1 Corintios 7:2 - Mixteco del suroeste de Tlaxiaco Oaxaca

² Soo jie̱ꞌe̱ꞌ ya̱ íyó ya̱ síkúvi iniꞌ rán saꞌá tiñu téní ya̱ kúsíkɨ́ iniꞌ rán, jee saáva va̱ꞌa ka̱ꞌ ya̱ ta ɨɨn rá te̱e koo ɨɨn ñasɨ́ꞌɨ́ re̱ꞌ, jín ya̱ ta ɨɨn rá ñaꞌan, koo ɨɨn yɨɨ́ ña.

1 Corintios 7:2 Referans Kwoze

Efesios 5:28

Jee suni sukuán rá te̱e íyó ñasɨ́ꞌɨ́ íyó kunu̱u̱nꞌ ráa rá ñasɨ́ꞌɨ́ maáráa, kuéntáꞌ ñúnúunꞌ ráa rá yɨkɨkúñu maáráa. Chi te̱e ya̱ ñúnúunꞌ re̱ꞌ ñasɨ́ꞌɨ́ maáréꞌ, jee ñúnúunꞌ re̱ꞌ maáréꞌ.

Efesios 5:33

Jee suni jie̱ꞌe̱ꞌ yukuán kúvi ya̱ ta ɨɨn ta ɨɨn rán ya̱ kúvi te̱e íyó ñasɨ́ꞌɨ́ íyó kunu̱u̱nꞌ nú ñasɨ́ꞌɨ́ nú, kuéntáꞌ ñúnúunꞌ nú maánú. Jee ñaꞌan ya̱ kúvi ñasɨ́ꞌɨ́ ɨɨn te̱e íyó koo ya̱ ñáꞌnú ña nu̱u̱nꞌ yɨɨ́ ña.

1 Corintios 7:9

Soo retú ntu̱ví kúvi nakeꞌen ráa maáráa, jee tana̱ꞌá ráa, chi va̱ꞌa ka̱ꞌ ya̱ tana̱ꞌá ráa nsú káꞌ nasaaꞌ ráa naikanꞌ iniꞌ ráa.

1 Corintios 6:18

Jee saáva kunu rán siíyo rán maárán nu̱u̱nꞌ rá tiñu téní kúsíkɨ́ iniꞌ rán. Ntáká rá inka kua̱chi ya̱ sáꞌá ñɨvɨ, jee ntu saꞌá‑a kua̱chi si̱kɨ̱ꞌ yɨkɨkúñu‑u. Soo ñɨvɨ ya̱ kúsíkɨ́ iniꞌ‑i tiñu téní jín ñɨvɨ ya̱ ntu̱ví ntánáꞌá jín‑i, jee yukuán kúvi ya̱ sáꞌá‑a kua̱chi si̱kɨ̱ꞌ yɨkɨkúñu‑u.

1 Timoteo 4:3

Kunii̱yo ráa tana̱ꞌá ñɨvɨ. Jee tatúníꞌ ráa ya̱ chusává ñɨvɨ kajiꞌ‑i sava nu̱u̱nꞌ neyu ya̱ yájíꞌ‑ó. Soo ya̱ yájíꞌ‑ó vá nsa̱ꞌá Ndiosíꞌ, sáva kajiꞌ ñɨvɨ ya̱ kúneí iniꞌ ráa Cristo, jín ya̱ jíníꞌ ráa ya̱ naáꞌ, jee ku̱ꞌva‑ó ya̱ kútaꞌviꞌ nu̱u̱nꞌ re̱ꞌ jie̱ꞌe̱ꞌ‑e.

Mateo 5:32

soo nuꞌuꞌ káchíꞌ ni̱ꞌ nu̱u̱nꞌ ránú, ya̱ ntáká te̱e ya̱ xínóo sayo‑o ñasɨ́ꞌɨ́‑ɨ, jee retú ntu̱náꞌ kua̱chi téní kúsíkɨ́ iniꞌ nsa̱ꞌá ña, saájee xínínkava re̱ꞌ ña nu̱u̱nꞌ tiñu téní kusi̱kɨ́ iniꞌ ña [retú tana̱ꞌá tuku ña jín inka te̱e]. Jee néni ɨɨn te̱e ya̱ natana̱ꞌá re̱ꞌ jín ñaꞌan vá ya̱ nkino̱o sayo ña jee suni saꞌá re̱ꞌ tiñu téní kúsíkɨ́ iniꞌ re̱ꞌ.

1 Corintios 7:1

Jee ntañúꞌún náxiníkó ni̱ꞌ nu̱u̱nꞌ ránoꞌó jie̱ꞌe̱ꞌ tu̱ꞌun ya̱ ntee rán nu̱u̱nꞌ ɨɨn tutuꞌ váji nu̱u̱nꞌ nuꞌuꞌ, jee jíkátu̱ꞌún rán nuꞌuꞌ. Jee íyó va̱ꞌa kúvi nu̱u̱nꞌ ɨɨn te̱e retú nkóo ñasɨ́ꞌɨ́ re̱ꞌ.

1 Corintios 7:3

Jee te̱e ya̱ nta̱na̱ꞌá, íyó re̱ꞌ ya̱ sikúnkuvi va̱ꞌa re̱ꞌ nu̱u̱nꞌ ñasɨ́ꞌɨ́ re̱ꞌ ya̱ nune̱ꞌén re̱ꞌ jín ña sáni íyó saꞌá re̱ꞌ, jee suni sukuán íyó saꞌá maáña jín yɨɨ́ ña ranika̱ꞌ sáni íyó saꞌá ña.

1 Tesalonicenses 4:4

Jee ta ɨɨn ránoꞌó íyó kuniꞌ nú nakeꞌen nú maánú, ya̱ kɨtíñú nú nu̱u̱nꞌ Ndiosíꞌ, sáni kuíni re̱ꞌ, jín ya̱ kuneeꞌ ñáꞌnú nú.