1 Pedro 5:5 - Mixteco del suroeste de Tlaxiaco Oaxaca

⁵ Jee sunisaá ni ránoꞌó te̱súchí, chiꞌi rán maárán xi̱ntíín rá te̱e kúñáꞌnú nu̱u̱nꞌ rán. Jee ntáká rán kuꞌun tu̱ꞌun ñúꞌún láꞌví iniꞌ rán jín ɨɨn inka táꞌán rán chi: Ndiosíꞌ jee íñɨ́ re̱ꞌ si̱kɨ̱ꞌ rá ñɨvɨ ñútéyɨ́ɨ́ iniꞌ, soo va̱ꞌa iniꞌ re̱ꞌ chíneí re̱ꞌ rá ñɨvɨ ya̱ ñúꞌún tu̱ꞌun láꞌví iniꞌ ráa.

1 Pedro 5:5 Referans Kwoze

Santiago 4:6

Soo saꞌ víꞌí káꞌ chíneí Ndiosíꞌ yó jie̱ꞌe̱ꞌ ya̱ íyó ma̱ni̱ꞌ iniꞌ re̱ꞌ néꞌyá re̱ꞌ yó, saáva káchíꞌ Tu̱ꞌun Ndiosíꞌ níso nu̱u̱nꞌ Tutuꞌ: “Ndiosíꞌ, núníꞌin re̱ꞌ si̱kɨ̱ꞌ rá ñɨvɨ kútéyɨ́ɨ́, soo íyó mániꞌ iniꞌ re̱ꞌ néꞌyá re̱ꞌ rá ñɨvɨ jiáni láꞌví iniꞌ ya̱ chíneí chituvi re̱ꞌ ráa.”

Efesios 5:21

Chiꞌi rán maárán xi̱ntíín ɨɨn inka táꞌánꞌ rán, jie̱ꞌe̱ꞌ ya̱ ñúyúꞌví iniꞌ rán yɨ́ñúꞌún rán nu̱u̱nꞌ Cristo.

Romanos 12:10

Jee kunu̱u̱nꞌ ñúnkúún iniꞌ rán ɨɨn inka táꞌán rán kuéntáꞌ ñúnúunꞌ rán ñaniꞌ maárán ya̱ nkaku jín rán. Jee nukú rán saꞌá ñáꞌnú rán ka̱ꞌ nu̱u̱nꞌ rá táꞌán rán nsú káꞌ maárán.

Filipenses 2:3

Jee koto ná sáꞌá rán ni ɨɨn tiñu ya̱ sáꞌá uꞌvi iniꞌ rán, ni ya̱ sáꞌá téyɨ́ɨ́ rán. Chisaꞌ kani láꞌví iniꞌ rán, jee tɨɨn ta ɨɨn rán kuéntáꞌ ya̱ kúñáꞌnú ka̱ꞌ ɨɨn inka rán nsú káꞌ maárán.

Colosenses 3:12

Saáva sama iniꞌ rán, chi nka̱ji Ndiosíꞌ ránoꞌó sáva kuvi rán ñɨvɨ maáréꞌ, ya̱ nsa̱ꞌá sɨ́ɨ́n re̱ꞌ ránoꞌó nu̱u̱nꞌ ya̱ níváꞌa, jee ñúnúunꞌ re̱ꞌ ránoꞌó. Jee koo rán suꞌva: ya̱ kunáꞌví iniꞌ rán rá táꞌán rán, jín ya̱ kuva̱ꞌa iniꞌ rán kune̱ꞌyá rán táꞌán rán, jín ya̱ kuꞌun láꞌví iniꞌ rán, jín ya̱ koo másúꞌ iniꞌ rán, jín ya̱ káꞌnú koo iniꞌ rán jín táꞌán rán,

Romanos 13:14

Chisaꞌ íyó koo‑ó kuéntáꞌ I̱toꞌoꞌ‑ó Jesús ya̱ kúvi Cristo, jee koto ñúꞌún iniꞌ‑ó ka̱ꞌ saꞌá‑ó máá tiñu niváꞌa ka̱ꞌ ya̱ sáni níyo iniꞌ‑ó jín yɨkɨkúñu kua̱chi‑ó.

1 Pedro 4:5

Soo suviráa chi naku̱ꞌva ráa kuéntáꞌ na̱ja ñáꞌnu ráa nu̱u̱nꞌ máá Ndiosíꞌ ya̱ íyó túꞌva re̱ꞌ sáva sanáaꞌ re̱ꞌ jie̱ꞌe̱ꞌ kua̱chi rá ñɨvɨ tékúꞌ jín rá ñɨvɨ níꞌiꞌ.

Hebreos 13:17

Jee kaníjiá rán rá te̱e yósóꞌ ichinúúnꞌ rán jee chiꞌi rán maárán xi̱ntíín ráa, chi maáráa ví ya̱ néen kuéntáꞌ ráa ránoꞌó sáva kúvi‑i ya̱ váꞌa nu̱u̱nꞌ rán. Chi naku̱ꞌva ráa kuéntáꞌ jie̱ꞌe̱ꞌ‑e nu̱u̱nꞌ Ndiosíꞌ. Kaníjiá rán ráa sáva kusɨ̱ɨ̱ꞌ iniꞌ ráa sikúnkuvi ráa tiñu sáꞌá ráa, jee sáva nkéꞌen ráa kue̱ka̱ꞌ saꞌá ráa maa chi retú sukuán jee nsáꞌ váꞌa kúvi nu̱u̱nꞌ rán.

1 Pedro 4:1

Saáva jie̱ꞌe̱ꞌ ya̱ nnoꞌo Cristo jín ñunéꞌyúꞌ re̱ꞌ, jee suni sukuán ránoꞌó ranika̱ꞌ íyó satúꞌva rán antúníꞌ rán nuún kuꞌun iniꞌ rán jín re̱ꞌ. Chi ñɨvɨ ya̱ nnoꞌo jín yɨkɨkúñu‑u, jee nxi̱nóo‑o saꞌá‑a kua̱chi,

Lucas 22:26

Soo ránoꞌó chi ni nkúvi sukuán jín rán. Chisaꞌ ɨɨn ya̱ kúñáꞌnú ká nteñu rán, jee íyó naxinúun‑u maáa sáva kuvi‑i kuéntáꞌ ɨɨn maá súchí ka̱ꞌ, jee ɨɨn ñɨvɨ ya̱ yósóꞌ nu̱u̱nꞌ rán íyó koo kuéntáꞌ musúꞌ ya̱ yɨ́tíñú‑u nu̱u̱nꞌ inka ñɨvɨ.

1 Timoteo 5:1

Koto kúxeenꞌ nú nu̱u̱nꞌ ɨɨn te̱e ñáꞌnú, soo nakutíñú nú nu̱u̱nꞌ re̱ꞌ kuéntáꞌ káꞌánꞌ nú jín tátáꞌ nú. Jee nakutíñú va̱ꞌa nú nu̱u̱nꞌ rá te̱e súchí ka̱ꞌ, kuéntáꞌ kúvi ráa rá ñaniꞌ nú,

1 Pedro 3:8

Jee nu̱u̱nꞌ nɨꞌɨ ɨɨn nuún ni kuꞌun iniꞌ ɨɨn inka ntáká rán, kunáꞌví iniꞌ rán táꞌán rán ré na̱kuáꞌ nóꞌo‑o, kunu̱u̱nꞌ rán ɨɨn inka ñanitáꞌán rán, kuñunkúún iniꞌ ánímaꞌ rán jee kuꞌun láꞌví iniꞌ rán.