1 Corintios 7:21 - Mixteco del suroeste de Tlaxiaco Oaxaca

²¹ Jee retú kúvi nú musúꞌ kéꞌen ñɨvɨ sáá nkana Ndiosíꞌ noꞌó kɨꞌɨ nú nu̱u̱nꞌ re̱ꞌ, jee koto nániꞌvɨꞌ iniꞌ nú jie̱ꞌe̱ꞌ ya̱ kúvi nú musúꞌ nkeꞌen ñɨvɨ. Soo retú ni̱ꞌi̱nꞌ nú ya̱ kuvi nakui̱ñɨ̱ꞌ núne nú kene nú xi̱ntíín i̱toꞌoꞌ nú jee koo maniꞌ tɨɨn maa.

1 Corintios 7:21 Referans Kwoze

Colosenses 3:11

Jee saáva ntu̱náꞌ ítú iniꞌ retú ntu kúvi‑ó ñɨvɨ Israel, áxí kúvi‑ó ñɨvɨ Israel, retú níso yɨkɨkúñu‑ó seña ñɨvɨ Israel naní circuncisión, áxí ntu níso‑ó maa, retú kúvi‑ó rá to̱ꞌo̱ꞌ, áxí ñɨvɨ ñuunꞌ láꞌví, retú kúvi‑ó musúꞌ ya̱ kéꞌen ñɨvɨ maa, áxí ñɨvɨ ya̱ yɨ́tíñú nu̱u̱nꞌ tiñu maáa. Chi I̱toꞌoꞌ kua̱íyó kuitɨꞌ‑ó ví Cristo, jee yɨ́ꞌɨ́ re̱ꞌ iniꞌ kua̱íyó kuitɨꞌ‑ó.

1 Corintios 12:13

Chi suni nsi̱kuánuté Cristo yó jín métúꞌún ni Ta̱chi̱ꞌ Ííꞌ vá sáva kɨꞌɨ‑ɨ iniꞌ ánímaꞌ‑ó jee nsa̱ꞌá Ta̱chi̱ꞌ Ííꞌ vá ya̱ kɨꞌɨ ntáká‑ó nu̱u̱nꞌ Cristo kuéntáꞌ nki̱vɨ‑ó nu̱u̱nꞌ ɨɨn ni yɨkɨkúñu re̱ꞌ. Ya̱ súka̱ꞌ ñɨvɨ Israel kúvi‑ó, áxí ñɨvɨ ntu kúvi‑ó Israel, áxí súka̱ꞌ ñɨvɨ ya̱ kúvi musúꞌ ya̱ nkeꞌen ñɨvɨ maa, áxí va̱ni ñɨvɨ ya̱ íyó núne ya̱ sátíñú‑u tiñu maá‑a, chi ntáká‑ó chi yɨ́ꞌɨ́‑ó nu̱u̱nꞌ rá ñɨvɨ Ndiosíꞌ, chi ɨɨn ni Ta̱chi̱ꞌ Ííꞌ níꞌínꞌ nɨꞌɨ‑ó.

Lucas 12:29

Saáva koto nénu̱u̱nꞌ rán ná kúvi ya̱ kajiꞌ rán jín ná kúvi ya̱ koꞌo rán. Koto núkuíꞌyá iniꞌ ránú naniꞌvɨꞌ víꞌí iniꞌ rán jie̱ꞌe̱ꞌ vá.

1 Pedro 5:7

Naku̱ꞌva rán nu̱u̱nꞌ Ndiosíꞌ ntáká rá tiñu xínániꞌvɨꞌ iniꞌ íyó rán, chi máá re̱ꞌ ví ya̱ kúmí re̱ꞌ ránoꞌó.

Hebreos 13:5

Koto jiáꞌnu rán ñujiínꞌ kunu̱u̱nꞌ rán xu̱ꞌún, soo kuva̱ꞌa iniꞌ rán jín ya̱ kúmí rán, chi káchíꞌ Ndiosíꞌ: Ni nsáꞌ xinóo ni̱ꞌ noꞌó. Jee ni nsáꞌ keꞌen ni̱ꞌ xinóo maáníꞌ noꞌó.

Filipenses 4:11

Soo nsáꞌ káchíꞌ ni̱ꞌ yaꞌá, retánꞌ ya̱ kúmániꞌ nu̱u̱nꞌ ni̱ꞌ. Chi nku̱tu̱ꞌva ni̱ꞌ kuva̱ꞌa iniꞌ ni̱ꞌ jie̱ꞌe̱ꞌ na̱ni kúvi ya̱ váji nu̱u̱nꞌ ni̱ꞌ.

Filipenses 4:6

Koto núkuíꞌyá iniꞌ rán na̱ni jie̱ꞌe̱ꞌ, chisaꞌ jie̱ꞌe̱ꞌ nta̱ká tiñu, kaꞌanꞌ rán jín Ndiosíꞌ jee ka̱ka̱nꞌ rán nu̱u̱nꞌ re̱ꞌ jee suni nakuatáꞌví rán nu̱u̱nꞌ re̱ꞌ jee saájee ka̱ka̱nꞌ táꞌvíꞌ ránꞌ nu̱u̱nꞌ re̱ꞌ ya̱ jíniñúꞌún rán.

Gálatas 3:28

Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ, sú kúvi rán ñɨvɨ Israel áxí ñɨvɨ ntu kúvi Israel, ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne, ni te̱e jín ni ñaꞌan, chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús.

Lucas 21:34

’Saáva kumí rán maárán ya̱ koto túví rán maárán nu̱u̱nꞌ ñujiínꞌ ya̱ stívɨ́ rán maárán, jín nu̱u̱nꞌ ya̱ ku̱ka̱ꞌva rán nu̱u̱nꞌ nixiꞌ, jín nu̱u̱nꞌ ya̱ nívini naniꞌvɨꞌ iniꞌ rán na̱ni jie̱ꞌe̱ꞌ ya̱ íyó ni tékúꞌ rán iniꞌ ñɨ̱vɨ́ yaꞌá, sáva ntu kininkava sa̱naanꞌ kuitɨꞌ ki̱vɨ̱ꞌ vá ya̱ta̱ꞌ rán,

1 Corintios 7:20

Ta ɨɨn ɨɨn ñɨvɨ íyó kino̱o‑o koo‑o kuéntáꞌ íyó‑o sáá nkana Ndiosíꞌ maa kɨꞌɨ‑ɨ nu̱u̱nꞌ re̱ꞌ.

1 Corintios 7:22

Chi te̱e ya̱ kúvi musúꞌ ya̱ nkeꞌen ñɨvɨ, sáá nkana I̱toꞌoꞌ‑ó maa kɨꞌɨ‑ɨ nu̱u̱nꞌ re̱ꞌ, jee vitan jee ya nakui̱ñɨ̱ꞌ núne‑e nu̱u̱nꞌ kua̱chi‑i, ya̱ yɨ́ꞌɨ́‑ɨ xi̱ntíín I̱toꞌoꞌ‑ó. Jee suni sukuán kúvi jín te̱e íñɨ́ núne ya̱ sáꞌá‑a tiñu maáa, sáá nkana Ndiosíꞌ maa kɨꞌɨ‑ɨ nu̱u̱nꞌ re̱ꞌ, jee saájee ya kúvi‑i musúꞌ ya̱ yɨ́ꞌɨ́ xi̱ntíín I̱toꞌoꞌ‑ó Cristo.