1 Corintios 9:14 - Mixteco del suroeste de Tlaxiaco Oaxaca

¹⁴ Jee suni sukuán nta̱túníꞌ maá I̱toꞌoꞌ‑ó ya̱ rá te̱e ya̱ nákani tu̱ꞌun váꞌa jie̱ꞌe̱ꞌ Cristo, jee íyó ni̱ꞌi̱nꞌ ráa rá kutekuꞌ ráa nu̱u̱nꞌ tiñu sáꞌá ráa vá.

1 Corintios 9:14 Referans Kwoze

Mateo 10:10

ni ñunu rán, ni koto níso sɨ́ɨ́n rán inka ka̱ꞌ saꞌma naku̱ꞌun rán, ni ni̱jia̱nꞌ rán, ni karútíꞌ rán. Chi ɨɨn ñɨvɨ ya̱ retú sátíñú‑u, jee íyó ni̱ꞌi̱nꞌ‑i ya̱ kajiꞌ‑i jie̱ꞌe̱ꞌ tiñu sáꞌá‑a.

Gálatas 6:6

Jee ránoꞌó ya̱ súkuáꞌa rán Tu̱ꞌun Ndiosíꞌ, chineí táꞌán rán rá te̱e xínéꞌénꞌ maa nu̱u̱nꞌ ránoꞌó jín nɨꞌɨ nu̱u̱nꞌ ya̱ váꞌa kúmí rán.

1 Corintios 9:4

Jee, ¿á nsáꞌ íyó níꞌinꞌ ráníꞌ kajiꞌ ránꞌ jee koꞌo ránꞌ [ya̱ táji ñɨvɨ nu̱u̱nꞌ ráníꞌ jie̱ꞌe̱ꞌ ya̱ sáꞌá ránꞌ tiñu Ndiosíꞌ] rúja?

Lucas 10:7

Jee suni veꞌi yukuán kino̱o rán kuneeꞌ rán, jee kajiꞌ rán koꞌo rán ya̱ taji rá ñɨvɨ veꞌi vá nu̱u̱nꞌ rán. Chi ɨɨn ñɨvɨ ya̱ sátíñú‑u jee íyó níꞌin‑i ya̱ꞌvi‑i jie̱ꞌe̱ꞌ tiñu sáꞌá‑a. Jee koto jíka rán ta veꞌi ta veꞌi kuneeꞌ rán.

Lucas 10:8

’Jee néni ɨɨn ñuunꞌ nu̱u̱nꞌ kenta rán kívɨ rán jee nakuatáꞌví ráa ránoꞌó, jee kajiꞌ rán na̱ni kúvi ya̱ taji ráa nu̱u̱nꞌ rán.

Hechos 18:3

Jee nkino̱o re̱ꞌ jín ráa jee nsa̱tíñú re̱ꞌ jín ráa. Chijie̱ꞌ ɨɨn nu̱u̱nꞌ ni tiñu yɨ́tíñú‑u jín ráa, ya̱ sáꞌá ráa vesayo saꞌma.

1 Corintios 4:15

Chi súnika̱ꞌ koo ne̱ u̱ji̱ꞌ mil (10,000) te̱e ya̱ xínéꞌénꞌ tu̱ꞌun váꞌa Cristo nu̱u̱nꞌ ránoꞌó, soo nsáꞌ kue̱ꞌe̱ꞌ tátáꞌ rán íyó, chi kúvi ni̱ꞌ tátáꞌ rán ya̱ yɨ́ꞌɨ́ rán nu̱u̱nꞌ Cristo chi nuꞌuꞌ ví ya̱ nna̱kani ni̱ꞌ tu̱ꞌun váꞌa Jesús nu̱u̱nꞌ ránoꞌó jee nka̱níjiá rán ni̱nu̱ꞌ iniꞌ rán tu̱ꞌun vá jee sukuán nna̱kaku jiáá rán nsa̱ꞌá ni̱ꞌ.

1 Corintios 9:11

Jee retú suni sukuán sáꞌá ránuꞌuꞌ nteñu ránoꞌó, kuéntáꞌ sáꞌá te̱e táji tataꞌ, suni kuéntáꞌ sukuán sáꞌá ráníꞌ ya̱ káchítu̱ꞌún ráníꞌ nu̱u̱nꞌ ránú Tu̱ꞌun Ndiosíꞌ ya̱ njia̱ꞌa Ta̱chi̱ꞌ Ííꞌ re̱ꞌ, sáva kuꞌun iniꞌ ánímaꞌ rán maa, jee, ¿á kue̱ꞌe̱ꞌ víꞌí ví retú nu̱u̱nꞌ ránú kene ya̱ jíniñúꞌún ráníꞌ sáva kutekuꞌ ránꞌ ya̱ sáꞌá ránꞌ tiñu I̱toꞌoꞌ‑ó résa?

1 Corintios 9:12

Jee retú íyó inka ñɨvɨ ya̱ íyó ni̱ꞌi̱nꞌ ráa nu̱u̱nꞌ rán ya̱ kutekuꞌ ráa jie̱ꞌe̱ꞌ xínéꞌénꞌ ráa ránoꞌó, saájee saꞌ víꞌí ka̱ꞌ íyó ni̱ꞌi̱nꞌ ráníꞌ nu̱u̱nꞌ ránoꞌó ya̱ kutekuꞌ ránꞌ résa. Soo ntu níkánꞌ ráníꞌ ya̱ taji ránú nu̱u̱nꞌ ránuꞌuꞌ ya̱ íyó ni̱ꞌi̱nꞌ ráníꞌ, chisaꞌ jiéꞌnéꞌ iniꞌ ránꞌ nɨꞌɨ, sáva ntu kasɨꞌ ránꞌ sikúténuun ránꞌ ka̱ꞌ tu̱ꞌun váꞌa jie̱ꞌe̱ꞌ Cristo.

1 Corintios 9:16

Soo sáá stékútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús, jee ntu̱ví íyó kutéyɨ́ɨ́ ni̱ꞌ jie̱ꞌe̱ꞌ ya̱ sáꞌá ni̱ꞌ maa, chi jie̱ꞌe̱ꞌ nika̱ꞌ ya̱ nte̱tuvi Ndiosíꞌ nuꞌuꞌ ya̱ saá íyó saꞌá ni̱ꞌ maa, saájee na̱ ka̱ꞌ náꞌví ni̱ꞌ retú ntu̱ví stékútu̱ꞌún ni̱ꞌ tu̱ꞌun váꞌa re̱ꞌ.

2 Corintios 2:12

Jee sáá nkenta ni̱ꞌ nu̱u̱nꞌ ñuunꞌ Troas, sáva stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ I̱toꞌoꞌ‑ó Cristo, jee nsine re̱ꞌ ichi nu̱u̱nꞌ ni̱ꞌ sáva kachitu̱ꞌún ni̱ꞌ tu̱ꞌun re̱ꞌ yukuán.

1 Tesalonicenses 1:5

Chi nsú kua̱chi tu̱ꞌun ni ví tu̱ꞌun jie̱ꞌe̱ꞌ Cristo ya̱ nkachitu̱ꞌún ráníꞌ nkenta‑a nu̱u̱nꞌ ránoꞌó. Chisaꞌ suni nkenta tu̱ꞌun váꞌa vá jín fuersáꞌ ííꞌ níso Ta̱chi̱ꞌ Ííꞌ Ndiosíꞌ. Jee kínóo kutú va̱ꞌa ráníꞌ ya̱ íyó kutú tu̱ꞌun ya̱ nkachiꞌ ránꞌ. Jíníꞌ va̱ꞌa ránoꞌó na̱ja ñaꞌnu va̱ꞌa ránuꞌuꞌ sáá nneeꞌ ránꞌ nteñu ránoꞌó, chi nnu̱kú ránꞌ ya̱ váꞌa ránoꞌó.