1 Juan 3:23 - Mixteco del suroeste de Tlaxiaco Oaxaca

²³ Jee yaꞌá kúvi tiñu ya̱ tátúníꞌ re̱ꞌ: ya̱ kuneí iniꞌ‑ó Se̱ꞌya re̱ꞌ Jesucristo, jín ya̱ kunu̱u̱nꞌ‑ó ɨɨn inka táꞌán‑ó, sánikua̱ꞌ nta̱túníꞌ re̱ꞌ nu̱u̱nꞌ‑ó.

1 Juan 3:23 Referans Kwoze

Juan 13:34

’Jee vitan jee taji ni̱ꞌ ɨɨn tu̱ꞌun jiáá ya̱ tátúníꞌ ni̱ꞌ nu̱u̱nꞌ rán, ya̱ kunu̱u̱nꞌ rán ɨɨn inka rá táꞌán rán. Kuéntáꞌ ñúnúunꞌ ni̱ꞌ ránoꞌó, jee suni sukuán kunu̱u̱nꞌ rán ɨɨn inka táꞌán rán.

1 Pedro 1:22

Soo vitan jee ya̱ nna̱saꞌá ninuꞌun re̱ꞌ iniꞌ ánímaꞌ rán, jie̱ꞌe̱ꞌ ya̱ [nsa̱ꞌá Ta̱chi̱ꞌ Ííꞌ re̱ꞌ] ya̱ nka̱níjiá rán tu̱ꞌun na̱a̱ꞌ re̱ꞌ, sáva kunu̱u̱nꞌ nijia rán rá ñanitáꞌán rán, saáva ne̱ ninuꞌun ánímaꞌ rán kunu̱u̱nꞌ ntántúníꞌ víꞌí rán ɨɨn inka táꞌán rán.

Juan 15:12

Jee yaꞌá kúvi máá tu̱ꞌun ya̱ tátúníꞌ ni̱ꞌ nu̱u̱nꞌ rán ya̱: Kunu̱u̱nꞌ rán inka rá táꞌán rán, kuéntáꞌ ñúnúunꞌ ni̱ꞌ ránoꞌó.

Juan 6:29

Jee nna̱xiníkó Jesús nu̱u̱nꞌ ráa, jee nkachiꞌ re̱ꞌ: ―Tiñu Ndiosíꞌ ví ya̱ kuneí iniꞌ rán nuꞌuꞌ, ya̱ nchu̱ichí re̱ꞌ va̱ji ni̱ꞌ ―nkachiꞌ Jesús.

1 Pedro 4:8

Jee ya̱ ñáꞌnú ka̱ꞌ nu̱u̱nꞌ nɨꞌɨ vá kukáñá iniꞌ rán kunu̱u̱nꞌ rán ɨɨn inka táꞌán rán, chi retú ñúnúunꞌ táꞌán‑ó, jee jiásɨ́ꞌ‑ó nu̱u̱nꞌ kue̱ꞌe̱ꞌ rá kua̱chi sáꞌá‑ó jie̱ꞌe̱ꞌ ya̱ nékáꞌnú iniꞌ‑ó ɨɨn inka táꞌán‑ó.

1 Juan 3:11

Chi yaꞌá kúvi tu̱ꞌun ya̱ nteso̱ꞌo rán ne̱ nka̱jiéꞌé nku̱neí iniꞌ rán Jesús ne̱ xíꞌnañúꞌún, ya̱ kunu̱u̱nꞌ‑ó ɨɨn inka táꞌán‑ó.

1 Juan 4:21

Jee tu̱ꞌun yaꞌá nta̱túníꞌ Jesús nu̱u̱nꞌ‑ó ya̱: ɨɨn ñɨvɨ ya̱ ñúnúunꞌ‑u Ndiosíꞌ, jee suni kunu̱u̱nꞌ‑u ñanitáꞌán‑a.

1 Tesalonicenses 4:9

Jee ntu jíniñúꞌún ránú ya̱ tee ráníꞌ tutuꞌ nu̱u̱nꞌ ránoꞌó sáva kunu̱u̱nꞌ rán rá ñanitáꞌán, ya̱ kúneí iniꞌ ráa Jesús. Chi máá maá Ndiosíꞌ xínéꞌénꞌ ránoꞌó sáva kunu̱u̱nꞌ rán ɨɨn inka rán.

Efesios 5:2

Jee íyó kueꞌnu rán jín tu̱ꞌun ñúnúunꞌ táꞌán, kuéntáꞌ suni ñúnúunꞌ Cristo yó, jee nna̱ku̱ꞌva re̱ꞌ maáréꞌ jie̱ꞌe̱ꞌ‑ó, chi nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Yukuán kúvi kuéntáꞌ ɨɨn xikoꞌ jiáꞌánꞌ vi̱xi̱ꞌ ya̱ téñuꞌunꞌ maa nu̱u̱nꞌ Ndiosíꞌ. Jee kúváꞌa iniꞌ Ndiosíꞌ néꞌyá re̱ꞌ maa.

Marcos 9:7

Jee nkenta ɨɨn vi̱ko̱ꞌ jee nna̱kasɨꞌ‑ɨ nu̱u̱nꞌ íñɨ́ ntáká ráa. Jee nkene ɨɨn nusuyuꞌú ma̱ꞌñú vi̱ko̱ꞌ vá, jee nkachiꞌ‑i: ―Yaꞌá ví Se̱ꞌya yɨ́ɨ́ ni̱ꞌ jee ñúnúunꞌ ni̱ꞌ re̱ꞌ. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ.

Mateo 22:39

Jee ya̱ uvíꞌ ya̱ tátúníꞌ Ndiosíꞌ kúnkunuún kúvi‑i suꞌva: “Íyó kunu̱u̱nꞌ nú ñanitáꞌán nú kuéntáꞌ kua̱ꞌ ñúnúunꞌ nú maánú.”

Hechos 16:31

Jee nkachiꞌ ráa: ―Kuneí iniꞌ nú I̱toꞌoꞌ‑ó Jesús, jee natavaꞌ Ndiosíꞌ noꞌó nu̱u̱nꞌ kua̱chi nú nanitáꞌvíꞌ nú. Suꞌva nanitáꞌvíꞌ nú jín táꞌán veꞌi nú.

Juan 17:3

Jee suꞌva kúvi ya̱ kutekuꞌ ñɨvɨ nɨ́ɨ́nkání jín‑ó: ya̱ kuniꞌ ráa iniꞌ noꞌó, ya̱ métúꞌún maánú vá kúvi nijia maá Ndiosíꞌ nijia, jín ya̱ suni kuniꞌ ráa iniꞌ nuꞌuꞌ, ya̱ maáníꞌ vá kúvi Jesús ya̱ níso ni̱ꞌ tiñu Cristo ya̱ nchu̱ichí nú nuꞌuꞌ va̱ji ni̱ꞌ jín tiñu ntaji nú níso ni̱ꞌ.

Juan 14:1

Jee nkachiꞌ tuku ka̱ꞌ Jesús: ―Koto nániꞌvɨꞌ iniꞌ ánímaꞌ rán, chisaꞌ ya̱ ya kúneí iniꞌ rán Ndiosíꞌ jee suni íyó kuneí iniꞌ rán nuꞌuꞌ.

1 Timoteo 1:15

Tu̱ꞌun na̱a̱ꞌ ví yaꞌá. Jee íyó tɨɨn nɨꞌɨ ñɨvɨ tu̱ꞌun yaꞌá, ya̱ káchíꞌ, ya̱ Cristo Jesús ya̱ nkiji nu̱u̱nꞌ ñɨ̱vɨ́, sáva natavaꞌ re̱ꞌ rá ñɨvɨ kua̱chi nu̱u̱nꞌ kua̱chi ráa sikáku re̱ꞌ ráa. Jee nuꞌuꞌ, ña̱ko̱so̱ꞌ ni̱ꞌ ka̱ꞌ nu̱u̱nꞌ ya̱ nsa̱ꞌá ni̱ꞌ kua̱chi mánasɨ́ nijia.

Juan 1:12

Soo nta̱ká rá ñɨvɨ ya̱ nákuatáꞌví ráa re̱ꞌ, ya̱ kúneí iniꞌ ráa re̱ꞌ, jee jiáꞌayuꞌú re̱ꞌ ni̱ꞌi̱nꞌ ráa kuvi ráa se̱ꞌya Ndiosíꞌ.

Juan 2:23

Jee sáá nééꞌ Jesús nu̱u̱nꞌ ñuunꞌ Jerusalén ya̱ kúvi rá ki̱vɨ̱ꞌ viko Pascua ya̱ sáꞌá rá ñɨvɨ Israel, jee kue̱ꞌe̱ꞌ rá ñɨvɨ ni̱nu̱ꞌ iniꞌ ráa re̱ꞌ, sáá niniꞌ ráa rá seña a̱nasɨ́ sáꞌá re̱ꞌ.

Juan 3:18

Jee ñɨvɨ ya̱ kúneí iniꞌ‑i Se̱ꞌya re̱ꞌ ntu níta‑a. Soo ñɨvɨ ya̱ ntu̱ví kúneí iniꞌ‑i Se̱ꞌya re̱ꞌ jee ya̱ ni̱ta‑a, chi ntu̱ví nkúneí iniꞌ ráa máá Se̱ꞌya métúꞌún Ndiosíꞌ.

1 Juan 2:7

Ránoꞌó ya̱ ñúnúunꞌ ni̱ꞌ kuéntáꞌ ñaniꞌ ni̱ꞌ, nsú tu̱ꞌun ya̱ tátúníꞌ jiáá re̱ꞌ ví ya̱ tée ni̱ꞌ nu̱u̱nꞌ rán, chisaꞌ tu̱ꞌun ya̱ nta̱túníꞌ re̱ꞌ ne̱ yanaꞌán ya̱ ya nni̱ꞌi̱nꞌ rán ne̱ xíꞌnañúꞌún ya̱ ni̱nu̱ꞌ iniꞌ rán kúvi‑i. Jee tu̱ꞌun vá kúvi ya̱ nteso̱ꞌo rán ne̱ ki̱vɨ̱ꞌ nka̱jiéꞌé ni̱nu̱ꞌ iniꞌ rán.

1 Juan 4:15

Jee néni ɨɨn ñɨvɨ ya̱ jiáꞌayuꞌú ya̱ Se̱ꞌya Ndiosíꞌ ví Jesús, jee kínóo kutú Ndiosíꞌ yɨ́ꞌɨ́ re̱ꞌ iniꞌ ñɨvɨ vá, jee kínóo kutú ñɨvɨ vá yɨ́ꞌɨ́‑ɨ nu̱u̱nꞌ re̱ꞌ.

1 Juan 5:13

Rá tu̱ꞌun yaꞌá ntee ni̱ꞌ nu̱u̱nꞌ ránoꞌó ya̱ kúneí iniꞌ rán Se̱ꞌya Ndiosíꞌ sáva kukáꞌnú na̱a̱ꞌ iniꞌ rán ya̱ ya tékúꞌ rán nɨ́ɨ́nkání jín re̱ꞌ.