1 Corintios 9:21 - Mixteco del suroeste de Tlaxiaco Oaxaca

²¹ Jee sáá nééꞌ ni̱ꞌ nteñu rá ñɨvɨ ya̱ ntu̱ví yɨ́ꞌɨ́ ráa xi̱ntíín tu̱ꞌun nta̱túníꞌ Ndiosíꞌ nu̱u̱nꞌ Moisés yanaꞌán, jee jiáꞌnu ni̱ꞌ kuéntáꞌ retánꞌ ntu̱ví yɨ́ꞌɨ́ ni̱ꞌ chi̱ji tu̱ꞌun vá, sáva ni̱ꞌi̱nꞌ ni̱ꞌ sijínúꞌ ni̱ꞌ iniꞌ ráa tu̱ꞌun váꞌa jie̱ꞌe̱ꞌ Jesús, asúka̱ꞌ ntu íñɨ́ núne ni̱ꞌ nu̱u̱nꞌ tu̱ꞌun tátúníꞌ Ndiosíꞌ, chi yɨ́ꞌɨ́ ni̱ꞌ xi̱ntíín tu̱ꞌun tátúníꞌ Cristo.

1 Corintios 9:21 Referans Kwoze

Romanos 2:12

Chi nta̱ká ñɨvɨ ya̱ sáꞌá kua̱chi, sú ntu yɨ́ꞌɨ́ ráa xi̱ntíín ley nta̱túníꞌ Ndiosíꞌ ne̱ yanaꞌán, jee kɨ̱naanꞌ ráa sú nsú jie̱ꞌe̱ꞌ ley vá. Jee nta̱ká ñɨvɨ sáꞌá kua̱chi rá yɨ́ꞌɨ́ ráa xi̱ntíín ley vá, jee jie̱ꞌe̱ꞌ ley vá keꞌneꞌ Ndiosíꞌ kua̱chi si̱kɨ̱ꞌ ráa.

Gálatas 3:2

Kua̱chi kuíni ni̱ꞌ katu̱ꞌún ni̱ꞌ tu̱ꞌun yaꞌá ránoꞌó. ¿Na̱sa nni̱ꞌi̱nꞌ rán Ta̱chi̱ꞌ Ííꞌ Ndiosíꞌ? ¿Á nni̱ꞌi̱nꞌ rán re̱ꞌ chi nsi̱kúnkuvi rán sáni tátúníꞌ tu̱ꞌun ley Moisés? ¡Ntu̱ví kuitɨꞌ!, chi nni̱ꞌi̱nꞌ rán maa chi ínúꞌ iniꞌ rán tu̱ꞌun Jesús sáá nteso̱ꞌo rán maa.

Romanos 2:14

Chi rá ñɨvɨ ya̱ ntu kúvi ñɨvɨ ñuunꞌ Israel jee ni ntu kúmí ráa ley vá ya̱ nta̱túníꞌ Ndiosíꞌ, soo sáꞌá ráa ya̱ tátúníꞌ ley vá sánikua̱ꞌ ñúꞌún antúníꞌ ráa, jee yɨ́ꞌɨ́ ɨɨn ley maáráa ánímaꞌ ráa, sú ntu kúmí ráa ley njia̱ꞌa re̱ꞌ nu̱u̱nꞌ Moisés.

Romanos 8:4

Nsa̱ꞌá Ndiosíꞌ sukuán sáva kuvi sikúnkuvi‑ó ntáká tiñu na̱a̱ꞌ ya̱ tátúníꞌ ley, ya̱ ntu ka̱ꞌ jiáꞌnu‑ó ichi néꞌén sáni níyo iniꞌ‑ó, chisaꞌ jiáꞌnu‑ó sáni kuíni Ta̱chi̱ꞌ Ííꞌ Ndiosíꞌ.

Romanos 7:25

¡Nkútaꞌviꞌ‑ó nu̱u̱nꞌ Ndiosíꞌ!, jie̱ꞌe̱ꞌ ya̱ nsa̱ꞌá I̱toꞌoꞌ‑ó Jesús ya̱ kúvi Cristo. Saáva jín antúníꞌ ni̱ꞌ yɨ́tíñú ni̱ꞌ nu̱u̱nꞌ ley tátúníꞌ Ndiosíꞌ, jee jín máá maá fuersáꞌ ni̱ꞌ ntu kúvi, chi jín ya̱ níyo iniꞌ ni̱ꞌ jín yɨkɨkúñu kua̱chi ni̱ꞌ yɨ́tíñú ni̱ꞌ nu̱u̱nꞌ ya̱ tátúníꞌ kua̱chi.

Romanos 7:22

Chi ne̱ ánímaꞌ ni̱ꞌ kúsɨ́ɨꞌ iniꞌ ni̱ꞌ néꞌyá ni̱ꞌ ley tátúníꞌ Ndiosíꞌ.

Hechos 21:25

Soo rá ñɨvɨ, ya̱ ntu kúvi Israel, ya̱ ínúꞌ iniꞌ ráa tu̱ꞌun Jesús, jee ya ntee ránꞌ tu̱ꞌun nu̱u̱nꞌ ráa ya̱ ñani iniꞌ ránꞌ. Nkachiꞌ ránꞌ ya̱ kunii̱yo ráa ya̱ nka̱jíꞌ ráa ku̱ñu ya̱ nsókoꞌ nu̱u̱nꞌ rá santúꞌ ñunéꞌyúꞌ, ni ni̱ñɨ̱ꞌ, ni ku̱ñu rá kitɨ ya̱ jíꞌni ráa su̱ku̱nꞌ, ni koto sáꞌá téní ráa.

Hechos 16:4

I̱ña̱jée sáá njia̱ꞌa ráa rá ñuunꞌ yukuán, nna̱ku̱ꞌva ráa tu̱ꞌun nu̱u̱nꞌ rá ñɨvɨ ya̱ kúneí iniꞌ ráa Jesús, ya̱ nkuna̱a̱ꞌ iniꞌ rá te̱e nísotíñú apóstol jín rá te̱e kúñáꞌnú nééꞌ Jerusalén, jín ya̱ nta̱túníꞌ rává sáva sikúnkuvi rá ñɨvɨ maa.

Hebreos 8:10

“Jee saáva suꞌva koo tratúꞌ ya̱ saꞌá ni̱ꞌ jín rá ñɨvɨ ñuunꞌ Israel, ne̱ retú nkenta rá ki̱vɨ̱ꞌ yukuán”, káchíꞌ I̱toꞌoꞌ‑ó. “Chuꞌun ni̱ꞌ ley ni̱ꞌ iniꞌ antúníꞌ ráa. Jee suni chuꞌun ni̱ꞌ maa iniꞌ ráa kuéntáꞌ tee ni̱ꞌ maa iniꞌ ánímaꞌ ráa. Jee kuvi ni̱ꞌ Ndiosíꞌ ráa jee kuvi ráa ñɨvɨ ni̱ꞌ.

Hechos 15:28

Chi kúnáaꞌ iniꞌ Ta̱chi̱ꞌ Ííꞌ Ndiosíꞌ jín‑ó ya̱ ntu̱náꞌ tee ránꞌ ni ɨɨn tiñu ka̱ꞌ nu̱u̱nꞌ rán, nsú káꞌ rá yaꞌá ya̱ íyó saꞌá rán.

Gálatas 6:2

Chineí táꞌán rán néni ɨɨn ya̱ nóꞌo táꞌán rán. Chi sukuán sikúnkuvi rán tu̱ꞌun ley tátúníꞌ Cristo.