1 Pedro 4:10 - Mixteco del suroeste de Tlaxiaco Oaxaca

¹⁰ Jee nu̱u̱nꞌ ta ɨɨn ɨɨn rán nsi̱kútaꞌviꞌ Ndiosíꞌ ɨɨn ta̱ꞌvi̱ꞌ nu̱u̱nꞌ ránoꞌó ya̱ kuvi saꞌá rán ɨɨn tiñu, jee sánikua̱ꞌ íyó ta̱ꞌvi̱ꞌ rán jee íyó saꞌá rán tiñu vá sáva chineí rán ɨɨn inka ka̱ꞌ rá táꞌán rán, jee suꞌva sikúnkuvi na̱a̱ꞌ va̱ꞌa rán maa sánikua̱ꞌ sɨ́ɨ́n sɨ́ɨ́n nu̱u̱nꞌ ta̱ꞌvi̱ꞌ ví‑i nsi̱kútaꞌviꞌ Ndiosíꞌ maa nu̱u̱nꞌ rán.

1 Pedro 4:10 Referans Kwoze

Marcos 10:45

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, nsáꞌ váji ni̱ꞌ, sáva kɨtíñú rá ñɨvɨ nu̱u̱nꞌ ni̱ꞌ, chisaꞌ va̱ji ni̱ꞌ sáva kɨtíñú ni̱ꞌ nu̱u̱nꞌ rá ñɨvɨ. Jee va̱ji ni̱ꞌ sáva ku̱ꞌva ni̱ꞌ maáníꞌ kuviꞌ ni̱ꞌ, sáva chunáán nkáꞌnú ni̱ꞌ maáníꞌ nu̱u̱nꞌ Ndiosíꞌ sáva nakani núne ni̱ꞌ kue̱ꞌe̱ꞌ ñɨvɨ nkɨ́ꞌɨ ráa xi̱ntíín kua̱chi ráa xinánitáꞌvíꞌ ni̱ꞌ ráa ―nkachiꞌ Jesús.

Hebreos 6:10

Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.

1 Corintios 15:10

Soo jie̱ꞌe̱ꞌ ni ka̱ꞌ ya̱ níyo ma̱ni̱ꞌ iniꞌ Ndiosíꞌ nku̱náꞌví iniꞌ re̱ꞌ nuꞌuꞌ, saáva nsi̱kútaꞌviꞌ re̱ꞌ nu̱u̱nꞌ ni̱ꞌ ya̱ kúvi ni̱ꞌ apóstol nchu̱ichí re̱ꞌ jín tiñu níso ni̱ꞌ vitan. Jee nsáꞌ ka̱ꞌá níyo ma̱ni̱ꞌ iniꞌ Ndiosíꞌ néꞌyá re̱ꞌ nuꞌuꞌ ya̱ nka̱ji re̱ꞌ nuꞌuꞌ saꞌá ni̱ꞌ tiñu re̱ꞌ, chi saꞌ víꞌí ka̱ꞌ nsa̱tíñú yɨ́ɨ́ ni̱ꞌ nu̱u̱nꞌ re̱ꞌ nsú káꞌ ntáká rá inka ka̱ꞌ te̱e kúvi apóstol. Soo nsú nuꞌuꞌ ví ya̱ sáꞌá tiñu vá, chisaꞌ Ndiosíꞌ ví ya̱ chíneí chítuvi re̱ꞌ nuꞌuꞌ jín tiñu sáꞌá ni̱ꞌ.

1 Corintios 3:10

Sánikua̱ꞌ ni̱yo maniꞌ iniꞌ Ndiosíꞌ néꞌyá re̱ꞌ nuꞌuꞌ jee saáva ntaji re̱ꞌ tiñu sáꞌá ni̱ꞌ nu̱u̱nꞌ rán ya̱ kúvi ni̱ꞌ kuéntáꞌ mestrúꞌ ya̱ jiáni veꞌi jee sáꞌá ni̱ꞌ nu̱u̱nꞌ kájiéꞌé jie̱ꞌe̱ꞌ ve̱ꞌí. Jee inka te̱e kua̱ꞌa̱nꞌ náchisó no̱ꞌo nu̱u̱nꞌ nsamaꞌ ni̱ꞌ vá, soo ta ɨɨn ta ɨɨn vá íyó kumí sáá sikuéꞌnu tiñu sáꞌá vá.

Efesios 4:11

Jee maáréꞌ njia̱ꞌa re̱ꞌ nu̱u̱nꞌ sava te̱e tiñu kúvi apóstol ya̱ nchu̱ichí re̱ꞌ ráa nstúvi ráa tu̱ꞌun jie̱ꞌe̱ꞌ Jesús, jee nu̱u̱nꞌ sava rá ka̱ꞌ njia̱ꞌa re̱ꞌ tiñu nákani ráa tu̱ꞌun kéne yuꞌú Ndiosíꞌ, jee nu̱u̱nꞌ sava rá ka̱ꞌ njia̱ꞌa re̱ꞌ nu̱u̱nꞌ ráa stékútu̱ꞌún ráa tu̱ꞌun váꞌa jie̱ꞌe̱ꞌ re̱ꞌ ya̱ nkiji re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa jee kána ráa ñɨvɨ ki̱vɨ naꞌá re̱ꞌ, jee nu̱u̱nꞌ sáva rá ka̱ꞌ njia̱ꞌa re̱ꞌ nu̱u̱nꞌ ráa tiñu kuvi ya̱ néen kuéntáꞌ ráa rá ñɨvɨ kúneí iniꞌ ráa re̱ꞌ jín ya̱ xínéꞌénꞌ ráa tu̱ꞌun re̱ꞌ.

Romanos 15:27

Chi ñani iniꞌ ráa ya̱ íyó va̱ꞌa saꞌá ráa sukuán, chi táyáꞌvi ráa ya̱ íyó nachineí ráa rá ñɨvɨ Israel, chi retú jíꞌín ráa nni̱ꞌi̱nꞌ ráa ranika̱ꞌ ta̱ꞌvi̱ꞌ iniꞌ ánímaꞌ ráa ya̱ síkútaꞌviꞌ Ndiosíꞌ nu̱u̱nꞌ rá ñɨvɨ Israel, saáva suni íyó nachineí ráa rá ñanitáꞌán‑ó ya̱ kúvi ñɨvɨ Israel ná kúvi jíniñúꞌún rává.

Tito 1:7

Chi te̱e kúñáꞌnú ya̱ kuatíñú Ndiosíꞌ kumí re̱ꞌ rá ñɨvɨ kúneí iniꞌ ráa Cristo, saáva maáréꞌ íyó kuvi re̱ꞌ ɨɨn te̱e: ya̱ ntu kúvi chikua̱chi ñɨvɨ, jín ya̱ ntu jiáni téyɨ́ɨ́ iniꞌ, jín ya̱ ntu xe̱e̱nꞌ iniꞌ, jín ya̱ ntu jíꞌi víꞌí nixiꞌ jee ntu jíni, jín ya̱ ntu núkú tuntíxín, jín ya̱ ntu uꞌvi iniꞌ xu̱ꞌún, ya̱ ntu níꞌinꞌ ninuꞌun vá.

Efesios 3:8

Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.

Lucas 12:42

Saájee nkachiꞌ I̱toꞌoꞌ‑ó: ―¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

1 Corintios 4:7

Chi, ¿né ɨɨn sáꞌá sɨ́ɨ́n noꞌó nsú káꞌ inka ñɨvɨ rúja?, jee, ¿na̱ kuvi ya̱ kúmí nú ya̱ ntu nkútaꞌviꞌ nú maa nu̱u̱nꞌ Ndiosíꞌ rúja? Jee retú íyó nijia ya̱ nku̱taꞌviꞌ nú maa, jee, ¿na̱ kuvi chi kútéyɨ́ɨ́ nú jín maánú kuéntáꞌ retánꞌ nsáꞌ nku̱taꞌviꞌ nú kúvi‑i rúja?

Lucas 19:13

Jee [ne̱ ntiáꞌan ka̱ꞌ kene re̱ꞌ] jee nkana re̱ꞌ u̱ji̱ꞌ rá musúꞌ re̱ꞌ, jee njia̱ꞌa re̱ꞌ u̱ji̱ꞌ xu̱ꞌún ka̱a nu̱u̱nꞌ ráa jee ɨɨn ɨɨn nni̱ꞌi̱nꞌ ráa. Jee nkachiꞌ re̱ꞌ nu̱u̱nꞌ ráa: “Satíñú rán jín xu̱ꞌún yaꞌá sikuéꞌnu rán si̱kɨ̱ꞌ‑ɨ, ni ya̱ kua̱ꞌa̱nꞌ ni̱ꞌ ne̱ nenta ni̱ꞌ”, nkachiꞌ re̱ꞌ.

Lucas 8:3

Jee inka ka̱ꞌ ví Juana, ñasɨ́ꞌɨ́ Chuza, te̱e tátúníꞌ nu̱u̱nꞌ rá musúꞌ veꞌi Herodes te̱e nísotíñú, jee inka ví Susana, jín kue̱ꞌe̱ꞌ ka̱ꞌ ñaꞌan, jee maáráña yɨ́tíñú ráa chíneí ráa Jesús jín rá nantíñú maáráa jie̱ꞌe̱ꞌ ya̱ jíniñúꞌún re̱ꞌ jín rá te̱e kútáꞌán jín re̱ꞌ.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

Romanos 15:25

Soo ntañúꞌún jee xíꞌna ka̱ꞌ kɨ̱ꞌɨ̱nꞌ ni̱ꞌ nu̱u̱nꞌ ñuunꞌ Jerusalén sáva kɨ̱na̱ka ni̱ꞌ xu̱ꞌún yukuán sáva chineí ránꞌ rá ñanitáꞌán‑ó ya̱ yɨ́ꞌɨ́ ráa nu̱u̱nꞌ Cristo ya̱ nééꞌ ráa yukuán.

Mateo 25:44

’Saájee suni naxiníkó ráa nu̱u̱nꞌ nuꞌuꞌ, jee kachiꞌ ráa: “I̱toꞌoꞌ, ¿na̱ tiempúꞌ niniꞌ ráníꞌ ya̱ jíso̱ko nú, áxí jíchíꞌ nú nute, áxí jíka nú kuéntáꞌ ɨɨn te̱e jíka íká inka ñuunꞌ, áxí kúmániꞌ saꞌma kuꞌun nú, áxí kúꞌvíꞌ nú, áxí yɨ́ꞌɨ́ nú veka̱a, jee ni ntu̱ví nchíneí ránꞌ noꞌó?”

Mateo 20:28

kuéntáꞌ nuꞌuꞌ, ya̱ ntaji Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ. Nsáꞌ váji ni̱ꞌ sáva kɨtíñú rá ñɨvɨ nu̱u̱nꞌ ni̱ꞌ, chisaꞌ va̱ji ni̱ꞌ sáva kɨtíñú ni̱ꞌ nu̱u̱nꞌ rá ñɨvɨ. Jee va̱ji ni̱ꞌ sáva ku̱ꞌva ni̱ꞌ maáníꞌ kuviꞌ ni̱ꞌ sáva chunáán nkáꞌnú ni̱ꞌ maáníꞌ nu̱u̱nꞌ Ndiosíꞌ sáva nakani núne ni̱ꞌ kue̱ꞌe̱ꞌ ñɨvɨ nkɨ́ꞌɨ ráa xi̱ntíín kua̱chi ráa xinánitáꞌvíꞌ ni̱ꞌ ráa ―nkachiꞌ Jesús.

2 Timoteo 1:18

Jíkánꞌ táꞌvíꞌ ni̱ꞌ ya̱ kunáꞌví iniꞌ I̱toꞌoꞌ‑ó re̱ꞌ, máá ki̱vɨ̱ꞌ nenta tuku I̱toꞌoꞌ‑ó. Jee jíníꞌ va̱ꞌa nú na̱ja nchi̱neí re̱ꞌ ránuꞌuꞌ ñuunꞌ Éfeso.

Mateo 24:45

’¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

Mateo 24:14

Jee tu̱ꞌun váꞌa yaꞌá ya̱ káꞌánꞌ‑a jie̱ꞌe̱ꞌ ya̱ kúvi ki̱vɨ̱ꞌ ñɨvɨ naꞌá Ndiosíꞌ nu̱u̱nꞌ tátúníꞌ re̱ꞌ nu̱u̱nꞌ ráa te̱ku̱tu̱ꞌún‑u nu̱u̱nꞌ nɨ́ɨ́nkáꞌnú nu̱u̱nꞌ ñɨ̱vɨ́ yaꞌá, sáva stúvi ya̱ nááꞌ nu̱u̱nꞌ ñɨvɨ nta̱ká ñuunꞌ ñɨ̱vɨ́ yaꞌá, saájee kenta ji̱nu tiempúꞌ nu̱u̱nꞌ nɨ́ꞌɨ.

2 Corintios 9:1

Jee vitan jee ntu̱ví jíniñúꞌún ni̱ꞌ ya̱ tee ni̱ꞌ nu̱u̱nꞌ rán jie̱ꞌe̱ꞌ tiñu ya̱ chineí rán rá ñɨvɨ láꞌví ya̱ yɨ́ꞌɨ́ nu̱u̱nꞌ Cristo.

Mateo 24:21

Chi saájee tiempúꞌ yukuán koo tu̱nóꞌó máá na̱sɨ xéénꞌ nasɨ́kuitɨꞌ, ya̱ ni ntiáꞌan kuvi ne̱ tiempúꞌ xíꞌnañúꞌún ña̱ko̱o ñɨ̱vɨ́ yaꞌá ne̱ vitan, jee ni nsáꞌ koo‑o ka̱ꞌ suꞌva.

1 Pedro 5:10

Jee máá Ndiosíꞌ ya̱ nta̱ká íchí íyó mániꞌ nasɨ́kuitɨꞌ iniꞌ re̱ꞌ néꞌyá re̱ꞌ yó, ya̱ maáréꞌ nkana re̱ꞌ yó sáva viiꞌ kuñáꞌnú‑ó jín Cristo nɨ́ɨ́nkání jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo. Sáá jiáꞌa ya̱ kunoꞌo rán yakuꞌ ni̱ꞌ tiempúꞌ, soo máá Ndiosíꞌ saꞌá ya̱ kujia na̱a̱ꞌ va̱ꞌa iniꞌ rán nu̱u̱nꞌ tu̱ꞌun re̱ꞌ, jín ya̱ kuiñɨ ni̱ꞌin rán, jín ya̱ nachuneí re̱ꞌ iniꞌ ránoꞌó, jín ya̱ kukutú rán nu̱u̱nꞌ tu̱ꞌun re̱ꞌ.

1 Pedro 5:12

Ñani‑ó Silvano, ya̱ jíníꞌ ni̱ꞌ ya̱ síkúnkuvi va̱ꞌa re̱ꞌ nɨꞌɨ, jee nchi̱neí re̱ꞌ nuꞌuꞌ tée ni̱ꞌ yakuꞌ ni tu̱ꞌun yaꞌá kua̱jiaaꞌ nu̱u̱nꞌ rán, sáva nasáneí ni̱ꞌ iniꞌ ránoꞌó jee sáva ku̱ꞌva ni̱ꞌ ya̱ nááꞌ ya̱ tu̱ꞌun ntee ni̱ꞌ nu̱u̱nꞌ tutuꞌ yaꞌá káꞌánꞌ jie̱ꞌe̱ꞌ ya̱ váꞌa ya̱ nááꞌ nijia sikútaꞌviꞌ Ndiosíꞌ yó ya̱ íyó mániꞌ iniꞌ re̱ꞌ néꞌyá re̱ꞌ yó. Kuiñɨ kutú rán jín‑i.

Mateo 25:17

Jee suni sukuán nsa̱ꞌá inka ka̱ꞌ musúꞌ ya̱ nni̱ꞌi̱nꞌ u̱vi̱ꞌ kustáꞌ xu̱ꞌún vá, chi suni ña̱satíñú‑u jín xu̱ꞌún vá, jee nku̱neí‑i ni̱ꞌi̱nꞌ‑i u̱vi̱ꞌ kustáꞌ ka̱ꞌ si̱kɨ̱ꞌ xu̱ꞌún vá.