1 Corintios 9:23 - Mixteco del suroeste de Tlaxiaco Oaxaca

²³ Jee sáꞌá ni̱ꞌ ntáká rá yaꞌá sáva kutenuun ka̱ꞌ tu̱ꞌun váꞌa jie̱ꞌe̱ꞌ Cristo, sáva ni̱ꞌi̱nꞌ nkáá ni̱ꞌ jín ka̱ꞌ ñɨvɨ ya̱ váꞌa níso tu̱ꞌun yaꞌá.

1 Corintios 9:23 Referans Kwoze

2 Timoteo 2:10

Saáva jiéꞌnéꞌ iniꞌ ni̱ꞌ nɨꞌɨ tu̱nóꞌó yaꞌá jie̱ꞌe̱ꞌ rá ñɨvɨ nkáji Ndiosíꞌ, sáva ni̱ꞌi̱nꞌ ráa ya̱ nanitáꞌvíꞌ ráa jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús, jee viiꞌ nasɨ́kuitɨꞌ kuneeꞌ ráa nɨ́ɨ́nkání jín re̱ꞌ.

Marcos 8:35

Chi néni ɨɨn ñɨvɨ ya̱ ntu níkɨ́nꞌ nuꞌuꞌ chi níyo iniꞌ‑i kutekuꞌ va̱ꞌa‑a ñɨ̱vɨ́ yaꞌá jín ya̱ ka̱ku‑u nu̱u̱nꞌ tu̱nóꞌó kiji nu̱u̱nꞌ‑u jie̱ꞌe̱ꞌ níkɨ́nꞌ‑ɨ nuꞌuꞌ, jee sukuíta‑a kutekuꞌ‑u jín Ndiosíꞌ. Soo néni ɨɨn ñɨvɨ ya̱ níkɨ́nꞌ nuꞌuꞌ súka̱ꞌ nóꞌo‑o tu̱nóꞌó ne̱ kuviꞌ‑i jie̱ꞌe̱ꞌ níkɨ́nꞌ‑ɨ nuꞌuꞌ, jee ka̱ku nijia‑a chi ni̱ꞌi̱nꞌ‑i ya̱ kutekuꞌ‑u nɨ́ɨ́nkání jín Ndiosíꞌ saꞌá re̱ꞌ.

1 Juan 1:3

Jee ya̱ niniꞌ jínúunꞌ ráníꞌ, jín ya̱ nteso̱ꞌo ránꞌ ya̱ nkaꞌanꞌ re̱ꞌ, jee suvi‑i vá káchítu̱ꞌún ránꞌ nu̱u̱nꞌ ránú, sáva unuún koo iniꞌ ránú jín ránuꞌuꞌ. Jee íyó unuún nijia iniꞌ‑ó jín Tátáꞌ‑ó Ndiosíꞌ jín Se̱ꞌya re̱ꞌ Jesús ya̱ níso re̱ꞌ tiñu Cristo.

Hebreos 3:14

Chi ni̱yo tu̱neí iniꞌ‑ó ne̱ tiempúꞌ xíꞌnañúꞌún ya̱ káchíꞌ tu̱ꞌun na̱a̱ꞌ. Jee retú koo kutú tu̱neí iniꞌ‑ó sukuán ne̱kua̱ꞌ kenta nu̱u̱nꞌ nɨ́ꞌɨ tékúꞌ‑ó, jee sukuán kenta‑ó kuneeꞌ nkáꞌnú‑ó jín Cristo.

Gálatas 2:5

Nintíꞌínꞌ ntu njiáꞌa ránꞌ koo suꞌva ya̱ kuíni ráa, sáva kino̱o ya̱ naáꞌ tu̱ꞌun va̱ꞌa Jesús jín rán.

Hebreos 3:1

Jee saáva, ránoꞌó ñanitáꞌán, ya̱ nsa̱ꞌá sɨ́ɨ́n Ndiosíꞌ ránoꞌó sáva kɨꞌɨ rán nu̱u̱nꞌ re̱ꞌ, jín ya̱ jíꞌín rán nkana re̱ꞌ ránoꞌó ne̱ súkún nu̱u̱nꞌ nééꞌ re̱ꞌ, jee saáva íyó tɨɨn kuéntáꞌ va̱ꞌa rán jie̱ꞌe̱ꞌ [Cristo] Jesús ya̱ níso re̱ꞌ tiñu apóstol ya̱ nchu̱ichí Ndiosíꞌ ntaji re̱ꞌ Tu̱ꞌun Ndiosíꞌ nu̱u̱nꞌ‑ó, jee suni kúvi re̱ꞌ su̱tu̱ꞌ kúñáꞌnú nu̱u̱nꞌ‑ó, jie̱ꞌe̱ꞌ tu̱ꞌun re̱ꞌ ya̱ jiáꞌayuꞌú‑ó ya̱ kúneí iniꞌ‑ó re̱ꞌ.

2 Timoteo 2:6

Jee ɨɨn te̱e ya̱ sátíñú ni̱ꞌin chi̱kuꞌuꞌ, jee xíꞌna re̱ꞌ vá íyó ya̱ ni̱ꞌi̱nꞌ re̱ꞌ tataꞌ kene nu̱u̱nꞌ tiñu sáꞌá re̱ꞌ.

2 Corintios 2:4

Chi ntee ni̱ꞌ tutuꞌ vá nu̱u̱nꞌ rán, jie̱ꞌe̱ꞌ nna̱niꞌvɨꞌ víꞌí iniꞌ ni̱ꞌ jee nnu̱kuíꞌyáꞌ nasɨ́kuitɨꞌ iniꞌ ánímaꞌ ni̱ꞌ jie̱ꞌe̱ꞌ rán, jee ne̱ nnaꞌyuꞌ ntenúúnꞌ ni̱ꞌ ntee ni̱ꞌ tutuꞌ vá. Soo nsáꞌ ntee ni̱ꞌ maa sáva nukuéká iniꞌ rán, chisaꞌ sáva kuniꞌ rán ya̱ ñúnúunꞌ nasɨ́kuitɨꞌ ni̱ꞌ ránoꞌó.

1 Corintios 9:12

Jee retú íyó inka ñɨvɨ ya̱ íyó ni̱ꞌi̱nꞌ ráa nu̱u̱nꞌ rán ya̱ kutekuꞌ ráa jie̱ꞌe̱ꞌ xínéꞌénꞌ ráa ránoꞌó, saájee saꞌ víꞌí ka̱ꞌ íyó ni̱ꞌi̱nꞌ ráníꞌ nu̱u̱nꞌ ránoꞌó ya̱ kutekuꞌ ránꞌ résa. Soo ntu níkánꞌ ráníꞌ ya̱ taji ránú nu̱u̱nꞌ ránuꞌuꞌ ya̱ íyó ni̱ꞌi̱nꞌ ráníꞌ, chisaꞌ jiéꞌnéꞌ iniꞌ ránꞌ nɨꞌɨ, sáva ntu kasɨꞌ ránꞌ sikúténuun ránꞌ ka̱ꞌ tu̱ꞌun váꞌa jie̱ꞌe̱ꞌ Cristo.

1 Pedro 5:1

Vitan jee nákutíñú ni̱ꞌin ni̱ꞌ nu̱u̱nꞌ rá te̱e kúñáꞌnú nu̱u̱nꞌ ránoꞌó ya̱ yɨ́ꞌɨ́ xi̱ntíín Cristo, chi nuꞌuꞌ jee suni te̱e kúñáꞌnú kúvi ni̱ꞌ jín ráa nu̱u̱nꞌ rá ñɨvɨ yɨ́ꞌɨ́ xi̱ntíín Cristo, jee kúvi ni̱ꞌ ɨɨn te̱e ya̱ jiáꞌa ni̱ꞌ ya̱ nááꞌ ya̱ ya niniꞌ jínúunꞌ ni̱ꞌ rá tu̱nóꞌó nnoꞌo Cristo. Jee suni ni̱ꞌi̱nꞌ ni̱ꞌ kuñáꞌnú ni̱ꞌ kuéntáꞌ maáréꞌ sáá nenta nijinꞌ re̱ꞌ jín tiñu níso re̱ꞌ.

Romanos 11:17

Jee rá ñɨvɨ Israel kúvi ráa kuéntáꞌ naꞌá yutun olivo stíláꞌ. Jee retú nku̱ichi iniꞌ Ndiosíꞌ sava ráa kuéntáꞌ náneeꞌ re̱ꞌ naꞌá yutun vá, jee noꞌó ya̱ ntu kúvi ñɨvɨ Israel, ya̱ kúvi nú kuéntáꞌ naꞌá yutun olivo yúkú, jee retú nna̱tetáꞌán Ndiosíꞌ noꞌó nu̱u̱nꞌ yutun stíláꞌ vá nakuneeꞌ nú nu̱u̱nꞌ nna̱neeꞌ re̱ꞌ ráa, jee nkenta níꞌínꞌ nú ya̱ váꞌa kuéntáꞌ va̱ji ne̱ nu̱u̱nꞌ yoꞌo sáví yutun olivo stíláꞌ vá.

1 Corintios 9:22

Jee sáá nééꞌ ni̱ꞌ jín rá ñaniꞌ‑ó ya̱ táyáꞌ iniꞌ tu̱jiáni iniꞌ ráa jie̱ꞌe̱ꞌ ya̱ ntiáꞌan kujia iniꞌ ráa nu̱u̱nꞌ Tu̱ꞌun Ndiosíꞌ, jee suni sukuán jiáꞌnu ni̱ꞌ sáni jiáꞌnu maáráa ya̱ táyáꞌ iniꞌ, sáva ni̱ꞌi̱nꞌ ni̱ꞌ ya̱ sijínúꞌ ni̱ꞌ iniꞌ ráa tu̱ꞌun vá. Jee sukuán násaꞌá ni̱ꞌ maáníꞌ, chi jiáꞌnu ni̱ꞌ sánikua̱ꞌ jiáꞌnu ntáká nu̱u̱nꞌ ñɨvɨ, sáva sú na̱ja ka̱ꞌ kuneí sijínúꞌ ni̱ꞌ iniꞌ sava ráa ji̱nu̱ꞌ iniꞌ ráa Jesús jee natavaꞌ re̱ꞌ ráa nu̱u̱nꞌ kua̱chi ráa sikáku re̱ꞌ ráa.

1 Corintios 9:24

Jee, ¿á ntu jíníꞌ rán ya̱ sáá kunu rá ñɨvɨ jee ntáká kuitɨꞌ ráa jínu nijia, soo kua̱chi métúꞌún ɨɨn ni ví ya̱ kúneí‑i ni̱ꞌi̱nꞌ‑i kutaꞌviꞌ‑i ta̱ꞌvi̱ꞌ‑i rúja? Saáva suni sukuán kuéntáꞌ jínu ɨɨn ñɨvɨ, íyó kueꞌnu rán kuniꞌvɨꞌ iniꞌ rán kuiñɨ ni̱ꞌin rán jín tu̱ꞌun re̱ꞌ sáva kuneí rán ni̱ꞌi̱nꞌ rán ta̱ꞌvi̱ꞌ kutaꞌviꞌ rán ya̱ nachunáán re̱ꞌ nu̱u̱nꞌ ránoꞌó.