1 Pedro 5:9 - Mixteco del suroeste de Tlaxiaco Oaxaca

⁹ Soo nunasɨ́ rán nu̱u̱nꞌ re̱ꞌ, jee kuiñɨ kutú rán kuneí iniꞌ rán ínúꞌ iniꞌ rán Ndiosíꞌ, chi jíníꞌ rán ya̱ suni sukuán ranika̱ꞌ nóꞌo rá ñanitáꞌán rán yɨ́ꞌɨ́ ráa xi̱ntíín Cristo ya̱ nééꞌ ráa nɨ́ɨ́nkáꞌnú né ni ví nkuvi iniꞌ ñɨ̱vɨ́ yaꞌá.

1 Pedro 5:9 Referans Kwoze

Santiago 4:7

Saáva íyó chiꞌi rán maárán xi̱ntíín Ndiosíꞌ. Jee nuni̱ꞌin rán nu̱u̱nꞌ kui̱ꞌna̱ꞌ, jee kunu kui̱ꞌna̱ꞌ nu̱u̱nꞌ rán.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

1 Pedro 2:21

Chi jie̱ꞌe̱ꞌ yukuán kúvi ya̱ nkana Ndiosíꞌ ránoꞌó, chi suni Cristo nnoꞌo re̱ꞌ jie̱ꞌe̱ꞌ ya̱ váꞌa nu̱u̱nꞌ rán, jee sukuán nxi̱nóo re̱ꞌ ɨɨn ichi nu̱u̱nꞌ rán, sáva kunikɨnꞌ rán maa ya̱ saꞌá rán sáni nsa̱ꞌá re̱ꞌ.

1 Corintios 10:13

Chi íyó ya̱ nóꞌo rán ya̱ núkú‑u sikívɨ‑ɨ ránoꞌó nu̱u̱nꞌ kua̱chi, chi suni kua̱ꞌ nóꞌo rán suni sukuán nóꞌo rá inka ka̱ꞌ rá ñɨvɨ. Soo na̱a̱ꞌ síkúnkuvi Ndiosíꞌ jee kúvi kuneí iniꞌ rán re̱ꞌ, chi ntu yɨ́netuꞌ re̱ꞌ sikúvi iniꞌ rán ka̱ꞌ nsú ká kuvi kúneí rán jín‑i. Chisaꞌ sáá síkúvi iniꞌ rán saꞌá rán kua̱chi, jee máá Ndiosíꞌ chineí re̱ꞌ ránoꞌó sáva kuvi kuneí rán ka̱ku rán nu̱u̱nꞌ kua̱chi vá sáva kuvi keꞌneꞌ iniꞌ rán ya̱ nóꞌo rán.

2 Timoteo 3:12

Chi ya̱ nááꞌ ví nijia ya̱ koto u̱ꞌvi̱ꞌ ñɨvɨ nta̱ká rá ñɨvɨ ya̱ kuíni ráa kueꞌnu ráa ichi na̱a̱ꞌ sáni kuíni Ndiosíꞌ jie̱ꞌe̱ꞌ nika̱ꞌ yɨ́ꞌɨ́ ráa nu̱u̱nꞌ Cristo Jesús.

Efesios 6:16

Soo ya̱ ñáꞌnú ka̱ꞌ ví ya̱ kúneí iniꞌ rán Cristo, jee kuvi kasɨꞌ rán nu̱u̱nꞌ ntáká ya̱ chúichí maá ya̱ kíni kúñáꞌnú. Chi ya̱ kúneí iniꞌ rán Cristo kúvi kuéntáꞌ escudo rán, kuéntáꞌ escudo ya̱ ínaꞌá soldado sáva jiásɨ́ꞌ‑ɨ maáa nu̱u̱nꞌ ntáká flecha tɨ́ɨn ñuꞌunꞌ jee xináꞌváꞌ‑a vá.

1 Pedro 3:14

Soo asúnika̱ꞌ nóꞌo rán jie̱ꞌe̱ꞌ tiñu ya̱ jiáꞌnu na̱a̱ꞌ rán, jee na̱ ka̱ꞌ netuꞌ ka̱ꞌ kúvi rán. Jee saáva koto yúꞌví rán kune̱ꞌyá rán rá ñɨvɨ ya̱ siúꞌví‑i ránoꞌó, ni koto nániꞌvɨꞌ iniꞌ rán.

Hebreos 11:33

Jee jie̱ꞌe̱ꞌ ya̱ ni̱nu̱ꞌ iniꞌ ráa nku̱neí iniꞌ ráa Ndiosíꞌ, jee sava ráa nka̱ntáꞌán ráa, jee nku̱neí ráa nna̱tɨɨn ráa rá ñuunꞌ náꞌnú nna̱kɨ̱ꞌɨ xi̱ntíín ráa, jee na̱a̱ꞌ nta̱túníꞌ sava ráa nu̱u̱nꞌ rá ñuunꞌ ráa, jee nni̱ꞌi̱nꞌ ráa tu̱ꞌun nchi̱sóyuꞌú Ndiosíꞌ kunima̱ni̱ꞌ‑i nu̱u̱nꞌ ráa, jee ñasɨꞌ Ndiosíꞌ yuꞌú rá nikaꞌa sáva nka̱jíꞌ rátíꞌ ráa,

1 Timoteo 6:12

Núnasɨ́ nú saꞌá nú fesáꞌ kunikɨnꞌ va̱ꞌa nú Cristo, ya̱ kúneí iniꞌ‑ó, kuéntáꞌ ɨɨn te̱e síkɨ́ sáꞌá fesáꞌ. Jee kuꞌun iniꞌ nú, ya̱ taji Ndiosíꞌ ta̱ꞌvi̱ꞌ nu̱u̱nꞌ nú, ya̱ kutekuꞌ nú nɨ́ɨ́nkání jín re̱ꞌ, chi jie̱ꞌe̱ꞌ yaꞌá vá nkana re̱ꞌ noꞌó. Jee suni jie̱ꞌe̱ꞌ yaꞌá, njia̱ꞌayuꞌú va̱ꞌa nú, ya̱ kúneí iniꞌ nú Cristo, ichinúúnꞌ kue̱ꞌe̱ꞌ ñɨvɨ, ya̱ kuvi stúvi ráa maa.

1 Tesalonicenses 3:3

Sáva ntu̱ví nániꞌvɨꞌ iniꞌ ránú jie̱ꞌe̱ꞌ tu̱nóꞌó nóꞌo ránú. Chi ránoꞌó jíníꞌ ya̱ sukuán níní kunoꞌo yó.

Efesios 4:27

Jee ni koto jiáꞌa rán nu̱u̱nꞌ kui̱ꞌna̱ꞌ kúñáꞌnú ya̱ kiní re̱ꞌ maáréꞌ nteñu rán, sáva nkúneí re̱ꞌ nu̱u̱nꞌ ránoꞌó.

Apoclipsis 6:11

Saájee njia̱ꞌa re̱ꞌ saꞌma kuíjín kuꞌun ráa, jee nkachiꞌ re̱ꞌ nu̱u̱nꞌ ráa ya̱ najia̱ví ráa yakuꞌ ni ka̱ꞌ tiempúꞌ ne̱kua̱ꞌ chitú numero kaꞌniꞌ rá ñɨvɨ rá ñanitáꞌán ráa ya̱ kúvi táꞌán sáꞌá tiñu nu̱u̱nꞌ Cristo jín ráa jee kuviꞌ rává kuéntáꞌ maáráa.

1 Pedro 4:13

Chisaꞌ na̱ ka̱ꞌ íyó kusɨ̱ɨ̱ꞌ iniꞌ rán ya̱ jíꞌín rán nóꞌo tu̱nóꞌó jie̱ꞌe̱ꞌ yɨ́ꞌɨ́ rán nu̱u̱nꞌ Cristo, sáva suni ntántúníꞌ nasɨ́kuitɨꞌ nusɨ̱ɨ̱ꞌ iniꞌ rán kaꞌanꞌ kuekuꞌ rán ki̱vɨ̱ꞌ nenta nijinꞌ Cristo stúvi re̱ꞌ ya̱ viiꞌ nasɨ́kuitɨꞌ kúñáꞌnú re̱ꞌ nísotíñú re̱ꞌ.

1 Pedro 1:6

Jee jie̱ꞌe̱ꞌ vá ví ya̱ kusɨ̱ɨ̱ꞌ víꞌí iniꞌ rán, asúnika̱ꞌ sáá íyó koo tu̱nkuíꞌyáꞌ iniꞌ rán vitan jie̱ꞌe̱ꞌ kéꞌín tu̱nóꞌó táꞌánꞌ rán yakuꞌ ni tióꞌ.

Colosenses 2:5

Chi súnika̱ꞌ íyó íká ni̱ꞌ nu̱u̱nꞌ rán, soo ñúꞌún víꞌí iniꞌ ni̱ꞌ ránoꞌó. Jee kúsɨ́ɨꞌ víꞌí iniꞌ ánímaꞌ ni̱ꞌ chi jíníꞌ ni̱ꞌ ya̱ nuún jiáꞌnu na̱a̱ꞌ rán, jín ya̱ íñɨ́ ni̱ꞌin rán kúneí iniꞌ rán Cristo.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Apoclipsis 7:14

Jee nkachiꞌ ni̱ꞌ nu̱u̱nꞌ‑u: ―Tátáꞌ ni̱ꞌ, noꞌó jíníꞌ ―nkachiꞌ ni̱ꞌ. Jee nkachiꞌ‑i nu̱u̱nꞌ ni̱ꞌ: Rá ñɨvɨ yaꞌá ví rá nku̱neí ráa njia̱ꞌa ráa nu̱u̱nꞌ máá maá tu̱nóꞌó xéénꞌ nnoꞌo ráa. Jee nno̱noo ánímaꞌ ráa jie̱ꞌe̱ꞌ ni̱ꞌi̱ꞌ maáréꞌ ya̱ kúvi re̱ꞌ Lanchi Lúlí vá, kuéntáꞌ nna̱kete ráa saꞌma ráa jee nnu̱kuíjín‑i sáꞌá re̱ꞌ jín ni̱ñɨ̱ꞌ maáréꞌ.

Lucas 22:32

Soo nuꞌuꞌ jíkánꞌ táꞌvíꞌ ni̱ꞌ jie̱ꞌe̱ꞌ nú nu̱u̱nꞌ Ndiosíꞌ sáva níta ya̱ kúneí iniꞌ nú nuꞌuꞌ. Jee sáá nakani iniꞌ nú ya̱ nsa̱ꞌá nú jee nikó nú nu̱u̱nꞌ nuꞌuꞌ saájee nasáneí nú iniꞌ ánímaꞌ rá ñanitáꞌán nú kuiñɨ ni̱ꞌin ráa ―nkachiꞌ Jesús.

Apoclipsis 1:9

Nuꞌuꞌ Juan, ya̱ kúvi ni̱ꞌ ñanitáꞌán‑órán. Jee jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ɨɨn nuún ni nkáá nóꞌo ni̱ꞌ jín ránoꞌó tu̱nóꞌó sáꞌá kíni ñɨvɨ yó, jee ɨɨn nuún ni nkáá yɨ́ꞌɨ́ ni̱ꞌ jín rán xi̱ntíín Ndiosíꞌ, jee ɨɨn nuún ni nkáá káꞌnú íyó iniꞌ‑ó kúneí‑ó kúníꞌin‑ó íñɨ́‑ó jín Cristo. Jee jie̱ꞌe̱ꞌ ya̱ stékútu̱ꞌún ni̱ꞌ tu̱ꞌun váꞌa Ndiosíꞌ jín tu̱ꞌun ya̱ kúvi ya̱ naáꞌ ya̱ njiáꞌa Jesús, jee saáva ntɨɨn rá ñɨvɨ nuꞌuꞌ yɨ́ꞌɨ́ ni̱ꞌ xi̱ntíín ráa, jee ña̱na̱ka ráa nuꞌuꞌ ne̱ nu̱u̱nꞌ ɨɨn ñuꞌun naní Patmos ya̱ káá sɨ́ɨ́n ma̱ꞌñú nteñúꞌún.

2 Timoteo 4:7

Nnu̱nasɨ́ ni̱ꞌ nka̱ntáꞌán ni̱ꞌ nu̱u̱nꞌ tiñu váꞌa re̱ꞌ. Jee kuéntáꞌ te̱e jínu va̱ꞌa carrera, nku̱neí ni̱ꞌ nsi̱jínu ni̱ꞌ ya̱ nsi̱kúnkuvi ni̱ꞌ ne̱ nu̱u̱nꞌ nɨ́ꞌɨ tiñu ya̱ ntaji Ndiosíꞌ nu̱u̱nꞌ ni̱ꞌ. Jee nnikɨnꞌ ni̱ꞌin ni̱ꞌ tu̱ꞌun kúneí iniꞌ‑ó.

Hebreos 12:8

Chi retú ntu náchuꞌun na̱a̱ꞌ Ndiosíꞌ ichi ránoꞌó kuéntáꞌ kua̱ꞌ sáꞌá re̱ꞌ jín ntáká‑ó, saájee kúvi rán kuéntáꞌ se̱ꞌya náꞌví, jee nsú se̱ꞌya nijia máá maáréꞌ.