1 Timoteo 1:14 - Mixteco del suroeste de Tlaxiaco Oaxaca

¹⁴ Jee ni̱yo ma̱ni̱ꞌ nasɨ́kuitɨꞌ iniꞌ I̱toꞌoꞌ‑ó nne̱ꞌyá re̱ꞌ nuꞌuꞌ, sú ntu íyó níꞌin ni̱ꞌ maa. Suꞌva nsa̱ꞌá re̱ꞌ, ya̱ kuneí iniꞌ ni̱ꞌ re̱ꞌ, jín ya̱ kunu̱u̱nꞌ ni̱ꞌ rá ñɨvɨ, chi yɨ́ꞌɨ́ ni̱ꞌ nu̱u̱nꞌ Cristo Jesús.

1 Timoteo 1:14 Referans Kwoze

2 Timoteo 1:13

Tɨɨn nú tu̱ꞌun na̱a̱ꞌ nteso̱ꞌo nú ya̱ nxi̱néꞌénꞌ ni̱ꞌ noꞌó, sáva kúvi ichi kunikɨnꞌ nú, sáá kuneí iniꞌ‑ó Cristo, jín sáá kunu̱u̱nꞌ nú Ndiosíꞌ jín ñɨvɨ, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús.

1 Corintios 15:10

Soo jie̱ꞌe̱ꞌ ni ka̱ꞌ ya̱ níyo ma̱ni̱ꞌ iniꞌ Ndiosíꞌ nku̱náꞌví iniꞌ re̱ꞌ nuꞌuꞌ, saáva nsi̱kútaꞌviꞌ re̱ꞌ nu̱u̱nꞌ ni̱ꞌ ya̱ kúvi ni̱ꞌ apóstol nchu̱ichí re̱ꞌ jín tiñu níso ni̱ꞌ vitan. Jee nsáꞌ ka̱ꞌá níyo ma̱ni̱ꞌ iniꞌ Ndiosíꞌ néꞌyá re̱ꞌ nuꞌuꞌ ya̱ nka̱ji re̱ꞌ nuꞌuꞌ saꞌá ni̱ꞌ tiñu re̱ꞌ, chi saꞌ víꞌí ka̱ꞌ nsa̱tíñú yɨ́ɨ́ ni̱ꞌ nu̱u̱nꞌ re̱ꞌ nsú káꞌ ntáká rá inka ka̱ꞌ te̱e kúvi apóstol. Soo nsú nuꞌuꞌ ví ya̱ sáꞌá tiñu vá, chisaꞌ Ndiosíꞌ ví ya̱ chíneí chítuvi re̱ꞌ nuꞌuꞌ jín tiñu sáꞌá ni̱ꞌ.

1 Pedro 1:3

Na̱ ka̱ꞌ nakuetúꞌún‑ó Ndiosíꞌ ya̱ kúvi re̱ꞌ Tátáꞌ I̱toꞌoꞌ‑ó Jesús ya̱ kúvi Cristo, chi jie̱ꞌe̱ꞌ ntántúníꞌ nasɨ́kuitɨꞌ náꞌví iniꞌ re̱ꞌ yó, jee nsama re̱ꞌ iniꞌ‑ó nna̱sikáku jiáá re̱ꞌ yó jee íyó kutú tu̱neí iniꞌ‑ó nétu‑ó kutekuꞌ‑ó nɨ́ɨ́nkání jín re̱ꞌ, jie̱ꞌe̱ꞌ ya̱ nna̱tekuꞌ i̱i̱ꞌ Jesús ya̱ kúvi Cristo nene re̱ꞌ nteñu rá níyɨ.

2 Corintios 13:14

Jee na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús ya̱ kúvi Cristo kune̱ꞌyá re̱ꞌ nta̱ká ránoꞌó, jín ya̱ kunu̱u̱nꞌ Ndiosíꞌ nta̱ká rán, jín ya̱ koo nkáꞌnú Ta̱chi̱ꞌ Ííꞌ Ndiosíꞌ jín rán. Sukuán koo. Amén.

Romanos 16:20

Jee maá Ndiosíꞌ ya̱ sáꞌá re̱ꞌ ya̱ nééꞌ va̱ꞌa‑ó, jee ya̱chi̱ꞌ ni saꞌá re̱ꞌ ya̱ kuneí rán jín kui̱ꞌna̱ꞌ kúñáꞌnú ya̱ naní Satanás kuéntáꞌ kua̱xin rán maa chi̱ji jie̱ꞌe̱ꞌ rán. Jee na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús kune̱ꞌyá re̱ꞌ ránoꞌó.

1 Juan 4:10

Jee yaꞌá kúvi tu̱ꞌun ñúnúunꞌ: nsú jie̱ꞌe̱ꞌ ya̱ nñunu̱u̱nꞌ‑ó Ndiosíꞌ, chisaꞌ maáréꞌ vá ñúnúunꞌ re̱ꞌ yó, jee nchu̱ichí re̱ꞌ Se̱ꞌya re̱ꞌ nkiji‑i sáva so̱ko̱ꞌ‑o maáa ya̱ kuviꞌ‑i, sáva kunekáꞌnú iniꞌ Ndiosíꞌ kua̱chi‑ó.

1 Tesalonicenses 1:3

Chi yɨ́táꞌán xínákúꞌun ráníꞌ iniꞌ Tátáꞌ‑ó Ndiosíꞌ jie̱ꞌe̱ꞌ tiñu váꞌa sáꞌá ránoꞌó, chi kúneí iniꞌ rán Cristo, jín jie̱ꞌe̱ꞌ ya̱ níkó néí rán sáꞌá rán ya̱ váꞌa, chi ñúnúunꞌ rán re̱ꞌ, jín jie̱ꞌe̱ꞌ ya̱ kúníꞌin íñɨ́ ni̱ꞌin rán jín re̱ꞌ, chi íyó tu̱neí iniꞌ rán ya̱ váꞌa sáꞌá I̱toꞌoꞌ‑ó Jesús ya̱ kúvi Cristo jín rán.

2 Corintios 8:9

Chi ya̱ jíníꞌ rán ya̱ íyó mániꞌ iniꞌ I̱toꞌoꞌ‑ó Jesús ya̱ kúvi Cristo néꞌyá re̱ꞌ yó ya̱ sáꞌá re̱ꞌ ya̱ váꞌa jín‑ó. Chi sú kúká re̱ꞌ chi xi̱ntíín re̱ꞌ ví nɨꞌɨ ya̱ íyó, soo nna̱saꞌá láꞌví re̱ꞌ maáréꞌ jie̱ꞌe̱ꞌ ya̱ kúvi ya̱ váꞌa nu̱u̱nꞌ ránoꞌó, sáva ni̱ꞌi̱nꞌ‑órán ya̱ yɨ́yáꞌvi ka̱ꞌ ya̱ táji Ndiosíꞌ, jie̱ꞌe̱ꞌ ya̱ nnoꞌo láꞌví Cristo.

Apoclipsis 22:21

Jee na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús kune̱ꞌyá re̱ꞌ ntáká ránoꞌó. Amén. Sukuán koo.

1 Tesalonicenses 5:8

Soo maáó ya̱ kúvi‑ó se̱ꞌya nuví nu̱u̱nꞌ nijínꞌ, jee íyó kuꞌun kájí iniꞌ‑ó, jee kuneí iniꞌ‑ó Jesús jee kunu̱u̱nꞌ‑ó ɨɨn inka‑ó. Suꞌva nama‑ó maáó sáva ntu xínáꞌví ñɨvɨ yó, kuéntáꞌ nákúꞌun ɨɨn soldado saꞌma nama‑a maáa. Jee íyó tu̱neí iniꞌ‑ó ya̱ nanitáꞌvíꞌ‑ó. Suꞌva nama‑ó antúníꞌ‑ó, kuéntáꞌ nákúꞌun ɨɨn soldado ti̱kokoꞌ ka̱a sáva nama‑a xi̱ni̱ꞌ‑i.

Hechos 15:11

Ntu̱ví suꞌva, chi ínúꞌ iniꞌ‑ó ya̱ nátavaꞌ I̱toꞌoꞌ‑ó Jesús yó nu̱u̱nꞌ kua̱chi‑ó nánitáꞌvíꞌ‑ó chi íyó mániꞌ iniꞌ re̱ꞌ néꞌyá re̱ꞌ yó jee síkútaꞌviꞌ re̱ꞌ maa, sánikua̱ꞌ síkútaꞌviꞌ re̱ꞌ maa nu̱u̱nꞌ rá ñɨvɨ ntu kúvi ñɨvɨ Israel ―nkachiꞌ Pedro.

1 Corintios 3:10

Sánikua̱ꞌ ni̱yo maniꞌ iniꞌ Ndiosíꞌ néꞌyá re̱ꞌ nuꞌuꞌ jee saáva ntaji re̱ꞌ tiñu sáꞌá ni̱ꞌ nu̱u̱nꞌ rán ya̱ kúvi ni̱ꞌ kuéntáꞌ mestrúꞌ ya̱ jiáni veꞌi jee sáꞌá ni̱ꞌ nu̱u̱nꞌ kájiéꞌé jie̱ꞌe̱ꞌ ve̱ꞌí. Jee inka te̱e kua̱ꞌa̱nꞌ náchisó no̱ꞌo nu̱u̱nꞌ nsamaꞌ ni̱ꞌ vá, soo ta ɨɨn ta ɨɨn vá íyó kumí sáá sikuéꞌnu tiñu sáꞌá vá.

2 Corintios 4:15

Saáva nɨꞌɨ yaꞌá kúvi ya̱ váꞌa nu̱u̱nꞌ ránoꞌó. Jín sáva kukueꞌeꞌ ka̱ꞌ ñɨvɨ ni̱ꞌi̱nꞌ ya̱ ma̱ni̱ꞌ iniꞌ Ndiosíꞌ jín ráa. Saájee sáva kukueꞌeꞌ nasɨ́kuitɨꞌ ka̱ꞌ rá ñɨvɨ ku̱ꞌva ráa ya̱ kútaꞌviꞌ ráa nu̱u̱nꞌ Ndiosíꞌ, sáva stúvi‑ó ya̱ viiꞌ nasɨ́kuitɨꞌ kúñáꞌnú Ndiosíꞌ.

Gálatas 1:13

Nteso̱ꞌo rán sáá na̱ja nsa̱ꞌá ni̱ꞌ sáá néñu̱ꞌun ni̱ꞌ Ndiosíꞌ sáni xínéꞌénꞌ rá ñɨvɨ Israel, ya̱ naní ñujiínꞌ Judaísmo. Jee nsa̱ꞌá kini nasɨ́kuitɨꞌ ni̱ꞌ rá ñɨvɨ kúneí iniꞌ ráa Jesús, jee xínáánꞌ ni̱ꞌ ráa.

1 Timoteo 2:15

Soo sáá xtaꞌvíꞌ ráña se̱ꞌya, jee natavaꞌ Cristo rá ñaꞌan nu̱u̱nꞌ rá kua̱chi ráña sikáku re̱ꞌ ráña, retú kuni̱ꞌin ráña kuneí iniꞌ ráña Cristo, jee kunu̱u̱nꞌ ráña ñɨvɨ, jee sasɨ́ɨ́n ráña maáráña nu̱u̱nꞌ ya̱ níváꞌa, jee kaka ñáꞌnú ráña.

1 Timoteo 4:12

Kumí nú maánú, Timoteo, sáva nkújiááꞌ iniꞌ ni ɨɨn ñɨvɨ noꞌó, jie̱ꞌe̱ꞌ te̱e súchí ka̱ꞌ kúvi nú. Soo kaꞌanꞌ va̱ꞌa, kaka na̱a̱ꞌ, kunu̱u̱nꞌ nú ñɨvɨ jín Ndiosíꞌ, jee kuneí iniꞌ nú Cristo, jee ninuꞌun koo nú. Jee suꞌva suvinú kuvi ɨɨn ichi nu̱u̱nꞌ rá ñɨvɨ ínúꞌ iniꞌ ráa Cristo, ya̱ kunikɨnꞌ ráa ichi yaꞌá.

1 Timoteo 6:11

Soo noꞌó, te̱e yɨ́tíñú nu̱u̱nꞌ Ndiosíꞌ, ya̱chi̱ꞌ kuiyo nú chusává maánú nu̱u̱nꞌ nɨꞌɨ ya̱ níváꞌa yaꞌá. Jee kunikɨnꞌ ni̱ꞌin nú, ya̱ kino̱o na̱a̱ꞌ nú, ya̱ kunikɨnꞌ nú ichi na̱a̱ꞌ sáni kuíni Ndiosíꞌ, ya̱ kuneí iniꞌ nú Cristo, ya̱ kunu̱u̱nꞌ nú Ndiosíꞌ jín ñɨvɨ, ya̱ kuni̱ꞌin nú ya̱ kuiñɨ ni̱ꞌin nú jín Cristo, ya̱ koo másúꞌ iniꞌ nú.

2 Timoteo 2:22

Kunu nú chusává maánú nu̱u̱nꞌ ya̱ níyo iniꞌ nú ya̱ sɨ̱ɨ̱ꞌ iniꞌ ɨɨn te̱e súchí. Jee kunikɨnꞌ nú ichi ya̱ kino̱o na̱a̱ꞌ nú nu̱u̱nꞌ Ndiosíꞌ, ya̱ tu̱ꞌun kuneí iniꞌ nú Cristo, ya̱ tu̱ꞌun kunu̱u̱nꞌ nú Ndiosíꞌ jín ñɨvɨ, jín ya̱ tu̱ꞌun kuneeꞌ ñunkúún nú jín táꞌán nú. Jee saꞌá nú suꞌva jín rá ñɨvɨ ya̱ ni̱ka̱nꞌ táꞌvíꞌ ráa jín ánímaꞌ noo nu̱u̱nꞌ Cristo, ya̱ kuvi re̱ꞌ I̱toꞌoꞌ ráa.

Tito 2:2

Xinéꞌénꞌ nú rá te̱e ñáꞌnú, ya̱ ntu jíꞌi víꞌí jee ntu jíni ráa, jín ya̱ ñáꞌnú iniꞌ ráa, jín ya̱ kuꞌun kájí iniꞌ ráa, jín ya̱ kuiñɨ na̱a̱ꞌ kutú ráa ya̱ kúneí iniꞌ ráa Cristo, jín ya̱ kunu̱u̱nꞌ ráa rá ñɨvɨ jín Ndiosíꞌ, jín ya̱ kuni̱ꞌin ráa kuiñɨ ni̱ꞌin ráa jín Jesús.

Mateo 20:9

’Jee sáá nkenta rá musúꞌ ya̱ nki̱vɨ sátíñú ne̱ kau̱ꞌu̱nꞌ yánini, jee ta ɨɨn ráa nni̱ꞌi̱nꞌ ɨɨn ɨɨn ya̱ꞌvi ya̱ ɨɨn ki̱vɨ̱ꞌ.