1 Pedro 2:11 - Mixteco del suroeste de Tlaxiaco Oaxaca

¹¹ Ránoꞌó ñanitáꞌán ya̱ ñúnúunꞌ ni̱ꞌ, náxiníꞌvɨ́ꞌ ni̱ꞌ iniꞌ rán ya̱ koo rán kuéntáꞌ kua̱ꞌ retánꞌ kúvi rán to̱ꞌo̱ꞌ inka ñuunꞌ ya̱ váji íká rán jee ntu jiáꞌnu rán kuéntáꞌ jiáꞌnu rá ñɨvɨ ñɨ̱vɨ́ yaꞌá, jee saáva chusává rán rá tiñu ya̱ níyo iniꞌ rán saꞌá rán ya̱ ntu yɨ́ꞌɨ́ xi̱ntíín Ndiosíꞌ chi súkúta̱ꞌán‑a jín ánímaꞌ rán.

1 Pedro 2:11 Referans Kwoze

Gálatas 5:24

Saájee rá ñɨvɨ yɨ́ꞌɨ́ nu̱u̱nꞌ Cristo Jesús, ñaꞌniꞌ ráa ya̱ níyo néꞌén iniꞌ ráa nu̱u̱nꞌ kurúsiꞌ, jín ne̱ ya̱ néꞌén ya̱ nóꞌónꞌ iniꞌ ráa saꞌá ráa, jín ne̱ ya̱ néꞌén ya̱ tíntɨ́ ráa.

1 Pedro 4:2

sáva ntu kueꞌnu‑u ka̱ꞌ nu̱u̱nꞌ rá tiñu níváꞌa ya̱ níyo iniꞌ rá ñɨvɨ rá tiempúꞌ tékúꞌ‑u iniꞌ yɨkɨkúñu‑u. Chisaꞌ kueꞌnu‑u sáni kuíni Ndiosíꞌ.

Hebreos 11:13

Jee ntáká rá ñɨvɨ vá ni̱ꞌi̱ꞌ ráa súka̱ꞌ nku̱neí iniꞌ ráa Ndiosíꞌ. Súnika̱ꞌ ntu nni̱ꞌi̱nꞌ ráa ya̱ nchi̱sóyuꞌú Ndiosíꞌ nu̱u̱nꞌ ráa, soo ne̱ íká niniꞌ váꞌa ráa jie̱ꞌe̱ꞌ ya̱ koo ichinúúnꞌ, jee ne̱ nku̱sɨ̱ɨ̱ꞌ iniꞌ ráa jie̱ꞌe̱ꞌ‑e. Jee njia̱ꞌayuꞌú ráa ya̱ kúvi ráa to̱ꞌo̱ꞌ ya̱ yakuꞌ ni tiempúꞌ néénúún ráa iniꞌ ñɨ̱vɨ́ yaꞌá.

Romanos 8:13

Chi retú jiáꞌnu rán sáni kuíni rán jín ñunéꞌyúꞌ kua̱chi rán saájee kɨ̱naanꞌ rán nu̱u̱nꞌ Ndiosíꞌ. Soo retú jín fesáꞌ ííꞌ Ta̱chi̱ꞌ Ííꞌ Ndiosíꞌ jee xináánꞌ rán tiñu niváꞌa sáꞌá rán jín yɨkɨkúñu rán jee kutekuꞌ rán jín Ndiosíꞌ.

Santiago 4:1

¿Né nú va̱ji rá tuntíxín jín rá kántátúꞌun rán nteñu rán? ¿Á nsáꞌ va̱ji rá tuntíxín ne̱ ya̱ níyo iniꞌ rán ví ya̱ súkúnꞌ ta̱ꞌán iniꞌ ánímaꞌ rán rúja?

2 Timoteo 2:22

Kunu nú chusává maánú nu̱u̱nꞌ ya̱ níyo iniꞌ nú ya̱ sɨ̱ɨ̱ꞌ iniꞌ ɨɨn te̱e súchí. Jee kunikɨnꞌ nú ichi ya̱ kino̱o na̱a̱ꞌ nú nu̱u̱nꞌ Ndiosíꞌ, ya̱ tu̱ꞌun kuneí iniꞌ nú Cristo, ya̱ tu̱ꞌun kunu̱u̱nꞌ nú Ndiosíꞌ jín ñɨvɨ, jín ya̱ tu̱ꞌun kuneeꞌ ñunkúún nú jín táꞌán nú. Jee saꞌá nú suꞌva jín rá ñɨvɨ ya̱ ni̱ka̱nꞌ táꞌvíꞌ ráa jín ánímaꞌ noo nu̱u̱nꞌ Cristo, ya̱ kuvi re̱ꞌ I̱toꞌoꞌ ráa.

2 Corintios 7:1

Jee ránoꞌó ñanitáꞌán ya̱ ñúnúunꞌ ni̱ꞌ, nni̱ꞌi̱nꞌ‑ó tu̱ꞌun yaꞌá ya̱ nchi̱sóyuꞌú Ndiosíꞌ saꞌá re̱ꞌ jín‑ó. Jee saáva íyó koo noo ninuꞌun‑ó ya̱ nkɨ́ꞌɨ‑ó nu̱u̱nꞌ nta̱ká ya̱ sátéꞌén yɨkɨkúñu‑ó jín ánímaꞌ‑ó nu̱u̱nꞌ Ndiosíꞌ. Jee íyó kujia iniꞌ‑ó sasɨ́ɨ́n‑ó maáó ya̱ nkɨ́ꞌɨ‑ó nu̱u̱nꞌ ya̱ níváꞌa, chi ñúyúꞌví iniꞌ‑ó Ndiosíꞌ.

Romanos 12:1

Saáva, ránoꞌó ñanitáꞌán ni̱ꞌ, jie̱ꞌe̱ꞌ ya̱ nníꞌinꞌ yó ya̱ náꞌví iniꞌ Ndiosíꞌ yó, jee saáva náxinániꞌvɨꞌ ni̱ꞌ iniꞌ rán ya̱ nasokoꞌ tékúꞌ rán maárán nu̱u̱nꞌ Ndiosíꞌ sáva kɨtíñú rán nu̱u̱nꞌ re̱ꞌ ya̱ kusɨ́ɨ́n rán kene rán nu̱u̱nꞌ ya̱ niváꞌa, jín ya̱ kueꞌnu rán sáni kúváꞌa iniꞌ re̱ꞌ néꞌyá re̱ꞌ maa. Yukuán kúvi nijia ya̱ néñu̱ꞌun rán re̱ꞌ jín ánímaꞌ rán.

Efesios 4:1

Saájee nuꞌuꞌ Pablo, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ sátíñú ni̱ꞌ nu̱u̱nꞌ I̱toꞌoꞌ‑ó, náxiníꞌvɨ́ꞌ ni̱ꞌ iniꞌ rán ya̱ kueꞌnu na̱a̱ꞌ rán ichi Ndiosíꞌ, sánikua̱ꞌ íyó kaka rán ya̱ kúvi rán ñɨvɨ ya̱ nkana Ndiosíꞌ kɨtíñú rán nu̱u̱nꞌ re̱ꞌ.

Romanos 7:23

Soo jíníꞌ ni̱ꞌ ya̱ iniꞌ yɨkɨkúñu ni̱ꞌ íyó inka ka̱ꞌ tu̱ꞌun níyo néꞌén iniꞌ ni̱ꞌ saꞌá ni̱ꞌ, jín ya̱ kuíni ni̱ꞌ saꞌá ni̱ꞌ sáni káchíꞌ tu̱ꞌun tátúníꞌ Ndiosíꞌ, jee súkúnꞌ táꞌán ráa iniꞌ antúníꞌ ni̱ꞌ. Jee kúneí vá tɨ́ɨn‑ɨ nuꞌuꞌ yɨ́ꞌɨ́ ni̱ꞌ nu̱u̱nꞌ ya̱ tátúníꞌ kua̱chi ya̱ sátíñú vá iniꞌ yɨkɨkúñu ni̱ꞌ.

Hechos 15:29

Chusává rán rá sókóꞌ ráa nu̱u̱nꞌ rá santúꞌ ñunéꞌyúꞌ, jín ni̱ñɨ̱ꞌ, jín ku̱ñu rá kitɨ ya̱ jíꞌni ráa su̱ku̱nꞌ, jee koto sáꞌá téní rán. Ré chusává rán rá yaꞌá saꞌá na̱a̱ꞌ rán. Kuáꞌán va̱ꞌa rán.”

Lucas 21:34

’Saáva kumí rán maárán ya̱ koto túví rán maárán nu̱u̱nꞌ ñujiínꞌ ya̱ stívɨ́ rán maárán, jín nu̱u̱nꞌ ya̱ ku̱ka̱ꞌva rán nu̱u̱nꞌ nixiꞌ, jín nu̱u̱nꞌ ya̱ nívini naniꞌvɨꞌ iniꞌ rán na̱ni jie̱ꞌe̱ꞌ ya̱ íyó ni tékúꞌ rán iniꞌ ñɨ̱vɨ́ yaꞌá, sáva ntu kininkava sa̱naanꞌ kuitɨꞌ ki̱vɨ̱ꞌ vá ya̱ta̱ꞌ rán,

1 Pedro 1:17

Jee ya̱ káchíꞌ rán ya̱ Ndiosíꞌ ví Tátáꞌ rán ya̱ maáréꞌ vá ntu tɨ́ɨn kuéntáꞌ re̱ꞌ ne̱ ɨɨn kúvi ta ɨɨn ɨɨn ñɨvɨ, chi ɨɨn nuún ni sánáaꞌ re̱ꞌ jie̱ꞌe̱ꞌ ta ɨɨn ɨɨn ráa sánikua̱ꞌ tiñu sáꞌá ráa. Jee saáva kuꞌun yúꞌví iniꞌ rán kɨtíñú rán nu̱u̱nꞌ re̱ꞌ tiempúꞌ ya̱ nééꞌ rán tékúꞌ rán iniꞌ ñɨ̱vɨ́ yaꞌá.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

2 Corintios 5:20

Jee saáva ránuꞌuꞌ, nta̱jí Cristo yɨ́tíñú ránꞌ nu̱u̱nꞌ tiñu re̱ꞌ, maá Ndiosíꞌ jiátíñú re̱ꞌ ránuꞌuꞌ jíkánꞌ táꞌvíꞌ re̱ꞌ nu̱u̱nꞌ ránoꞌó ya̱ kuéntáꞌ káꞌánꞌ re̱ꞌ sáá káꞌánꞌ ránꞌ. Jee nu̱u̱nꞌ súví Cristo, jíkánꞌ táꞌvíꞌ ránꞌ nu̱u̱nꞌ ránoꞌó, ya̱ numa̱ni̱ꞌ ránú jín Ndiosíꞌ.

Hechos 15:20

Soo tee‑ó tu̱ꞌun kɨ̱ꞌɨ̱nꞌ nu̱u̱nꞌ ráa. Kachiꞌ‑ó nu̱u̱nꞌ tutuꞌ ya̱ chusává ráa maáráa nka̱jíꞌ ráa ku̱ñu sókóꞌ rá ñɨvɨ nu̱u̱nꞌ rá santúꞌ ñunéꞌyúꞌ chi sáꞌá‑a ya̱ ntu̱ví ninuꞌun ráa nu̱u̱nꞌ Ndiosíꞌ, jín ya̱ chusává saꞌá téní ráa, jín ya̱ chusává ráa maáráa nu̱u̱nꞌ ku̱ñu rá kitɨ ya̱ jíꞌni ráa su̱ku̱nꞌ, jín ya̱ chusává ráa maáráa kajiꞌ ráa ni̱ñɨ̱ꞌ.

Génesis 47:9

Jee nna̱xiníkó Jacob nu̱u̱nꞌ Faraón: ―Ya íñɨ́ ni̱ꞌ sientúꞌ o̱ko̱ꞌ u̱ji̱ꞌ (130) kui̱ya̱ꞌ ya̱ kua̱ꞌa̱nꞌ va̱ji ni̱ꞌ yaꞌá yukuán ni. Yakuꞌ ni kui̱ya̱ꞌ tékúꞌ ni̱ꞌ jee ntu̱ví íyó va̱ꞌa. Jee ni ntiáꞌan kenta ni̱ꞌ kuiñɨ ni̱ꞌ rá kui̱ya̱ꞌ kua̱ꞌ ni̱ñɨ rá jííꞌ ni̱ꞌ yanaꞌán ni kua̱ꞌa̱nꞌ va̱ji ráa.

1 Pedro 1:1

Nuꞌuꞌ Pedro níso ni̱ꞌ tiñu apóstol chúichí Jesús nuꞌuꞌ. Níso re̱ꞌ tiñu Cristo ya̱ chúichí re̱ꞌ nuꞌuꞌ sáva stékútu̱ꞌún ni̱ꞌ tu̱ꞌun re̱ꞌ. Tée ni̱ꞌ tutuꞌ yaꞌá kua̱jiááꞌ nu̱u̱nꞌ ránoꞌó ñɨvɨ ya̱ nka̱ji Ndiosíꞌ ya̱ kúvi rán to̱ꞌo̱ꞌ inka ñuunꞌ ñe̱te̱nuun rán nééꞌ rán nu̱u̱nꞌ rá ñuunꞌ Ponto, Galacia, Capadocia, Asia jín Bitinia.

Génesis 23:4

―Kúvi ni̱ꞌ to̱ꞌo̱ꞌ inka ñuunꞌ ya̱ nééꞌ ni̱ꞌ nteñu rán. Taji xá ñuꞌun kuvi ñuꞌun ni̱ꞌ nu̱u̱nꞌ saꞌá ni̱ꞌ veꞌi ni̱yɨ sáva se̱ꞌí ni̱ꞌ ñunéꞌyúꞌ níꞌiꞌ ñasɨ́ꞌɨ́ ni̱ꞌ ―nkachiꞌ Abraham.

Efesios 2:19

Jee saáva ntu ka̱ꞌ kúvi rán to̱ꞌo̱ꞌ ni ñɨvɨ váji íká, chisaꞌ se̱ꞌya ñuunꞌ Ndiosíꞌ kúvi rán jín rá ñɨvɨ nsa̱ꞌá sɨ́ɨ́n re̱ꞌ sáva kúvi rán ñɨvɨ re̱ꞌ, jee kúvi rán ñɨvɨ táꞌán veꞌi Ndiosíꞌ.

Hebreos 6:9

Soo ránoꞌó ñanitáꞌán, ya̱ ñúnúunꞌ ni̱ꞌ, jee súka̱ꞌ sukuán káꞌánꞌ ráníꞌ jín rán, soo ne̱ yuchí kúkáꞌnú iniꞌ ráníꞌ ya̱ koo va̱ꞌa ka̱ꞌ jín ránoꞌó kútáꞌán‑a jín ya̱ nátavaꞌ Ndiosíꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó.

1 Pedro 4:12

Ránoꞌó ñanitáꞌán ya̱ ñúnúunꞌ ni̱ꞌ, koto tívɨ́ xíniꞌ rán retú ñúꞌún rán nu̱u̱nꞌ ñúꞌúnꞌ sáá jítotúníꞌ rá tu̱nóꞌó xéénꞌ ránoꞌó, jee koto tívɨ́ xíniꞌ rán jie̱ꞌe̱ꞌ vá chi nsú kua̱chi ránoꞌó ni ya̱ nóꞌo maa.

2 Pedro 3:1

Ránoꞌó ya̱ ñúnúunꞌ ni̱ꞌ, yaꞌá kúvi tutuꞌ uvíꞌ ya̱ tée ni̱ꞌ nu̱u̱nꞌ ránoꞌó. Jee tée ni̱ꞌ nu̱u̱nꞌ ni núvíꞌ rá tutuꞌ yaꞌá sáva xinákúꞌun ni̱ꞌ iniꞌ rán sáva xiníꞌvɨ́ꞌ ni̱ꞌ iniꞌ rán ya̱ kani ninuꞌun antúníꞌ rán,

Génesis 21:34

Jee nneeꞌ Abraham kue̱ꞌe̱ꞌ tiempúꞌ nu̱u̱nꞌ ñuꞌun ñuunꞌ rá ñɨvɨ filisteo jee nkuvi re̱ꞌ to̱ꞌo̱ꞌ.