1 Pedro 1:17 - Mixteco del suroeste de Tlaxiaco Oaxaca

¹⁷ Jee ya̱ káchíꞌ rán ya̱ Ndiosíꞌ ví Tátáꞌ rán ya̱ maáréꞌ vá ntu tɨ́ɨn kuéntáꞌ re̱ꞌ ne̱ ɨɨn kúvi ta ɨɨn ɨɨn ñɨvɨ, chi ɨɨn nuún ni sánáaꞌ re̱ꞌ jie̱ꞌe̱ꞌ ta ɨɨn ɨɨn ráa sánikua̱ꞌ tiñu sáꞌá ráa. Jee saáva kuꞌun yúꞌví iniꞌ rán kɨtíñú rán nu̱u̱nꞌ re̱ꞌ tiempúꞌ ya̱ nééꞌ rán tékúꞌ rán iniꞌ ñɨ̱vɨ́ yaꞌá.

1 Pedro 1:17 Referans Kwoze

Mateo 6:9

’Saáva kaꞌanꞌ rán jín Tátáꞌ rán Ndiosíꞌ suꞌva: Tátáꞌ ránꞌ, ya̱ nééꞌ antivɨ́ súkún, na̱ ka̱ꞌ kɨñúꞌún ñɨvɨ nu̱u̱nꞌ noꞌó ya̱ ííꞌ kúvi nú,

Filipenses 2:12

Saájee, ránoꞌó ya̱ ñúnúunꞌ ni̱ꞌ. Kuéntáꞌ sukuáni káníjiá rán tu̱ꞌun xínéꞌénꞌ ni̱ꞌ sáá nééꞌ ni̱ꞌ jín rán, soo vitan, sáá íyó íká ni̱ꞌ nu̱u̱nꞌ rán, saꞌ víꞌí káꞌ naniꞌvɨꞌ iniꞌ rán kaka na̱a̱ꞌ rán nu̱u̱nꞌ Tu̱ꞌun Ndiosíꞌ, ya̱ ña̱tíñú re̱ꞌ sáva natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó. Jee naniꞌvɨꞌ iniꞌ rán saꞌá ñáꞌnú víꞌí rán nu̱u̱nꞌ re̱ꞌ, jee naniꞌvɨꞌ iniꞌ rán ya̱ koto stívɨ́ rán maárán.

2 Corintios 7:1

Jee ránoꞌó ñanitáꞌán ya̱ ñúnúunꞌ ni̱ꞌ, nni̱ꞌi̱nꞌ‑ó tu̱ꞌun yaꞌá ya̱ nchi̱sóyuꞌú Ndiosíꞌ saꞌá re̱ꞌ jín‑ó. Jee saáva íyó koo noo ninuꞌun‑ó ya̱ nkɨ́ꞌɨ‑ó nu̱u̱nꞌ nta̱ká ya̱ sátéꞌén yɨkɨkúñu‑ó jín ánímaꞌ‑ó nu̱u̱nꞌ Ndiosíꞌ. Jee íyó kujia iniꞌ‑ó sasɨ́ɨ́n‑ó maáó ya̱ nkɨ́ꞌɨ‑ó nu̱u̱nꞌ ya̱ níváꞌa, chi ñúyúꞌví iniꞌ‑ó Ndiosíꞌ.

Hebreos 12:28

Jee nu̱u̱nꞌ ni̱ꞌi̱nꞌ‑ó ɨɨn ñuunꞌ táji Ndiosíꞌ nu̱u̱nꞌ‑ó nu̱u̱nꞌ tátúníꞌ re̱ꞌ nu̱u̱nꞌ‑ó ya̱ ntu kúvi kajiaꞌ‑a chi ya̱ íyó kutú‑u, jee saáva íyó nakuatáꞌví‑ó re̱ꞌ, jee jie̱ꞌe̱ꞌ vá kɨtíñú‑ó nu̱u̱nꞌ re̱ꞌ kɨñúꞌún‑ó nu̱u̱nꞌ re̱ꞌ jín ya̱ kuꞌun yúꞌví iniꞌ‑ó re̱ꞌ sáni kúváꞌa iniꞌ re̱ꞌ néꞌyá re̱ꞌ maa.

Efesios 1:17

Jíkánꞌ ni̱ꞌ nu̱u̱nꞌ Ndiosíꞌ ya̱ kúvi re̱ꞌ Ndiosíꞌ nu̱u̱nꞌ I̱toꞌoꞌ‑ó Jesús ya̱ kúvi Cristo, jee kúvi re̱ꞌ Tátáꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ. Jíkánꞌ ni̱ꞌ nu̱u̱nꞌ re̱ꞌ sáva taji re̱ꞌ ya̱ ta̱nɨ̱ꞌ ka̱ꞌ xi̱ni̱ꞌ rán saꞌá Ta̱chi̱ꞌ Ííꞌ re̱ꞌ, jín ya̱ tɨɨn rán ya̱ naáꞌ ya̱ stúvi re̱ꞌ nu̱u̱nꞌ rán jie̱ꞌe̱ꞌ re̱ꞌ, sáva kuniꞌ rán ka̱ꞌ jie̱ꞌe̱ꞌ re̱ꞌ.

Gálatas 2:6

Rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ ráa Jesús. (Rá ñɨvɨ káchíꞌ ya̱ kúñáꞌnú rá te̱e vá, soo ntu̱náꞌ ítú iniꞌ ni̱ꞌ jie̱ꞌe̱ꞌ ya̱ kúñáꞌnú ráa áxí ntu̱ví. Ndiosíꞌ ntu sáꞌá kuéntáꞌ jie̱ꞌe̱ꞌ vá, chi ɨɨn ni kúvi ráa nu̱u̱nꞌ re̱ꞌ.) Soo rá te̱e kúñáꞌnú vá ntu nta̱túníꞌ ráa ya̱ sama ni̱ꞌ tu̱ꞌun stékútu̱ꞌún ni̱ꞌ.

Romanos 11:20

Va̱tu̱ni, chi jie̱ꞌe̱ꞌ ya̱ ntu nkúneí iniꞌ sava rá ñɨvɨ ñuunꞌ Israel vá Cristo jee nku̱ichi iniꞌ Ndiosíꞌ ráa nna̱neeꞌ re̱ꞌ ráa. Soo noꞌó, jie̱ꞌe̱ꞌ ya̱ kúneí iniꞌ nú Cristo íñɨ́ kutú nú nu̱u̱nꞌ re̱ꞌ. Saáva koto kútéyɨ́ɨ́ nú chisaꞌ kuyúꞌví iniꞌ nú.

Mateo 22:16

Jee nchu̱ichí ráa sava rá te̱e súkuáꞌa ráa rává jín sava rá te̱e íñɨ́ jín Herodes kua̱ꞌa̱nꞌ rává nu̱u̱nꞌ Jesús, jee nkachiꞌ rává nu̱u̱nꞌ re̱ꞌ: ―Mestrúꞌ, jíníꞌ ráníꞌ ya̱ ɨɨn te̱e na̱a̱ꞌ kúvi nú, jee na̱a̱ꞌ xínéꞌénꞌ nú rá ñɨvɨ ichi Ndiosíꞌ, chi ntu nániꞌvɨꞌ iniꞌ nú na̱ja jiáni iniꞌ ñɨvɨ, chi ntu sáꞌá nú kuéntáꞌ na̱ja íyó rá ñɨvɨ.

1 Pedro 2:11

Ránoꞌó ñanitáꞌán ya̱ ñúnúunꞌ ni̱ꞌ, náxiníꞌvɨ́ꞌ ni̱ꞌ iniꞌ rán ya̱ koo rán kuéntáꞌ kua̱ꞌ retánꞌ kúvi rán to̱ꞌo̱ꞌ inka ñuunꞌ ya̱ váji íká rán jee ntu jiáꞌnu rán kuéntáꞌ jiáꞌnu rá ñɨvɨ ñɨ̱vɨ́ yaꞌá, jee saáva chusává rán rá tiñu ya̱ níyo iniꞌ rán saꞌá rán ya̱ ntu yɨ́ꞌɨ́ xi̱ntíín Ndiosíꞌ chi súkúta̱ꞌán‑a jín ánímaꞌ rán.

Hebreos 4:1

Jee saáva, vitan íyó‑ó ka̱ꞌ jín tu̱ꞌun ya̱ nchi̱sóyuꞌú Ndiosíꞌ ya̱ ni̱ꞌi̱nꞌ‑ó ki̱vɨ‑ó naꞌá re̱ꞌ nu̱u̱nꞌ ni̱ꞌi̱nꞌ‑ó najia̱ví‑ó saꞌá re̱ꞌ. Jee íyó kuꞌun yúꞌví iniꞌ rán kumí rán maárán sáva nkóo ni ɨɨn rán ya̱ sanáaꞌ Ndiosíꞌ jie̱ꞌe̱ꞌ ñɨvɨ vá ya̱ nsáꞌ ni̱ꞌi̱nꞌ‑i ki̱vɨ‑ɨ nu̱u̱nꞌ najia̱ví‑i saꞌá re̱ꞌ.

Colosenses 3:25

Chi ñɨvɨ ya̱ sáꞌá tiñu niva̱ꞌa, suni sukuán ni̱ꞌi̱nꞌ‑i sánikua̱ꞌ tiñu niva̱ꞌa ya̱ nsa̱ꞌá‑a. Chi Ndiosíꞌ jee ntu tɨ́ɨn kuéntáꞌ re̱ꞌ na̱ ñɨvɨ kúvi ráa.

Efesios 6:9

Jee ránoꞌó ya̱ kúvi rán i̱toꞌoꞌ xí tiñu ya̱ náka rán musúꞌ, suni sukuán íyó saꞌá rán jín musúꞌ rán, chi koto va̱ꞌa rán ráa. Jee koto chúꞌun yúꞌví rán iniꞌ ráa, chi ya̱ jíníꞌ rán ya̱ maáréꞌ ya̱ kúvi I̱toꞌoꞌ nu̱u̱nꞌ rá musúꞌ jín suni nu̱u̱nꞌ ránoꞌó. Jee jíníꞌ rán ya̱ nééꞌ re̱ꞌ antivɨ́ súkún. Jee ntu̱ví sáꞌá re̱ꞌ kuéntáꞌ na̱ja sɨ́ɨ́n íyó ɨɨn ɨɨn ñɨvɨ, chi ɨɨn nuún ni kúvi ráa nu̱u̱nꞌ re̱ꞌ.

Efesios 3:14

Jee jie̱ꞌe̱ꞌ vá, jee nákuíñɨꞌ ítɨ́ ni̱ꞌ jíkánꞌ táꞌvíꞌ ni̱ꞌ nu̱u̱nꞌ Ndiosíꞌ ya̱ kúvi re̱ꞌ Tátáꞌ [I̱toꞌoꞌ‑ó Jesús ya̱ kúvi Cristo].

1 Pedro 3:15

Chisaꞌ ne̱ ánímaꞌ rán íyó chiñúꞌún rán Cristo jee íyó ku̱ꞌvayuꞌú rán ya̱ kúvi re̱ꞌ I̱toꞌoꞌ rán, jee sukuáni íyó satúꞌva rán maárán sáva naxiníkó váꞌa rán nu̱u̱nꞌ ntáká ñɨvɨ ya̱ jíkátu̱ꞌún‑u ránoꞌó jie̱ꞌe̱ꞌ ya̱ váꞌa ya̱ nétu rán íyó tu̱neí iniꞌ rán ya̱ saꞌá Cristo jín rán.

2 Corintios 5:6

Jee saáva, sukuáni ne̱ yuchí kúneí iniꞌ‑ó yaꞌá, jee jíníꞌ‑ó ya̱ ni íyó‑ó iniꞌ veꞌi‑ó yaꞌá, ya̱ kúvi yɨkɨkúñu‑ó, jee íyó íká‑ó nu̱u̱nꞌ kuneeꞌ‑ó kune̱ꞌyá jínúunꞌ máá maáó nu̱u̱nꞌ I̱toꞌoꞌ‑ó.

2 Corintios 1:2

Na̱ ka̱ꞌ koo ma̱ni̱ꞌ iniꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ kúvi Cristo kune̱ꞌyá ráa ránoꞌó jín ya̱ kuneeꞌ va̱ꞌa rán saꞌá ráa.

Génesis 47:9

Jee nna̱xiníkó Jacob nu̱u̱nꞌ Faraón: ―Ya íñɨ́ ni̱ꞌ sientúꞌ o̱ko̱ꞌ u̱ji̱ꞌ (130) kui̱ya̱ꞌ ya̱ kua̱ꞌa̱nꞌ va̱ji ni̱ꞌ yaꞌá yukuán ni. Yakuꞌ ni kui̱ya̱ꞌ tékúꞌ ni̱ꞌ jee ntu̱ví íyó va̱ꞌa. Jee ni ntiáꞌan kenta ni̱ꞌ kuiñɨ ni̱ꞌ rá kui̱ya̱ꞌ kua̱ꞌ ni̱ñɨ rá jííꞌ ni̱ꞌ yanaꞌán ni kua̱ꞌa̱nꞌ va̱ji ráa.

2 Corintios 7:11

Chi tu̱nkuéká ni̱yo iniꞌ rán sáni kuíni Ndiosíꞌ, jee tɨɨn kuéntáꞌ ránú ná kúvi ya̱ nsa̱ꞌá‑a iniꞌ ánímaꞌ rán: ¡Na̱ ka̱ꞌ ntɨɨn ñáꞌnú rán tiñu yaꞌá! ¡Na̱ ka̱ꞌ nnakui̱ñɨ̱ꞌ rán jín ránuꞌuꞌ! ¡Na̱ ka̱ꞌ nki̱tɨ̱ꞌ iniꞌ maárán jie̱ꞌe̱ꞌ ya̱ nsa̱ꞌá rán! ¡Na̱ ka̱ꞌ nñu̱yúꞌví iniꞌ rán Ndiosíꞌ! ¡Na̱ ka̱ꞌ nñu̱ꞌun káñá iniꞌ rán kune̱ꞌyá tuku rán ránuꞌuꞌ! ¡Na̱ ka̱ꞌ nániꞌvɨꞌ iniꞌ rán jie̱ꞌe̱ꞌ ránuꞌuꞌ! ¡Na̱ ka̱ꞌ viiꞌ nsa̱náaꞌ rán si̱kɨ̱ꞌ ñɨvɨ vá ya̱ nsa̱ꞌá‑a kua̱chi yaꞌá! Jee ntáká nu̱u̱nꞌ nstúvi rán ya̱ íyó noo ninuꞌun rán jie̱ꞌe̱ꞌ tiñu níváꞌa yaꞌá.

Mateo 16:27

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kiji tuku ni̱ꞌ iniꞌ ñɨ̱vɨ́ yaꞌá, jee viiꞌ víꞌí kuñáꞌnú ni̱ꞌ jín tiñu níso ni̱ꞌ kuéntáꞌ kua̱ꞌ kúñáꞌnú maá Tátáꞌ ni̱ꞌ Ndiosíꞌ, jee kiji ni̱ꞌ jín rá najiáꞌáꞌ ííꞌ ni̱ꞌ. Saájee nachunáán ni̱ꞌ nu̱u̱nꞌ ta ɨɨn rá ñɨvɨ sánikua̱ꞌ na̱ja íyó tiñu nsa̱ꞌá ráa.