Biblia Todo Logo
Bib sou entènèt

- Piblisite -




1 Pedro 3:11 - Mixteco del suroeste de Tlaxiaco Oaxaca

11 Jee kuiyo‑o nu̱u̱nꞌ rá tiñu níváꞌa, jee saꞌá‑a rá tiñu váꞌa, nukú‑u kuneeꞌ ñunkúún váꞌa‑a jín ɨɨn inka táꞌán‑a, jee kunikɨnꞌ‑ɨ vá.

Gade chapit la Kopi




1 Pedro 3:11
37 Referans Kwoze  

Na̱ ka̱ꞌ netuꞌ ka̱ꞌ kúvi rá ñɨvɨ ya̱ númánitáꞌán ráa, kuneeꞌ ñunkúún ñɨvɨ jín ɨɨn inka táꞌán ráa, chi nakaꞌanꞌ Ndiosíꞌ se̱ꞌya re̱ꞌ ráa.


Naniꞌvɨꞌ iniꞌ rán nukú rán kuneeꞌ ñunkúún rán jín ntáká ñɨvɨ jín ya̱ kusɨ́ɨ́n rán nu̱u̱nꞌ kua̱chi jee kɨtíñú rán nu̱u̱nꞌ Ndiosíꞌ. Chi retú ntu yɨ́tíñú ɨɨn ñɨvɨ nu̱u̱nꞌ Ndiosíꞌ, ni nsáꞌ kuniꞌ‑i nu̱u̱nꞌ I̱toꞌoꞌ‑ó.


Jee saáva kuniꞌvɨꞌ iniꞌ‑ó saꞌá‑o tiñu ya̱ kuneeꞌ ñunkúún‑ó jín rá ñanitáꞌán‑ó, jín ya̱ chineí táꞌán ɨɨn inka‑ó jín táꞌán‑ó sáva kujia iniꞌ ɨɨn inka‑ó kuiñɨ ni̱ꞌin‑ó jín Tu̱ꞌun Ndiosíꞌ.


Jee ku̱ꞌva rán ya̱ tatúníꞌ Cristo iniꞌ ánímaꞌ rán sáva kuneeꞌ ñunkúún rán jín ɨɨn inka rán. Chi nkana Ndiosíꞌ ránoꞌó sáva koo rán suꞌva, sáva ɨɨn nuún koo iniꞌ rán, kuéntáꞌ ɨɨn ni yɨkɨkúñu kúvi rán. Jee koo ya̱ kútaꞌviꞌ rán nu̱u̱nꞌ Ndiosíꞌ.


Chi ya̱ yɨ́ꞌɨ́‑ó naꞌá Ndiosíꞌ ya̱ tátúníꞌ re̱ꞌ nu̱u̱nꞌ‑ó jee nsáꞌ naniꞌvɨꞌ iniꞌ‑ó jie̱ꞌe̱ꞌ neyu ya̱ yájíꞌ‑ó jín ya̱ jíꞌi‑ó, chisaꞌ jie̱ꞌe̱ꞌ ya̱ kueꞌnu na̱a̱ꞌ‑ó, jín ya̱ kuneeꞌ ñunkúún‑ó jín rá ñanitáꞌán‑ó, jín ya̱ kusɨ̱ɨ̱ꞌ ánímaꞌ‑ó sáꞌá Ta̱chi̱ꞌ Ííꞌ re̱ꞌ.


Retú kúvi, na̱sa kua̱ꞌ kenta kúneí rán, kuniꞌvɨꞌ iniꞌ rán kuneeꞌ ñunkúún rán jín ntáká rá ñɨvɨ.


Noꞌó Gayo, ya̱ ñúnúunꞌ ni̱ꞌ, koto nuún sáꞌá nú kuéntáꞌ ya̱ niváꞌa sáꞌá ñɨvɨ. Chisaꞌ nuún saꞌá nú kuéntáꞌ ya̱ váꞌa sáꞌá ñɨvɨ. Chi ñɨvɨ ya̱ sáꞌá ya̱ váꞌa jee ñɨvɨ Ndiosíꞌ ví nijia‑a. Soo ñɨvɨ ya̱ sáꞌá tiñu niváꞌa, jee ntiáꞌan kuniꞌ‑i Ndiosíꞌ.


Saáva ñɨvɨ ya̱ jíníꞌ ya̱ váꞌa saꞌá‑a, jee ntu sáꞌá‑a vá, saájee sáꞌá‑a kua̱chi.


Jee koto náánꞌ iniꞌ rán saꞌá rán ya̱ váꞌa nu̱u̱nꞌ rá ñɨvɨ jín ya̱ chineí táꞌán rán jín ráa ya̱ kúmí rán retú jíniñúꞌún ráa maa. Chi sukuán násokoꞌ rán nu̱u̱nꞌ Ndiosíꞌ tékúꞌ jee kúváꞌa iniꞌ re̱ꞌ jie̱ꞌe̱ꞌ‑e.


Jee suni tatúníꞌ nú nu̱u̱nꞌ ráa, ya̱ saꞌá ráa ya̱ váꞌa, sáva kuvi kuéntáꞌ kúká ráa jín kue̱ꞌe̱ꞌ tiñu váꞌa sáꞌá ráa. Jee koo ma̱ni̱ꞌ iniꞌ ráa, ya̱ ɨɨn ni koo iniꞌ ráa ku̱ꞌva ráa ya̱ chineí ráa inka ñɨvɨ jín rá nantíñú ráa.


Saáva sáá kénta íyó, jee saꞌá‑ó ya̱ váꞌa nu̱u̱nꞌ nɨꞌɨ. Jee ya̱ ñáꞌnú ka̱ꞌ vá íyó saꞌá‑ó ya̱ váꞌa nu̱u̱nꞌ rá ñanitáꞌán‑ó ya̱ kúneí iniꞌ ráa Jesús.


Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,


Chi rá ñɨvɨ túví ráa antúníꞌ ráa nu̱u̱nꞌ ya̱ níyo iniꞌ ráa jín yɨkɨkúñu ráa, ya̱ ntu yɨ́tíñú ráa nu̱u̱nꞌ Ndiosíꞌ, jee sáꞌá‑a ya̱ naanꞌ ráa kuéntáꞌ jíꞌíꞌ ráa nu̱u̱nꞌ Ndiosíꞌ. Soo rá ñɨvɨ túví ráa antúníꞌ ráa nu̱u̱nꞌ ya̱ kuíni Ta̱chi̱ꞌ Ííꞌ Ndiosíꞌ jee sáꞌá‑a ya̱ kutekuꞌ ráa jín Ndiosíꞌ jee va̱ꞌa kúvi iniꞌ ráa.


Saáva nániꞌinꞌ ni̱ꞌ ya̱ suꞌva sáꞌá‑a jín ni̱ꞌ: sáá kuíni ni̱ꞌ saꞌá ni̱ꞌ ya̱ váꞌa, soo ya̱ niváꞌa yɨ́ꞌɨ́‑ɨ iniꞌ ni̱ꞌ.


Jee nu̱u̱nꞌ nkuna̱a̱ꞌ iniꞌ Ndiosíꞌ ya̱ kino̱o na̱a̱ꞌ‑ó nu̱u̱nꞌ re̱ꞌ jie̱ꞌe̱ꞌ ya̱ kúneí iniꞌ‑ó Jesús, saáva íyó mániꞌ Ndiosíꞌ jín‑ó jie̱ꞌe̱ꞌ I̱toꞌoꞌ‑ó Jesús ya̱ kúvi Cristo.


’Soo nsáꞌ jíkánꞌ táꞌvíꞌ ni̱ꞌ ya̱ tavaꞌ nú ráa iniꞌ ñɨ̱vɨ́ yaꞌá, chisaꞌ káchíꞌ ni̱ꞌ ya̱ kumí nú ráa nu̱u̱nꞌ maá kui̱ꞌna̱ꞌ kúñáꞌnú.


Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. Jee sikáku nú ránuꞌuꞌ nu̱u̱nꞌ ya̱ níváꞌa, [chi maánú kúvi ya̱ tátúníꞌ nu̱u̱nꞌ kua̱íyó, jee níso nú fuersáꞌ ííꞌ níꞌinꞌ, jee viiꞌ nasɨ́kuitɨꞌ kúñáꞌnú nú nɨ́ɨ́nkání. Sukuán koo, Amén.] Sukuán kachiꞌ ránú.


Saꞌá sukuán sáva ránoꞌó se̱ꞌya Ndiosíꞌ saꞌá rán kuéntáꞌ Tátáꞌ rán Ndiosíꞌ ya̱ nééꞌ antivɨ́ súkún chi maáréꞌ vá sáꞌá re̱ꞌ ya̱ kéne nka̱niiꞌ túúnꞌ‑u nu̱u̱nꞌ rá ñɨvɨ níváꞌa jín rá ñɨvɨ váꞌa, jee síkúun re̱ꞌ sa̱vi̱ꞌ nu̱u̱nꞌ rá ñɨvɨ jiáꞌnu na̱a̱ꞌ jín nu̱u̱nꞌ rá ñɨvɨ ntu jiáꞌnu na̱a̱ꞌ.


Chi ntu sáꞌá ni̱ꞌ ya̱ váꞌa ya̱ kuíni ni̱ꞌ, chisaꞌ ya̱ niváꞌa ya̱ ntu kuíni ni̱ꞌ saꞌá ni̱ꞌ, yaꞌá sáꞌá ni̱ꞌ.


’Soo kunu̱u̱nꞌ rán rá ñɨvɨ ya̱ túfíꞌ táꞌán ráa jín ránoꞌó jee saꞌá rán ya̱ váꞌa jín ráa. Jee ku̱ꞌvanúún rán nu̱u̱nꞌ ñɨvɨ sú ntu jíníꞌ rán ya̱ naniꞌinꞌ tuku rán maa. Jee máá ñáꞌnú ví ta̱ꞌvi̱ꞌ ni̱ꞌi̱nꞌ rán, jee kuvi rán se̱ꞌya Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ, chi ñúnkúún iniꞌ re̱ꞌ rá ñɨvɨ ya̱ ntu jiáꞌa ráa ya̱ kútaꞌviꞌ ráa nu̱u̱nꞌ re̱ꞌ jín rá ñɨvɨ niváꞌa.


Jee nkachiꞌ Jesús nu̱u̱nꞌ ráa: ―Ka̱ka̱tu̱ꞌún ni̱ꞌ ránoꞌó: ¿Ná kúvi ya̱ yɨ́netuꞌ saꞌá‑ó rúja? ¿Á kuvi saꞌá‑ó ya̱ váꞌa áxí saꞌá‑ó ya̱ ni̱váꞌa rúja? ¿Á sikáku‑ó áxí kaꞌniꞌ‑ó? ―nkachiꞌ re̱ꞌ.


Sáva stúúnꞌ re̱ꞌ iniꞌ ánímaꞌ rá ñɨvɨ ya̱ jiáꞌnu ráa nu̱u̱nꞌ neenꞌ ya̱ sa̱néꞌ íyó kinaanꞌ ráa. Jee sáva nachuꞌun re̱ꞌ ichi yó na̱ja kueꞌnu‑ó nu̱u̱nꞌ kuneeꞌ va̱ꞌa ñunkúún‑ó, nkachiꞌ Zacarías.


Chi sukuáni nééꞌ rá láꞌví jín ránoꞌó. Jee résá kuíni rán, jee kúvi saꞌá rán ya̱ váꞌa jín ráa. Soo nuꞌuꞌ, nsáꞌ nɨ́ɨ́nkání kuneeꞌ ni̱ꞌ jín rán.


Chi máá I̱toꞌoꞌ‑ó Ndiosíꞌ néꞌyá re̱ꞌ rá ñɨvɨ na̱a̱ꞌ jee kúmí re̱ꞌ ráa, jee tésóꞌo re̱ꞌ ya̱ káꞌánꞌ ráa jín re̱ꞌ. Soo ntu nénu̱u̱nꞌ re̱ꞌ rá ñɨvɨ ya̱ sáꞌá tiñu níváꞌa kénta re̱ꞌ si̱kɨ̱ꞌ ráa.


Swiv nou:

Piblisite


Piblisite