1 Pedro 1:22 - Mixteco del suroeste de Tlaxiaco Oaxaca

²² Soo vitan jee ya̱ nna̱saꞌá ninuꞌun re̱ꞌ iniꞌ ánímaꞌ rán, jie̱ꞌe̱ꞌ ya̱ [nsa̱ꞌá Ta̱chi̱ꞌ Ííꞌ re̱ꞌ] ya̱ nka̱níjiá rán tu̱ꞌun na̱a̱ꞌ re̱ꞌ, sáva kunu̱u̱nꞌ nijia rán rá ñanitáꞌán rán, saáva ne̱ ninuꞌun ánímaꞌ rán kunu̱u̱nꞌ ntántúníꞌ víꞌí rán ɨɨn inka táꞌán rán.

1 Pedro 1:22 Referans Kwoze

1 Timoteo 1:5

Jee tátúníꞌ‑ó suꞌva nu̱u̱nꞌ ñanitáꞌán‑ó ya̱ kúneí iniꞌ ráa Cristo, sáva kunu̱u̱nꞌ ráa ɨɨn inka ráa, ya̱ kene‑e ne̱ ánímaꞌ noo, jín ne̱ ya̱ kuniꞌ ráa ya̱ ntu̱ví níso kua̱chi si̱kɨ̱ꞌ ráa, jín ne̱ ya̱ ntu ñúnkúún ni ka̱ꞌ sáꞌá ráa ya̱ kúneí nijia iniꞌ ráa Cristo.

Hebreos 13:1

Jee kuni̱ꞌin rán kunikɨnꞌ rán kunu̱u̱nꞌ rán ɨɨn inka ñanitáꞌán rán ya̱ jínúꞌ iniꞌ ráa Cristo.

1 Juan 4:12

Ni ɨɨn ñɨvɨ ni ntiáꞌan né kuniꞌ kuitɨꞌ‑ɨ Ndiosíꞌ. Soo nu̱u̱nꞌ ñúnúunꞌ‑ó ɨɨn inka táꞌán‑ó, jee kínóo kutú Ndiosíꞌ yɨ́ꞌɨ́‑ɨ iniꞌ yó, jee sáꞌá re̱ꞌ ya̱ jíjia iniꞌ‑ó jín tu̱ꞌun ñúnúunꞌ ñúꞌún iniꞌ‑ó vá.

1 Juan 4:7

Ránoꞌó ya̱ ñúnúunꞌ ni̱ꞌ, kunu̱u̱nꞌ‑ó ɨɨn inka táꞌán‑ó chi tu̱ꞌun ñúnúunꞌ vá ví ya̱ va̱ji nu̱u̱nꞌ Ndiosíꞌ. Jee nta̱ká ñɨvɨ ya̱ ñúnúunꞌ ráa táꞌán ráa, jee nna̱kaku ráa nsa̱ꞌá Ndiosíꞌ sáva kuvi nijia ráa se̱ꞌya re̱ꞌ, jee ma̱ni̱ꞌ ráa jín re̱ꞌ.

1 Pedro 3:8

Jee nu̱u̱nꞌ nɨꞌɨ ɨɨn nuún ni kuꞌun iniꞌ ɨɨn inka ntáká rán, kunáꞌví iniꞌ rán táꞌán rán ré na̱kuáꞌ nóꞌo‑o, kunu̱u̱nꞌ rán ɨɨn inka ñanitáꞌán rán, kuñunkúún iniꞌ ánímaꞌ rán jee kuꞌun láꞌví iniꞌ rán.

Santiago 4:8

Natuꞌva rán nu̱u̱nꞌ Ndiosíꞌ, jee natuꞌva re̱ꞌ nu̱u̱nꞌ rán. ¡Ñɨvɨ kua̱chi! ¡Íyó saꞌá noo rán maárán nu̱u̱nꞌ kua̱chi sáꞌá rán! ¡Ñɨvɨ ya̱ ɨɨn u̱vi̱ꞌ ñúꞌún iniꞌ ánímaꞌ rán! ¡Jee íyó saꞌá ninuꞌun rán ánímaꞌ rán!

1 Juan 3:23

Jee yaꞌá kúvi tiñu ya̱ tátúníꞌ re̱ꞌ: ya̱ kuneí iniꞌ‑ó Se̱ꞌya re̱ꞌ Jesucristo, jín ya̱ kunu̱u̱nꞌ‑ó ɨɨn inka táꞌán‑ó, sánikua̱ꞌ nta̱túníꞌ re̱ꞌ nu̱u̱nꞌ‑ó.

2 Tesalonicenses 1:3

Sukuáni íyó ku̱ꞌva ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ jie̱ꞌe̱ꞌ ránoꞌó, ñaniꞌ jín ku̱ꞌva. Íyó va̱ꞌa sáꞌá ránꞌ suꞌva, chi jiáꞌnu víꞌí ka̱ꞌ ya̱ kúneí iniꞌ rán Jesús, jee kúkueꞌeꞌ ka̱ꞌ ñúnúunꞌ nɨꞌɨ rán ɨɨn inka ñanitáꞌán rán.

1 Tesalonicenses 3:12

Jee suni jíkánꞌ táꞌvíꞌ ránꞌ ya̱ saꞌá I̱toꞌoꞌ‑ó, ya̱ kukueꞌeꞌ ka̱ꞌ kunu̱u̱nꞌ víꞌí rán ka̱ꞌ ɨɨn inka táꞌán rán jín nɨꞌɨ rá inka ka̱ꞌ ñɨvɨ, sánikua̱ꞌ suni ñúnúunꞌ ránꞌ ránoꞌó.

1 Juan 4:20

Jee retú néni ɨɨn ñɨvɨ kachiꞌ: “Maáníꞌ ñúnúunꞌ ni̱ꞌ Ndiosíꞌ”, jee retú táꞌvi iniꞌ‑i néꞌyá‑a ñanitáꞌán‑a, jee ñɨvɨ túꞌún ví‑i. Chi ñɨvɨ ya̱ ntu ñúnúunꞌ‑u táꞌán‑a ya̱ jíníꞌ‑i jín nchinúún‑u, jee ntu kúvi kunu̱u̱nꞌ‑u Ndiosíꞌ ya̱ ntiáꞌan kuniꞌ‑i re̱ꞌ jín nchinúún‑u.

1 Pedro 2:17

Koo ya̱ ñáꞌnú nu̱u̱nꞌ rán kune̱ꞌyá rán ntáká ñɨvɨ, kunu̱u̱nꞌ rán rá ñanitáꞌán rán, jee kuꞌun yúꞌví iniꞌ rán Ndiosíꞌ, jee koo ya̱ ñáꞌnú nu̱u̱nꞌ rán kune̱ꞌyá rán ñɨvɨ máá ñáꞌnú ka̱ꞌ tátúníꞌ.

Hechos 15:9

Ntu káji Ndiosíꞌ néꞌyá re̱ꞌ yó jín ráa. Chi nxi̱nónoo re̱ꞌ kua̱chi yɨ́ꞌɨ́ ánímaꞌ ráa, chi kúneí iniꞌ ráa Jesús.

1 Juan 3:11

Chi yaꞌá kúvi tu̱ꞌun ya̱ nteso̱ꞌo rán ne̱ nka̱jiéꞌé nku̱neí iniꞌ rán Jesús ne̱ xíꞌnañúꞌún, ya̱ kunu̱u̱nꞌ‑ó ɨɨn inka táꞌán‑ó.

2 Pedro 1:7

Jee jie̱ꞌe̱ꞌ ya̱ yɨ́tíñú rán nu̱u̱nꞌ Cristo jee nachisó rán ya̱ kunu̱u̱nꞌ rán ɨɨn inka ñanitáꞌán rán ya̱ yɨ́ꞌɨ́ ráa nu̱u̱nꞌ Cristo, jee jie̱ꞌe̱ꞌ ñúnúunꞌ rán rá ñanitáꞌán jee nachisó rán ya̱ kunu̱u̱nꞌ rán rá ñɨvɨ.

Filipenses 1:9

Jee jíkánꞌ táꞌvíꞌ ni̱ꞌ nu̱u̱nꞌ Ndiosíꞌ, ya̱ saꞌ víꞌí káꞌ sáá kunu̱u̱nꞌ víꞌí rán ka̱ꞌ ñɨvɨ jín Ndiosíꞌ, jín ya̱ kujia víꞌí iniꞌ rán ka̱ꞌ, sáva kuniꞌ rán ka̱ꞌ tu̱ꞌun nááꞌ Ndiosíꞌ, jín sáva kuníchí xi̱ni̱ꞌ rán ka̱ꞌ jie̱ꞌe̱ꞌ ichi re̱ꞌ.

Efesios 4:3

Jee kuniꞌvɨꞌ iniꞌ rán ya̱ nuún koo iniꞌ rán, sáni sáꞌá Ta̱chi̱ꞌ Ííꞌ Ndiosíꞌ jín rán, jie̱ꞌe̱ꞌ ya̱ kuneeꞌ ñunkúún va̱ꞌa rán jín ɨɨn inka rán ví ya̱ nasánuún‑u iniꞌ yó.

Gálatas 5:5

Chisaꞌ ránuꞌuꞌ, jie̱ꞌe̱ꞌ ya̱ kúneí iniꞌ ránꞌ ya̱ sáꞌá Cristo, jee Ta̱chi̱ꞌ Ííꞌ Ndiosíꞌ sáꞌá‑a ya̱ íyó tu̱ꞌun neí iniꞌ ránꞌ numíjiꞌíꞌ nétu ránꞌ ya̱ saꞌá re̱ꞌ ya̱ kino̱o na̱a̱ꞌ ránꞌ nu̱u̱nꞌ re̱ꞌ.

Apoclipsis 2:4

’Soo súka̱ꞌ sukuán íyó, soo íyó ɨɨn kua̱chi si̱kɨ̱ꞌ rán nu̱u̱nꞌ ni̱ꞌ, chi ntu káꞌ ñúꞌún tu̱ꞌun ñúnúunꞌ iniꞌ rán nuꞌuꞌ jín ɨɨn inka rán kuéntáꞌ kua̱ꞌ tiempúꞌ xíꞌnañúꞌún ya̱ nínúꞌ iniꞌ rán nuꞌuꞌ.

1 Pedro 4:17

Chi ya nkenta tiempúꞌ ya̱ kijiéꞌé sanáaꞌ Ndiosíꞌ kua̱chi, soo xíꞌna ka̱ꞌ jín rá ñɨvɨ ya̱ kúvi ñɨvɨ veꞌi Ndiosíꞌ, jee retú ya nka̱jiéꞌé sanáaꞌ re̱ꞌ jie̱ꞌe̱ꞌ máá‑órán, ¿jee na̱ja ka̱ꞌ vá saꞌá na̱a̱ꞌ re̱ꞌ kua̱chi rá ñɨvɨ ya̱ ntu káníjiá ráa koo maniꞌ ráa tu̱ꞌun váꞌa re̱ꞌ rúja?

1 Pedro 4:8

Jee ya̱ ñáꞌnú ka̱ꞌ nu̱u̱nꞌ nɨꞌɨ vá kukáñá iniꞌ rán kunu̱u̱nꞌ rán ɨɨn inka táꞌán rán, chi retú ñúnúunꞌ táꞌán‑ó, jee jiásɨ́ꞌ‑ó nu̱u̱nꞌ kue̱ꞌe̱ꞌ rá kua̱chi sáꞌá‑ó jie̱ꞌe̱ꞌ ya̱ nékáꞌnú iniꞌ‑ó ɨɨn inka táꞌán‑ó.

Hebreos 11:8

Jee Abraham ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, sáá nkana Ndiosíꞌ re̱ꞌ, jee nka̱níjiá re̱ꞌ sáva kɨ̱ꞌɨ̱nꞌ re̱ꞌ ɨɨn nu̱u̱nꞌ kúvi nu̱u̱nꞌ ku̱ꞌva Ndiosíꞌ nu̱u̱nꞌ re̱ꞌ kuvi ta̱ꞌvi̱ꞌ re̱ꞌ maa. Jee nkene re̱ꞌ ñuunꞌ re̱ꞌ jee kua̱ꞌa̱nꞌ re̱ꞌ yukuán, súka̱ꞌ ntu̱ví jíníꞌ re̱ꞌ né núꞌ kúvi nu̱u̱nꞌ kɨ̱ꞌɨ̱nꞌ re̱ꞌ.

Hebreos 9:14

Retú sukuán kúvi, soo saꞌ víꞌí káꞌ nasánoo ni̱ñɨ̱ꞌ Cristo ánímaꞌ‑ó, chi ntu níso Cristo kua̱chi, jee Ta̱chi̱ꞌ Ííꞌ ya̱ íyó nɨ́ɨ́nkání jee njia̱ꞌa‑a fuersáꞌ ííꞌ nu̱u̱nꞌ re̱ꞌ sáva kuviꞌ re̱ꞌ so̱ko̱ꞌ re̱ꞌ maáréꞌ nu̱u̱nꞌ Ndiosíꞌ. Jee sukuán násánoo ni̱ñɨ̱ꞌ Cristo ánímaꞌ‑ó, sáva kuniꞌ‑ó ya̱ ntu níso‑ó ka̱ꞌ kua̱chi, jín ya̱ ntu yɨ́ꞌɨ́‑ó ka̱ꞌ nu̱u̱nꞌ rá tiñu sáꞌá ya̱ kuviꞌ‑ó nu̱u̱nꞌ Ndiosíꞌ, jín sáva kɨtíñú‑ó nu̱u̱nꞌ Ndiosíꞌ tékúꞌ.

Hebreos 6:10

Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.

2 Corintios 6:6

jín jie̱ꞌe̱ꞌ ninuꞌun jiáꞌnu ránꞌ, jín jie̱ꞌe̱ꞌ jíníꞌ va̱ꞌa ránꞌ sáni kuíni Ndiosíꞌ, jín jie̱ꞌe̱ꞌ ya̱ káꞌnú víꞌí íyó iniꞌ ránꞌ jiéꞌnéꞌ iniꞌ ránꞌ nu̱u̱nꞌ tu̱nóꞌó va̱ji si̱kɨ̱ꞌ ránꞌ, jín jie̱ꞌe̱ꞌ kúváꞌa iniꞌ ránꞌ jín ñɨvɨ, jín jie̱ꞌe̱ꞌ yɨ́ꞌɨ́ Ta̱chi̱ꞌ Ííꞌ iniꞌ ránuꞌuꞌ, jín jie̱ꞌe̱ꞌ saɨn ñúꞌún iniꞌ ránꞌ ñúnúunꞌ ránꞌ ñɨvɨ,

Juan 15:17

Jee yaꞌá kúvi rá tu̱ꞌun ya̱ tátúníꞌ ni̱ꞌ nu̱u̱nꞌ rán ya̱: Kunu̱u̱nꞌ ɨɨn inka rán rá táꞌán rán.

1 Pedro 3:1

Jee suni sukuán ránoꞌó ñaꞌan íyó yɨɨ́, koo maniꞌ rán chiꞌi rán maárán xi̱ntíín yɨɨ́ rán, sáva retú néni ɨɨn rá yɨɨ́ rán vá ntu jínúꞌ iniꞌ ráa ntu káníjiá ráa Tu̱ꞌun Ndiosíꞌ, jee sijínúꞌ rán iniꞌ rá yɨɨ́ rán jín máá ni tiñu na̱ja va̱ꞌa na̱a̱ꞌ jiáꞌnu rán jee nsú jín tu̱ꞌun káꞌánꞌ rán.

Hebreos 5:9

Jee sáá ni̱yo tu̱ꞌva re̱ꞌ sukuán, jee nkenta kúvi re̱ꞌ ne̱ nu̱u̱nꞌ váji ya̱ nene ñɨvɨ nu̱u̱nꞌ kua̱chi ráa jee sikáku re̱ꞌ nɨ́ɨ́nkání ntáká rá ñɨvɨ ya̱ káníjiá ráa re̱ꞌ.

2 Timoteo 1:14

Kumí váꞌa nú tu̱ꞌun váꞌa vá, ya̱ nte̱tíñú Ndiosíꞌ noꞌó tiñu ya̱ stékútu̱ꞌún nú maa, chi Ta̱chi̱ꞌ Ííꞌ re̱ꞌ chíneí yó sáꞌá‑ó maa, chi yɨ́ꞌɨ́ Ta̱chi̱ꞌ Ííꞌ iniꞌ yó.

1 Timoteo 5:2

jín nu̱u̱nꞌ rá ñaꞌan ñáꞌnú kuéntáꞌ káꞌánꞌ nú jín náánꞌ maánú, jín nu̱u̱nꞌ ráña súchí ka̱ꞌ kuéntáꞌ káꞌánꞌ nú jín rá ku̱ꞌva maánú. Jee kaꞌanꞌ ninuꞌun nú jín ráña.

1 Timoteo 4:12

Kumí nú maánú, Timoteo, sáva nkújiááꞌ iniꞌ ni ɨɨn ñɨvɨ noꞌó, jie̱ꞌe̱ꞌ te̱e súchí ka̱ꞌ kúvi nú. Soo kaꞌanꞌ va̱ꞌa, kaka na̱a̱ꞌ, kunu̱u̱nꞌ nú ñɨvɨ jín Ndiosíꞌ, jee kuneí iniꞌ nú Cristo, jee ninuꞌun koo nú. Jee suꞌva suvinú kuvi ɨɨn ichi nu̱u̱nꞌ rá ñɨvɨ ínúꞌ iniꞌ ráa Cristo, ya̱ kunikɨnꞌ ráa ichi yaꞌá.

1 Timoteo 1:3

Sáá kua̱ꞌa̱nꞌ ni̱ꞌ ñuunꞌ sánitɨ́ɨn Macedonia, jee ni̱ka̱nꞌ ni̱ꞌ ya̱ kino̱o nú ñuunꞌ Éfeso, sáva tatúníꞌ nú nu̱u̱nꞌ ñɨvɨ káꞌvi ni, ya̱ koto xínéꞌénꞌ ráa tu̱ntúꞌún, ya̱ sɨ́ɨ́n káꞌánꞌ nu̱u̱nꞌ tu̱ꞌun váꞌa jie̱ꞌe̱ꞌ Cristo.

2 Tesalonicenses 2:13

Soo sukuáni íyó ku̱ꞌva ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ jie̱ꞌe̱ꞌ ránoꞌó, ñaniꞌ jín ku̱ꞌva. Ñúnúunꞌ I̱toꞌoꞌ‑ó ránoꞌó. Chi nka̱ji Ndiosíꞌ ránoꞌó, ne̱ ntiáꞌan kiko̱o ñɨ̱vɨ́, sáva natavaꞌ re̱ꞌ ránoꞌó nu̱u̱nꞌ kua̱chi rán nanitáꞌvíꞌ rán. Nanitáꞌvíꞌ rán jie̱ꞌe̱ꞌ ya̱ nsa̱ꞌá sɨ́ɨ́n Ta̱chi̱ꞌ Ííꞌ re̱ꞌ ránoꞌó, sáva kɨꞌɨ rán nu̱u̱nꞌ re̱ꞌ, jín jie̱ꞌe̱ꞌ ya̱ kúneí iniꞌ rán tu̱ꞌun na̱a̱ꞌ jie̱ꞌe̱ꞌ Jesús.

Gálatas 3:1

¡Na̱ naanꞌ rán ka̱ꞌ! Rá ñaniꞌ ñuunꞌ Galacia. ¿Né ɨɨn nsa̱tásɨ́ ránoꞌó jee nxi̱náꞌví‑i ránoꞌó? Chi nxi̱néꞌénꞌ kájí ni̱ꞌ ránoꞌó na̱ja ni̱ꞌi̱ꞌ Jesús ya̱ kúvi Cristo nu̱u̱nꞌ kurúsiꞌ jie̱ꞌe̱ꞌ‑ó.

Gálatas 5:7

Va̱ꞌa kua̱ꞌa̱nꞌ rán ichi Cristo, nékúvi. ¿Né ɨɨn ñasɨꞌ nu̱u̱nꞌ ránoꞌó ya̱ ntu káníjiá rán ka̱ꞌ tu̱ꞌun na̱a̱ꞌ Jesús, rúsa?

Romanos 8:13

Chi retú jiáꞌnu rán sáni kuíni rán jín ñunéꞌyúꞌ kua̱chi rán saájee kɨ̱naanꞌ rán nu̱u̱nꞌ Ndiosíꞌ. Soo retú jín fesáꞌ ííꞌ Ta̱chi̱ꞌ Ííꞌ Ndiosíꞌ jee xináánꞌ rán tiñu niváꞌa sáꞌá rán jín yɨkɨkúñu rán jee kutekuꞌ rán jín Ndiosíꞌ.

Romanos 2:8

Soo kítɨ́ꞌ iniꞌ re̱ꞌ nachunáán re̱ꞌ xinóꞌo re̱ꞌ nu̱u̱nꞌ rá ñɨvɨ kua̱sɨ́n iniꞌ ráa jín ya̱ ntu káníjiá ráa nu̱u̱nꞌ ya̱ naáꞌ, chisaꞌ káníjiá ráa ya̱ niváꞌa.

Romanos 1:5

Jee íyó mániꞌ iniꞌ Jesús néꞌyá re̱ꞌ ránuꞌuꞌ jee ntaji re̱ꞌ nu̱u̱nꞌ ráníꞌ tiñu apóstol ya̱ chúichí re̱ꞌ ránuꞌuꞌ saꞌá ránꞌ tiñu nu̱u̱nꞌ re̱ꞌ. Ntaji re̱ꞌ tiñu vá sáva stekútu̱ꞌún ránꞌ tu̱ꞌun re̱ꞌ, sáva koo ñɨvɨ nteñu nɨꞌɨ rá ñɨvɨ ñɨ̱vɨ́ ya̱ kúneí iniꞌ ráa Jesús jee saáva kaníjiá ráa maa.

Juan 17:17

Jee saꞌá ya̱ kusɨ́ɨ́n ráa ya̱ nkɨ́ꞌɨ ráa ka̱ꞌ nu̱u̱nꞌ ya̱ niva̱ꞌa jee kɨtíñú ráa nu̱u̱nꞌ nú jie̱ꞌe̱ꞌ ya̱ naáꞌ nú, chi tu̱ꞌun nú máá tu̱ꞌun na̱a̱ꞌ kúvi‑i.

Juan 15:3

Jee ránoꞌó jee kuéntáꞌ ya̱ nno̱noo iniꞌ ánímaꞌ rán nsa̱ꞌá rá tu̱ꞌun nkachiꞌ ni̱ꞌ nu̱u̱nꞌ rán.

Hechos 6:7

Jee ñe̱te̱nuun Tu̱ꞌun Ndiosíꞌ. Jee kúkueꞌeꞌ rá ñɨvɨ ñuunꞌ Jerusalén tɨ́ɨn ráa Tu̱ꞌun Ndiosíꞌ. Jee kue̱ꞌe̱ꞌ víꞌí rá su̱tu̱ꞌ káníjiá ráa tu̱ꞌun ya̱ kúneí iniꞌ ráa Jesús.

Juan 17:19

Jee yɨ́tíñú ni̱ꞌ nu̱u̱nꞌ noꞌó sáva kuvi ya̱ váꞌa nu̱u̱nꞌ ráa, sáva suni kúvi kɨtíñú ráa nu̱u̱nꞌ nú jie̱ꞌe̱ꞌ ya̱ naáꞌ.

Santiago 1:21

Saáva íyó siyo rán nta̱ká tiñu ntu̱ví íyó ninuꞌun jín rá niváꞌa ya̱ kúkueꞌeꞌ, jee koo vi̱ta iniꞌ rán jee tɨɨn rán Tu̱ꞌun Ndiosíꞌ nchuꞌun re̱ꞌ iniꞌ ánímaꞌ rán, chi tu̱ꞌun vá ya̱ íyó fuersáꞌ ííꞌ níꞌin sáva natavaꞌ‑a ránoꞌó nu̱u̱nꞌ kua̱chi rán sikáku‑u ránoꞌó.

1 Pedro 1:2

Jee máá Tátáꞌ‑ó Ndiosíꞌ nka̱ji re̱ꞌ ránoꞌó, sánikua̱ꞌ nkuna̱a̱ꞌ iniꞌ re̱ꞌ ne̱ yanaꞌán jee nsásɨ́ɨ́n Ta̱chi̱ꞌ Ííꞌ re̱ꞌ ránoꞌó kɨtíñú rán nu̱u̱nꞌ Ndiosíꞌ sáva kaníjiá rán re̱ꞌ jee sáva nasánoo re̱ꞌ ránoꞌó nu̱u̱nꞌ kua̱chi rán jín ni̱ñɨ̱ꞌ Jesucristo ya̱ ñatɨ re̱ꞌ sáá níꞌiꞌ re̱ꞌ jie̱ꞌe̱ꞌ rán. Na̱ ka̱ꞌ ntántúníꞌ ka̱ꞌ koo ya̱ máníꞌ iniꞌ Ndiosíꞌ jín rán jín ya̱ kino̱o va̱ꞌa iniꞌ ánímaꞌ rán saꞌá re̱ꞌ.

1 Pedro 3:20

Maáráa ví ya̱ ntu nkáníjiá ráa nu̱u̱nꞌ Tu̱ꞌun Ndiosíꞌ ne̱ yanaꞌán rá ki̱vɨ̱ꞌ ntekuꞌ Noé, sáá káꞌnú ni̱yo iniꞌ Ndiosíꞌ nnetu re̱ꞌ sáá sátúꞌva Noé barkúꞌ naní arca. Jee iniꞌ arca yukuán nkaku yakuꞌ ni rá ñɨvɨ ya̱ kua̱chi u̱na̱ꞌ ráa vá nkaku nu̱u̱nꞌ nute.