1 Corintios 9:19 - Mixteco del suroeste de Tlaxiaco Oaxaca

¹⁹ Chi sú íñɨ́ núne ni̱ꞌ ya̱ ntu yɨ́ꞌɨ́ ni̱ꞌ xi̱ntíín ni ɨɨn ñɨvɨ, soo sáꞌá ni̱ꞌ maáníꞌ kuéntáꞌ ɨɨn musúꞌ kéꞌen ñɨvɨ nu̱u̱nꞌ ntáká rá ñɨvɨ ya̱ yɨ́tíñú ni̱ꞌ nu̱u̱nꞌ ráa, sáva ni̱ꞌi̱nꞌ ni̱ꞌ kue̱ꞌe̱ꞌ víꞌí ka̱ꞌ rá ñɨvɨ sáva kaníjiá ráa ji̱nu̱ꞌ iniꞌ ráa Cristo.

1 Corintios 9:19 Referans Kwoze

Gálatas 5:13

Chi, ránoꞌó ñaniꞌ, nkana Ndiosíꞌ ránoꞌó, sáva koo núne rán jee nkɨ́ꞌɨ rán xi̱ntíín ley vá jín rá costumbre. Soo sú nééꞌ núne rán nu̱u̱nꞌ ley, jee koto jiátíñú rán maa, sáva saꞌá rán ya̱ níyo néꞌén iniꞌ rán jín yɨkɨkúñu kua̱chi. Jee kunu̱u̱nꞌ ɨɨn inka rán táꞌán rán, sáva kuvi rán musúꞌ saɨn nu̱u̱nꞌ ɨɨn inka rán, jee chineí rán ɨɨn inka táꞌán rán.

Mateo 18:15

’Jee saáva, retú sáꞌá ñanitáꞌán nú kua̱chi si̱kɨ̱ꞌ nú, kuáꞌán kaꞌanꞌ sɨ́ɨ́n métúꞌún nú jín‑i, saꞌá nú nakuniꞌ‑i ya̱ íyó si̱kɨ̱ꞌ‑ɨ. Jee retú ni̱yo ma̱ni̱ꞌ iniꞌ‑i nka̱níjiá‑a nu̱u̱nꞌ tu̱ꞌun nkachiꞌ nú nu̱u̱nꞌ‑u, yukuán jee ya nku̱neí nú nna̱niꞌinꞌ nú ñanitáꞌán nú.

1 Corintios 10:33

Kuéntáꞌ sáꞌá ni̱ꞌ, chi núkú ni̱ꞌ sáꞌá ni̱ꞌ ntáká tiñu sáva kuva̱ꞌa iniꞌ ntáká rá ñɨvɨ kune̱ꞌyá ráa maa. Chi ntu̱ví núkú ni̱ꞌ ya̱ kuvi ya̱ váꞌa maáníꞌ, chisaꞌ núkú ni̱ꞌ ya̱ saꞌá ni̱ꞌ ya̱ kuvi ya̱ váꞌa kue̱ꞌe̱ꞌ rá ñɨvɨ, sáva ni̱ꞌi̱nꞌ ráa ya̱ natavaꞌ Ndiosíꞌ ráa nu̱u̱nꞌ kua̱chi ráa sikáku re̱ꞌ ráa.

1 Timoteo 4:16

Nito koo nú maánú na̱sa jiáꞌnu nú jín nu̱u̱nꞌ tu̱ꞌun xínéꞌénꞌ nú. Jee kuni̱ꞌin nú nu̱u̱nꞌ tiñu yaꞌá, chi retú sáꞌá nú suꞌva, jee saꞌá nú ya̱ maánú jín suni rá ñɨvɨ tésóꞌo ya̱ káchíꞌ nú, kunikɨnꞌ va̱ꞌa rán ichi nátavaꞌ Ndiosíꞌ ránoꞌó nu̱u̱nꞌ kua̱chi rán síkáku re̱ꞌ ránoꞌó.

2 Timoteo 2:10

Saáva jiéꞌnéꞌ iniꞌ ni̱ꞌ nɨꞌɨ tu̱nóꞌó yaꞌá jie̱ꞌe̱ꞌ rá ñɨvɨ nkáji Ndiosíꞌ, sáva ni̱ꞌi̱nꞌ ráa ya̱ nanitáꞌvíꞌ ráa jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús, jee viiꞌ nasɨ́kuitɨꞌ kuneeꞌ ráa nɨ́ɨ́nkání jín re̱ꞌ.

2 Corintios 4:5

Jee nsú jie̱ꞌe̱ꞌ maáráníꞌ ví ya̱ stékútu̱ꞌún ránꞌ, chisaꞌ káchítu̱ꞌún ránꞌ ya̱ I̱toꞌoꞌ nu̱u̱nꞌ kua̱íyó ví Jesús ya̱ kúvi Cristo. Jee ránuꞌuꞌ chi kúvi ránꞌ kua̱chi musúꞌ ni ya̱ sátíñú ránꞌ nu̱u̱nꞌ Jesús nu̱u̱nꞌ ya̱ váꞌa ránoꞌó.

Romanos 15:2

Ta ɨɨn ɨɨn‑ó íyó nukú‑ó ya̱ saꞌá‑ó ya̱ kuva̱ꞌa iniꞌ ñanitáꞌán‑ó ya̱ kuvi ya̱ váꞌa nu̱u̱nꞌ‑u, sáva kujia iniꞌ‑i kuiñɨ ni̱ꞌin‑i nu̱u̱nꞌ Ndiosíꞌ.

1 Pedro 3:1

Jee suni sukuán ránoꞌó ñaꞌan íyó yɨɨ́, koo maniꞌ rán chiꞌi rán maárán xi̱ntíín yɨɨ́ rán, sáva retú néni ɨɨn rá yɨɨ́ rán vá ntu jínúꞌ iniꞌ ráa ntu káníjiá ráa Tu̱ꞌun Ndiosíꞌ, jee sijínúꞌ rán iniꞌ rá yɨɨ́ rán jín máá ni tiñu na̱ja va̱ꞌa na̱a̱ꞌ jiáꞌnu rán jee nsú jín tu̱ꞌun káꞌánꞌ rán.

1 Corintios 9:1

¿Á nsáꞌ íyó núne ni̱ꞌ ya̱ íyó ni̱ꞌi̱nꞌ ni̱ꞌ jie̱ꞌe̱ꞌ tiñu sáꞌá ni̱ꞌ rúja? Jee, ¿á nsáꞌ kúvi ni̱ꞌ najiáꞌáꞌ Cristo ya̱ nísotíñú ni̱ꞌ tiñu apóstol chúichí re̱ꞌ nuꞌuꞌ nákani ni̱ꞌ tu̱ꞌun váꞌa re̱ꞌ rúja? Jee, ¿á nsáꞌ niniꞌ ni̱ꞌ maá I̱toꞌoꞌ‑ó Jesús rúja? Jee, ¿á nsú ránoꞌó kúvi tiñu nsa̱ꞌá ni̱ꞌ jín I̱toꞌoꞌ‑ó, ya̱ nsi̱kívɨ ni̱ꞌ ránoꞌó xi̱ntíín I̱toꞌoꞌ‑ó rúja?

Romanos 1:14

Chi táyáꞌvi ni̱ꞌ tiñu ku̱ꞌva ni̱ꞌ tu̱ꞌun Jesús nu̱u̱nꞌ ntáká rá ñɨvɨ, nu̱u̱nꞌ rá ñɨvɨ káꞌánꞌ tu̱ꞌun griego jín nu̱u̱nꞌ rá ñɨvɨ ya̱ ntu káꞌánꞌ griego, nu̱u̱nꞌ rá ñɨvɨ tu̱ꞌva jín nu̱u̱nꞌ rá ñɨvɨ ntu túꞌva.

Gálatas 5:1

Nna̱kani núne Cristo yó, sáva kuiñɨ núne yó. Saáva kuiñɨ ni̱ꞌin núne rán nu̱u̱nꞌ tu̱ꞌun ley vá ya̱ nta̱túníꞌ Ndiosíꞌ. Jee koto kíninkava tuku rán xi̱ntíín tu̱ꞌun vá ya̱ kuvi tuku rán musúꞌ sátíñú saɨn.

1 Corintios 7:16

Chi noꞌó ya̱ kúvi nú ñasɨ́ꞌɨ́ ya̱ kúneí iniꞌ nú Jesús, ¿na̱sa kuniꞌ nú retuan sa̱naanꞌ jee sikáku nú yɨɨ́ nú ya̱ natavaꞌ Jesús maa nu̱u̱nꞌ kua̱chi‑i rúja? Áxí noꞌó ya̱ kúvi nú yɨɨ́ ya̱ kúneí iniꞌ nú Jesús, suni, ¿na̱sa kuniꞌ nú retuan sa̱naanꞌ jee sikáku nú ñasɨ́ꞌɨ́ nú ya̱ natavaꞌ Jesús ña nu̱u̱nꞌ kua̱chi ña rúja?

Romanos 11:14

Jee sukuán sáꞌá ni̱ꞌ sáva sa̱naanꞌ kuvi saꞌá ni̱ꞌ kukuíñɨ́ iniꞌ rá táꞌán ñuunꞌ ni̱ꞌ Israel kune̱ꞌyá ráa ránoꞌó ya̱ kúneí iniꞌ rán Ndiosíꞌ, sáva saꞌá ni̱ꞌ ya̱ suni ni̱ꞌi̱nꞌ sava ráa ya̱ natavaꞌ Ndiosíꞌ ráa nu̱u̱nꞌ kua̱chi ráa nanitáꞌvíꞌ ráa.

1 Corintios 10:29

Soo ntu káchíꞌ ni̱ꞌ ya̱ koto yájíꞌ rán maa sáva nkúkua̱chi iniꞌ rán retú kajiꞌ rán maa, chi ya jíníꞌ rán ya̱ nsú kua̱chi ví‑i, chisaꞌ káchíꞌ ni̱ꞌ sukuán jie̱ꞌe̱ꞌ inka ñɨvɨ ya̱ jiáni iniꞌ‑i ya̱ kua̱chi kúvi vá retú saꞌá rán maa. Soo sú íñɨ́ núne ni̱ꞌ kajiꞌ ni̱ꞌ ya̱ kuíni iniꞌ maáníꞌ jee, ¿na̱ kuvi chi sánáaꞌ ñɨvɨ si̱kɨ̱ꞌ nuꞌuꞌ jie̱ꞌe̱ꞌ vá chi jiáni iniꞌ‑i ya̱ kua̱chi kúvi vá retú saꞌá ni̱ꞌ maa rúja?

2 Corintios 4:15

Saáva nɨꞌɨ yaꞌá kúvi ya̱ váꞌa nu̱u̱nꞌ ránoꞌó. Jín sáva kukueꞌeꞌ ka̱ꞌ ñɨvɨ ni̱ꞌi̱nꞌ ya̱ ma̱ni̱ꞌ iniꞌ Ndiosíꞌ jín ráa. Saájee sáva kukueꞌeꞌ nasɨ́kuitɨꞌ ka̱ꞌ rá ñɨvɨ ku̱ꞌva ráa ya̱ kútaꞌviꞌ ráa nu̱u̱nꞌ Ndiosíꞌ, sáva stúvi‑ó ya̱ viiꞌ nasɨ́kuitɨꞌ kúñáꞌnú Ndiosíꞌ.

2 Corintios 12:14

Tɨɨn kuéntáꞌ rán, ya̱ íyó tu̱ꞌva ni̱ꞌ ya̱ kua̱jiane̱ꞌyá ni̱ꞌ ránoꞌó ya̱ uníꞌ íchí. Jee nkuvi ni̱ꞌ tiñu véi nu̱u̱nꞌ ránoꞌó, chi ntu núkú ni̱ꞌ rá nantíñú rán, chisaꞌ núkú ni̱ꞌ ránoꞌó kɨꞌɨ rán nu̱u̱nꞌ Cristo. Chi ránoꞌó kúvi rán kuéntáꞌ se̱ꞌya ni̱ꞌ nu̱u̱nꞌ Ndiosíꞌ, jee nsáꞌ íyó stútú rá se̱ꞌya ya̱ koto ráa rá tátáꞌ ráa, chisaꞌ rá tátáꞌ íyó stútú ráa ya̱ koto ráa rá se̱ꞌya ráa.