1 Pedro 4:14 - Mixteco del suroeste de Tlaxiaco Oaxaca

¹⁴ Na̱ ka̱ꞌ netuꞌ ka̱ꞌ kúvi ránoꞌó retú ténúunꞌ ráa ránoꞌó jie̱ꞌe̱ꞌ ya̱ níkɨ́nꞌ rán ichi Cristo, chi máá Ta̱chi̱ꞌ Ííꞌ Ndiosíꞌ ya̱ viiꞌ kúñáꞌnú nasɨ́kuitɨꞌ íyó‑o jín ránoꞌó. [Chi rá ñɨvɨ vá káꞌánꞌ niva̱ꞌa ráa si̱kɨ̱ꞌ Ta̱chi̱ꞌ Ííꞌ re̱ꞌ, soo ránoꞌó chi nákuetúꞌún rán maa.]

1 Pedro 4:14 Referans Kwoze

1 Pedro 3:14

Soo asúnika̱ꞌ nóꞌo rán jie̱ꞌe̱ꞌ tiñu ya̱ jiáꞌnu na̱a̱ꞌ rán, jee na̱ ka̱ꞌ netuꞌ ka̱ꞌ kúvi rán. Jee saáva koto yúꞌví rán kune̱ꞌyá rán rá ñɨvɨ ya̱ siúꞌví‑i ránoꞌó, ni koto nániꞌvɨꞌ iniꞌ rán.

Lucas 6:22

’Na̱ ka̱ꞌ netuꞌ ka̱ꞌ kúvi ránoꞌó sáá táꞌvi iniꞌ ñɨvɨ néꞌyá ráa ránoꞌó, jín sáá táváꞌ ráa ránoꞌó nteñu ráa, jín sáá ténúunꞌ ráa ránoꞌó, jín sáá jíníichiꞌ ráa ránoꞌó káꞌánꞌ niva̱ꞌa ráa jie̱ꞌe̱ꞌ rán jie̱ꞌe̱ꞌ íñɨ́ rán jín nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Santiago 1:12

Na̱ ka̱ꞌ netuꞌ ka̱ꞌ ví ñɨvɨ kúníꞌin íñɨ́ ni̱ꞌin sáá nóꞌo‑o tu̱nóꞌó ya̱ jítotúníꞌ yó. Chi sáá kuneí kene na̱a̱ꞌ ñɨvɨ vá, jee ni̱ꞌi̱nꞌ‑i ta̱ꞌvi̱ꞌ ya̱ kutekuꞌ‑u nɨ́ɨ́nkání jín Ndiosíꞌ, ya̱ nchi̱sóyuꞌú re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.

Mateo 5:11

’Na̱ ka̱ꞌ netuꞌ ka̱ꞌ kúvi ránoꞌó sáá ténúunꞌ ñɨvɨ ránoꞌó, jee sáꞌá kini ráa ránoꞌó, jee káchíꞌ ráa ntáká nu̱u̱nꞌ ya̱ níváꞌa si̱kɨ̱ꞌ rán sátúꞌún ráa si̱kɨ̱ꞌ rán, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ.

1 Pedro 3:16

Soo másúꞌ koo iniꞌ rán naxiníkó rán nu̱u̱nꞌ ráa, jee kaꞌanꞌ yɨ́ñúꞌún rán jín ráa, jee kueꞌnu na̱a̱ꞌ rán ya̱ jíníꞌ rán ya̱ ntu íyó si̱kɨ̱ꞌ rán, sáva sáá káꞌánꞌ niva̱ꞌa ráa si̱kɨ̱ꞌ rán kukanuun ráa jie̱ꞌe̱ꞌ tu̱ꞌun niváꞌa ya̱ káꞌánꞌ ráa jie̱ꞌe̱ꞌ va̱ꞌa jiáꞌnu rán jie̱ꞌe̱ꞌ yɨ́ꞌɨ́ rán nu̱u̱nꞌ Cristo.

2 Corintios 12:10

Saáva kúsɨ́ɨꞌ iniꞌ ni̱ꞌ jie̱ꞌe̱ꞌ ya̱ táyáꞌ iniꞌ ni̱ꞌ, jín ya̱ ténúunꞌ ñɨvɨ nuꞌuꞌ, jín sáá kúmániꞌ nu̱u̱nꞌ ni̱ꞌ, jín sáá jíto u̱ꞌvi̱ꞌ ñɨvɨ nuꞌuꞌ, jín sáá táꞌánꞌ ni̱ꞌ tu̱nóꞌó, jie̱ꞌe̱ꞌ sátíñú ni̱ꞌ nu̱u̱nꞌ Cristo. Chi sáá táyáꞌ iniꞌ ni̱ꞌ saájee nátají Cristo fuersáꞌ nu̱u̱nꞌ ni̱ꞌ.

Juan 15:21

Soo ntáká rá tiñu yaꞌá saꞌá ráa jín ránoꞌó, jie̱ꞌe̱ꞌ ni ka̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ, chi jie̱ꞌe̱ꞌ ni ka̱ꞌ ya̱ ntu̱ví jíníꞌ ráa iniꞌ maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.

Santiago 5:11

Kune̱ꞌyá rán, tɨ́ɨn kuéntáꞌ‑ó ya̱ saꞌá Ndiosíꞌ ya̱ netuꞌ kúvi ñɨvɨ ya̱ jiéꞌnéꞌ iniꞌ ráa jín tu̱nóꞌó jee íñɨ́ ni̱ꞌin ráa. Nteso̱ꞌo rán na̱sa nkuni̱ꞌin ni̱ñɨ ni̱ꞌin Job jín tu̱nóꞌó nnoꞌo re̱ꞌ. Jee jíníꞌ rán ya̱ nsa̱ꞌá va̱ꞌa I̱toꞌoꞌ‑ó jín re̱ꞌ ne̱ nu̱u̱nꞌ nɨ́ꞌɨ. Saáva suꞌva jíníꞌ rán ya̱ náꞌví víꞌí iniꞌ I̱toꞌoꞌ‑ó jee kúváꞌa iniꞌ re̱ꞌ néꞌyá re̱ꞌ ñɨvɨ.

Hechos 13:45

Soo sáá niniꞌ rá ñɨvɨ Israel ya̱ kue̱ꞌe̱ꞌ ñɨvɨ nku̱tútú yukuán, jee nñu̱kuíñɨ́ iniꞌ ráa nne̱ꞌyá ráa Pablo. Jee nkachiꞌ ráa ya̱ nátatúꞌún ráa re̱ꞌ. Jee ntenu̱u̱nꞌ ráa re̱ꞌ.

1 Pedro 2:12

Jee kueꞌnu va̱ꞌa rán nteñu rá ñɨvɨ ya̱ ntu jíníꞌ ráa Tu̱ꞌun Ndiosíꞌ, sáva súka̱ꞌ káꞌánꞌ rá ñɨvɨ si̱kɨ̱ꞌ rán kuéntáꞌ kua̱ꞌ sáꞌá rán tiñu níváꞌa, soo kuniꞌ rá ñɨvɨ vá rá tiñu váꞌa sáꞌá rán, jee nakuetúꞌún ráa Ndiosíꞌ ki̱vɨ̱ꞌ niji tuku Cristo sanáaꞌ re̱ꞌ sáni ya̱ nááꞌ.

Hebreos 11:26

Chi nñu̱ꞌun iniꞌ re̱ꞌ ya̱ yɨ́yáꞌvi víꞌí ka̱ꞌ ví ya̱ ku̱ꞌva rá ñɨvɨ tu̱nkánuun re̱ꞌ kuéntáꞌ kua̱ꞌ nito u̱ꞌvi̱ꞌ ráa Cristo, nsú káꞌ kukúká re̱ꞌ jín rá nantíñú yɨ́yáꞌvi íyó ñuunꞌ Egipto. Chi nneenu̱u̱nꞌ re̱ꞌ ya̱ ni̱ꞌi̱nꞌ re̱ꞌ ta̱ꞌvi̱ꞌ ya̱ ku̱ꞌva Ndiosíꞌ nu̱u̱nꞌ re̱ꞌ.

Gálatas 1:24

Jee nákuetúꞌún ráa Ndiosíꞌ jie̱ꞌe̱ꞌ ya̱ nsa̱ꞌá‑a jín ni̱ꞌ.

Juan 9:34

Saájee nna̱xiníkó ráa, jee nkachiꞌ ráa nu̱u̱nꞌ re̱ꞌ: ―Noꞌó chi ne̱ ki̱vɨ̱ꞌ nkaku nú jee ne̱ íyó chitú kanáa noꞌó jín kua̱chi. Jee, ¿á noꞌó xínéꞌénꞌ nú nu̱u̱nꞌ ránuꞌuꞌ rúja? ―nkachiꞌ ráa, jee íchí ntavaꞌ ráa re̱ꞌ iniꞌ veꞌi sinagoga vá ya̱ ni ntu jiáꞌa ráa ka̱ꞌ ki̱vɨ re̱ꞌ maa.

Juan 9:28

Saájee ntenu̱u̱nꞌ ráa re̱ꞌ, jee nkachiꞌ ráa: ―Noꞌó chi vá níkɨ́nꞌ nú súkuáꞌa te̱e vá noꞌó. Soo ránuꞌuꞌ chi káníjiá ránꞌ Moisés chi níkɨ́nꞌ ránꞌ tu̱ꞌun re̱ꞌ jee súkuáꞌa ránꞌ maa.

Juan 8:48

Saájee nna̱xiníkó rá ñɨvɨ Israel, jee nkachiꞌ ráa nu̱u̱nꞌ Jesús: ―¿Á ntu su va̱tu̱ni káchíꞌ ránꞌ ya̱ kúvi nú ɨɨn te̱e ñuunꞌ Samaria, jín ya̱ yɨ́ꞌɨ́ ɨɨn kui̱ꞌna̱ꞌ iniꞌ nú? ―nkachiꞌ ráa.

Mateo 5:16

Jee suꞌva íyó kueꞌnu na̱a̱ꞌ va̱ꞌa rán sáva kúvi rán kuéntáꞌ ñuꞌunꞌ stúúnꞌ rán nu̱u̱nꞌ rá ñɨvɨ jee kune̱ꞌyá ráa ya̱ váꞌa sáꞌá rán, sáva nakuetúꞌún ráa Tátáꞌ rán Ndiosíꞌ ya̱ nééꞌ antivɨ́ súkún.

2 Pedro 2:2

Jee kue̱ꞌe̱ꞌ ñɨvɨ kunikɨnꞌ ichi kánéꞌí ya̱ xinéꞌénꞌ ráa. Jee jie̱ꞌe̱ꞌ ráa jee kaꞌanꞌ niváꞌa ñɨvɨ jie̱ꞌe̱ꞌ ichi ya̱ níkɨ́nꞌ‑ó ya̱ kúvi ya̱ nááꞌ.

Hechos 18:6

Soo sáá nnuni̱ꞌin ráa jín Pablo, jee sáá káꞌánꞌ niva̱ꞌa ráa si̱kɨ̱ꞌ re̱ꞌ, jee nkisɨ re̱ꞌ ti̱ka̱cha̱a̱ꞌ saꞌma re̱ꞌ, sáva naistúvi re̱ꞌ ya̱ íyó si̱kɨ̱ꞌ ráa. Jee nkachiꞌ‑i: ―Si̱kɨ̱ꞌ maárán ví ya̱ kiji ya̱ xinóꞌo Ndiosíꞌ ránoꞌó. Nsú ka̱ꞌ si̱kɨ̱ꞌ ni̱ꞌ ví‑i. Ne̱ ntañúꞌún, kɨ̱kaꞌanꞌ ni̱ꞌ jín rá ñɨvɨ ntu kúvi Israel.

Hechos 5:41

I̱ña̱jée nkene rá apóstol nu̱u̱nꞌ Justicia. Jee kúsɨ́ɨꞌ iniꞌ ráa, chi jíníꞌ Ndiosíꞌ ya̱ níkɨ́nꞌ na̱a̱ꞌ ráa Jesús jee saáva nnoꞌo ráa tu̱nkánuun jie̱ꞌe̱ꞌ re̱ꞌ.

Hechos 28:22

Soo kuíni ránꞌ teso̱ꞌo ránꞌ rá jiáni iniꞌ nú. Chi jíníꞌ ránꞌ ya̱ nɨ́ɨ́nkáꞌnú nu̱u̱nꞌ káꞌánꞌ kini ñɨvɨ si̱kɨ̱ꞌ inka ka̱ꞌ ñujiínꞌ yaꞌá.

2 Corintios 4:10

Né ni ví nkuvi kua̱ꞌa̱nꞌ ránꞌ, sukuáni jiéꞌnéꞌ iniꞌ ránꞌ kuviꞌ ránꞌ jie̱ꞌe̱ꞌ tiñu sáꞌá ránꞌ nu̱u̱nꞌ Jesús kuéntáꞌ níꞌiꞌ re̱ꞌ jie̱ꞌe̱ꞌ ránꞌ. Sáva suni sukuán túvi nijinꞌ ya̱ jiáꞌnu ránꞌ sáni ñaꞌnu Jesús ya̱ tékúꞌ re̱ꞌ iniꞌ yɨkɨkúñu ránꞌ jee táji re̱ꞌ fuersáꞌ nu̱u̱nꞌ ránꞌ.

2 Corintios 4:16

Saáva, ntu̱ví núun iniꞌ‑ó. Súka̱ꞌ kua̱nɨꞌɨ nijia yɨkɨkúñu‑ó, soo vitan nteenꞌ nújiáá ánímaꞌ‑ó sáꞌá Ndiosíꞌ.

1 Pedro 4:16

Soo retú nóꞌo ɨɨn ránoꞌó jie̱ꞌe̱ꞌ ya̱ kúvi‑i cristiano ya̱ níkɨ́nꞌ rán ichi nááꞌ Cristo, koto kúkanuun rán, chisaꞌ nakuetúꞌún rán Ndiosíꞌ jie̱ꞌe̱ꞌ ya̱ níkɨ́nꞌ rán ichi nááꞌ Cristo.