1 Corintios 7:15 - Mixteco del suroeste de Tlaxiaco Oaxaca

¹⁵ Soo retú ñɨvɨ ya ntu̱ví jínúꞌ iniꞌ‑i Ndiosíꞌ kuíni‑i ya̱ xinóo sayo‑o ɨɨn ñanitáꞌán ya̱ kúneí iniꞌ Jesús, jee kɨnetuꞌ xinóo sayo‑o táꞌán‑a, chi ntu íyó tetuvi ñanitáꞌán ya̱ saꞌá‑a ya̱ kino̱o ñɨvɨ vá jín‑i, va̱ni te̱e va̱ni ñaꞌan. Chi nkana Ndiosíꞌ yó sáva ñunkúún kuneeꞌ viiꞌ‑ó jín táꞌán‑ó.

1 Corintios 7:15 Referans Kwoze

Romanos 14:19

Jee saáva kuniꞌvɨꞌ iniꞌ‑ó saꞌá‑o tiñu ya̱ kuneeꞌ ñunkúún‑ó jín rá ñanitáꞌán‑ó, jín ya̱ chineí táꞌán ɨɨn inka‑ó jín táꞌán‑ó sáva kujia iniꞌ ɨɨn inka‑ó kuiñɨ ni̱ꞌin‑ó jín Tu̱ꞌun Ndiosíꞌ.

2 Corintios 13:11

Nu̱u̱nꞌ nɨ́ꞌɨ, tátúníꞌ ni̱ꞌ nu̱u̱nꞌ ránoꞌó ñanitáꞌán ya̱, na̱ ka̱ꞌ kusɨ̱ɨ̱ꞌ iniꞌ ánímaꞌ rán, na̱ ka̱ꞌ kujia noo iniꞌ rán nu̱u̱nꞌ Cristo ne̱ kuna̱a̱ꞌ rán, jee na̱ ka̱ꞌ tɨɨn kuéntáꞌ rán rá tu̱ꞌun ya̱ xínániꞌvɨꞌ ni̱ꞌ iniꞌ rán, jee na̱ ka̱ꞌ nuún kuꞌun iniꞌ rán, jee na̱ ka̱ꞌ ñunkúún kuneeꞌ rán jín ɨɨn inka táꞌán rán. Jee maá Ndiosíꞌ, ya̱ sáꞌá ya̱ kunu̱u̱nꞌ‑ó ɨɨn inka‑ó jín ya̱ kuneeꞌ ñunkúún‑ó jín ɨɨn inka‑ó, jee koo re̱ꞌ jín rán.

1 Corintios 14:33

Chi Ndiosíꞌ chi ntu kúvi re̱ꞌ Ndiosíꞌ ya̱ sísákánuun re̱ꞌ xi̱ni̱ꞌ‑ó, chisaꞌ sáꞌá re̱ꞌ ya̱ nééꞌ ñunkúún‑ó jín ɨɨn inka‑ó. Kuéntáꞌ sáꞌá‑ó iniꞌ ntáká rá grupo ñɨvɨ kúneí iniꞌ ráa Cristo ya̱ nsa̱ꞌá sɨ́ɨ́n re̱ꞌ yɨ́ꞌɨ́ ráa nu̱u̱nꞌ Ndiosíꞌ,

Romanos 12:18

Retú kúvi, na̱sa kua̱ꞌ kenta kúneí rán, kuniꞌvɨꞌ iniꞌ rán kuneeꞌ ñunkúún rán jín ntáká rá ñɨvɨ.

Mateo 12:50

Chi néni ɨɨn ñɨvɨ ya̱ sáꞌá‑a sáni kuíni Tátáꞌ ni̱ꞌ Ndiosíꞌ ya̱ nééꞌ antivɨ́ súkún, jee suvi‑i ví ñaniꞌ ni̱ꞌ jín ku̱ꞌva ni̱ꞌ jín náánꞌ ni̱ꞌ ―nkachiꞌ Jesús.

Hebreos 12:14

Naniꞌvɨꞌ iniꞌ rán nukú rán kuneeꞌ ñunkúún rán jín ntáká ñɨvɨ jín ya̱ kusɨ́ɨ́n rán nu̱u̱nꞌ kua̱chi jee kɨtíñú rán nu̱u̱nꞌ Ndiosíꞌ. Chi retú ntu yɨ́tíñú ɨɨn ñɨvɨ nu̱u̱nꞌ Ndiosíꞌ, ni nsáꞌ kuniꞌ‑i nu̱u̱nꞌ I̱toꞌoꞌ‑ó.

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Santiago 2:15

Jee retú ɨɨn ñaniꞌ áxí ɨɨn ku̱ꞌva ya̱ kúneí iniꞌ‑i Jesús, jee kúmániꞌ saꞌma kuꞌun‑u jín ya̱ kajiꞌ‑i ni ki̱vɨ̱ꞌ,

Lucas 9:39

Jee ɨɨn ta̱chi̱ꞌ kíni tɨ́ɨn‑ɨ re̱ꞌ jee síkánajíín‑i re̱ꞌ, jee jiáꞌníyɨꞌɨ́‑ɨ re̱ꞌ, jee kéne tiu̱u̱nꞌ iniꞌ yuꞌú re̱ꞌ. Jee xe̱e̱nꞌ xá xínóꞌo‑o re̱ꞌ, jee u̱ꞌvi̱ꞌ xá siááꞌ‑a re̱ꞌ.