1 Pedro 2:19 - Mixteco del suroeste de Tlaxiaco Oaxaca

¹⁹ Chi kúváꞌa iniꞌ Ndiosíꞌ retú ñúꞌún iniꞌ ɨɨn ñɨvɨ na̱ja íyó saꞌá‑a sáni kuíni Ndiosíꞌ jee jiéꞌnéꞌ iniꞌ‑i tu̱nóꞌó súnika̱ꞌ ntu íyó náaꞌ ya̱ xínóꞌo ráa maa.

1 Pedro 2:19 Referans Kwoze

1 Pedro 2:20

Chi retú jiéꞌnéꞌ iniꞌ rán tu̱nóꞌó xínóꞌo ráa ránoꞌó jie̱ꞌe̱ꞌ kua̱chi sáꞌá rán jee, ¿ná va̱ꞌa kúvi nu̱u̱nꞌ rán rúja? Soo retú nóꞌo rán jie̱ꞌe̱ꞌ tiñu váꞌa sáꞌá rán, jee jiéꞌnéꞌ iniꞌ rán nóꞌo rán, jee kúváꞌa iniꞌ Ndiosíꞌ néꞌyá‑a yaꞌá.

1 Corintios 15:10

Soo jie̱ꞌe̱ꞌ ni ka̱ꞌ ya̱ níyo ma̱ni̱ꞌ iniꞌ Ndiosíꞌ nku̱náꞌví iniꞌ re̱ꞌ nuꞌuꞌ, saáva nsi̱kútaꞌviꞌ re̱ꞌ nu̱u̱nꞌ ni̱ꞌ ya̱ kúvi ni̱ꞌ apóstol nchu̱ichí re̱ꞌ jín tiñu níso ni̱ꞌ vitan. Jee nsáꞌ ka̱ꞌá níyo ma̱ni̱ꞌ iniꞌ Ndiosíꞌ néꞌyá re̱ꞌ nuꞌuꞌ ya̱ nka̱ji re̱ꞌ nuꞌuꞌ saꞌá ni̱ꞌ tiñu re̱ꞌ, chi saꞌ víꞌí ka̱ꞌ nsa̱tíñú yɨ́ɨ́ ni̱ꞌ nu̱u̱nꞌ re̱ꞌ nsú káꞌ ntáká rá inka ka̱ꞌ te̱e kúvi apóstol. Soo nsú nuꞌuꞌ ví ya̱ sáꞌá tiñu vá, chisaꞌ Ndiosíꞌ ví ya̱ chíneí chítuvi re̱ꞌ nuꞌuꞌ jín tiñu sáꞌá ni̱ꞌ.

Lucas 6:32

’Chi retú ñúnúunꞌ rán rá ñɨvɨ ya̱ ñúnúunꞌ ráa ránoꞌó jee, ¿ná váꞌa kúvi ya̱ sáꞌá rán rúja? Chi ne̱ rá ñɨvɨ yɨ́ꞌɨ́ nu̱u̱nꞌ kua̱chi suni sáꞌá ráa sukuán, chi ñúnúunꞌ ráa rá ñɨvɨ ya̱ ñúnúunꞌ rává ráa.

Romanos 13:5

Jee saáva íyó chiꞌi‑ó maáó xi̱ntíín ráa, nsú kua̱chi kuitɨꞌ jie̱ꞌe̱ꞌ ya̱ xinóꞌo ráa, chisaꞌ suni jie̱ꞌe̱ꞌ ya̱ jíníꞌ‑ó iniꞌ ánímaꞌ‑ó ya̱ íyó na̱a̱ꞌ sáꞌá‑ó sukuán sáni kuíni Ndiosíꞌ.

Juan 15:21

Soo ntáká rá tiñu yaꞌá saꞌá ráa jín ránoꞌó, jie̱ꞌe̱ꞌ ni ka̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ, chi jie̱ꞌe̱ꞌ ni ka̱ꞌ ya̱ ntu̱ví jíníꞌ ráa iniꞌ maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.

2 Timoteo 1:12

Saáva nóꞌo ni̱ꞌ suꞌva. Soo ntu̱ví kúkanuun ni̱ꞌ, chi jíníꞌ ni̱ꞌ né ɨɨn ví ya̱ kúneí iniꞌ ni̱ꞌ, jee jínúꞌ kájí iniꞌ ni̱ꞌ ya̱ suvire̱ꞌ kúvi kumí váꞌa re̱ꞌ tiñu nte̱tíñú re̱ꞌ nuꞌuꞌ, ne̱ ki̱vɨ̱ꞌ nikó tuku re̱ꞌ.

2 Corintios 8:1

Ránoꞌó ñanitáꞌán, vitan jee síkúkáꞌnú ni̱ꞌ iniꞌ ránú jie̱ꞌe̱ꞌ ya̱ nsa̱ꞌá re̱ꞌ tiñu váꞌa iniꞌ rá ñɨvɨ rá grupo kútútú ráa ya̱ kúneí iniꞌ ráa Cristo, ya̱ nééꞌ ráa rá ñuunꞌ tɨɨn ñuunꞌ Macedonia chi íyó mániꞌ iniꞌ Ndiosíꞌ néꞌyá re̱ꞌ ráa.

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

Hechos 11:23

Sáá nkenta re̱ꞌ yukuán, niniꞌ re̱ꞌ ya̱ va̱ꞌa nsa̱ꞌá Ndiosíꞌ nu̱u̱nꞌ ráa chi ma̱ni̱ꞌ re̱ꞌ néꞌyá re̱ꞌ ráa. Jee nnusɨ̱ɨ̱ꞌ iniꞌ Bernabé. Jee nna̱chuꞌun neí re̱ꞌ iniꞌ ráa kukáñá víꞌí iniꞌ ánímaꞌ ráa ya̱ kuiñɨ na̱a̱ꞌ ráa jín I̱toꞌoꞌ‑ó.

Hebreos 10:2

Chi sikɨ́kui̱ñɨ̱ꞌ ráa ya̱ sókóꞌ ráa rá sa̱na̱ꞌ vá nékúvi, retánꞌ nkuvi nasánoo‑o ɨɨn íchíni ya̱ kúvi nɨ́ɨ́nkání rá kua̱chi sáꞌá rá ñɨvɨ sókóꞌ ráa rátíꞌ sukuán nékúvi. Chi retánꞌ nkuvi nasánoo‑o sukuán, jee ni ntu ka̱ꞌ íyó kuꞌun kua̱chi ka̱ꞌ iniꞌ ráa ya̱ níso ráa ka̱ꞌ kua̱chi, nékúvi.

1 Pedro 4:15

Jee saáva koto sáꞌá rán tiñu jiáꞌníꞌ ta̱ꞌán, áxí ya̱ sákuíꞌná, áxí rá tiñu níváꞌa, áxí rá tiñu ya̱ kíní‑i maáa nu̱u̱nꞌ ñujiínꞌ rá inka ñɨvɨ, jee saáva retú kunoꞌo‑ó soo ntu íyó kunoꞌo rán jie̱ꞌe̱ꞌ rá tiñu vá jie̱ꞌe̱ꞌ ya̱ ntu nsa̱ꞌá rán maa.