1 Pedro 2:21 - Mixteco del suroeste de Tlaxiaco Oaxaca

²¹ Chi jie̱ꞌe̱ꞌ yukuán kúvi ya̱ nkana Ndiosíꞌ ránoꞌó, chi suni Cristo nnoꞌo re̱ꞌ jie̱ꞌe̱ꞌ ya̱ váꞌa nu̱u̱nꞌ rán, jee sukuán nxi̱nóo re̱ꞌ ɨɨn ichi nu̱u̱nꞌ rán, sáva kunikɨnꞌ rán maa ya̱ saꞌá rán sáni nsa̱ꞌá re̱ꞌ.

1 Pedro 2:21 Referans Kwoze

1 Juan 2:6

Jee ñɨvɨ ya̱ káchíꞌ ya̱ kino̱o kutú‑u kɨꞌɨ‑ɨ nu̱u̱nꞌ re̱ꞌ, jee íyó ya̱ kueꞌnu‑u kuéntáꞌ ñaꞌnu Jesús.

Mateo 16:24

Saájee nkachiꞌ re̱ꞌ nu̱u̱nꞌ rá te̱e súkuáꞌa re̱ꞌ vá: ―Retú néni ɨɨn ñɨvɨ kuíni‑i kunikɨnꞌ‑ɨ nuꞌuꞌ, jee íyó xináánꞌ‑a iniꞌ‑i rá níyo iniꞌ maáa, jee ɨɨn ni koo iniꞌ‑i kunoꞌo‑o jie̱ꞌe̱ꞌ níkɨ́nꞌ nuꞌuꞌ, kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá, jee kunikɨnꞌ nuꞌuꞌ.

Juan 13:15

Chi ɨɨn ichi kúvi ya̱ ntaji ni̱ꞌ nu̱u̱nꞌ rán, sáva kuéntáꞌ kua̱ꞌ nchi̱neí ni̱ꞌ ránoꞌó sukuán kuéntáꞌ musúꞌ, jee suni sukuán chineí rán jín rá táꞌán rán kuéntáꞌ musúꞌ.

Efesios 5:2

Jee íyó kueꞌnu rán jín tu̱ꞌun ñúnúunꞌ táꞌán, kuéntáꞌ suni ñúnúunꞌ Cristo yó, jee nna̱ku̱ꞌva re̱ꞌ maáréꞌ jie̱ꞌe̱ꞌ‑ó, chi nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Yukuán kúvi kuéntáꞌ ɨɨn xikoꞌ jiáꞌánꞌ vi̱xi̱ꞌ ya̱ téñuꞌunꞌ maa nu̱u̱nꞌ Ndiosíꞌ. Jee kúváꞌa iniꞌ Ndiosíꞌ néꞌyá re̱ꞌ maa.

1 Juan 3:16

Suꞌva jee jíníꞌ‑ó na̱sa kúvi ya̱ tu̱ꞌun kunu̱u̱nꞌ‑ó, chi Jesús nna̱sokoꞌ re̱ꞌ maáréꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Jee suni suꞌva maáó ni ka̱ꞌ íyó nasokoꞌ‑ó maáó jie̱ꞌe̱ꞌ rá ñanitáꞌán‑ó ya̱ kúneí iniꞌ ráa Jesús, sú kuviꞌ‑ó.

1 Pedro 2:24

Chi máá Cristo nna̱kuniso yɨkɨkúñu re̱ꞌ ntáká kua̱chi sáꞌá‑ó sáá níꞌiꞌ re̱ꞌ nu̱u̱nꞌ kurúsiꞌ, sáva kuviꞌ‑ó nu̱u̱nꞌ kua̱chi‑ó kene‑ó nu̱u̱nꞌ kua̱chi‑ó jee sáva nakueꞌnu‑ó ichi jiáꞌnu na̱a̱ꞌ. Chi jie̱ꞌe̱ꞌ nu̱u̱nꞌ ntúfiꞌ re̱ꞌ vá, yukuán núváꞌa‑ó sííyo re̱ꞌ kua̱chi‑ó.

1 Corintios 11:1

Kune̱ꞌyá rán na̱ja jiáꞌnu ni̱ꞌ, jee tɨɨn rán ichi ni̱ꞌ jee naku rán nuꞌuꞌ, kuéntáꞌ sáꞌá nuꞌuꞌ ya̱ ntɨɨn ni̱ꞌ ichi Cristo jee naku ni̱ꞌ re̱ꞌ.

1 Pedro 4:1

Saáva jie̱ꞌe̱ꞌ ya̱ nnoꞌo Cristo jín ñunéꞌyúꞌ re̱ꞌ, jee suni sukuán ránoꞌó ranika̱ꞌ íyó satúꞌva rán antúníꞌ rán nuún kuꞌun iniꞌ rán jín re̱ꞌ. Chi ñɨvɨ ya̱ nnoꞌo jín yɨkɨkúñu‑u, jee nxi̱nóo‑o saꞌá‑a kua̱chi,

Filipenses 2:5

Suꞌva ɨɨn nuún kuꞌun iniꞌ antúníꞌ rán kua̱ꞌ nñu̱ꞌun iniꞌ antúníꞌ Cristo Jesús.

Mateo 11:29

Chiꞌi rán maárán xi̱ntíín ni̱ꞌ, ya̱ kúvi‑i kuéntáꞌ chísó rán yugo ni̱ꞌ ránoꞌó, jee kutu̱ꞌva rán ya̱ xinéꞌénꞌ ni̱ꞌ ránoꞌó. Chi másúꞌ iniꞌ ni̱ꞌ, jee ñúꞌún láꞌví iniꞌ ni̱ꞌ, jee sukuán jee ni̱ꞌi̱nꞌ rán ya̱ najia̱ví ánímaꞌ rán saꞌá ni̱ꞌ.

Romanos 8:29

Chi rá ñɨvɨ vá ya̱ jíníꞌ ya̱chi̱ꞌ re̱ꞌ nka̱ji ya̱chi̱ꞌ re̱ꞌ nékúvi, jee sunisaá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ kuneen ráa iniꞌ Se̱ꞌya re̱ꞌ, sáva kuvi‑i Se̱ꞌya ñáꞌnú ya̱ kosoꞌ‑o nu̱u̱nꞌ kue̱ꞌe̱ꞌ ñaniꞌ‑i jín ku̱ꞌva‑a.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

1 Pedro 3:18

Chi suni íyó nijia ya̱ Cristo nnoꞌo re̱ꞌ jee ɨɨn íchíni ni̱ꞌi̱ꞌ re̱ꞌ nchu̱náán re̱ꞌ nu̱u̱nꞌ rá kua̱chi rá ñɨvɨ íyótiñu‑u nɨ́ɨ́nkání. Súka̱ꞌ te̱e na̱a̱ꞌ kúvi re̱ꞌ ntu kuáchi re̱ꞌ, soo nnoꞌo re̱ꞌ jie̱ꞌe̱ꞌ ya̱ váꞌa nu̱u̱nꞌ rá ñɨvɨ ya̱ ntu kúvi ñɨvɨ na̱a̱ꞌ, sáva na̱siáꞌa re̱ꞌ yó nu̱u̱nꞌ Ndiosíꞌ. Jee súka̱ꞌ ni̱ꞌi̱ꞌ nijia re̱ꞌ sáá ntekuꞌ re̱ꞌ jín yɨkɨkúñu re̱ꞌ, soo nna̱tekuꞌ i̱i̱ꞌ tuku re̱ꞌ nsa̱ꞌá Ta̱chi̱ꞌ Ííꞌ Ndiosíꞌ.

Mateo 10:38

Jee néni ɨɨn ñɨvɨ ya̱ ntu jiéꞌnéꞌ iniꞌ‑i kunikɨnꞌ‑ɨ nuꞌuꞌ chi ntu jiéꞌnéꞌ iniꞌ‑i kunoꞌo‑o súka̱ꞌ ne̱ kuviꞌ‑i kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá jee ntu níkɨ́nꞌ‑ɨ nuꞌuꞌ jee nsú ñɨvɨ ya̱ íyó ni̱ꞌi̱nꞌ‑i ya̱ kɨꞌɨ‑ɨ xi̱ntíín ni̱ꞌ.

1 Pedro 3:9

Koto násaꞌá niva̱ꞌa rán nu̱u̱nꞌ ɨɨn ñɨvɨ ya̱ sáꞌá niva̱ꞌa‑a jín ránoꞌó, jee koto nátenu̱u̱nꞌ rán ñɨvɨ ya̱ ténúunꞌ‑u ránoꞌó, chisaꞌ nakaꞌanꞌ rán tu̱ꞌun váꞌa ya̱ kuvi ya̱ váꞌa nu̱u̱nꞌ ráa. Chi nkana Ndiosíꞌ ránoꞌó sáva saꞌá rán suꞌva sáva ni̱ꞌi̱nꞌ rán ta̱ꞌvi̱ꞌ taji re̱ꞌ nu̱u̱nꞌ rán ya̱ kuvi ya̱ váꞌa ránoꞌó.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Apoclipsis 12:11

Soo nku̱neí ráa nu̱u̱nꞌ Satanás vá jie̱ꞌe̱ꞌ ya̱ nñatɨ Cristo ni̱ñɨ̱ꞌ re̱ꞌ sáá ni̱ꞌi̱ꞌ re̱ꞌ nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ ráa, ya̱ kúvi re̱ꞌ Lanchi Lúlí Ndiosíꞌ, jee suni nku̱neí ráa jie̱ꞌe̱ꞌ tu̱ꞌun ya̱ njia̱ꞌa ráa ya̱ naáꞌ jie̱ꞌe̱ꞌ re̱ꞌ, jee nku̱neí ráa jie̱ꞌe̱ꞌ ntu ñúnúunꞌ ráa maáráa ya̱ kutekuꞌ ráa jee ñeꞌneꞌ iniꞌ ráa maáráa súka̱ꞌ ne̱ kuviꞌ ráa jie̱ꞌe̱ꞌ tu̱ꞌun re̱ꞌ.

Hebreos 2:10

Chi ntáká ya̱ íyó kúvi‑i nantíñú Ndiosíꞌ, jee suni maáréꞌ nsa̱ꞌá maa. Chi kuíni re̱ꞌ kunaka re̱ꞌ kue̱ꞌe̱ꞌ víꞌí ñɨvɨ kuvi ráa se̱ꞌya re̱ꞌ ki̱vɨ ráa naꞌá re̱ꞌ kuñáꞌnú ráa jín re̱ꞌ. Jee saáva, íyó váꞌa ya̱ nsa̱ꞌá Ndiosíꞌ kunoꞌo Jesús sáva saꞌá túꞌva re̱ꞌ maa sáva sikúnkuvi‑i tiñu ñáꞌnú ya̱ kuvi natavaꞌ‑a ñɨvɨ nu̱u̱nꞌ kua̱chi ráa sikáku‑u ráa.

2 Timoteo 3:12

Chi ya̱ nááꞌ ví nijia ya̱ koto u̱ꞌvi̱ꞌ ñɨvɨ nta̱ká rá ñɨvɨ ya̱ kuíni ráa kueꞌnu ráa ichi na̱a̱ꞌ sáni kuíni Ndiosíꞌ jie̱ꞌe̱ꞌ nika̱ꞌ yɨ́ꞌɨ́ ráa nu̱u̱nꞌ Cristo Jesús.

1 Pedro 1:20

Chi ne̱ sáá ntiáꞌan ka̱ꞌ kiko̱o ñɨ̱vɨ́ yaꞌá jee saá ya̱ ñani Ndiosíꞌ Cristo sáva kunoꞌo‑o sukuán, ya̱ saá nkiji nijinꞌ‑i tiempúꞌ kuánɨꞌɨ yaꞌá, nsa̱ꞌá Ndiosíꞌ sukuán jie̱ꞌe̱ꞌ ya̱ kuvi ya̱ váꞌa ránoꞌó.

1 Tesalonicenses 4:2

Chi jíníꞌ ránoꞌó tu̱ꞌun nxi̱néꞌénꞌ ránꞌ nu̱u̱nꞌ ránoꞌó, chi I̱toꞌoꞌ‑ó Jesús ntaji re̱ꞌ tiñu níso ráníꞌ xinéꞌénꞌ ránꞌ maa.

1 Tesalonicenses 3:3

Sáva ntu̱ví nániꞌvɨꞌ iniꞌ ránú jie̱ꞌe̱ꞌ tu̱nóꞌó nóꞌo ránú. Chi ránoꞌó jíníꞌ ya̱ sukuán níní kunoꞌo yó.

Hechos 17:3

Nna̱kachiꞌ va̱ꞌa re̱ꞌ ka̱ꞌ tu̱ꞌun vá. Jee nxi̱néꞌénꞌ re̱ꞌ ya̱ Tu̱ꞌun Ndiosíꞌ nkachiꞌ‑i ya̱ Cristo, jee íyó kunoꞌo‑o jee natekuꞌ i̱i̱ꞌ‑i kene nteñu rá níꞌiꞌ. Jee nkachiꞌ Pablo: ―Cristo ví Jesús. Maáréꞌ ví ya̱ stékútu̱ꞌún ni̱ꞌ nu̱u̱nꞌ rán.

Hechos 9:16

I̱ña̱jée nuꞌuꞌ, xinéꞌénꞌ ni̱ꞌ nu̱u̱nꞌ re̱ꞌ na̱sa íyó kunoꞌo re̱ꞌ jie̱ꞌe̱ꞌ nuꞌuꞌ ―nkachiꞌ I̱toꞌoꞌ‑ó nu̱u̱nꞌ Ananías.

Lucas 24:26

¿Á nsú saá íyó kunoꞌo Cristo ntáká rá tu̱nóꞌó yaꞌá, jee kuíre ki̱vɨ re̱ꞌ tiñu re̱ꞌ ya̱ viiꞌ nasɨ́kuitɨꞌ kúñáꞌnú re̱ꞌ nu̱u̱nꞌ nɨꞌɨ? ―nkachiꞌ Jesús.

1 Pedro 4:13

Chisaꞌ na̱ ka̱ꞌ íyó kusɨ̱ɨ̱ꞌ iniꞌ rán ya̱ jíꞌín rán nóꞌo tu̱nóꞌó jie̱ꞌe̱ꞌ yɨ́ꞌɨ́ rán nu̱u̱nꞌ Cristo, sáva suni ntántúníꞌ nasɨ́kuitɨꞌ nusɨ̱ɨ̱ꞌ iniꞌ rán kaꞌanꞌ kuekuꞌ rán ki̱vɨ̱ꞌ nenta nijinꞌ Cristo stúvi re̱ꞌ ya̱ viiꞌ nasɨ́kuitɨꞌ kúñáꞌnú re̱ꞌ nísotíñú re̱ꞌ.