1 Corintios 9:25 - Mixteco del suroeste de Tlaxiaco Oaxaca

²⁵ Chi ntáká ñɨvɨ síkɨ́ jee núnasɨ́ ráa sátúꞌva ráa maáráa kúmí ráa ñunéꞌyúꞌ ráa sáva kuneí ráa jee ni̱ꞌi̱nꞌ ráa kutaꞌviꞌ ráa ɨɨn ta̱ꞌvi̱ꞌ, ya̱ ntu̱ví kínóo ntáká tiempúꞌ chi náánꞌ‑á. Soo maáó chi ni̱ꞌi̱nꞌ‑ó ɨɨn ta̱ꞌvi̱ꞌ ya̱ kutaꞌviꞌ‑ó ya̱ koo jín‑ó nɨ́ɨ́nkání ya̱ ntu̱ví náánꞌ‑a.

1 Corintios 9:25 Referans Kwoze

2 Timoteo 2:5

Jee suni sukuán súnika̱ꞌ ɨɨn te̱e síkɨ́ nsáꞌ ni̱ꞌi̱nꞌ‑i ta̱ꞌvi̱ꞌ, retú ntu̱ví síkɨ́ re̱ꞌ sánikua̱ꞌ íyótúníꞌ sáá síkɨ́ ráa.

Apoclipsis 2:10

Soo koto yúꞌví rán jie̱ꞌe̱ꞌ rá tu̱nóꞌó kunoꞌo rán. Chi kui̱ꞌna̱ꞌ kúñáꞌnú, jee saꞌá‑a ya̱ chiꞌi ñɨvɨ sava ránoꞌó veka̱a sáva kototúníꞌ‑i ránoꞌó retú kunikɨnꞌ nijia rán nuꞌuꞌ áxí ntu̱ví, jee kunoꞌo rán tu̱nóꞌó u̱ji̱ꞌ ki̱vɨ̱ꞌ. Soo kuiñɨ ni̱ꞌin rán sikúnkuvi na̱a̱ꞌ rán súka̱ꞌ ne̱ kuviꞌ rán, saájee taji ni̱ꞌ ta̱ꞌvi̱ꞌ nu̱u̱nꞌ rán, ya̱ suvi kuvi ya̱ ni̱ꞌi̱nꞌ rán ya̱ saꞌá Ndiosíꞌ ya̱ kutekuꞌ rán jín ni̱ꞌ nɨ́ɨ́nkání.

1 Timoteo 6:12

Núnasɨ́ nú saꞌá nú fesáꞌ kunikɨnꞌ va̱ꞌa nú Cristo, ya̱ kúneí iniꞌ‑ó, kuéntáꞌ ɨɨn te̱e síkɨ́ sáꞌá fesáꞌ. Jee kuꞌun iniꞌ nú, ya̱ taji Ndiosíꞌ ta̱ꞌvi̱ꞌ nu̱u̱nꞌ nú, ya̱ kutekuꞌ nú nɨ́ɨ́nkání jín re̱ꞌ, chi jie̱ꞌe̱ꞌ yaꞌá vá nkana re̱ꞌ noꞌó. Jee suni jie̱ꞌe̱ꞌ yaꞌá, njia̱ꞌayuꞌú va̱ꞌa nú, ya̱ kúneí iniꞌ nú Cristo, ichinúúnꞌ kue̱ꞌe̱ꞌ ñɨvɨ, ya̱ kuvi stúvi ráa maa.

Apoclipsis 3:11

’Jee ñamani nenta ni̱ꞌ, saáva kunikɨnꞌ kutú rán kuiñɨ rán jín tu̱ꞌun ni̱ꞌ ya̱ jínúꞌ iniꞌ rán, sáva ni ɨɨn ntu̱náꞌ kuneí naneeꞌ ta̱ꞌvi̱ꞌ ni̱ꞌi̱nꞌ rán.

Santiago 1:12

Na̱ ka̱ꞌ netuꞌ ka̱ꞌ ví ñɨvɨ kúníꞌin íñɨ́ ni̱ꞌin sáá nóꞌo‑o tu̱nóꞌó ya̱ jítotúníꞌ yó. Chi sáá kuneí kene na̱a̱ꞌ ñɨvɨ vá, jee ni̱ꞌi̱nꞌ‑i ta̱ꞌvi̱ꞌ ya̱ kutekuꞌ‑u nɨ́ɨ́nkání jín Ndiosíꞌ, ya̱ nchi̱sóyuꞌú re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.

2 Pedro 1:6

Jee jie̱ꞌe̱ꞌ ya̱ kúkáꞌnú iniꞌ rán ka̱ꞌ jie̱ꞌe̱ꞌ Ndiosíꞌ jee nachisó rán ya̱ nakeꞌen rán maárán. Jee jie̱ꞌe̱ꞌ nákeꞌen rán maárán jee nachisó rán ya̱ kuni̱ꞌin rán kuiñɨ kutú rán jín Cristo. Jee jie̱ꞌe̱ꞌ kúníꞌin rán íñɨ́ rán jín Cristo jee nachisó rán kɨtíñú rán nu̱u̱nꞌ Cristo.

1 Pedro 5:4

Saájee sáá nenta nijinꞌ maáréꞌ ya̱ néen kuéntáꞌ re̱ꞌ yó ya̱ kúñáꞌnú re̱ꞌ nu̱u̱nꞌ nɨꞌɨ rá te̱e néen kuéntáꞌ ráa rá ñɨvɨ Ndiosíꞌ, jee ni̱ꞌi̱nꞌ rán ta̱ꞌvi̱ꞌ taji re̱ꞌ nu̱u̱nꞌ rán ya̱ viiꞌ nasɨ́kuitɨꞌ kúñáꞌnú rán ya̱ ntu náánꞌ‑a.

1 Pedro 1:4

Jee ni̱ꞌi̱nꞌ‑ó ta̱ꞌvi̱ꞌ vá ya̱ taji Ndiosíꞌ nu̱u̱nꞌ‑ó ya̱ nchu̱va̱ꞌa re̱ꞌ ne̱ antivɨ́ súkún ya̱ kúvi ta̱ꞌvi̱ꞌ ránoꞌó, ya̱ ni ntu tívɨ́‑ɨ, jee ni ntu̱náꞌ níváꞌa kútáꞌán jín‑i, jee ni ntu nɨ́ꞌɨ‑ɨ.

Gálatas 5:23

másúꞌ iniꞌ ráa, nákeꞌen ráa maáráa. Ntu íyó ni ɨɨn ley ya̱ chikua̱chi si̱kɨ̱ꞌ ñɨvɨ sáꞌá rá tiñu yaꞌá.

Hebreos 12:28

Jee nu̱u̱nꞌ ni̱ꞌi̱nꞌ‑ó ɨɨn ñuunꞌ táji Ndiosíꞌ nu̱u̱nꞌ‑ó nu̱u̱nꞌ tátúníꞌ re̱ꞌ nu̱u̱nꞌ‑ó ya̱ ntu kúvi kajiaꞌ‑a chi ya̱ íyó kutú‑u, jee saáva íyó nakuatáꞌví‑ó re̱ꞌ, jee jie̱ꞌe̱ꞌ vá kɨtíñú‑ó nu̱u̱nꞌ re̱ꞌ kɨñúꞌún‑ó nu̱u̱nꞌ re̱ꞌ jín ya̱ kuꞌun yúꞌví iniꞌ‑ó re̱ꞌ sáni kúváꞌa iniꞌ re̱ꞌ néꞌyá re̱ꞌ maa.

Hebreos 12:4

Chi ránoꞌó, ntiáꞌan kua̱kenta kuviꞌ rán, ni núnasɨ́ rán sukúta̱ꞌán rán jín kua̱chi rán sáva xináánꞌ rán maa.

1 Corintios 15:54

Jee yɨkɨkúñu‑ó yaꞌá ya̱ tívɨ́‑ɨ jee sáá nuvi‑i ɨɨn yɨkɨkúñu ya̱ ni nsáꞌ ti̱vɨ́‑ɨ ka̱ꞌ, jee yɨkɨkúñu‑ó yaꞌá ya̱ jíꞌíꞌ‑i jee sáá nuvi‑i ɨɨn yɨkɨkúñu ya̱ ni nku̱víꞌ‑ó ka̱ꞌ, jee saájee sikúnkuvi rá tu̱ꞌun nééꞌ nu̱u̱nꞌ Tutuꞌ níso Tu̱ꞌun Ndiosíꞌ:

Apoclipsis 4:10

jee ta íchí néñu̱ꞌun ráa Ndiosíꞌ sukuán saájee suni ni o̱ko̱ꞌ ku̱mi̱ꞌ (24) rá te̱e kúñáꞌnú vá, nákuíñɨꞌ ítɨ́ ráa jiáxin ráa maáráa ne̱ nu̱u̱nꞌ ñuꞌun nu̱u̱nꞌ re̱ꞌ ya̱ nééꞌ re̱ꞌ teyuꞌ tátúníꞌ re̱ꞌ, jee chíñúꞌún ráa maáréꞌ ya̱ tékúꞌ re̱ꞌ nɨ́ɨ́nkání, jee táváꞌ ráa rá corona ñúxíniꞌ ráa jiákɨ́nꞌ ráa maa ichinúúnꞌ teyuꞌ nu̱u̱nꞌ tátúníꞌ re̱ꞌ. Jee káchíꞌ ráa:

Apoclipsis 4:4

Jee nu̱u̱nꞌ teyuꞌ re̱ꞌ tátúníꞌ re̱ꞌ, yukuán ni̱kótíyu o̱ko̱ꞌ ku̱mi̱ꞌ (24) ka̱ꞌ teyuꞌ nu̱u̱nꞌ tátúníꞌ. Jee yukuán nééꞌ o̱ko̱ꞌ ku̱mi̱ꞌ (24) rá maá te̱e kúñáꞌnú. Jee ñúꞌún ráa máá saꞌma kuíjín, jee ñúxíniꞌ ráa corona oro.

Tito 1:8

Soo íyó kuvi re̱ꞌ ɨɨn te̱e ya̱ íyó maniꞌ iniꞌ, ya̱ ku̱ꞌva re̱ꞌ ntíꞌ veꞌi kino̱o ñɨvɨ jíka ichi, jín ya̱ ñúnúunꞌ ya̱ váꞌa, jín ya̱ jiáni kájí iniꞌ, jín ya̱ jíka na̱a̱ꞌ, jín ya̱ sáꞌá sɨ́ɨ́n re̱ꞌ maáréꞌ ya̱ nkɨ́ꞌɨ re̱ꞌ nu̱u̱nꞌ ya̱ níváꞌa sáni kuíni Ndiosíꞌ, jín ya̱ nákeꞌen re̱ꞌ maáréꞌ.

Tito 2:2

Xinéꞌénꞌ nú rá te̱e ñáꞌnú, ya̱ ntu jíꞌi víꞌí jee ntu jíni ráa, jín ya̱ ñáꞌnú iniꞌ ráa, jín ya̱ kuꞌun kájí iniꞌ ráa, jín ya̱ kuiñɨ na̱a̱ꞌ kutú ráa ya̱ kúneí iniꞌ ráa Cristo, jín ya̱ kunu̱u̱nꞌ ráa rá ñɨvɨ jín Ndiosíꞌ, jín ya̱ kuni̱ꞌin ráa kuiñɨ ni̱ꞌin ráa jín Jesús.