánímaꞌ rán! ¡Jee íyó saꞌá ninuꞌun rán ánímaꞌ rán!

Hechos 23:1

Jee yukuán nne̱ꞌyá váꞌa Pablo nu̱u̱nꞌ rá te̱e Justicia Ñáꞌnú jee nkachiꞌ re̱ꞌ: ―Ránoꞌó ñaniꞌ. Kúváꞌa iniꞌ ni̱ꞌ chi jíníꞌ ni̱ꞌ ya̱ jíka na̱a̱ꞌ va̱ꞌa ni̱ꞌ ichinúúnꞌ Ndiosíꞌ ne̱ vitan.

1 Juan 3:3

Jee nta̱ká ñɨvɨ ya̱ íyó túꞌun neí iniꞌ ráa ya̱ saꞌá re̱ꞌ yaꞌá, jee násaꞌá ninuꞌun ráa maáráa, kuéntáꞌ íyó ninuꞌun maáréꞌ.

Hebreos 10:22

Jee saáva, ne̱ saɨn kúvi iniꞌ ánímaꞌ‑ó natuꞌva‑ó nu̱u̱nꞌ Ndiosíꞌ, jie̱ꞌe̱ꞌ kínóo kutú ánímaꞌ‑ó chi kúneí iniꞌ‑ó Cristo, chi nna̱saꞌá noo Cristo ánímaꞌ‑ó ya̱ kuniꞌ‑ó ya̱ ntu níso‑ó ka̱ꞌ ya̱ niva̱ꞌa. Jee ya̱ nno̱noo‑ó kuéntáꞌ nna̱kete‑ó yɨkɨkúñu‑ó jín nute ninuꞌun.

1 Corintios 13:1

Chi retánꞌ kúvi káꞌánꞌ ni̱ꞌ rá tu̱ꞌun ya̱ ntu jiáku̱ꞌun iniꞌ ni̱ꞌ ya̱ káꞌánꞌ rá ñɨvɨ ñɨ̱vɨ́, áxí jín rá tu̱ꞌun ya̱ káꞌánꞌ rá najiáꞌáꞌ ííꞌ Ndiosíꞌ, jee retú ntu̱ví ñúnúunꞌ ni̱ꞌ rá ñɨvɨ, saájee rá tu̱ꞌun ya̱ káꞌánꞌ ni̱ꞌ kúvi‑i kuéntáꞌ ɨɨn ka̱a ya̱ káxín naxín saɨn, áxí ɨɨn platillo káxín naxín saɨn.

Romanos 14:15

Jee retú ɨɨn ñanitáꞌán nú kuníní iniꞌ‑i jie̱ꞌe̱ꞌ neyu ya̱ yájíꞌ nú, saájee ya̱ ntu ka̱ꞌ ñúnúunꞌ nú maa jie̱ꞌe̱ꞌ ya̱ sáꞌá nú. Jee koto stívɨ́ nú ɨɨn ñanitáꞌán nú jie̱ꞌe̱ꞌ neyu ya̱ yájíꞌ nú ya̱ jiáni iniꞌ‑i ya̱ kua̱chi kúvi vá, chi suni ne̱ jie̱ꞌe̱ꞌ ñanitáꞌán nú vá ví ya̱ níꞌiꞌ Cristo.

Romanos 9:1

Yɨ́ꞌɨ́ ni̱ꞌ nu̱u̱nꞌ Cristo jee ya̱ naáꞌ vá káchíꞌ ni̱ꞌ jee ntu kátúꞌún ni̱ꞌ, jee yɨ́ꞌɨ́ ni̱ꞌ naꞌá Ta̱chi̱ꞌ Ííꞌ Ndiosíꞌ jee ne̱ ánímaꞌ ni̱ꞌ jíníꞌ ni̱ꞌ ya̱ naáꞌ

Hechos 24:16

Saáva sukuáni núnasɨ́ ni̱ꞌ kunikɨnꞌ ni̱ꞌ ichi váꞌa, sáva kuniꞌ ni̱ꞌ ya̱ ntu níso ni̱ꞌ kua̱chi nu̱u̱nꞌ Ndiosíꞌ jín nu̱u̱nꞌ rá ñɨvɨ.

Hechos 15:9

Ntu káji Ndiosíꞌ néꞌyá re̱ꞌ yó jín ráa. Chi nxi̱nónoo re̱ꞌ kua̱chi yɨ́ꞌɨ́ ánímaꞌ ráa, chi kúneí iniꞌ ráa Jesús.

Mateo 12:35

Chi suni sukuán ɨɨn ñɨvɨ va̱ꞌa iniꞌ, jee ne̱ ya̱ váꞌa ñúꞌún iniꞌ ánímaꞌ‑a, jee yukuán kéne tiñu váꞌa sáꞌá‑a. Soo ñɨvɨ niváꞌa, jee ne̱ ya̱ níváꞌa ñúꞌún iniꞌ ánímaꞌ‑a, jee yukuán kéne tiñu niváꞌa sáꞌá‑a.

Mateo 5:8

Na̱ ka̱ꞌ netuꞌ ka̱ꞌ kúvi rá ñɨvɨ ya̱ íyó ninuꞌun iniꞌ ánímaꞌ ráa, chi suviráa vá kuniꞌ ráa nu̱u̱nꞌ Ndiosíꞌ.

1 Juan 3:23

Jee yaꞌá kúvi tiñu ya̱ tátúníꞌ re̱ꞌ: ya̱ kuneí iniꞌ‑ó Se̱ꞌya re̱ꞌ Jesucristo, jín ya̱ kunu̱u̱nꞌ‑ó ɨɨn inka táꞌán‑ó, sánikua̱ꞌ nta̱túníꞌ re̱ꞌ nu̱u̱nꞌ‑ó.

Hebreos 13:18

Ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ ránuꞌuꞌ. Chi jíníꞌ va̱ꞌa ráníꞌ ya̱ ntu̱náꞌ ñúꞌún kua̱chi iniꞌ ránꞌ jín ya̱ kuíni ránꞌ ya̱ saꞌá na̱a̱ꞌ va̱ꞌa ránꞌ ntáká nu̱u̱nꞌ ntáká tiñu.

Hebreos 9:14

Retú sukuán kúvi, soo saꞌ víꞌí káꞌ nasánoo ni̱ñɨ̱ꞌ Cristo ánímaꞌ‑ó, chi ntu níso Cristo kua̱chi, jee Ta̱chi̱ꞌ Ííꞌ ya̱ íyó nɨ́ɨ́nkání jee njia̱ꞌa‑a fuersáꞌ ííꞌ nu̱u̱nꞌ re̱ꞌ sáva kuviꞌ re̱ꞌ so̱ko̱ꞌ re̱ꞌ maáréꞌ nu̱u̱nꞌ Ndiosíꞌ. Jee sukuán násánoo ni̱ñɨ̱ꞌ Cristo ánímaꞌ‑ó, sáva kuniꞌ‑ó ya̱ ntu níso‑ó ka̱ꞌ kua̱chi, jín ya̱ ntu yɨ́ꞌɨ́‑ó ka̱ꞌ nu̱u̱nꞌ rá tiñu sáꞌá ya̱ kuviꞌ‑ó nu̱u̱nꞌ Ndiosíꞌ, jín sáva kɨtíñú‑ó nu̱u̱nꞌ Ndiosíꞌ tékúꞌ.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Romanos 12:9

Ne̱ saɨn kunu̱u̱nꞌ rán táꞌán rán, koto káñunkúún sáꞌá rán nika̱ꞌ. Jee kuniꞌ u̱ꞌvi̱ꞌ rán kune̱ꞌyá rán ya̱ niváꞌa. Jee kunikɨnꞌ rán saꞌá rán tiñu váꞌa.

1 Timoteo 1:18

Noꞌó, Timoteo, ya̱ kúvi kuéntáꞌ se̱ꞌya ni̱ꞌ. Tiñu yaꞌá tétíñú ni̱ꞌ noꞌó, sánikua̱ꞌ tu̱ꞌun nna̱kani sava rá ñanitáꞌán‑ó ya̱ nkene yuꞌú Ndiosíꞌ. Tétíñú ni̱ꞌ noꞌó, sáva nunasɨ́ nú sikúnkuvi va̱ꞌa nú tiñu vá, kuéntáꞌ kántáꞌán va̱ꞌa ɨɨn soldado.

1 Juan 3:10

Jee suꞌva túvi né ɨɨn nijia ví rá se̱ꞌya Ndiosíꞌ, jín né ɨɨn nijia ví rá se̱ꞌya kui̱ꞌna̱ꞌ kúñáꞌnú: nta̱ká ñɨvɨ ya̱ ntu jíka na̱a̱ꞌ jín ya̱ ntu ñúnúunꞌ ráa rá ñanitáꞌán ráa ya̱ yɨ́ꞌɨ́ nu̱u̱nꞌ Jesús, jee ntu̱ví kúvi ráa se̱ꞌya Ndiosíꞌ.