1 Pedro 1:6 - Mixteco del suroeste de Tlaxiaco Oaxaca

⁶ Jee jie̱ꞌe̱ꞌ vá ví ya̱ kusɨ̱ɨ̱ꞌ víꞌí iniꞌ rán, asúnika̱ꞌ sáá íyó koo tu̱nkuíꞌyáꞌ iniꞌ rán vitan jie̱ꞌe̱ꞌ kéꞌín tu̱nóꞌó táꞌánꞌ rán yakuꞌ ni tióꞌ.

1 Pedro 1:6 Referans Kwoze

Santiago 1:2

Ránoꞌó ya̱ kúvi ñaniꞌ maáníꞌ jín ku̱ꞌva ni̱ꞌ, íyó tɨɨn rán ya̱ kusɨ̱ɨ̱ꞌ víꞌí iniꞌ ánímaꞌ rán, sáá kototúníꞌ kéꞌín nu̱u̱nꞌ tu̱nóꞌó táꞌánꞌ si̱kɨ̱ꞌ rán.

1 Pedro 5:10

Jee máá Ndiosíꞌ ya̱ nta̱ká íchí íyó mániꞌ nasɨ́kuitɨꞌ iniꞌ re̱ꞌ néꞌyá re̱ꞌ yó, ya̱ maáréꞌ nkana re̱ꞌ yó sáva viiꞌ kuñáꞌnú‑ó jín Cristo nɨ́ɨ́nkání jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo. Sáá jiáꞌa ya̱ kunoꞌo rán yakuꞌ ni̱ꞌ tiempúꞌ, soo máá Ndiosíꞌ saꞌá ya̱ kujia na̱a̱ꞌ va̱ꞌa iniꞌ rán nu̱u̱nꞌ tu̱ꞌun re̱ꞌ, jín ya̱ kuiñɨ ni̱ꞌin rán, jín ya̱ nachuneí re̱ꞌ iniꞌ ránoꞌó, jín ya̱ kukutú rán nu̱u̱nꞌ tu̱ꞌun re̱ꞌ.

Romanos 12:12

Jee kusɨ̱ɨ̱ꞌ iniꞌ ánímaꞌ rán jie̱ꞌe̱ꞌ ya̱ íyó tu̱neí iniꞌ rán ki̱vɨ̱ꞌ nétu rán ya̱ xinánitáꞌvíꞌ Cristo ránoꞌó. Jee keꞌneꞌ iniꞌ rán kuiñɨ ni̱ꞌin rán sáá nóꞌo rán tu̱nóꞌó. Jee kuni̱ꞌin kaꞌanꞌ rán jín Ndiosíꞌ.

Romanos 5:2

Chi suni Cristo nsa̱ꞌá ya̱ nkívɨ‑ó nu̱u̱nꞌ ya̱ íyó mániꞌ iniꞌ Ndiosíꞌ néꞌyá re̱ꞌ yó, sú ntu íyó ni̱ꞌi̱nꞌ‑ó maa. Jee íñɨ́ ni̱ꞌin‑ó jín ya̱ íyó mániꞌ iniꞌ Ndiosíꞌ néꞌyá re̱ꞌ yó. Jee kúsɨ́ɨꞌ iniꞌ ánímaꞌ‑ó chi íyó tu̱neí iniꞌ‑ó kúnáaꞌ iniꞌ‑ó ya̱ taji re̱ꞌ nu̱u̱nꞌ‑ó ya̱ viiꞌ kúñáꞌnú‑ó jín re̱ꞌ.

Mateo 5:12

Na̱ ka̱ꞌ kusɨ̱ɨ̱ꞌ iniꞌ rán jee sɨ̱ɨ̱ꞌ kuvi ka̱ꞌ iniꞌ ánímaꞌ rán, chi mánasɨ́ ñáꞌnú ví ta̱ꞌvi̱ꞌ nataji Ndiosíꞌ nu̱u̱nꞌ rán ya̱ íyó ne̱ antivɨ́ súkún. Chi sánikua̱ꞌ sáꞌá kini ráa jín ránoꞌó suni sukuán nsa̱ꞌá kini rá ñɨvɨ jín rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán ne̱ ntiáꞌan nkiji ránoꞌó.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Juan 16:22

Jee suni sukuán ntañúꞌún kúkuéká iniꞌ rán, soo tukuni nakuniꞌ ni̱ꞌ ránoꞌó, jee kusɨ̱ɨ̱ꞌ nasɨ́kuitɨꞌ iniꞌ ánímaꞌ rán. Jee ni ɨɨn ntu̱náꞌ kuvi sííyo ya̱ kúsɨ́ɨꞌ iniꞌ rán.

Mateo 11:28

’Neꞌenꞌ nu̱u̱nꞌ ni̱ꞌ ntáká ránoꞌó ya̱ kuítá rán jín ya̱ níꞌi rá tiñu véi si̱kɨ̱ꞌ ránoꞌó, jee xinájiávi ni̱ꞌ ánímaꞌ ránoꞌó.

Romanos 5:11

Jee nsáꞌ kua̱chi yaꞌá ni, chi suni kúsɨ́ɨꞌ víꞌí iniꞌ‑ó néꞌyá‑ó Ndiosíꞌ jie̱ꞌe̱ꞌ I̱toꞌoꞌ‑ó Jesús ya̱ kúvi Cristo, chi vitan jee nsa̱ꞌá re̱ꞌ ya̱ nníꞌinꞌ‑ó ya̱ nnúma̱ni̱ꞌ Ndiosíꞌ jín‑ó.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

Lucas 10:20

Soo koto kúsɨ́ɨꞌ iniꞌ ránú jie̱ꞌe̱ꞌ ya̱ rá ta̱chi̱ꞌ kíni káníjiá ráa ránoꞌó, chisaꞌ kusɨ̱ɨ̱ꞌ iniꞌ rán jie̱ꞌe̱ꞌ ya̱ ya yɨ́ꞌɨ́ súví rán ne̱ antivɨ́ xi̱ntíín Ndiosíꞌ ―nkachiꞌ Jesús.

1 Pedro 4:7

Soo ya̱ va̱kuyatin ya̱ nɨꞌɨ ntáká rá íyó, saáva nito koo rán kuꞌun kájí iniꞌ rán sáva kuvi kaꞌanꞌ rán jín Ndiosíꞌ.

Santiago 4:9

¡Nukuíꞌyáꞌ iniꞌ rán, jee jiaku iniꞌ rán, jee kunaꞌyuꞌ uúꞌ rán jie̱ꞌe̱ꞌ kua̱chi rán! Jee sama ya̱ jiákúꞌ katá rán nu̱u̱nꞌ ya̱ jiáku iniꞌ rán. Jee sama rán ya̱ kúsɨ́ɨꞌ iniꞌ rán nu̱u̱nꞌ ya̱ nukuíꞌyáꞌ iniꞌ rán.

2 Corintios 4:17

Chi súnika̱ꞌ nóꞌo‑ó ñɨ̱vɨ́ yaꞌá, soo víyáxín kúvi rá tu̱nóꞌó vá jee núún ni ví‑i, chi sáꞌá‑a ya̱ ni̱ꞌi̱nꞌ‑ó ta̱ꞌvi̱ꞌ ya̱ viiꞌ kúñáꞌnú nasɨ́kuitɨꞌ ka̱ꞌ sáá kuneeꞌ‑ó nɨ́ɨ́nkání jín Ndiosíꞌ.

Santiago 1:9

Soo ɨɨn ñaniꞌ láꞌví, ya̱ kúneí iniꞌ Jesús, íyó sɨ̱ɨ̱ꞌ kuvi iniꞌ‑i, chi nxi̱náa Ndiosíꞌ maa kúñáꞌnú‑u.

Filipenses 3:3

Chi suvió kúvi‑ó ñɨvɨ Ndiosíꞌ, jee suꞌva kúvi‑ó ñɨvɨ circuncidado nijia nu̱u̱nꞌ re̱ꞌ, chi suvió ví ya̱ chíneí Ta̱chi̱ꞌ Ííꞌ maáó ya̱ néñu̱ꞌun‑ó Ndiosíꞌ, chi kúsɨ́ɨꞌ téyɨ́ɨ́ iniꞌ‑ó jie̱ꞌe̱ꞌ ya̱ sáꞌá Cristo Jesús, chi ntu kúkáꞌnú iniꞌ‑ó maáó ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ sáꞌá‑ó.

2 Corintios 6:10

jín sáá kúkuéká iniꞌ ránꞌ, soo sukuáni íyó tu̱ꞌun kúsɨ́ɨꞌ iniꞌ ánímaꞌ ránꞌ, jín te̱e láꞌví kúvi ránꞌ, soo jiáꞌa ránꞌ nu̱u̱nꞌ kue̱ꞌe̱ꞌ ñɨvɨ ya̱ yɨ́yáꞌvi ka̱ꞌ ya̱ jiáꞌa Ndiosíꞌ, jín sáá ni ntu̱náꞌ kúmí ránꞌ, soo kúmí ránꞌ nɨꞌɨ ya̱ yɨ́yáꞌvi ka̱ꞌ ya̱ níꞌínꞌ ránꞌ nu̱u̱nꞌ Ndiosíꞌ.

1 Tesalonicenses 1:6

Jee nkenta sáꞌá ránú mákua sáꞌá ráníꞌ jín mákua sáꞌá I̱toꞌoꞌ‑ó, chi nuún násaꞌá ránoꞌó jín ránuꞌuꞌ, chi ntɨɨn rán tu̱ꞌun jie̱ꞌe̱ꞌ Cristo, súka̱ꞌ nóꞌo víꞌí rán, [ya̱ jíto u̱ꞌvi̱ꞌ ñɨvɨ ránoꞌó jie̱ꞌe̱ꞌ vá]. Jee ne̱ iniꞌ ánímaꞌ rán nku̱sɨ̱ɨ̱ꞌ nsa̱ꞌá Ta̱chi̱ꞌ Ííꞌ Ndiosíꞌ.

Filipenses 4:4

Sukuáni níní koo sɨ̱ɨ̱ꞌ iniꞌ ánímaꞌ rán jie̱ꞌe̱ꞌ I̱toꞌoꞌ‑ó, jee tukuni káchíꞌ ni̱ꞌ: koo sɨ̱ɨ̱ꞌ iniꞌ ánímaꞌ rán.

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Romanos 9:2

ya̱ íyó ni̱ꞌ jín tu̱nkuéká iniꞌ ni̱ꞌ jee yɨ́táꞌán ne̱ yájíꞌ iniꞌ ánímaꞌ ni̱ꞌ

Filipenses 2:26

Jiáni iniꞌ ni̱ꞌ chuichí ni̱ꞌ re̱ꞌ nu̱u̱nꞌ rán, chi níyo iniꞌ re̱ꞌ kua̱jiaaꞌ ne̱ꞌyá re̱ꞌ ránoꞌó, chi nániꞌvɨꞌ iniꞌ re̱ꞌ jie̱ꞌe̱ꞌ rán, chi nku̱káꞌnú iniꞌ rán ya̱ kúꞌvíꞌ re̱ꞌ.

Lucas 2:10

Soo nkachiꞌ najiáꞌáꞌ ííꞌ vá nu̱u̱nꞌ ráa: ―Koto yúꞌví rán, chi kuniꞌ rán ya̱ va̱ji taji ni̱ꞌ tu̱ꞌun váꞌa nu̱u̱nꞌ rán, ya̱ saꞌá ya̱ kusɨ̱ɨ̱ꞌ víꞌí iniꞌ ránú jín ya̱ kuvi ya̱ váꞌa nu̱u̱nꞌ kua̱íyó rá ñɨvɨ.

Lucas 1:47

jee né ánímaꞌ ni̱ꞌ kúsɨ́ɨꞌ iniꞌ ni̱ꞌ nu̱u̱nꞌ Ndiosíꞌ ya̱ nátavaꞌ re̱ꞌ nuꞌuꞌ nu̱u̱nꞌ kua̱chi ni̱ꞌ sikáku re̱ꞌ nuꞌuꞌ.

Mateo 26:37

Jee nkeꞌen Jesús Pedro jín ni núvíꞌ rá se̱ꞌya Zebedeo, kua̱ꞌa̱nꞌ jín re̱ꞌ, jee nka̱jiéꞌé nnu̱kuéká víꞌí iniꞌ re̱ꞌ, jee nnu̱kuíꞌyáꞌ víꞌí iniꞌ re̱ꞌ.

1 Pedro 3:17

Chi retú kuíni máá Ndiosíꞌ ya̱ kunoꞌo rán, jee íyó va̱ꞌa ka̱ꞌ ya̱ kunoꞌo rán jie̱ꞌe̱ꞌ ya̱ sáꞌá rán tiñu váꞌa, nsú káꞌ jie̱ꞌe̱ꞌ tiñu níváꞌa.