1 Pedro 1:15 - Mixteco del suroeste de Tlaxiaco Oaxaca

¹⁵ Chisaꞌ sánikua̱ꞌ íyó sɨ́ɨ́n Ndiosíꞌ ntu yɨ́ꞌɨ́ re̱ꞌ nu̱u̱nꞌ ya̱ niváꞌa, jee suni sukuán koo sɨ́ɨ́n rán nkɨ́ꞌɨ rán nu̱u̱nꞌ ya̱ niváꞌa nu̱u̱nꞌ ntáká tiñu jiáꞌnu rán kɨtíñú rán nu̱u̱nꞌ Ndiosíꞌ ya̱ nkana re̱ꞌ ránoꞌó.

1 Pedro 1:15 Referans Kwoze

Mateo 5:48

Saáva na̱a̱ꞌ kueꞌnu ránú kɨtíñú noo rán nu̱u̱nꞌ Ndiosíꞌ kuéntáꞌ kua̱ꞌ máá na̱a̱ꞌ kúvi Tátáꞌ ránú Ndiosíꞌ ya̱ nééꞌ antivɨ́ súkún.

2 Corintios 7:1

Jee ránoꞌó ñanitáꞌán ya̱ ñúnúunꞌ ni̱ꞌ, nni̱ꞌi̱nꞌ‑ó tu̱ꞌun yaꞌá ya̱ nchi̱sóyuꞌú Ndiosíꞌ saꞌá re̱ꞌ jín‑ó. Jee saáva íyó koo noo ninuꞌun‑ó ya̱ nkɨ́ꞌɨ‑ó nu̱u̱nꞌ nta̱ká ya̱ sátéꞌén yɨkɨkúñu‑ó jín ánímaꞌ‑ó nu̱u̱nꞌ Ndiosíꞌ. Jee íyó kujia iniꞌ‑ó sasɨ́ɨ́n‑ó maáó ya̱ nkɨ́ꞌɨ‑ó nu̱u̱nꞌ ya̱ níváꞌa, chi ñúyúꞌví iniꞌ‑ó Ndiosíꞌ.

Hebreos 12:14

Naniꞌvɨꞌ iniꞌ rán nukú rán kuneeꞌ ñunkúún rán jín ntáká ñɨvɨ jín ya̱ kusɨ́ɨ́n rán nu̱u̱nꞌ kua̱chi jee kɨtíñú rán nu̱u̱nꞌ Ndiosíꞌ. Chi retú ntu yɨ́tíñú ɨɨn ñɨvɨ nu̱u̱nꞌ Ndiosíꞌ, ni nsáꞌ kuniꞌ‑i nu̱u̱nꞌ I̱toꞌoꞌ‑ó.

Santiago 3:13

¿Né ɨɨn ñɨvɨ vá níchí nteñu rán, jín ya̱ jiáku̱ꞌun víꞌí iniꞌ‑i? Íyó stúvi ñɨvɨ vá maa jie̱ꞌe̱ꞌ ya̱ jíka va̱ꞌa‑a jín rá tiñu váꞌa sáꞌá‑a ya̱ va̱ji ne̱ nu̱u̱nꞌ másúꞌ iniꞌ‑i jie̱ꞌe̱ꞌ ya̱ níchí‑i nu̱u̱nꞌ Ndiosíꞌ.

1 Juan 3:3

Jee nta̱ká ñɨvɨ ya̱ íyó túꞌun neí iniꞌ ráa ya̱ saꞌá re̱ꞌ yaꞌá, jee násaꞌá ninuꞌun ráa maáráa, kuéntáꞌ íyó ninuꞌun maáréꞌ.

1 Pedro 2:12

Jee kueꞌnu va̱ꞌa rán nteñu rá ñɨvɨ ya̱ ntu jíníꞌ ráa Tu̱ꞌun Ndiosíꞌ, sáva súka̱ꞌ káꞌánꞌ rá ñɨvɨ si̱kɨ̱ꞌ rán kuéntáꞌ kua̱ꞌ sáꞌá rán tiñu níváꞌa, soo kuniꞌ rá ñɨvɨ vá rá tiñu váꞌa sáꞌá rán, jee nakuetúꞌún ráa Ndiosíꞌ ki̱vɨ̱ꞌ niji tuku Cristo sanáaꞌ re̱ꞌ sáni ya̱ nááꞌ.

Filipenses 1:27

Ñáꞌnú ka̱ꞌ ví ya̱ kueꞌnu na̱a̱ꞌ rán nu̱u̱nꞌ Ndiosíꞌ na̱kua̱ꞌ íyó kueꞌnu rá ñɨvɨ ya̱ tɨɨn tu̱ꞌun va̱ꞌa Cristo. Jee suꞌva, vasúꞌ kua̱jiaaꞌ kune̱ꞌyá ni̱ꞌ ránoꞌó, áxí vasúꞌ koo íká ni̱ꞌ nu̱u̱nꞌ rán, jee teso̱ꞌo ni̱ꞌ, ya̱ nuún íñɨ́ ni̱ꞌin rán jín tu̱ꞌun va̱ꞌa vá, jín ya̱ nuún ñúꞌún iniꞌ rán, jín ya̱ nuún nunasɨ́ tútú ni̱ꞌin rán sátíñú rán nu̱u̱nꞌ tu̱ꞌun va̱ꞌa Jesús ya̱ kúneí iniꞌ rán.

1 Pedro 2:9

Soo ránoꞌó chi kúvi rán rá ñɨvɨ nka̱ji Ndiosíꞌ, jee suni kúvi rán su̱tu̱ꞌ ya̱ yɨ́tíñú rán nu̱u̱nꞌ re̱ꞌ ya̱ maáréꞌ vá tátúníꞌ re̱ꞌ, jee kúvi rán ñɨvɨ íyó sɨ́ɨ́n yɨ́tíñú rán nu̱u̱nꞌ re̱ꞌ, jee kúvi rán ñɨvɨ maáréꞌ. Sukuán nka̱ji re̱ꞌ ránoꞌó sáva kachitu̱ꞌún rán jie̱ꞌe̱ꞌ rá tiñu máá ñáꞌnú máá viiꞌ nasɨ́kuitɨꞌ a̱nasɨ́ sáꞌá re̱ꞌ, ya̱ maáréꞌ ví ya̱ nkana re̱ꞌ ránoꞌó sáva ntavaꞌ re̱ꞌ ránoꞌó nkene rán nu̱u̱nꞌ ñu̱neenꞌ ñaꞌnu rán, jee nsi̱kívɨ re̱ꞌ ránoꞌó nu̱u̱nꞌ túúnꞌ ñuꞌunꞌ viiꞌ nasɨ́kuitɨꞌ re̱ꞌ iniꞌ ánímaꞌ rán.

Hebreos 13:5

Koto jiáꞌnu rán ñujiínꞌ kunu̱u̱nꞌ rán xu̱ꞌún, soo kuva̱ꞌa iniꞌ rán jín ya̱ kúmí rán, chi káchíꞌ Ndiosíꞌ: Ni nsáꞌ xinóo ni̱ꞌ noꞌó. Jee ni nsáꞌ keꞌen ni̱ꞌ xinóo maáníꞌ noꞌó.

Tito 3:14

Jee rá ñanitáꞌán‑ó íyó kutu̱ꞌva ráa kɨtíñú ráa saꞌá ráa tiñu váꞌa, sáva kɨtuvi ráa jín rá ñɨvɨ jíniñúꞌún ya̱ kutekuꞌ rává, jee sáva nkuéꞌnu ka̱ꞌá ráa.

Apoclipsis 3:7

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, jee suviráa ví ya̱ nééꞌ ráa nu̱u̱nꞌ ñuunꞌ Filadelfia: “Nuꞌuꞌ vá i̱i̱ꞌ ni̱ꞌ jín nuꞌuꞌ vá na̱a̱ꞌ ni̱ꞌ. Ínaꞌá ni̱ꞌ nakáa David, ya̱ nísotíñú ni̱ꞌ kuéntáꞌ kua̱ꞌ nta̱túníꞌ re̱ꞌ nu̱u̱nꞌ nación Israel yanaꞌán. Saáva nuꞌuꞌ ví ya̱ jíne ni̱ꞌ nu̱u̱nꞌ ki̱vɨ rá ñɨvɨ nu̱u̱nꞌ tátúníꞌ ni̱ꞌ, jee ni ɨɨn ntu kuvi nakasɨꞌ maa. Jee nuꞌuꞌ nakasɨꞌ maa, jee ni ɨɨn ntu kúvi nakune maa. Suꞌva káchíꞌ nuꞌuꞌ:

2 Timoteo 1:9

Chi Ndiosíꞌ nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó, jee nkana re̱ꞌ yó sáva sasɨ́ɨ́n re̱ꞌ yó ya̱ kuvi‑ó ñɨvɨ re̱ꞌ ya̱ kɨtíñú‑ó nu̱u̱nꞌ re̱ꞌ. Nsáꞌá re̱ꞌ suꞌva jín yó nsú jie̱ꞌe̱ꞌ ya̱ váꞌa nsa̱ꞌá‑ó. Soo nsi̱káku re̱ꞌ yó, chi saá nkuini re̱ꞌ, chi suni íyó mániꞌ iniꞌ re̱ꞌ néꞌyá re̱ꞌ yó, ya̱ ntu íyó ni̱ꞌi̱nꞌ‑ó maa. Jee ne̱ sáá ntiáꞌan kijiéꞌé kiko̱o ñɨ̱vɨ́ íyó mániꞌ iniꞌ re̱ꞌ néꞌyá re̱ꞌ yó ya̱ yɨ́ꞌɨ́‑ó nu̱u̱nꞌ Cristo Jesús.

1 Timoteo 4:12

Kumí nú maánú, Timoteo, sáva nkújiááꞌ iniꞌ ni ɨɨn ñɨvɨ noꞌó, jie̱ꞌe̱ꞌ te̱e súchí ka̱ꞌ kúvi nú. Soo kaꞌanꞌ va̱ꞌa, kaka na̱a̱ꞌ, kunu̱u̱nꞌ nú ñɨvɨ jín Ndiosíꞌ, jee kuneí iniꞌ nú Cristo, jee ninuꞌun koo nú. Jee suꞌva suvinú kuvi ɨɨn ichi nu̱u̱nꞌ rá ñɨvɨ ínúꞌ iniꞌ ráa Cristo, ya̱ kunikɨnꞌ ráa ichi yaꞌá.

Filipenses 3:20

Soo maáó kúvi se̱ꞌya ñuunꞌ íyó súkún. Jee suni nétu‑ó, ya̱ ne̱ yukuán niji I̱toꞌoꞌ‑ó Jesús ya̱ kúvi Cristo, ya̱ síkáku re̱ꞌ yó.

Filipenses 3:14

Jee xíníꞌin ni̱ꞌ kɨ̱ꞌɨ̱nꞌ ni̱ꞌ ichinúúnꞌ kuéntáꞌ jínu ni̱ꞌ ɨɨn carrera, sáva kenta ni̱ꞌ nu̱u̱nꞌ nɨ́ꞌɨ, sáva kuneí ni̱ꞌ ni̱ꞌi̱nꞌ ni̱ꞌ ta̱ꞌvi̱ꞌ ya̱ ne̱ súkún nkana Ndiosíꞌ yó sáva ni̱ꞌi̱nꞌ‑ó vá jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo Jesús.

Apoclipsis 6:10

Jee ni̱ꞌin káꞌánꞌ ráa kákua̱chi ráa jee nkachiꞌ ráa: ―I̱toꞌoꞌ ráníꞌ, nóꞌo kúvi Ndiosíꞌ ííꞌ Ndiosíꞌ na̱a̱ꞌ. ¿Na̱sa ka̱ꞌ tiempúꞌ kukuéé nú, jee saꞌá náaꞌ nú nu̱u̱nꞌ rá ñɨvɨ ñɨ̱vɨ́ ya̱ ñaꞌniꞌ ráa ránuꞌuꞌ, jee nachunáán nú nu̱u̱nꞌ ráa? ―nkachiꞌ ráa.

1 Pedro 5:10

Jee máá Ndiosíꞌ ya̱ nta̱ká íchí íyó mániꞌ nasɨ́kuitɨꞌ iniꞌ re̱ꞌ néꞌyá re̱ꞌ yó, ya̱ maáréꞌ nkana re̱ꞌ yó sáva viiꞌ kuñáꞌnú‑ó jín Cristo nɨ́ɨ́nkání jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo. Sáá jiáꞌa ya̱ kunoꞌo rán yakuꞌ ni̱ꞌ tiempúꞌ, soo máá Ndiosíꞌ saꞌá ya̱ kujia na̱a̱ꞌ va̱ꞌa iniꞌ rán nu̱u̱nꞌ tu̱ꞌun re̱ꞌ, jín ya̱ kuiñɨ ni̱ꞌin rán, jín ya̱ nachuneí re̱ꞌ iniꞌ ránoꞌó, jín ya̱ kukutú rán nu̱u̱nꞌ tu̱ꞌun re̱ꞌ.

1 Pedro 3:16

Soo másúꞌ koo iniꞌ rán naxiníkó rán nu̱u̱nꞌ ráa, jee kaꞌanꞌ yɨ́ñúꞌún rán jín ráa, jee kueꞌnu na̱a̱ꞌ rán ya̱ jíníꞌ rán ya̱ ntu íyó si̱kɨ̱ꞌ rán, sáva sáá káꞌánꞌ niva̱ꞌa ráa si̱kɨ̱ꞌ rán kukanuun ráa jie̱ꞌe̱ꞌ tu̱ꞌun niváꞌa ya̱ káꞌánꞌ ráa jie̱ꞌe̱ꞌ va̱ꞌa jiáꞌnu rán jie̱ꞌe̱ꞌ yɨ́ꞌɨ́ rán nu̱u̱nꞌ Cristo.

Tito 3:8

Tu̱ꞌun yaꞌá ví máá na̱a̱ꞌ nijia. Jee kuíni ni̱ꞌ, ya̱ íchí sanáaꞌ ni̱ꞌin nú rá tu̱ꞌun yaꞌá nu̱u̱nꞌ rá ñɨvɨ kúneí iniꞌ ráa Ndiosíꞌ, sáva kɨtíñú ráa saꞌá ráa rá tiñu váꞌa. Jee ya̱ váꞌa víꞌí ví rá tu̱ꞌun yaꞌá, jee íyótiñu‑u nu̱u̱nꞌ rá ñɨvɨ.

1 Tesalonicenses 2:12

jee tétíñú ránꞌ ránoꞌó ya̱ kaka na̱a̱ꞌ rán sáni íyó kaka rá ñɨvɨ Ndiosíꞌ. Maáréꞌ nkana ránoꞌó kɨꞌɨ rán naꞌá re̱ꞌ nu̱u̱nꞌ tátúníꞌ re̱ꞌ nu̱u̱nꞌ ñɨvɨ, jín nu̱u̱nꞌ viiꞌ kuñáꞌnú rán jín re̱ꞌ.

Apoclipsis 4:8

Jee ni kúmíꞌ rá tékúꞌ vá, íyó i̱ñu̱ꞌ chi̱yo̱ꞌ ta ɨɨn ɨɨn ráa. Jee kua̱íyó rá ya̱ta̱ꞌ chi̱yo̱ꞌ ráa vá, jín chi̱ji chi̱yo̱ꞌ ráa nchi̱tú nchinúún ráa. Jee nuví niñuꞌ ntu jiákui̱ñɨ̱ꞌ ráa ya̱ káchíꞌ ráa: ¡Na̱ ka̱ꞌ vá i̱i̱ꞌ, i̱i̱ꞌ kúvi I̱toꞌoꞌ‑ó Ndiosíꞌ, i̱i̱ꞌ kúvi re̱ꞌ! Maáréꞌ níso fesáꞌ ííꞌ nasɨ́kuitɨꞌ, chi kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó. Maáréꞌ vá íyó nɨ́ɨ́nkání tiempúꞌ va̱ji ya̱ta̱ꞌ, maáréꞌ vá íyó vitan, jee suni maáréꞌ ví ya̱ koo nɨ́ɨ́nkání.

Romanos 9:24

Jee maáórán suni nkana re̱ꞌ yó kɨꞌɨ‑ó nu̱u̱nꞌ re̱ꞌ, jee nsú kua̱chi nteñu rá ñɨvɨ Israel nkana re̱ꞌ ñɨvɨ chi suni rá ñɨvɨ ya̱ ntu kúvi Israel.