1 Pedro 3:22 - Mixteco del suroeste de Tlaxiaco Oaxaca

²² Jee nnaa Cristo kua̱noꞌonꞌ‑o antivɨ́ súkún, jee nééꞌ re̱ꞌ ichi kuáꞌá Ndiosíꞌ nu̱u̱nꞌ kúñáꞌnú nasɨ́kuitɨꞌ re̱ꞌ tátúníꞌ re̱ꞌ, jee rá najiáꞌáꞌ ííꞌ, jín rá nísotíñú, jín rá níso fuersáꞌ, nchiꞌi Ndiosíꞌ ráa xi̱ntíín re̱ꞌ.

1 Pedro 3:22 Referans Kwoze

Hebreos 9:24

Chi Cristo ntu̱ví nkívɨ re̱ꞌ nu̱u̱nꞌ ííꞌ víꞌí iniꞌ veꞌi ííꞌ nu̱u̱nꞌ nsa̱ꞌá jín naꞌá rá ñɨvɨ, chi yukuán jee kua̱chi vá xínéꞌénꞌ‑e na̱ja kútúníꞌ sáá íyó nu̱u̱nꞌ ííꞌ nijia nasɨ́kuitɨꞌ ka̱ꞌ ya̱ íyó antivɨ́. Chisaꞌ nki̱vɨ nijia re̱ꞌ ne̱ máá maá antivɨ́ sáva íñɨ́ re̱ꞌ ichinúúnꞌ Ndiosíꞌ yɨ́tuvi re̱ꞌ ya̱ kúvi ya̱ váꞌa jie̱ꞌe̱ꞌ‑ó vitan.

Hebreos 12:2

Kunenu̱u̱nꞌ‑ó Jesús ya̱ nu̱u̱nꞌ maáréꞌ va̱ji ya̱ kuneí iniꞌ‑ó re̱ꞌ, jee síkújia re̱ꞌ iniꞌ‑ó ya̱ kuneí va̱ꞌa iniꞌ‑ó re̱ꞌ ne̱ nu̱u̱nꞌ nɨꞌɨ. Chi ñeꞌneꞌ iniꞌ re̱ꞌ nnoꞌo re̱ꞌ nu̱u̱nꞌ kurúsiꞌ, jee ntu ntɨ́ɨn kuéntáꞌ re̱ꞌ ya̱ ku̱ꞌva rá ñɨvɨ tu̱nkánuun nu̱u̱nꞌ re̱ꞌ ya̱ kuviꞌ re̱ꞌ sukuán, chi njia̱ꞌa Ndiosíꞌ re̱ꞌ ya̱ kusɨ̱ɨ̱ꞌ víꞌí iniꞌ re̱ꞌ ichinúúnꞌ jee suni nna̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ tátúníꞌ‑i.

Hebreos 10:12

Soo Cristo, jee ɨɨn ni íchí nso̱ko̱ꞌ re̱ꞌ maáréꞌ nu̱u̱nꞌ ntáká tiempúꞌ sáá ni̱ꞌi̱ꞌ re̱ꞌ jie̱ꞌe̱ꞌ kua̱chi‑ó, jee ña̱kuneeꞌ re̱ꞌ ichi kuáꞌá Ndiosíꞌ nu̱u̱nꞌ kúñáꞌnú re̱ꞌ.

Marcos 16:19

Saájee sáá njia̱ꞌa ya̱ nkaꞌanꞌ maá I̱toꞌoꞌ‑ó Jesús jín ráa, jee nxi̱náa Ndiosíꞌ Jesús súkún. Jee ña̱kuneeꞌ re̱ꞌ ichi kuáꞌá Ndiosíꞌ nu̱u̱nꞌ tátúníꞌ re̱ꞌ jín‑i.

Hebreos 8:1

Jee saáva ya̱ ñáꞌnú nasɨ́kuitɨꞌ ka̱ꞌ kúvi jie̱ꞌe̱ꞌ rá tu̱ꞌun ya̱ káchíꞌ ráníꞌ kúvi ya̱ íyó ɨɨn su̱tu̱ꞌ kúñáꞌnú‑ó, sáni nkachiꞌ ránꞌ, ya̱ maáréꞌ ví ya̱ ña̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ kúñáꞌnú tátúníꞌ‑i ne̱ antivɨ́.

Hebreos 6:20

Chi xíꞌna nki̱vɨ Jesús antivɨ́ nu̱u̱nꞌ íyó xika Ndiosíꞌ jie̱ꞌe̱ꞌ‑ó, jee nine re̱ꞌ ɨɨn ichi nu̱u̱nꞌ ki̱vɨ‑ó. Jee suꞌva kuéntáꞌ nki̱vɨ re̱ꞌ ya̱ta̱ꞌ saꞌma, chi nkenta Jesús kúvi re̱ꞌ ɨɨn su̱tu̱ꞌ máá kúñáꞌnú ka̱ꞌ nɨ́ɨ́nkání, kuéntáꞌ mákua nkuvi su̱tu̱ꞌ Melquisedec.

Colosenses 3:1

Saájee nu̱u̱nꞌ nna̱tekuꞌ rán jín Cristo nsa̱ꞌá Ndiosíꞌ, kuéntáꞌ nxi̱nákóo re̱ꞌ yó jín Cristo nteñu rá níꞌiꞌ, saáva kuꞌun iniꞌ rán ya̱ kuneenu̱u̱nꞌ rán ya̱ íyó nu̱u̱nꞌ ñuunꞌ íyó súkún, nu̱u̱nꞌ nééꞌ Cristo ichi kuáꞌá Ndiosíꞌ, nu̱u̱nꞌ kúñáꞌnú Cristo.

Romanos 8:38

chi jíníꞌ ni̱ꞌ ya̱ naáꞌ ya̱ ntu̱náꞌ íyó ya̱ sáꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Ndiosíꞌ yó: ni ya̱ jíꞌíꞌ‑ó, ni ya̱ tékúꞌ‑ó, ni rá najiáꞌáꞌ ííꞌ Ndiosíꞌ, ni rá néetiñu, va̱ni te̱e, va̱ni najiáꞌáꞌ ííꞌ, ni rá ta̱chi̱ꞌ kíni ñáꞌnú ya̱ níso fuersáꞌ, ni rá ya̱ íyó tiempúꞌ vitan, ni rá ya̱ koo tiempúꞌ kiji,

Romanos 8:34

¿Né ɨɨn vá sijíta‑a yó nu̱u̱nꞌ Ndiosíꞌ résa? ¡Ntu̱ví!, chi maá Cristo Jesús ví ya̱ níꞌiꞌ re̱ꞌ jie̱ꞌe̱ꞌ‑ó, jee suni maáréꞌ ví ya̱ nna̱tekuꞌ re̱ꞌ jee nnako̱o re̱ꞌ nkene re̱ꞌ nteñu rá ni̱yɨ. Jee nééꞌ re̱ꞌ ichi kuáꞌá Ndiosíꞌ nu̱u̱nꞌ tátúníꞌ re̱ꞌ, jee suni yɨ́tuvi re̱ꞌ jíkánꞌ táꞌvíꞌ re̱ꞌ jie̱ꞌe̱ꞌ‑ó nu̱u̱nꞌ Ndiosíꞌ.

Mateo 22:44

Nkachiꞌ maá I̱toꞌoꞌ‑ó Ndiosíꞌ nu̱u̱nꞌ I̱toꞌoꞌ ni̱ꞌ: “Kuneeꞌ xiín ichi kuáꞌá ni̱ꞌ nu̱u̱nꞌ tatúníꞌ nú jín ni̱ꞌ, jee kuneeꞌ nú yukuán ne̱kua̱ꞌ kuneí ni̱ꞌ jín rá ñɨvɨ jíníꞌ u̱ꞌvi̱ꞌ néꞌyá ráa noꞌó, kakɨnꞌ ni̱ꞌ ráa chi̱ji jie̱ꞌe̱ꞌ nú”, nkachiꞌ Ndiosíꞌ, nkachiꞌ David.

Hebreos 1:3

Jee ne̱ tu̱u̱nꞌ maá Se̱ꞌya re̱ꞌ viiꞌ kúñáꞌnú‑u mákua kúñáꞌnú re̱ꞌ, chi nuún náku‑u iniꞌ re̱ꞌ, chi ɨɨn ni kuvi ni núvíꞌ ráa. Jee tu̱ꞌun káꞌánꞌ Se̱ꞌya re̱ꞌ níso fuersáꞌ ííꞌ jee jín tu̱ꞌun tátúníꞌ Se̱ꞌya re̱ꞌ íyó kutú nɨꞌɨ ya̱ íyó. Jee sáá nkuvi nna̱sánoo‑o yó nu̱u̱nꞌ kua̱chi‑ó jie̱ꞌe̱ꞌ ya̱ nsa̱ꞌá‑a, jee nna̱kuneeꞌ‑e ichi kuáꞌá nu̱u̱nꞌ nééꞌ re̱ꞌ kúñáꞌnú re̱ꞌ tátúníꞌ re̱ꞌ ne̱ antivɨ́ súkún.

1 Corintios 15:24

Jee kuíre kenta ji̱nu tiempúꞌ nu̱u̱nꞌ nɨ́ꞌɨꞌ, sáá naku̱ꞌva re̱ꞌ tiñu níso re̱ꞌ xi̱ntíín Ndiosíꞌ, ya̱ kúvi Tátáꞌ re̱ꞌ, jee sáá xináánꞌ ntáká rá kúñáꞌnú, jín ntáká rá nísotíñú, jín rá níso fuersáꞌ.

Hechos 3:21

Jee íyó kino̱o Cristo ne̱ súkún, ne̱ tiempúꞌ nasástákoo Ndiosíꞌ nujiáá nɨꞌɨ, sánikua̱ꞌ nkachiꞌ re̱ꞌ tu̱ꞌun ya̱ njiáꞌa re̱ꞌ sákachiꞌ rá te̱e nákani tu̱ꞌun kéne yuꞌú re̱ꞌ, ne̱ tiempúꞌ nasɨ́kuitɨꞌ. Yɨ́tíñú ráa nu̱u̱nꞌ Ndiosíꞌ.

Hechos 1:11

Jee nkachiꞌ núvíꞌ rá te̱e vá nu̱u̱nꞌ ráa: ―Rá te̱e Galilea, ¿na̱ kuvi chi íñɨ́ rán néꞌyá rán súkún? Jesús yaꞌá, ya̱ nkene‑e nteñu rán jee nnaa‑a ne̱ súkún, nuún niji tuku‑u mákua niniꞌ rán maa kua̱ꞌa̱nꞌ‑a súkún ―nkachiꞌ núvíꞌ rá te̱e vá.

Marcos 12:36

Ta̱chi̱ꞌ Ííꞌ Ndiosíꞌ njia̱ꞌa tu̱ꞌun sáá kachiꞌ maá David, jee nkachiꞌ re̱ꞌ tiempúꞌ chíji, jie̱ꞌe̱ꞌ Cristo: Nkachiꞌ I̱toꞌoꞌ‑ó Ndiosíꞌ nu̱u̱nꞌ I̱toꞌoꞌ ni̱ꞌ: “Kuneeꞌ xiín ichi kuáꞌá ni̱ꞌ nu̱u̱nꞌ tatúníꞌ nú jín ni̱ꞌ. Jee kuneeꞌ nú yukuán ne̱kua̱ꞌ kuneí ni̱ꞌ jín rá ñɨvɨ jíníꞌ u̱ꞌvi̱ꞌ néꞌyá ráa noꞌó kakɨnꞌ ni̱ꞌ ráa chi̱ji jie̱ꞌe̱ꞌ nú.”

Hebreos 1:13

Jee ni nsáꞌ nkachiꞌ Ndiosíꞌ nu̱u̱nꞌ ni ɨɨn rá najiáꞌáꞌ ííꞌ re̱ꞌ [sáni nkachiꞌ re̱ꞌ nu̱u̱nꞌ Se̱ꞌya re̱ꞌ]: Kuneeꞌ ichi kuáꞌá ni̱ꞌ nu̱u̱nꞌ tatúníꞌ nú jín ni̱ꞌ, jee kuneeꞌ nú yukuán ne̱kua̱ꞌ kuneí ni̱ꞌ jín rá ñɨvɨ jíníꞌ u̱ꞌvi̱ꞌ néꞌyá ráa noꞌó, kakɨnꞌ ni̱ꞌ ráa chi̱ji jie̱ꞌe̱ꞌ nú kuéntáꞌ teyuꞌ.

Lucas 20:42

Chi ne̱ maá David nkachiꞌ re̱ꞌ tu̱ꞌun ntee re̱ꞌ nu̱u̱nꞌ Tutuꞌ Ííꞌ Salmo: Nkachiꞌ I̱toꞌoꞌ‑ó Ndiosíꞌ nu̱u̱nꞌ I̱toꞌoꞌ ni̱ꞌ: “Kuneeꞌ ichi kuáꞌá ni̱ꞌ nu̱u̱nꞌ tatúníꞌ nú jín ni̱ꞌ.

Mateo 28:18

Saájee ña̱kuyatin Jesús nu̱u̱nꞌ ráa, jee nkachiꞌ re̱ꞌ nu̱u̱nꞌ ráa: ―Ntaji Tátáꞌ ni̱ꞌ Ndiosíꞌ ntáká tiñu ñáꞌnú kunisotíñú ni̱ꞌ antivɨ́ súkún jín iniꞌ ñɨ̱vɨ́ yaꞌá.

Hebreos 1:6

Jee inka íchí, sáá nta̱jí Ndiosíꞌ métúꞌún Se̱ꞌya maáréꞌ nkiji‑i iniꞌ ñɨ̱vɨ́ yaꞌá, jee nkachiꞌ re̱ꞌ: Ntáká rá najiáꞌáꞌ ííꞌ kuneñu̱ꞌun ráa Se̱ꞌya ni̱ꞌ. Nkachiꞌ Ndiosíꞌ.

Hebreos 4:14

Íyó jín‑ó ɨɨn su̱tu̱ꞌ kúñáꞌnú ka̱ꞌ ya̱ nnaa re̱ꞌ súkún nu̱u̱nꞌ nééꞌ Ndiosíꞌ. Jesús ví su̱tu̱ꞌ vá, ya̱ kúvi re̱ꞌ Se̱ꞌya Ndiosíꞌ. Saáva íyó kuiñɨ ni̱ꞌin‑ó jín tu̱ꞌun njia̱ꞌayuꞌú‑ó ya̱ jínúꞌ iniꞌ‑ó.

Juan 13:32

Retú nuꞌuꞌ stúvi ni̱ꞌ na̱sa kúñáꞌnú nasɨ́kuitɨꞌ Ndiosíꞌ, máá Ndiosíꞌ stúvi na̱sa kúñáꞌnú nuꞌuꞌ, jee ya̱chi̱ꞌ ni stúvi re̱ꞌ maa.