1 Timoteo 1:10 - Mixteco del suroeste de Tlaxiaco Oaxaca

¹⁰ jín nu̱u̱nꞌ ñɨvɨ kúsíkɨ́ jín inka ñɨvɨ ya̱ ntu kúvi ñasɨ́ꞌɨ́ re̱ꞌ áxí ntu kúvi yɨɨ́ ña, jín nu̱u̱nꞌ rá ñɨvɨ kívɨ ráa ñujiínꞌ xeꞌne, jín nu̱u̱nꞌ ñɨvɨ sákuíꞌná ráa ñɨvɨ, jín nu̱u̱nꞌ ñɨvɨ túꞌún, jín nu̱u̱nꞌ ñɨvɨ sánáaꞌ ráa nu̱u̱nꞌ tu̱ꞌun káꞌánꞌ ráa jín tu̱ntúꞌún nu̱u̱nꞌ ñɨvɨ, jín nu̱u̱nꞌ ñɨvɨ ya̱ sáꞌá néni ɨɨn tiñu, ya̱ íyó sɨ́ɨ́n nu̱u̱nꞌ tu̱ꞌun jíníꞌ‑ó ya̱ tu̱ꞌun na̱a̱ꞌ ví ya̱ káꞌánꞌ‑a

1 Timoteo 1:10 Referans Kwoze

2 Timoteo 4:3

Chi kiji tiempúꞌ ya̱ ni nsáꞌ keꞌneꞌ iniꞌ rá ñɨvɨ teso̱ꞌo ráa tu̱ꞌun na̱a̱ꞌ va̱ꞌa ya̱ xínéꞌénꞌ‑ó, chi sáni níyo iniꞌ maáráa, jee nukú ráa kue̱ꞌe̱ꞌ te̱e ya̱ xínéꞌénꞌ tu̱ꞌun sáni táꞌán iniꞌ ráa teso̱ꞌo ráa.

Romanos 1:26

Saáva, nsia̱áꞌ Ndiosíꞌ ráa nu̱u̱nꞌ tiñu néꞌén ya̱ níyo iniꞌ ráa saꞌá ráa ya̱ kúvi tu̱nkánuun. Chi ne̱ íyó ñaꞌan ya̱ nxi̱nóo ráña kuneeꞌ ráña jín rá te̱e sánikua̱ꞌ kuíni Ndiosíꞌ jee nákusuꞌ ráña jín tánsɨ́ꞌɨ́ ráña ya̱ ntu íyó saꞌá ráña suꞌva.

Apoclipsis 21:27

Soo ni nsáꞌ ki̱vɨ ni ɨɨn nantíñú ya̱ ntu íyó ninuꞌun yukuán, ni ñɨvɨ ya̱ sáꞌá‑a máá tiñu néꞌí, ni ñɨvɨ túꞌún. Chisaꞌ kua̱chi ki̱vɨ rá ñɨvɨ ya̱ níso súví ráa nu̱u̱nꞌ tutuꞌ nééꞌ súví rá ñɨvɨ ya̱ kutekuꞌ ráa nɨ́ɨ́nkání jín Ndiosíꞌ. Tutuꞌ ya̱ kúmí maáréꞌ ya̱ kúvi re̱ꞌ Lanchi Lúlí.

1 Timoteo 6:3

Ré néni ɨɨn ñɨvɨ xínéꞌénꞌ tu̱ꞌun íyó sɨ́ɨ́n, ya̱ ntu káꞌánꞌ nuún jín tu̱ꞌun na̱a̱ꞌ I̱toꞌoꞌ‑ó Jesús ya̱ kúvi Cristo, jee ya̱ ntu íyó na̱kua̱ꞌ xínéꞌénꞌ Ndiosíꞌ jie̱ꞌe̱ꞌ ichi na̱a̱ꞌ sáni kuíni Ndiosíꞌ ya̱ kaka‑ó,

Judas 1:7

Jee suni sukuán nnoꞌo rá ñuunꞌ Sodoma jín Gomorra jín rá ñuunꞌ káá ni̱kótíyu rá ñuunꞌ yukuán. Chi rá ñɨvɨ rá ñuunꞌ yukuán, nsa̱ꞌá téní ráa jee nki̱vɨ ráa ñujiínꞌ xeꞌne. Jee yukuán nsa̱ꞌá Ndiosíꞌ ya̱ kuvi ráa ɨɨn ichi ya̱ stúꞌva re̱ꞌ nu̱u̱nꞌ rá ñɨvɨ ya̱ jíka ráa ichi niva̱ꞌa ya̱ ntu íyó sáni kuíni Ndiosíꞌ ya̱ suni sukuán kunoꞌo ráa nu̱u̱nꞌ ñuꞌúnꞌ xéénꞌ nɨ́ɨ́nkání.

Tito 1:9

Jee íyó kuiñɨ ni̱ꞌin re̱ꞌ jín tu̱ꞌun na̱a̱ꞌ ya̱ kúvi kúneí iniꞌ‑ó sáni nxi̱néꞌénꞌ‑ó, sáva kuvi nasáneí re̱ꞌ iniꞌ rá ñɨvɨ jín tu̱ꞌun na̱a̱ꞌ váꞌa ya̱ xinéꞌénꞌ re̱ꞌ. Jee suni sáva kuvi nachuꞌun re̱ꞌ ichi na̱a̱ꞌ ñɨvɨ ya̱ núníꞌin ráa káꞌánꞌ ráa si̱kɨ̱ꞌ tu̱ꞌun váꞌa Ndiosíꞌ.

Apoclipsis 21:8

Soo rá ñɨvɨ ya̱ sɨ́ꞌɨ́ iniꞌ ráa xinóꞌo ñɨvɨ ráa jie̱ꞌe̱ꞌ tu̱ꞌun ni̱ꞌ, jín rá ñɨvɨ ya̱ ntu ínúꞌ iniꞌ ráa nuꞌuꞌ, jín rá ñɨvɨ ya̱ máá tiñu néꞌí sáꞌá ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ kusi̱kɨ́ iniꞌ ráa sáꞌá téní ráa, jín rá ñɨvɨ sáꞌá tásɨ́, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín ntáká rá ñɨvɨ túꞌún, jee kua̱íyó ráa vá íyó ni̱ꞌi̱nꞌ ráa kɨ̱ꞌɨ̱nꞌ ráa nu̱u̱nꞌ ñúꞌúnꞌ xéénꞌ iniꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ. Jee yukuán ví ya̱ kuviꞌ ráa ya̱ uvíꞌ íchí.

Hebreos 13:4

Jee koo ya̱ ñáꞌnú nu̱u̱nꞌ ntáká rán tu̱ꞌun tánáꞌá ñɨvɨ, jee kueꞌnu ninuꞌun rán jín ñɨvɨ nta̱na̱ꞌá jín rán. Chi maá Ndiosíꞌ sanáaꞌ kua̱chi rá ñɨvɨ ya̱ kúkuáchi ráa jín nsú ñɨvɨ nta̱na̱ꞌá jín ráa, jín suni rá ñɨvɨ yɨ́ꞌɨ́ tiñu téní.

Apoclipsis 22:15

Soo chatáꞌ ñuunꞌ vá kino̱o rá ñɨvɨ ya̱ kúvi ráa kuéntáꞌ tinaꞌ ya̱ sáꞌá ráa tiñu néꞌí, jín rá ñɨvɨ ya̱ sáꞌá tásɨ́, jín rá ñɨvɨ ya̱ kúsíkɨ́ iniꞌ ráa sáꞌá téní ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín rá ñɨvɨ ya̱ táꞌán iniꞌ ráa tu̱ꞌun túꞌún jee kátúꞌún ráa.

2 Timoteo 1:13

Tɨɨn nú tu̱ꞌun na̱a̱ꞌ nteso̱ꞌo nú ya̱ nxi̱néꞌénꞌ ni̱ꞌ noꞌó, sáva kúvi ichi kunikɨnꞌ nú, sáá kuneí iniꞌ‑ó Cristo, jín sáá kunu̱u̱nꞌ nú Ndiosíꞌ jín ñɨvɨ, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús.

Juan 8:44

Chi ránoꞌó chi tátáꞌ rán kúvi kui̱ꞌna̱ꞌ kúñáꞌnú, chi kuíni rán saꞌá rán rá tiñu ya̱ níyo iniꞌ tátáꞌ rán vá saꞌá rán. Chi maáréꞌ kúvi re̱ꞌ ya̱ sáꞌá re̱ꞌ ni̱yɨ ne̱ tiempúꞌ xíꞌnañúꞌún ya̱ ña̱ko̱o ñɨ̱vɨ́ yaꞌá. Jee ni ntu̱ví íñɨ́‑ɨ jín ya̱ naáꞌ, chi ntu̱ví ñúꞌún ya̱ naáꞌ iniꞌ‑i. Sáá káꞌánꞌ re̱ꞌ tu̱ꞌun túꞌún jee káꞌánꞌ re̱ꞌ sánikua̱ꞌ na̱sa íyó maáréꞌ, chi ya̱ kini túꞌún ví re̱ꞌ jee kúvi re̱ꞌ tátáꞌ nu̱u̱nꞌ ya̱ váji tu̱ꞌun túꞌún.

Génesis 19:5

Jee nka̱najíín ráa xi̱ni̱ꞌ Lot jee nkachiꞌ ráa: ―¿Né núꞌ íyó rá te̱e ntiaaꞌ nu̱u̱nꞌ nú yakuááꞌ vitan? ¡Tavaꞌ ráa!, sáva tɨɨn xe̱e̱nꞌ ránꞌ ráa ―nkachiꞌ ráa.

Tito 1:13

Jee ya̱ naáꞌ ví ya̱ nkachiꞌ re̱ꞌ. Saáva kuxeenꞌ ni̱ꞌin nú nu̱u̱nꞌ rá ñɨvɨ xínéꞌénꞌ tu̱ꞌun túꞌún, sáva nakuneí na̱a̱ꞌ va̱ꞌa iniꞌ ráa ya̱ naáꞌ,

Apoclipsis 18:13

jín canela, jín especia ya̱ sáꞌá nu̱ꞌú neyu, jín su̱jie ííꞌ, jín su̱jie u̱va̱ꞌ jiáꞌánꞌ vi̱xi̱ꞌ naní mirra, jín aceite jiáꞌánꞌ vi̱xi̱ꞌ, jín nixiꞌ vinúꞌ uva, jín aceite, jín yuchi trigúꞌ, jín nikɨn trigúꞌ, jín rá xi̱ni̱kɨ̱ꞌ, jín rá lanchi, jín rá kitɨ, jín rá karretáꞌ, jín rá musúꞌ ya̱ sátíñú saɨn ya̱ nkuya̱ꞌvi.

Génesis 40:15

Chi nsa̱ꞌá kuíꞌná ráa nuꞌuꞌ nu̱u̱nꞌ ñuꞌun rá ñɨvɨ hebreo, jee ntu̱ví íyó níꞌinꞌ ni̱ꞌ ya̱ chiꞌi ráa nuꞌuꞌ iniꞌ veka̱a chi ntu̱ví ná niváꞌa nsa̱ꞌá ni̱ꞌ yaꞌá ―nkachiꞌ José.

Génesis 37:27

Kɨ̱ꞌɨ̱nꞌ‑ó, xi̱kó‑ó maa nu̱u̱nꞌ rá ñɨvɨ tataꞌ ichiyúkúnꞌ Ismael jee ntɨ́ɨn‑ó maa nka̱ꞌníꞌ‑ó maa chi ñaniꞌ ni̱ñɨ̱ꞌ‑órán ví re̱ꞌ ―nkachiꞌ Judá. Jee ni̱yo ma̱ni̱ꞌ iniꞌ rá ñaniꞌ re̱ꞌ ya̱ nkachiꞌ re̱ꞌ.

1 Timoteo 4:6

Retú nakutíñú nú rá tu̱ꞌun yaꞌá nu̱u̱nꞌ rá ñaniꞌ jín rá ku̱ꞌva yɨ́ꞌɨ́ ichi Cristo, jee kuvi nú ɨɨn te̱e ya̱ sikúnkuvi va̱ꞌa nú nu̱u̱nꞌ Cristo Jesús. Jee kujia nú jín rá tu̱ꞌun, ya̱ kúneí iniꞌ‑ó jín ya̱ xínéꞌénꞌ‑ó ya̱ ya níkɨ́nꞌ nú.