1 Corintios 9:17 - Mixteco del suroeste de Tlaxiaco Oaxaca

¹⁷ Chi retú sáꞌá ni̱ꞌ tiñu vá jie̱ꞌe̱ꞌ kuíni ni̱ꞌ saꞌá ni̱ꞌ maa, jee yukuán jee íyó ni̱ꞌi̱nꞌ ni̱ꞌ ya̱ꞌvi ni̱ꞌ. Soo retú sáꞌá ni̱ꞌ maa nsú jie̱ꞌe̱ꞌ ya̱ kuíni ni̱ꞌ saꞌá ni̱ꞌ maa, jee sáꞌá ni̱ꞌ maa jie̱ꞌe̱ꞌ ntee Ndiosíꞌ tiñu vá si̱kɨ̱ꞌ nuꞌuꞌ.

1 Corintios 9:17 Referans Kwoze

Gálatas 2:7

Chisaꞌ nsa̱ꞌá ráa kuéntáꞌ ya̱ nte̱tíñú Ndiosíꞌ nuꞌuꞌ ya̱ stekútu̱ꞌún ni̱ꞌ tu̱ꞌun váꞌa Jesús nu̱u̱nꞌ rá se̱ꞌya inka nación, ya̱ ntu sáꞌá circuncidar ráa, kuéntáꞌ nte̱tíñú re̱ꞌ Pedro ya̱ stekútu̱ꞌún‑u tu̱ꞌun vá nu̱u̱nꞌ rá ñɨvɨ ya̱ kúvi ichiyúkúnꞌ Israel, ya̱ sáꞌá circuncidar ráa.

1 Corintios 3:8

Jee saáva, te̱e ya̱ tée tataꞌ sáꞌá jín te̱e ya̱ chíꞌi nute nu̱u̱nꞌ tataꞌ sáꞌá vá, jee ɨɨn ni̱ꞌ kúvi ráa. Soo tanu̱u̱nꞌ ráa ni̱ꞌi̱nꞌ rá ya̱ꞌvi ráa ya̱ nachunáán Ndiosíꞌ nu̱u̱nꞌ ráa sánikua̱ꞌ tanu̱u̱nꞌ tiñu nsa̱ꞌá ráa.

Colosenses 1:25

Chi nkenta ni̱ꞌ kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ jie̱ꞌe̱ꞌ ya̱ váꞌa ráa. Sukuán nte̱tíñú Ndiosíꞌ nuꞌuꞌ ya̱ kuniso ni̱ꞌ tiñu vá sáva sikúnkuvi ni̱ꞌ ya̱ stékútu̱ꞌún ni̱ꞌ Tu̱ꞌun Ndiosíꞌ.

1 Corintios 4:1

Saáva ránuꞌuꞌ jee tɨɨn kuéntáꞌ ránú ya̱ musúꞌ ni kúvi ránuꞌuꞌ nu̱u̱nꞌ Cristo ya̱ nte̱tíñú re̱ꞌ ránuꞌuꞌ sáva néen kuéntáꞌ ráníꞌ tiñu re̱ꞌ sáva xínéꞌénꞌ ránꞌ Tu̱ꞌun Ndiosíꞌ ya̱ nyɨ̱yuꞌuꞌ nékúvi.

Mateo 10:41

Jee ɨɨn ñɨvɨ ya̱ nákani tu̱ꞌun kéne yuꞌú máá maá Ndiosíꞌ, jee ñɨvɨ ya̱ íyó mániꞌ iniꞌ‑i nákuatáꞌví‑i ñɨvɨ vá jie̱ꞌe̱ꞌ kúvi ñɨvɨ ya̱ nákani tu̱ꞌun kéne yuꞌú Ndiosíꞌ, jee kutaꞌviꞌ‑i nu̱u̱nꞌ Ndiosíꞌ ta̱ꞌvi̱ꞌ sánikua̱ꞌ jiáꞌa Ndiosíꞌ nu̱u̱nꞌ ñɨvɨ nákani tu̱ꞌun re̱ꞌ. Jee ñɨvɨ ya̱ íyó mániꞌ iniꞌ‑i nákuatáꞌví‑i ɨɨn ñɨvɨ na̱a̱ꞌ jie̱ꞌe̱ꞌ ya̱ kúvi ñɨvɨ vá ñɨvɨ na̱a̱ꞌ, jee kutaꞌviꞌ‑i nu̱u̱nꞌ Ndiosíꞌ ta̱ꞌvi̱ꞌ sánikua̱ꞌ jiáꞌa Ndiosíꞌ nu̱u̱nꞌ ñɨvɨ na̱a̱ꞌ.

1 Tesalonicenses 2:4

Chisaꞌ Ndiosíꞌ ni̱totúníꞌ ránuꞌuꞌ sáva tetíñú re̱ꞌ ránuꞌuꞌ sáva stékútu̱ꞌún ránꞌ tu̱ꞌun váꞌa jie̱ꞌe̱ꞌ Cristo. Saáva ntu káꞌánꞌ ránꞌ sáva kuva̱ꞌa iniꞌ rá ñɨvɨ kune̱ꞌyá ráa ránuꞌuꞌ. Chisaꞌ káꞌánꞌ ránꞌ sáva kuva̱ꞌa iniꞌ Ndiosíꞌ kune̱ꞌyá re̱ꞌ ránuꞌuꞌ. Maáréꞌ ví ya̱ jítotúníꞌ re̱ꞌ ya̱ ñúꞌún ánímaꞌ‑ó.

1 Corintios 3:14

Jee retú nka̱yúꞌ tiñu ya̱ nsa̱ꞌá néni ɨɨn ñɨvɨ ya̱ nna̱chisó‑o nu̱u̱nꞌ nsamaꞌ vá jee kino̱o‑o, jee yukuán re ni̱ꞌi̱nꞌ ñɨvɨ vá ta̱ꞌvi̱ꞌ ya̱ nachunáán Ndiosíꞌ nu̱u̱nꞌ‑u.

Filemón 1:14

Soo ntu̱ví kuíni ni̱ꞌ saꞌá ni̱ꞌ ni ɨɨn tiñu, retú ntu̱ví tájiyuꞌú nú nu̱u̱nꞌ ni̱ꞌ ya̱ saꞌá ni̱ꞌ maa, sáva ntu sáꞌá nú maa jie̱ꞌe̱ꞌ tétuvi ni̱ꞌ noꞌó saꞌá nú maa, chisaꞌ sáꞌá nú maa jie̱ꞌe̱ꞌ kuíni maánú saꞌá nú maa.

2 Corintios 8:12

Chi retú ñúkáñá iniꞌ ɨɨn ñɨvɨ saꞌá‑a vá, jee kúváꞌa iniꞌ Ndiosíꞌ néꞌyá re̱ꞌ sáá ku̱ꞌva‑a sánikua̱ꞌ íyó kúmí‑i, jee nsáꞌ sánikua̱ꞌ ntu kúmí‑i.

1 Corintios 9:16

Soo sáá stékútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús, jee ntu̱ví íyó kutéyɨ́ɨ́ ni̱ꞌ jie̱ꞌe̱ꞌ ya̱ sáꞌá ni̱ꞌ maa, chi jie̱ꞌe̱ꞌ nika̱ꞌ ya̱ nte̱tuvi Ndiosíꞌ nuꞌuꞌ ya̱ saá íyó saꞌá ni̱ꞌ maa, saájee na̱ ka̱ꞌ náꞌví ni̱ꞌ retú ntu̱ví stékútu̱ꞌún ni̱ꞌ tu̱ꞌun váꞌa re̱ꞌ.

Lucas 12:42

Saájee nkachiꞌ I̱toꞌoꞌ‑ó: ―¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

Mateo 24:25

Jee teso̱ꞌo va̱ꞌa rán, chi ya nstúꞌva ya̱chi̱ꞌ ni̱ꞌ ránoꞌó jie̱ꞌe̱ꞌ rá tiñu vá ne̱ ntiáꞌan kuvi‑i suꞌva.

Jonás 1:3

Sosaꞌ nkene re̱ꞌ kua̱ꞌa̱nꞌ re̱ꞌ inka ichi sáva nsiíyo re̱ꞌ nu̱u̱nꞌ I̱toꞌoꞌ‑ó. Kua̱ꞌa̱nꞌ re̱ꞌ nu̱u̱nꞌ ñuunꞌ Jope, ɨɨn ñuunꞌ káá yatin yuꞌú nteñúꞌún. Jee yukuán jiákui̱ñɨ̱ꞌ rá barkúꞌ jee, nna̱niꞌinꞌ re̱ꞌ ɨɨn barkúꞌ ya̱ sa̱néꞌ íyó kene‑e kɨ̱ꞌɨ̱nꞌ‑ɨ ñuunꞌ Tarsis, ɨɨn ñuunꞌ íká víꞌí. Jee kuísá nchu̱náán re̱ꞌ jee nki̱vɨ re̱ꞌ iniꞌ barkúꞌ. Jee nkene barkúꞌ kua̱ꞌa̱nꞌ‑a nu̱u̱nꞌ nteñúꞌún ichi ñuunꞌ Tarsis.

Juan 4:36

Jee rá ñɨvɨ ya̱ nastútú ráa rá ñɨvɨ ya̱ kúvi rává kuéntáꞌ tataꞌ sáꞌá vá níꞌínꞌ ráa ya̱ꞌvi ráa. Jee ni̱ꞌi̱nꞌ ráa ya̱ kutekuꞌ ñɨvɨ nɨ́ɨ́nkání jín Ndiosíꞌ kuéntáꞌ nastútú ráa tataꞌ sáꞌá. Sáva rá ñɨvɨ ya̱ taji ráa tataꞌ sáꞌá vá ɨɨn nuún ni kusɨ̱ɨ̱ꞌ iniꞌ ráa jín rá ñɨvɨ ya̱ nsatútú maa.

1 Corintios 9:18

Jee saáva, ¿ná ya̱ꞌvi ni̱ꞌ koo‑o rúja? Ya̱ꞌvi ni̱ꞌ kúvi yaꞌá: sáá stékútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús jee ntu kéya̱ꞌvi ni̱ꞌ nu̱u̱nꞌ rán jie̱ꞌe̱ꞌ táji ni̱ꞌ nu̱u̱nꞌ rán tu̱ꞌun váꞌa vá, sáva ntu̱náꞌ ñátíñú ni̱ꞌ ya̱ íyó ni̱ꞌi̱nꞌ ni̱ꞌ ya̱ kutekuꞌ ni̱ꞌ jie̱ꞌe̱ꞌ stékútu̱ꞌún ni̱ꞌ tu̱ꞌun I̱toꞌoꞌ‑ó.