1 Pedro 3:19 - Mixteco del suroeste de Tlaxiaco Oaxaca

¹⁹ Jee suni suꞌva ña̱ꞌa̱nꞌ re̱ꞌ jín Ta̱chi̱ꞌ Ííꞌ vá nu̱u̱nꞌ rá ñɨvɨ ya̱ yɨ́ꞌɨ́ kutú ta̱chi̱ꞌ káꞌánꞌ ráa nu̱u̱nꞌ kua̱ꞌa̱nꞌ rá ñɨvɨ níꞌiꞌ kuéntáꞌ yɨ́ꞌɨ́ ráa veka̱a, jee nkachitu̱ꞌún re̱ꞌ nu̱u̱nꞌ ráa.

1 Pedro 3:19 Referans Kwoze

1 Pedro 4:6

Chi jie̱ꞌe̱ꞌ saáva suni nte̱ku̱tu̱ꞌún tu̱ꞌun váꞌa Ndiosíꞌ nu̱u̱nꞌ rá ñɨvɨ [ne̱ sáá ntekuꞌ ráa] jee níꞌiꞌ ráa ntañúꞌún, sáva síjíta Ndiosíꞌ ráa ya̱ kuviꞌ ráa sánikua̱ꞌ síjíta re̱ꞌ kua̱chi nɨꞌɨ rá ñɨvɨ ñunéꞌyúꞌ ya̱ jíꞌíꞌ ráa, soo ré ntɨɨn ráa tu̱ꞌun vá sáá ntekuꞌ ráa, jee sanáaꞌ Ndiosíꞌ ya̱ kutekuꞌ ráa jín re̱ꞌ nɨ́ɨ́nkání saꞌá Ta̱chi̱ꞌ Ííꞌ re̱ꞌ.

Apoclipsis 20:7

Saájee sáá jínu ya̱ ɨɨn mil (1000) kui̱ya̱ꞌ vá, saájee nakani núne najiáꞌáꞌ ííꞌ vá Satanás nu̱u̱nꞌ nyɨ̱niꞌyuꞌ‑u.

Apoclipsis 19:10

Saájee nuꞌuꞌ nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñu̱ꞌún nu̱u̱nꞌ najiáꞌáꞌ ííꞌ vá sáva kuneñu̱ꞌun ni̱ꞌ maa. Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán. Chi suni táꞌán musúꞌ kúvi ni̱ꞌ jín noꞌó jín rá ñanitáꞌán nú, ya̱ yɨ́tíñú‑órán nu̱u̱nꞌ Ndiosíꞌ ya̱ níkɨ́nꞌ kutú váꞌa‑ó tu̱ꞌun jie̱ꞌe̱ꞌ Jesús. Saáva kuneñu̱ꞌun nú máá maá Ndiosíꞌ. Chi rá tu̱ꞌun na̱a̱ꞌ ya̱ nkachitu̱ꞌún Jesús, yukuán kúvi tu̱ꞌun na̱a̱ꞌ ya̱ jiáꞌa Ta̱chi̱ꞌ Ííꞌ nu̱u̱nꞌ rá ñɨvɨ ya̱ káchítu̱ꞌún na̱a̱ꞌ tu̱ꞌun kéne yuꞌú Ndiosíꞌ ―nkachiꞌ najiáꞌáꞌ ííꞌ vá.

1 Pedro 3:18

Chi suni íyó nijia ya̱ Cristo nnoꞌo re̱ꞌ jee ɨɨn íchíni ni̱ꞌi̱ꞌ re̱ꞌ nchu̱náán re̱ꞌ nu̱u̱nꞌ rá kua̱chi rá ñɨvɨ íyótiñu‑u nɨ́ɨ́nkání. Súka̱ꞌ te̱e na̱a̱ꞌ kúvi re̱ꞌ ntu kuáchi re̱ꞌ, soo nnoꞌo re̱ꞌ jie̱ꞌe̱ꞌ ya̱ váꞌa nu̱u̱nꞌ rá ñɨvɨ ya̱ ntu kúvi ñɨvɨ na̱a̱ꞌ, sáva na̱siáꞌa re̱ꞌ yó nu̱u̱nꞌ Ndiosíꞌ. Jee súka̱ꞌ ni̱ꞌi̱ꞌ nijia re̱ꞌ sáá ntekuꞌ re̱ꞌ jín yɨkɨkúñu re̱ꞌ, soo nna̱tekuꞌ i̱i̱ꞌ tuku re̱ꞌ nsa̱ꞌá Ta̱chi̱ꞌ Ííꞌ Ndiosíꞌ.

1 Pedro 3:20

Maáráa ví ya̱ ntu nkáníjiá ráa nu̱u̱nꞌ Tu̱ꞌun Ndiosíꞌ ne̱ yanaꞌán rá ki̱vɨ̱ꞌ ntekuꞌ Noé, sáá káꞌnú ni̱yo iniꞌ Ndiosíꞌ nnetu re̱ꞌ sáá sátúꞌva Noé barkúꞌ naní arca. Jee iniꞌ arca yukuán nkaku yakuꞌ ni rá ñɨvɨ ya̱ kua̱chi u̱na̱ꞌ ráa vá nkaku nu̱u̱nꞌ nute.