1 Pedro 5:2 - Mixteco del suroeste de Tlaxiaco Oaxaca

² Saáva kumí váꞌa rán rá ñɨvɨ ya̱ kúvi ráa kuéntáꞌ lanchi Ndiosíꞌ ya̱ néen kuéntáꞌ rán ráa, jee nsú ɨɨn kuéntáꞌ tétuvi ví ya̱ saꞌá rán maa, chisaꞌ ne̱ koo iniꞌ rán saꞌá rán maa sáni kuíni Ndiosíꞌ, jee nsú jie̱ꞌe̱ꞌ ya̱ koo u̱ꞌvi̱ꞌ iniꞌ rán ni̱ꞌi̱nꞌ rán xu̱ꞌún saꞌá rán maa, chisaꞌ ne̱ kuꞌun káñá iniꞌ rán saꞌá rán maa.

1 Pedro 5:2 Referans Kwoze

Tito 1:7

Chi te̱e kúñáꞌnú ya̱ kuatíñú Ndiosíꞌ kumí re̱ꞌ rá ñɨvɨ kúneí iniꞌ ráa Cristo, saáva maáréꞌ íyó kuvi re̱ꞌ ɨɨn te̱e: ya̱ ntu kúvi chikua̱chi ñɨvɨ, jín ya̱ ntu jiáni téyɨ́ɨ́ iniꞌ, jín ya̱ ntu xe̱e̱nꞌ iniꞌ, jín ya̱ ntu jíꞌi víꞌí nixiꞌ jee ntu jíni, jín ya̱ ntu núkú tuntíxín, jín ya̱ ntu uꞌvi iniꞌ xu̱ꞌún, ya̱ ntu níꞌinꞌ ninuꞌun vá.

1 Timoteo 3:8

Suni sukuán, rá te̱e ya̱ nééꞌ si̱kɨ̱ꞌ ráa ya̱ chíneí ráa rá ñɨvɨ kúneí iniꞌ rává Cristo, íyó kuvi ráa te̱e jiáꞌnu ñáꞌnú, jee íyó kuvi ráa te̱e saɨn iniꞌ jín ya̱ nsú máá tiñu jíꞌi sáꞌá ráa, jín ya̱ nkóo uꞌvi iniꞌ ráa ya̱ nku̱núunꞌ ráa xu̱ꞌún ya̱ nsáꞌ níꞌínꞌ ninuꞌun.

Tito 3:1

Xinákúꞌun nú iniꞌ rá ñɨvɨ kúneí iniꞌ ráa Cristo ya̱ kɨꞌɨ ráa chi̱ji naꞌá rá te̱e tátúníꞌ jín rá te̱e nísotíñú, ya̱ kaníjiá ráa rává, jín ya̱ koo káñá iniꞌ ráa saꞌá ráa nta̱ká tiñu váꞌa,

1 Timoteo 3:3

Íyó kuvi re̱ꞌ ɨɨn te̱e ya̱ ntu jíꞌi víꞌí nixiꞌ jee ntu jíni‑i, jín ya̱ ntu núkú‑u tuntíxín, jín ya̱ ntu ñúnúunꞌ re̱ꞌ xu̱ꞌún ya̱ nsáꞌ níꞌínꞌ ninuꞌun, chisaꞌ koo másúꞌ iniꞌ re̱ꞌ, jín ya̱ ntu kántátúꞌun re̱ꞌ, jín ya̱ ntu nóꞌónꞌ ka̱ꞌ iniꞌ re̱ꞌ xu̱ꞌún.

1 Corintios 9:7

¿Né ɨɨn soldado sátíñú saɨn jee tékúꞌ re̱ꞌ xu̱ꞌún veꞌi maáréꞌ rúsa? Áxí, ¿né ɨɨn te̱e ya̱ tée re̱ꞌ tataꞌ uva jee ntu̱ví yájíꞌ re̱ꞌ ya̱ vixíꞌ vá rúja? Áxí, ¿né ɨɨn ñɨvɨ ya̱ kúmí‑i rá lanchi jee ntu̱ví jíꞌi‑i xu̱kui rátíꞌ rúja? Ntu̱ví íyó sukuán.

2 Pedro 2:3

Jee jie̱ꞌe̱ꞌ ya̱ uꞌvi iniꞌ ráa jee jíchíꞌ ráa ránoꞌó jín rá tu̱ꞌun túꞌún kéne xi̱ni̱ꞌ ráa ya̱ xínéꞌénꞌ ráa. Jee ne̱ yanaꞌán víꞌí ya̱ íyó stákoo ya̱ sijíta Ndiosíꞌ ráa jee kɨ̱naanꞌ nijia ráa.

Hebreos 12:15

Kumí rán maárán sáva ni ɨɨn rán koto xínóo‑o ya̱ váꞌa táji Ndiosíꞌ nu̱u̱nꞌ‑ó jie̱ꞌe̱ꞌ íyó mániꞌ iniꞌ re̱ꞌ yó, sáva ni ɨɨn rán nkújia tu̱ꞌun ñúꞌún táꞌvi iniꞌ ñɨvɨ nteñu rán, ya̱ saꞌá níní‑i iniꞌ rá ñanitáꞌán‑ó jee stívɨ́‑ɨ kue̱ꞌe̱ꞌ ráa kuéntáꞌ yu̱ku̱ꞌ u̱va̱ꞌ.

Tito 1:11

Íyó kasɨꞌ‑ó yuꞌú rá ñɨvɨ ya̱ sáꞌá suꞌva, chi stívɨ́ ráa nɨꞌɨ ñɨvɨ sava rá veꞌi. Chi xínéꞌénꞌ ráa tu̱ꞌun ya̱ ntu íyó xinéꞌénꞌ ráa, sáva ni̱ꞌi̱nꞌ ráa xu̱ꞌún, ya̱ nsáꞌ ninuꞌun níꞌínꞌ ráa maa.

Lucas 12:32

’Koto yúꞌví rán, ránoꞌó ya̱ kúvi rán kuéntáꞌ yakuꞌ lanchi ni̱ꞌ, chi Tátáꞌ rán Ndiosíꞌ kúváꞌa iniꞌ re̱ꞌ taji re̱ꞌ nu̱u̱nꞌ rán ya̱ ki̱vɨ rán xi̱ntíín re̱ꞌ nu̱u̱nꞌ tátúníꞌ re̱ꞌ nu̱u̱nꞌ rán.

Filemón 1:14

Soo ntu̱ví kuíni ni̱ꞌ saꞌá ni̱ꞌ ni ɨɨn tiñu, retú ntu̱ví tájiyuꞌú nú nu̱u̱nꞌ ni̱ꞌ ya̱ saꞌá ni̱ꞌ maa, sáva ntu sáꞌá nú maa jie̱ꞌe̱ꞌ tétuvi ni̱ꞌ noꞌó saꞌá nú maa, chisaꞌ sáꞌá nú maa jie̱ꞌe̱ꞌ kuíni maánú saꞌá nú maa.

Tito 2:14

Chi njia̱ꞌa re̱ꞌ maáréꞌ ya̱ kuviꞌ re̱ꞌ jie̱ꞌe̱ꞌ‑ó, sáva chunáán nkáꞌnú re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ‑ó, sáva nakani núne re̱ꞌ yó naꞌá nta̱ká nu̱u̱nꞌ ya̱ niva̱ꞌa. Jee nna̱saꞌá noo nɨꞌɨ kuitɨꞌ re̱ꞌ kua̱chi níso ánímaꞌ‑ó, sáva kuvi‑ó ñɨvɨ maáréꞌ, sáva kuꞌun káñá iniꞌ‑ó saꞌá‑ó ya̱ váꞌa.

Romanos 1:15

Saáva nuꞌuꞌ va̱ne̱ꞌ ñúkúvi iniꞌ ni̱ꞌ ya̱ suni kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ ránoꞌó ya̱ nééꞌ rán ñuunꞌ Roma.

Hechos 21:13

Saájee nna̱xiníkó re̱ꞌ: ―¿Na̱kui chi náꞌyúꞌ rán jee jiáxin rán ánímaꞌ ni̱ꞌ? Chi nsáꞌ kua̱chi íyó túꞌva ni̱ꞌ ya̱ kunuꞌniꞌ ni̱ꞌ, chisaꞌ suni íyó túꞌva ni̱ꞌ kuviꞌ ni̱ꞌ ranika̱ꞌ nu̱u̱nꞌ ñuunꞌ Jerusalén jie̱ꞌe̱ꞌ I̱toꞌoꞌ‑ó Jesús.

Hechos 20:29

Nuꞌuꞌ jíníꞌ ya̱, ré kua̱ꞌa̱nꞌ ni̱ꞌ, jee ki̱vɨ rá ñɨvɨ nteñu rán, jee nkɨ́kui̱ñɨ̱ꞌ ráa nukú ráa xináꞌví ráa rá ñanitáꞌán‑ó sáva xináánꞌ ráa rává, kuéntáꞌ váꞌúꞌ xe̱e̱nꞌ ya̱ jiáꞌníꞌ‑i rá lanchi.