1 Pedro 2:15 - Mixteco del suroeste de Tlaxiaco Oaxaca

¹⁵ Chi ya̱ kuíni Ndiosíꞌ ví ya̱ saꞌá rán rá tiñu váꞌa, sáva kasɨꞌ rán yuꞌú rá ñɨvɨ naanꞌ nsáꞌ ni̱ꞌi̱nꞌ ráa jie̱ꞌe̱ꞌ kaꞌanꞌ ráa si̱kɨ̱ꞌ rán jie̱ꞌe̱ꞌ ya̱ ntu jíníꞌ ráa.

1 Pedro 2:15 Referans Kwoze

1 Pedro 3:17

Chi retú kuíni máá Ndiosíꞌ ya̱ kunoꞌo rán, jee íyó va̱ꞌa ka̱ꞌ ya̱ kunoꞌo rán jie̱ꞌe̱ꞌ ya̱ sáꞌá rán tiñu váꞌa, nsú káꞌ jie̱ꞌe̱ꞌ tiñu níváꞌa.

Tito 2:8

jín ya̱ kaꞌanꞌ na̱a̱ꞌ va̱ꞌa nú tu̱ꞌun na̱a̱ꞌ, ya̱ ni ɨɨn ñɨvɨ nkúvi natai̱chi̱ꞌ maa, jee sáva kukanuun ñɨvɨ núníꞌin jín noꞌó, chi nkúvi kaꞌanꞌ niva̱ꞌa ráa kune̱ꞌyá ráa yó.

1 Pedro 2:12

Jee kueꞌnu va̱ꞌa rán nteñu rá ñɨvɨ ya̱ ntu jíníꞌ ráa Tu̱ꞌun Ndiosíꞌ, sáva súka̱ꞌ káꞌánꞌ rá ñɨvɨ si̱kɨ̱ꞌ rán kuéntáꞌ kua̱ꞌ sáꞌá rán tiñu níváꞌa, soo kuniꞌ rá ñɨvɨ vá rá tiñu váꞌa sáꞌá rán, jee nakuetúꞌún ráa Ndiosíꞌ ki̱vɨ̱ꞌ niji tuku Cristo sanáaꞌ re̱ꞌ sáni ya̱ nááꞌ.

Mateo 7:26

Jee nta̱ká ñɨvɨ tésóꞌo ráa rá tu̱ꞌun káꞌánꞌ ni̱ꞌ yaꞌá, jee ntu sáꞌá‑a vá, jee kúvi‑i kuéntáꞌ ɨɨn te̱e naanꞌ, ya̱ ñani re̱ꞌ veꞌi re̱ꞌ nu̱u̱nꞌ ñuítɨ́.

1 Tesalonicenses 5:18

Ntáká jie̱ꞌe̱ꞌ kúvi, ku̱ꞌva rán ya̱ kútaꞌviꞌ nu̱u̱nꞌ Ndiosíꞌ, chi sukuán kuíni re̱ꞌ saꞌá rán, ya̱ yɨ́ꞌɨ́ rán nu̱u̱nꞌ Cristo Jesús.

1 Tesalonicenses 4:3

Chi kuíni Ndiosíꞌ ya̱ kusɨ́ɨ́n ránú ya̱ nkɨ́ꞌɨ rán nu̱u̱nꞌ tiñu níváꞌa, ya̱ koto núnéꞌén rán jín inka ñɨvɨ ya̱ ntu ntánáꞌá‑a jín nú.

2 Pedro 2:12

Soo rá ñɨvɨ yukuán ya̱ xínéꞌénꞌ ráa tu̱ꞌun túꞌún kúvi ráa kuéntáꞌ kúvi rá kitɨ yúkú ya̱ ntu jiáni xi̱ni̱ꞌ rátíꞌ jín ya̱ jiáꞌnu rátíꞌ na̱ja kua̱ꞌ sáꞌá maárátíꞌ ni, chi táꞌvíꞌ rátíꞌ sáva tɨɨn ñɨvɨ rátíꞌ jee kaꞌniꞌ ráa rátíꞌ. Jee rá ñɨvɨ vá chi káꞌánꞌ niva̱ꞌa ráa si̱kɨ̱ꞌ ya̱ ntu jiáku̱ꞌun iniꞌ ráa. Jee saáva sáá kuviꞌ ráa jee kɨ̱naanꞌ ráa.

Romanos 1:21

Chi sú jíníꞌ ráa jie̱ꞌe̱ꞌ Ndiosíꞌ, jee ntu̱ví nnákuatáꞌví ráa nu̱u̱nꞌ re̱ꞌ ya̱ kúvi re̱ꞌ Ndiosíꞌ jee ni ntu̱ví njiáꞌa ráa ya̱ kútaꞌviꞌ ráa nu̱u̱nꞌ re̱ꞌ. Chisaꞌ nkenta kúvi ka̱ꞌá antúníꞌ ráa jee nnu̱neenꞌ ánímaꞌ ráa ya̱ naanꞌ kúvi ráa.

Judas 1:10

Soo rá ñɨvɨ túꞌún yaꞌá chi káꞌánꞌ niva̱ꞌa ráa si̱kɨ̱ꞌ ya̱ ntu jíníꞌ ráa. Chi ntáká ya̱ jiáku̱ꞌun iniꞌ ráa va̱ji ne̱ nu̱u̱nꞌ jiáni xi̱ni̱ꞌ ráa kuéntáꞌ jiáku̱ꞌun iniꞌ rá kitɨ yúkú ya̱ ntu jiáni xi̱ni̱ꞌ rátíꞌ. Jee suꞌva jee sijíta Ndiosíꞌ ráa jee kɨ̱naanꞌ ráa.

1 Pedro 4:2

sáva ntu kueꞌnu‑u ka̱ꞌ nu̱u̱nꞌ rá tiñu níváꞌa ya̱ níyo iniꞌ rá ñɨvɨ rá tiempúꞌ tékúꞌ‑u iniꞌ yɨkɨkúñu‑u. Chisaꞌ kueꞌnu‑u sáni kuíni Ndiosíꞌ.

1 Timoteo 1:13

Ñani re̱ꞌ nuꞌuꞌ nu̱u̱nꞌ tiñu vá, súnika̱ꞌ nkaꞌanꞌ niva̱ꞌa ni̱ꞌ si̱kɨ̱ꞌ re̱ꞌ, jee nito u̱ꞌvi̱ꞌ ni̱ꞌ si̱kɨ̱ꞌ rá ñɨvɨ re̱ꞌ, jee ntenu̱u̱nꞌ ni̱ꞌ nne̱ꞌyá ni̱ꞌ ráa. Soo nku̱náꞌví iniꞌ re̱ꞌ nne̱ꞌyá re̱ꞌ nuꞌuꞌ, chi nsa̱ꞌá naanꞌ ni̱ꞌ yaꞌá, chi ntiáꞌan i̱nu̱ꞌ iniꞌ ni̱ꞌ Cristo.

Tito 3:3

Chi nékúvi sunisaá maáó nkuvi‑ó ñɨvɨ naanꞌ, jee nku̱jiááꞌ iniꞌ‑ó, jee maáó nika̱ꞌ ni̱nu̱ꞌ iniꞌ rá tu̱ꞌun xínáꞌví, jee nyɨ̱ꞌɨ‑ó chi̱ji xi̱ntíín kéꞌín ya̱ níyo iniꞌ jín xi̱ntíín kéꞌín ya̱ sɨ̱ɨ̱ꞌ iniꞌ, jee niva̱ꞌa ñaꞌnu‑ó, jee ni̱yo uꞌvi iniꞌ‑ó, jee nta̱ꞌvi̱ꞌ iniꞌ ñɨvɨ nne̱ꞌyá ráa yó, jee nta̱ꞌvi̱ꞌ iniꞌ‑ó nne̱ꞌyá‑ó ɨɨn inka‑ó.

Gálatas 3:1

¡Na̱ naanꞌ rán ka̱ꞌ! Rá ñaniꞌ ñuunꞌ Galacia. ¿Né ɨɨn nsa̱tásɨ́ ránoꞌó jee nxi̱náꞌví‑i ránoꞌó? Chi nxi̱néꞌénꞌ kájí ni̱ꞌ ránoꞌó na̱ja ni̱ꞌi̱ꞌ Jesús ya̱ kúvi Cristo nu̱u̱nꞌ kurúsiꞌ jie̱ꞌe̱ꞌ‑ó.

Mateo 25:2

Jee u̱ꞌu̱nꞌ ráa kúvi ráa ñaꞌan naanꞌ jee u̱ꞌu̱nꞌ ráa jiáni kájí xi̱ni̱ꞌ.

1 Pedro 3:16

Soo másúꞌ koo iniꞌ rán naxiníkó rán nu̱u̱nꞌ ráa, jee kaꞌanꞌ yɨ́ñúꞌún rán jín ráa, jee kueꞌnu na̱a̱ꞌ rán ya̱ jíníꞌ rán ya̱ ntu íyó si̱kɨ̱ꞌ rán, sáva sáá káꞌánꞌ niva̱ꞌa ráa si̱kɨ̱ꞌ rán kukanuun ráa jie̱ꞌe̱ꞌ tu̱ꞌun niváꞌa ya̱ káꞌánꞌ ráa jie̱ꞌe̱ꞌ va̱ꞌa jiáꞌnu rán jie̱ꞌe̱ꞌ yɨ́ꞌɨ́ rán nu̱u̱nꞌ Cristo.