1 Pedro 1:13 - Mixteco del suroeste de Tlaxiaco Oaxaca

¹³ Saáva saꞌá túꞌva rán antúníꞌ maárán nu̱u̱nꞌ tiñu sáꞌá rán nu̱u̱nꞌ Ndiosíꞌ, kani kájí iniꞌ rán, íchí kuneenu̱u̱nꞌ noo rán koo kutú tu̱neí iniꞌ rán kunetu rán ya̱ ni̱ꞌi̱nꞌ rán ya̱ váꞌa ya̱ máníꞌ iniꞌ Ndiosíꞌ sikútaꞌviꞌ re̱ꞌ ránoꞌó ki̱vɨ̱ꞌ nenta nijinꞌ tuku Jesús ya̱ kúvi Cristo.

1 Pedro 1:13 Referans Kwoze

1 Pedro 5:8

Jee kuꞌun ñáꞌnú iniꞌ rán nito koo rán, chi kui̱ꞌna̱ꞌ kúñáꞌnú ya̱ túfíꞌ ta̱ꞌán re̱ꞌ jín ránoꞌó, jíkanuun re̱ꞌ kuéntáꞌ ɨɨn nikaꞌa ya̱ ne̱ nɨ́ꞌɨn sáxéenꞌ ti̱ꞌ núkú ti̱ꞌ kajiꞌ ti̱ꞌ chi núkú re̱ꞌ ɨɨn ñɨvɨ sáva xináánꞌ re̱ꞌ maa.

Lucas 12:35

Jee suni nkachiꞌ re̱ꞌ: ―Íyó koo nito rán maárán satúꞌva rán maárán kuéntáꞌ kua̱ꞌ ɨɨn musúꞌ satúꞌva re̱ꞌ maáréꞌ ki̱vɨ̱ꞌ nikó tuku I̱toꞌoꞌ re̱ꞌ nenta‑a, ya̱ kuꞌun stákoo re̱ꞌ saꞌma re̱ꞌ jín ya̱ kutuunꞌ tu̱ꞌva ñuꞌunꞌ re̱ꞌ kunetu re̱ꞌ maa.

1 Pedro 4:7

Soo ya̱ va̱kuyatin ya̱ nɨꞌɨ ntáká rá íyó, saáva nito koo rán kuꞌun kájí iniꞌ rán sáva kuvi kaꞌanꞌ rán jín Ndiosíꞌ.

1 Pedro 3:15

Chisaꞌ ne̱ ánímaꞌ rán íyó chiñúꞌún rán Cristo jee íyó ku̱ꞌvayuꞌú rán ya̱ kúvi re̱ꞌ I̱toꞌoꞌ rán, jee sukuáni íyó satúꞌva rán maárán sáva naxiníkó váꞌa rán nu̱u̱nꞌ ntáká ñɨvɨ ya̱ jíkátu̱ꞌún‑u ránoꞌó jie̱ꞌe̱ꞌ ya̱ váꞌa ya̱ nétu rán íyó tu̱neí iniꞌ rán ya̱ saꞌá Cristo jín rán.

Hebreos 9:28

Jee suni sukuán Cristo ɨɨn ni íchí nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ sáva nsiíyo re̱ꞌ kua̱chi rá ñɨvɨ kue̱ꞌe̱ꞌ. Jee niji tuku re̱ꞌ ya̱ uvíꞌ íchí, soo nsú káꞌ sáva so̱ko̱ꞌ tuku re̱ꞌ maáréꞌ jie̱ꞌe̱ꞌ kua̱chi, chisaꞌ kiji re̱ꞌ sáva xinánitáꞌvíꞌ re̱ꞌ rá ñɨvɨ ya̱ nétu kuvi iniꞌ ráa re̱ꞌ.

1 Juan 3:3

Jee nta̱ká ñɨvɨ ya̱ íyó túꞌun neí iniꞌ ráa ya̱ saꞌá re̱ꞌ yaꞌá, jee násaꞌá ninuꞌun ráa maáráa, kuéntáꞌ íyó ninuꞌun maáréꞌ.

2 Timoteo 4:8

Jee vitan rá ñúꞌún va̱ꞌa ta̱ꞌvi̱ꞌ ni̱ꞌ, ya̱ taji I̱toꞌoꞌ‑ó nu̱u̱nꞌ ni̱ꞌ jie̱ꞌe̱ꞌ jiáꞌnu na̱a̱ꞌ ni̱ꞌ nu̱u̱nꞌ re̱ꞌ. Jee taji re̱ꞌ maa nu̱u̱nꞌ ni̱ꞌ ki̱vɨ̱ꞌ nenta tuku re̱ꞌ keꞌneꞌ re̱ꞌ rá kua̱chi, chi na̱a̱ꞌ jiéꞌnéꞌ re̱ꞌ kua̱chi. Jee nsú kua̱chi nu̱u̱nꞌ maáníꞌ taji re̱ꞌ ta̱ꞌvi̱ꞌ vá, chi suni ku̱ꞌva re̱ꞌ ta̱ꞌvi̱ꞌ vá nu̱u̱nꞌ nta̱ká ñɨvɨ ya̱ ñúnúunꞌ ráa ya̱ niji re̱ꞌ.

Efesios 6:14

Jee saáva kuiñɨ ni̱ꞌin rán satúꞌva rán maárán kukutú rán jín tu̱ꞌun na̱a̱ꞌ Ndiosíꞌ, jee yukuán kúvi kuéntáꞌ núꞌníꞌ kutú va̱ꞌa chi̱ji rán. Jee ñúꞌún kutú iniꞌ ánímaꞌ rán ya̱ kínóo na̱a̱ꞌ rán nu̱u̱nꞌ Ndiosíꞌ. Sukuán sikútú rán maárán kuéntáꞌ nákúꞌun ɨɨn soldado saꞌma ka̱a‑a sáva náma‑a maáa sáá kɨ̱kantáꞌán‑a.

1 Corintios 1:7

jee suꞌva ntu̱náꞌ kúmániꞌ ni ɨɨn ta̱ꞌvi̱ꞌ táji Ndiosíꞌ ni nétu kuvi‑ó ya̱ niji nijinꞌ I̱toꞌoꞌ‑ó Jesús ya̱ kúvi Cristo.

Lucas 17:30

Jee sukuán kuvi ki̱vɨ̱ꞌ ya̱ niji nuꞌuꞌ nu̱u̱nꞌ ñɨ̱vɨ́ yaꞌá, nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee stúvi ni̱ꞌ maáníꞌ nu̱u̱nꞌ nɨꞌɨ ñɨvɨ ñɨ̱vɨ́.

Hebreos 10:35

Jee saáva koto xínóo rán ya̱ ne̱ yuchí kúkáꞌnú iniꞌ rán Jesús, chi jie̱ꞌe̱ꞌ kúneí iniꞌ rán Jesús jee ni̱ꞌi̱nꞌ rán ta̱ꞌvi̱ꞌ máá ñáꞌnú nasɨ́kuitɨꞌ ka̱ꞌ.

Hebreos 6:19

Jee jie̱ꞌe̱ꞌ ya̱ íyó tu̱neí iniꞌ‑ó ya̱ sikúnkuvi re̱ꞌ vá, sáꞌá‑a ya̱ íyó kutú ánímaꞌ‑ó xi̱ntíín re̱ꞌ, kuéntáꞌ kua̱ꞌ kínóo kutú barkúꞌ sáꞌá ganchúꞌ véi, ya̱ naní ancla, ya̱ chíꞌi chi̱ji nute. Chi íyó tu̱neí iniꞌ‑ó ki̱vɨ‑ó nu̱u̱nꞌ nééꞌ Ndiosíꞌ, kuéntáꞌ nki̱vɨ su̱tu̱ꞌ kúñáꞌnú ya̱ta̱ꞌ saꞌma ya̱ nni̱ntakaa iniꞌ veñu̱ꞌun káꞌnú ííꞌ nu̱u̱nꞌ ni̱yo xika Ndiosíꞌ.

Hebreos 3:6

Soo Cristo, kúvi re̱ꞌ Se̱ꞌya Ndiosíꞌ, jee síkúnkuvi na̱a̱ꞌ re̱ꞌ ntáká tiñu ya̱ yósóꞌ re̱ꞌ nu̱u̱nꞌ rá ñɨvɨ veꞌi Ndiosíꞌ, ya̱ suvi kúvi maáórán, retú íñɨ́ ni̱ꞌin‑ó níkɨ́nꞌ kutú‑ó kúneí iniꞌ‑ó re̱ꞌ ne̱ kenta nu̱u̱nꞌ nɨ́ꞌɨ tékúꞌ‑ó, jín ya̱ kúsɨ́ɨꞌ víꞌí iniꞌ‑ó jie̱ꞌe̱ꞌ ya̱ íyó tu̱neí iniꞌ‑ó ya̱ kuneeꞌ‑ó jín Ndiosíꞌ.

2 Timoteo 4:5

Soo noꞌó, kuꞌun kájí iniꞌ nú nu̱u̱nꞌ nta̱ká tiñu, keꞌneꞌ iniꞌ nú tu̱nóꞌó, saꞌá nú tiñu ya̱ kachitu̱ꞌún nú tu̱ꞌun váꞌa jie̱ꞌe̱ꞌ Cristo, jee sikúnkuvi va̱ꞌa nú tiñu sáꞌá nú nu̱u̱nꞌ Ndiosíꞌ.

1 Corintios 13:13

Jee saáva íyó u̱ni̱ꞌ tu̱ꞌun ya̱ kínóo kutú‑u jín‑ó nɨ́ɨ́nkání: ya̱ kúneí nijia iniꞌ‑ó Ndiosíꞌ, jín íyó tu̱neí iniꞌ‑ó ya̱ síkúnkuvi Ndiosíꞌ ya̱ nchi̱sóyuꞌú re̱ꞌ, jín ya̱ kunu̱u̱nꞌ‑ó táꞌán‑ó. Soo ya̱ ñáꞌnú ka̱ꞌ nu̱u̱nꞌ ni núníꞌ rá yaꞌá ví ya̱ kunu̱u̱nꞌ‑ó rá ñanitáꞌán‑ó.

Romanos 13:13

Jee kueꞌnu na̱a̱ꞌ‑ó kuéntáꞌ kaka‑ó nuví jee nsú kuéntáꞌ nu̱u̱nꞌ neenꞌ. Jee koto sáꞌá‑ó rá viko néꞌí, jín ya̱ koto jíꞌi‑ó ku̱ni‑ó, jín ya̱ koto kúsíkɨ́ iniꞌ‑ó tiñu téní, jín ya̱ koto sáꞌá néꞌí‑ó, jín ya̱ koto kántáꞌán‑ó, jín ya̱ koto kóo u̱ꞌvi̱ꞌ iniꞌ‑ó.

2 Tesalonicenses 1:7

Jee suni ránoꞌó, ya̱ nóꞌo rán, íyó na̱a̱ꞌ ya̱ sáꞌá re̱ꞌ ya̱ najia̱ví rán jín ránuꞌuꞌ nu̱u̱nꞌ ya̱ nkúnoꞌo‑ó ka̱ꞌ, sáá kene I̱toꞌoꞌ‑ó Jesús súkún nu̱u̱nꞌ nééꞌ Ndiosíꞌ. Jee kenta nijinꞌ re̱ꞌ yaꞌá jín rá najiáꞌáꞌ ííꞌ re̱ꞌ, ya̱ níso ráa fesáꞌ ííꞌ re̱ꞌ.

Lucas 17:8

¡Ntu̱ví kuitɨꞌ! Chisaꞌ, ¿á nsáꞌ kachiꞌ nú nu̱u̱nꞌ‑u: “Saꞌá stákoo ya̱ kuxíní ni̱ꞌ, jee nasatúꞌva nú maánú sáva chisó nú ya̱ kajiꞌ ni̱ꞌ ne̱kua̱ꞌ ré nkuvi nyajiꞌ ni̱ꞌ niꞌi ni̱ꞌ, saájee kuíre kajiꞌ nú koꞌo nú”, káchíꞌ nú rúja?

Romanos 8:19

Chi ntáká ya̱ nsa̱ꞌá Ndiosíꞌ nétu numíjiꞌíꞌ ráa ya̱ nasaꞌá Ndiosíꞌ yó ya̱ kájíkuitɨꞌ tu̱vi‑ó sukuán ya̱ kúvi nijia‑ó se̱ꞌya re̱ꞌ.

Colosenses 3:4

Jee ki̱vɨ̱ꞌ niji nijinꞌ Cristo, ya̱ xtékúꞌ re̱ꞌ yó jín re̱ꞌ nɨ́ɨ́nkání, saájee suni kiji nijinꞌ rán jín re̱ꞌ, jee viiꞌ kúñáꞌnú rán jín re̱ꞌ ranika̱ꞌ, nu̱u̱nꞌ tu̱u̱nꞌ maáréꞌ.

1 Pedro 1:10

Rá te̱e ya̱ nna̱kani ráa tu̱ꞌun vá ya̱ nkene yuꞌú Ndiosíꞌ jie̱ꞌe̱ꞌ na̱ja natavaꞌ Ndiosíꞌ yó nu̱u̱nꞌ kua̱chi‑ó sikáku re̱ꞌ yó, jee nna̱nukú tu̱ꞌun ñunkúún váꞌa ráa jie̱ꞌe̱ꞌ tu̱ꞌun nákani ráa ya̱ sikútaꞌviꞌ re̱ꞌ ta̱ꞌvi̱ꞌ vá nu̱u̱nꞌ‑ó jie̱ꞌe̱ꞌ íyó mániꞌ iniꞌ re̱ꞌ néꞌyá re̱ꞌ yó vitan.

1 Pedro 5:12

Ñani‑ó Silvano, ya̱ jíníꞌ ni̱ꞌ ya̱ síkúnkuvi va̱ꞌa re̱ꞌ nɨꞌɨ, jee nchi̱neí re̱ꞌ nuꞌuꞌ tée ni̱ꞌ yakuꞌ ni tu̱ꞌun yaꞌá kua̱jiaaꞌ nu̱u̱nꞌ rán, sáva nasáneí ni̱ꞌ iniꞌ ránoꞌó jee sáva ku̱ꞌva ni̱ꞌ ya̱ nááꞌ ya̱ tu̱ꞌun ntee ni̱ꞌ nu̱u̱nꞌ tutuꞌ yaꞌá káꞌánꞌ jie̱ꞌe̱ꞌ ya̱ váꞌa ya̱ nááꞌ nijia sikútaꞌviꞌ Ndiosíꞌ yó ya̱ íyó mániꞌ iniꞌ re̱ꞌ néꞌyá re̱ꞌ yó. Kuiñɨ kutú rán jín‑i.

Mateo 20:4

Jee nkachiꞌ re̱ꞌ nu̱u̱nꞌ ráa: “Suni kuáꞌán rán ranika̱ꞌ satíñú rán nu̱u̱nꞌ káá tataꞌ uva ni̱ꞌ, jee chunáán ni̱ꞌ nu̱u̱nꞌ ránoꞌó ne̱ ni ɨɨn ya̱ꞌvi ya̱ na̱a̱ꞌ kúvi”, nkachiꞌ re̱ꞌ, jee kua̱ꞌa̱nꞌ ráa.