1 Pedro 4:11 - Mixteco del suroeste de Tlaxiaco Oaxaca

¹¹ Retú níꞌínꞌ ɨɨn ránoꞌó ɨɨn ta̱ꞌvi̱ꞌ ya̱ chíneí Ndiosíꞌ nó kaꞌanꞌ nú, jee kaꞌanꞌ sáni káꞌánꞌ nú Tu̱ꞌun Ndiosíꞌ. Jee retú ɨɨn ránoꞌó ni̱ꞌi̱nꞌ nú ta̱ꞌvi̱ꞌ ya̱ chineí nú táꞌán nú, jee saꞌá nú maa jín fuersáꞌ táji Ndiosíꞌ nu̱u̱nꞌ nú, sáva nakuetúꞌún rá ñɨvɨ Ndiosíꞌ jie̱ꞌe̱ꞌ ntáká tiñu sáꞌá rán jie̱ꞌe̱ꞌ Jesús ya̱ kúvi Cristo, jee kúñáꞌnú nasɨ́kuitɨꞌ re̱ꞌ tátúníꞌ re̱ꞌ nɨ́ɨ́nkání. Sukuán koo.

1 Pedro 4:11 Referans Kwoze

1 Corintios 10:31

Saáva va̱ni yájíꞌ ránú áxí va̱ni jíꞌi rán áxí na̱ jie̱ꞌe̱ꞌ tiñu sáꞌá rán, jee saꞌá rán ntáká tiñu sáva nakuetúꞌún rá ñɨvɨ jie̱ꞌe̱ꞌ Ndiosíꞌ ya̱ kuniꞌ ráa ya̱ viiꞌ nasɨ́kuitɨꞌ kúñáꞌnú re̱ꞌ.

Efesios 6:10

Jee íyó inka ka̱ꞌ jie̱ꞌe̱ꞌ tu̱ꞌun kachiꞌ ni nu̱u̱nꞌ ránoꞌó, rá ñaniꞌ ni̱ꞌ jín rá ku̱ꞌva ni̱ꞌ ya̱ yɨ́ꞌɨ́ rán nu̱u̱nꞌ Cristo, íyó koo neí iniꞌ rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó, jee nachuꞌun neí rán iniꞌ rán jín fuersáꞌ ííꞌ mánasɨ́ ni̱ꞌin níso re̱ꞌ.

1 Pedro 4:10

Jee nu̱u̱nꞌ ta ɨɨn ɨɨn rán nsi̱kútaꞌviꞌ Ndiosíꞌ ɨɨn ta̱ꞌvi̱ꞌ nu̱u̱nꞌ ránoꞌó ya̱ kuvi saꞌá rán ɨɨn tiñu, jee sánikua̱ꞌ íyó ta̱ꞌvi̱ꞌ rán jee íyó saꞌá rán tiñu vá sáva chineí rán ɨɨn inka ka̱ꞌ rá táꞌán rán, jee suꞌva sikúnkuvi na̱a̱ꞌ va̱ꞌa rán maa sánikua̱ꞌ sɨ́ɨ́n sɨ́ɨ́n nu̱u̱nꞌ ta̱ꞌvi̱ꞌ ví‑i nsi̱kútaꞌviꞌ Ndiosíꞌ maa nu̱u̱nꞌ rán.

Hechos 7:38

Yaꞌá ví Moisés ya̱ níñɨ re̱ꞌ jín rá ñɨvɨ Israel nku̱tútú nu̱u̱nꞌ ñu̱ꞌún saɨn. Jee ni̱ñɨ re̱ꞌ jín najiáꞌáꞌ ííꞌ Ndiosíꞌ, ya̱ nkaꞌanꞌ jín re̱ꞌ nu̱u̱nꞌ yuku naní Sinaí. Jee ni̱ñɨ re̱ꞌ jín rá jííꞌ‑ó yanaꞌán. Jee Moisés ví ya̱ nni̱ꞌi̱nꞌ re̱ꞌ rá tu̱ꞌun ya̱ sáꞌá ya̱ kutekuꞌ‑ó, sáva taji re̱ꞌ maa nu̱u̱nꞌ ránú.

Efesios 4:29

Jee koto jiáꞌa rán ya̱ kene ni ɨɨn tu̱ꞌun niváꞌa kini yuꞌú nú, chisaꞌ kaꞌanꞌ rán tu̱ꞌun váꞌa ya̱ íyótiñu, ya̱ sikújia va̱ꞌa‑a ñɨvɨ sáni jíniñúꞌún ráa, sáva nachineí‑i ráa ya̱ tésóꞌo maa.

Romanos 3:2

¡Kue̱ꞌe̱ꞌ!, jee kue̱ꞌe̱ꞌ víꞌí jie̱ꞌe̱ꞌ kúvi‑i ya̱ váꞌa nu̱u̱nꞌ ráa. Chi va̱tu̱ꞌ nijia chi ya̱ xíꞌnañúꞌún ka̱ꞌ kúvi ya̱ nte̱tíñú Ndiosíꞌ ráa kumí ráa tu̱ꞌun re̱ꞌ.

Santiago 1:19

Ránoꞌó ñaniꞌ ni̱ꞌ jín rá ku̱ꞌva ni̱ꞌ ya̱ ñúnúunꞌ ni̱ꞌ, íyó tɨɨn kuéntáꞌ rán ya̱ íyó ñamaꞌ teso̱ꞌo nta̱ká rán, jee koto kúyáchiꞌ yuꞌú rán, jee koto kítɨ́ꞌ ñamaꞌ iniꞌ rán.

Colosenses 4:6

Jee sukuáni kuva̱ꞌa iniꞌ rán kaꞌanꞌ rán jín ráa, ya̱ táxínꞌ tu̱ꞌun káꞌánꞌ nú kuéntáꞌ nu̱ꞌú neyu sáꞌá ñɨ̱ɨ̱nꞌ, sáva kuniꞌ rán na̱sa íyó naxiníkó rán nu̱u̱nꞌ ta ɨɨn ɨɨn ráa.

1 Corintios 12:4

Jee sɨ́ɨ́n sɨ́ɨ́n ta̱ꞌvi̱ꞌ íyó ya̱ níꞌínꞌ ta ɨɨn ɨɨn‑ó sáni tiñu chíneí re̱ꞌ saꞌá ta ñɨvɨ, soo ɨɨn ni Ta̱chi̱ꞌ Ííꞌ jiáꞌa rá ta̱ꞌvi̱ꞌ vá.

1 Pedro 2:5

Jee ránoꞌó ranika̱ꞌ, suni kúvi rán kuéntáꞌ rá yu̱u̱ꞌ tékúꞌ ya̱ jiátíñú Ndiosíꞌ ránoꞌó sáꞌá re̱ꞌ veꞌi nu̱u̱nꞌ yɨ́ꞌɨ́ Ta̱chi̱ꞌ Ííꞌ re̱ꞌ, sáva kuvi rán su̱tu̱ꞌ ííꞌ kɨtíñú rán nu̱u̱nꞌ tiñu re̱ꞌ, sáva so̱ko̱ꞌ rán nu̱u̱nꞌ Ndiosíꞌ máá tiñu sánikua̱ꞌ sátíñú Ta̱chi̱ꞌ Ííꞌ re̱ꞌ iniꞌ ránoꞌó ya̱ kúváꞌa iniꞌ re̱ꞌ néꞌyá re̱ꞌ maa jie̱ꞌe̱ꞌ yɨ́ꞌɨ́ rán nu̱u̱nꞌ Jesús ya̱ kúvi Cristo.

Judas 1:25

Jee métúꞌún Ndiosíꞌ ví Ndiosíꞌ jee [níchí re̱ꞌ], jee síkáku re̱ꞌ yó nátavaꞌ re̱ꞌ yó nu̱u̱nꞌ kua̱chi‑ó, jie̱ꞌe̱ꞌ ya̱ nsa̱ꞌá re̱ꞌ jín I̱toꞌoꞌ‑ó Jesús ya̱ ya níso re̱ꞌ tiñu ya̱ kúvi re̱ꞌ máá Cristo. Jee na̱ ka̱ꞌ nákuetúꞌún‑ó Ndiosíꞌ, jee kúñáꞌnú víꞌí re̱ꞌ, jee níso re̱ꞌ fuersáꞌ ííꞌ nasɨ́kuitɨꞌ, jee tátúníꞌ re̱ꞌ tiñu nu̱u̱nꞌ nɨꞌɨ, [ne̱ yanaꞌán jín] ne̱ vitan, jín nɨ́ɨ́nkání. Sukuán koo. Amén.

Hebreos 5:12

Chi ya̱ va̱ji kue̱ꞌe̱ꞌ víꞌí tiempúꞌ ya̱ jíníꞌ rán Tu̱ꞌun Ndiosíꞌ, jee mestrúꞌ ya̱ kúvi rán réáꞌ sukuán ví‑i. Soo ni ntu̱ví, chisaꞌ jíniñúꞌún rán ya̱ tukuni naxinéꞌénꞌ ɨɨn ñɨvɨ ránoꞌó rá tu̱ꞌun yánká ya̱ xíꞌnañúꞌún xínéꞌénꞌ ránꞌ jie̱ꞌe̱ꞌ Tu̱ꞌun Ndiosíꞌ. Chi nkenta kúvi rán kuéntáꞌ ɨɨn nchíkɨ́n ya̱ jíniñúꞌún i̱i̱ꞌ‑i xu̱kui nsú káꞌ neyu.

1 Timoteo 6:16

Métúꞌún re̱ꞌ vá íyó nɨ́ɨ́nkání jee sáꞌá re̱ꞌ ya̱ kutekuꞌ‑ó nɨ́ɨ́nkání. Jee nééꞌ re̱ꞌ nu̱u̱nꞌ túúnꞌ ñuꞌunꞌ, ya̱ ni ɨɨn ntu kúvi kuyatin nu̱u̱nꞌ re̱ꞌ. Jee ntiáꞌan kuniꞌ ni ɨɨn ñɨvɨ re̱ꞌ, ni ntu kúvi kune̱ꞌyá ráa re̱ꞌ. Na̱ ka̱ꞌ koo ñáꞌnú re̱ꞌ ka̱ꞌ nu̱u̱nꞌ nɨꞌɨ nɨ́ɨ́nkání jee íyó fuersáꞌ ííꞌ re̱ꞌ ya̱ tátúníꞌ re̱ꞌ nu̱u̱nꞌ nɨꞌɨ nɨ́ɨ́nkání. Suꞌva koo.

1 Timoteo 1:17

Saáva íyó saꞌá ñáꞌnú nɨꞌɨ ñɨvɨ nu̱u̱nꞌ Ndiosíꞌ, ya̱ kúñáꞌnú re̱ꞌ tátúníꞌ re̱ꞌ nu̱u̱nꞌ nɨꞌɨ nɨ́ɨ́nkání. Jee ni nsáꞌ jíꞌíꞌ re̱ꞌ. Jee maáréꞌ ví ya̱ ntu túvi kune̱ꞌyá‑ó. Métúꞌún Ndiosíꞌ vá kúvi re̱ꞌ. Íyó nakuetúꞌún nɨꞌɨ ñɨvɨ nɨ́ɨ́nkání ya̱ viiꞌ nasɨ́kuitɨꞌ kúñáꞌnú re̱ꞌ. Suꞌva koo. Amén.

1 Corintios 3:10

Sánikua̱ꞌ ni̱yo maniꞌ iniꞌ Ndiosíꞌ néꞌyá re̱ꞌ nuꞌuꞌ jee saáva ntaji re̱ꞌ tiñu sáꞌá ni̱ꞌ nu̱u̱nꞌ rán ya̱ kúvi ni̱ꞌ kuéntáꞌ mestrúꞌ ya̱ jiáni veꞌi jee sáꞌá ni̱ꞌ nu̱u̱nꞌ kájiéꞌé jie̱ꞌe̱ꞌ ve̱ꞌí. Jee inka te̱e kua̱ꞌa̱nꞌ náchisó no̱ꞌo nu̱u̱nꞌ nsamaꞌ ni̱ꞌ vá, soo ta ɨɨn ta ɨɨn vá íyó kumí sáá sikuéꞌnu tiñu sáꞌá vá.

Mateo 6:13

Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. Jee sikáku nú ránuꞌuꞌ nu̱u̱nꞌ ya̱ níváꞌa, [chi maánú kúvi ya̱ tátúníꞌ nu̱u̱nꞌ kua̱íyó, jee níso nú fuersáꞌ ííꞌ níꞌinꞌ, jee viiꞌ nasɨ́kuitɨꞌ kúñáꞌnú nú nɨ́ɨ́nkání. Sukuán koo, Amén.] Sukuán kachiꞌ ránú.

1 Pedro 5:11

Na̱ ka̱ꞌ viiꞌ nasɨ́kuitɨꞌ ka̱ꞌ kúñáꞌnú Cristo, jee nɨꞌɨ yɨ́ꞌɨ́ xi̱ntíín re̱ꞌ tátúníꞌ re̱ꞌ nɨ́ɨ́nkání. Sukuán koo.

Santiago 1:26

Jee retú néni ɨɨn ñɨvɨ jiáni iniꞌ ya̱ néñu̱ꞌun va̱ꞌa‑a Ndiosíꞌ, soo ntu nákeꞌen‑e yáá‑a, jee xínáꞌví‑i maáa, jee néñu̱ꞌun ka̱ꞌá ñɨvɨ vá Ndiosíꞌ.

Filipenses 2:11

Jín sáva nta̱ká ráa ku̱ꞌvayuꞌú, ya̱ I̱toꞌoꞌ ví Jesús ya̱ níso re̱ꞌ tiñu Cristo, jee suꞌva stúvi ráa, ya̱ máá viiꞌ kúñáꞌnú ví Ndiosíꞌ ya̱ kúvi Tááꞌ‑ó.

Efesios 5:20

Jee nu̱u̱nꞌ súví I̱toꞌoꞌ‑ó Jesús ya̱ kúvi Cristo, sukuáni íyó ku̱ꞌva rán ya̱ kútaꞌviꞌ rán nu̱u̱nꞌ Tátáꞌ‑ó Ndiosíꞌ, jie̱ꞌe̱ꞌ ntáká na̱janu̱u̱nꞌ.

1 Corintios 6:20

Chi ya̱ꞌvi nasɨ́kuitɨꞌ nchuya̱ꞌvi Ndiosíꞌ ránoꞌó nkeꞌen re̱ꞌ ránoꞌó, jee saáva íyó kueꞌnu va̱ꞌa yɨ́ñúꞌún rán nu̱u̱nꞌ Ndiosíꞌ jín yɨkɨkúñu rán sáva stúvi ya̱ viiꞌ kúñáꞌnú re̱ꞌ.

Romanos 11:36

Chi nsa̱ꞌá Ndiosíꞌ nɨꞌɨ ya̱ íyó, jee néen kuéntáꞌ re̱ꞌ nɨꞌɨ, jee suni nsa̱ꞌá re̱ꞌ nɨꞌɨ sáva kuvi maáréꞌ maa. ¡Na̱ ka̱ꞌ nakuetúꞌún‑ó ya̱ viiꞌ kúñáꞌnú nasɨ́kuitɨꞌ re̱ꞌ nɨ́ɨ́nkání! Suꞌva koo, amén.

Filipenses 1:11

Chi jiáꞌnu na̱a̱ꞌ víꞌí rán sáꞌá Jesús ya̱ kúvi re̱ꞌ Cristo, chi kínóo na̱a̱ꞌ rán nu̱u̱nꞌ re̱ꞌ sáꞌá re̱ꞌ, jee suꞌva stúvi re̱ꞌ ya̱ viiꞌ nasɨ́kuitɨꞌ kúñáꞌnú Ndiosíꞌ jee nakuetúꞌún ñɨvɨ maa.

2 Corintios 9:13

Jee nakuetúꞌún rá ñanitáꞌán Ndiosíꞌ jie̱ꞌe̱ꞌ tiñu ya̱ chíneí rán ya̱ stúvi‑i ya̱ chíꞌi nijia rán maárán nu̱u̱nꞌ tu̱ꞌun váꞌa jie̱ꞌe̱ꞌ Cristo, sáni jiáꞌayuꞌú rán yɨ́tíñú rán nu̱u̱nꞌ tu̱ꞌun vá. Jee nakuetúꞌún ráa Ndiosíꞌ jie̱ꞌe̱ꞌ íyó mániꞌ iniꞌ rán ku̱ꞌva víꞌí rán nu̱u̱nꞌ ráa jín nu̱u̱nꞌ ntáká ñɨvɨ.

Romanos 16:27

Ndiosíꞌ ya̱ métúꞌún re̱ꞌ ví Ndiosíꞌ jee níchí re̱ꞌ, nakuatúꞌún‑ó nɨ́ɨ́nkání ya̱ viiꞌ kúñáꞌnú re̱ꞌ jie̱ꞌe̱ꞌ ya̱ nsa̱ꞌá re̱ꞌ jín Jesús ya̱ kúvi Cristo. ¡Sukuán koo! ¡Amén!

Juan 13:31

Jee sáá nkene Judas kua̱ꞌa̱nꞌ re̱ꞌ, jee nkachiꞌ Jesús: ―Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee vitan jee ya̱ túvi nijinꞌ nu̱u̱nꞌ rá ñɨvɨ na̱sa kúñáꞌnú nasɨ́kuitɨꞌ ni̱ꞌ jín tiñu níso ni̱ꞌ, jee túvi ya̱ kúñáꞌnú nasɨ́kuitɨꞌ ka̱ꞌ Ndiosíꞌ jie̱ꞌe̱ꞌ tiñu saꞌá ni̱ꞌ.

Romanos 12:3

Chi, jie̱ꞌe̱ꞌ íyó mániꞌ iniꞌ Ndiosíꞌ vá nsi̱kútaꞌviꞌ re̱ꞌ tiñu kuniso ni̱ꞌ, jee káchíꞌ ni̱ꞌ nu̱u̱nꞌ ntáká ñɨvɨ nteñu rán: Koto jiáni iniꞌ nú ya̱ kúñáꞌnú nú ka̱ꞌ nsú káꞌ kua̱ꞌ sáni íyó nú, chisaꞌ kani kájí iniꞌ ta ɨɨn rán jie̱ꞌe̱ꞌ maánú, sánikua̱ꞌ ya̱ nñu̱ku̱ꞌva ya̱ nta̱sáva Ndiosíꞌ nu̱u̱nꞌ nú ta̱ꞌvi̱ꞌ ya̱ chineí re̱ꞌ noꞌó satíñú nú nu̱u̱nꞌ re̱ꞌ, sáni kúneí iniꞌ nú re̱ꞌ.

2 Corintios 2:17

Soo ránuꞌuꞌ, chi ntu̱ví núkú ránꞌ táváꞌ ránꞌ xu̱ꞌún jie̱ꞌe̱ꞌ Tu̱ꞌun Ndiosíꞌ, kuéntáꞌ sáꞌá kue̱ꞌe̱ꞌ rá te̱e, [jee ntu sáma ránꞌ maa]. Chisaꞌ jíníꞌ Ndiosíꞌ ya̱ saɨn ñúꞌún iniꞌ ránꞌ káchíꞌ ránꞌ tu̱ꞌun re̱ꞌ, chi maá Ndiosíꞌ ví ya̱ nta̱jí re̱ꞌ ránuꞌuꞌ ya̱ stékútu̱ꞌún ránꞌ tu̱ꞌun re̱ꞌ. Jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo káchíꞌ ránꞌ tu̱ꞌun re̱ꞌ.

Efesios 1:19

Jee suni jíkánꞌ táꞌvíꞌ ni̱ꞌ ya̱ kuniꞌ rán na̱ ka̱ꞌ kúñáꞌnú nasɨ́kuitɨꞌ ka̱ꞌ fuersáꞌ ííꞌ níꞌin níso re̱ꞌ, ya̱ sátíñú‑u iniꞌ yó chíneí‑i yó. Maáórán ya̱ kúvi‑ó ñɨvɨ ya̱ kúneí iniꞌ‑ó Cristo ví ya̱ chíneí‑i. Fuersáꞌ ííꞌ vá sátíñú sánikua̱ꞌ máá fuersáꞌ mánasɨ́ ííꞌ re̱ꞌ,

1 Tesalonicenses 2:4

Chisaꞌ Ndiosíꞌ ni̱totúníꞌ ránuꞌuꞌ sáva tetíñú re̱ꞌ ránuꞌuꞌ sáva stékútu̱ꞌún ránꞌ tu̱ꞌun váꞌa jie̱ꞌe̱ꞌ Cristo. Saáva ntu káꞌánꞌ ránꞌ sáva kuva̱ꞌa iniꞌ rá ñɨvɨ kune̱ꞌyá ráa ránuꞌuꞌ. Chisaꞌ káꞌánꞌ ránꞌ sáva kuva̱ꞌa iniꞌ Ndiosíꞌ kune̱ꞌyá re̱ꞌ ránuꞌuꞌ. Maáréꞌ ví ya̱ jítotúníꞌ re̱ꞌ ya̱ ñúꞌún ánímaꞌ‑ó.

Tito 2:1

Soo noꞌó, kachiꞌ nú tu̱ꞌun ya̱ íyó sánikua̱ꞌ kúvi tu̱ꞌun na̱a̱ꞌ váꞌa xínéꞌénꞌ‑ó.

Tito 2:15

Rá tu̱ꞌun yaꞌá vá xinéꞌénꞌ nú. Kaꞌanꞌ ni̱ꞌin nú jín nɨꞌɨ tiñu níso nú, sáva xiníꞌvɨ́ꞌ nú iniꞌ rá ñɨvɨ, jee nuxeenꞌ nú nu̱u̱nꞌ ñɨvɨ ya̱ sáꞌá niva̱ꞌa. Koto jiáꞌnu niva̱ꞌa nú, sáva ni ɨɨn ñɨvɨ nku̱níichiꞌ ráa noꞌó.

Hebreos 13:7

Jee naku̱ꞌun iniꞌ rán rá te̱e yósóꞌ ráa nu̱u̱nꞌ rán, ya̱ náchuꞌun ráa ichi Ndiosíꞌ ránoꞌó, ya̱ maáráa kúvi ya̱ nxi̱néꞌénꞌ ráa Tu̱ꞌun Ndiosíꞌ ránoꞌó. Jee kani va̱ꞌa iniꞌ rán na̱ja viiꞌ ñaꞌnu ráa, jee suni kuneí iniꞌ rán kuéntáꞌ kua̱ꞌ nku̱neí iniꞌ ráa Ndiosíꞌ.

1 Pedro 2:12

Jee kueꞌnu va̱ꞌa rán nteñu rá ñɨvɨ ya̱ ntu jíníꞌ ráa Tu̱ꞌun Ndiosíꞌ, sáva súka̱ꞌ káꞌánꞌ rá ñɨvɨ si̱kɨ̱ꞌ rán kuéntáꞌ kua̱ꞌ sáꞌá rán tiñu níváꞌa, soo kuniꞌ rá ñɨvɨ vá rá tiñu váꞌa sáꞌá rán, jee nakuetúꞌún ráa Ndiosíꞌ ki̱vɨ̱ꞌ niji tuku Cristo sanáaꞌ re̱ꞌ sáni ya̱ nááꞌ.

1 Pedro 4:16

Soo retú nóꞌo ɨɨn ránoꞌó jie̱ꞌe̱ꞌ ya̱ kúvi‑i cristiano ya̱ níkɨ́nꞌ rán ichi nááꞌ Cristo, koto kúkanuun rán, chisaꞌ nakuetúꞌún rán Ndiosíꞌ jie̱ꞌe̱ꞌ ya̱ níkɨ́nꞌ rán ichi nááꞌ Cristo.