1 Corintios 6:15 - Mixteco del suroeste de Tlaxiaco Oaxaca

¹⁵ ¿Á ntu̱ví jíníꞌ rán ya̱ maá Cristo xí nantíñú ví yɨkɨkúñu rán chi yɨ́ꞌɨ́ rán yɨkɨkúñu re̱ꞌ rúja? ¿Á kaneeꞌ ni̱ꞌ yɨkɨkúñu ni̱ꞌ ya̱ kúvi nantíñú Cristo jee nasikétáꞌán ni̱ꞌ maa jín yɨkɨkúñu ɨɨn ñaꞌan téní rúja? ¡Soo ni nkúvi kuitɨꞌ!

1 Corintios 6:15 Referans Kwoze

Efesios 5:30

Chi yɨ́ꞌɨ́‑ó nu̱u̱nꞌ re̱ꞌ kuéntáꞌ kúvi‑ó pedasúꞌ yɨkɨkúñu re̱ꞌ.

Romanos 12:5

Jee suni sukuán súnika̱ꞌ kue̱ꞌe̱ꞌ‑ó íyó, soo kuéntáꞌ ɨɨn yɨkɨkúñu kúvi‑ó ya̱ yɨ́ꞌɨ́‑ó nu̱u̱nꞌ Cristo, jee ta ɨɨn‑ó yɨ́ꞌɨ́‑ó nu̱u̱nꞌ ɨɨn inka‑ó.

Colosenses 2:19

Chi ntu̱ví íñɨ́ ráa jín Cristo, ya̱ yósóꞌ‑o nu̱u̱nꞌ‑ó kuéntáꞌ kúvi re̱ꞌ xi̱ni̱ꞌ nu̱u̱nꞌ‑ó. Jee kúvi‑ó kuéntáꞌ yɨkɨkúñu re̱ꞌ, chi náketáꞌán‑ó jín re̱ꞌ, kuéntáꞌ nééꞌ táꞌán yɨkɨkúñu jín xi̱ni̱ꞌ jín rá nu̱u̱nꞌ ñútáꞌán jín rá tu̱chi fuersáꞌ. Jee táji re̱ꞌ ya̱ jíniñúꞌún‑ó sáva kujia iniꞌ‑ó sáni síkuéꞌnu Ndiosíꞌ yó.

1 Corintios 12:27

Jee ránoꞌó ranika̱ꞌ chi kúvi rán yɨkɨkúñu Cristo, chi yɨ́ꞌɨ́ rán nu̱u̱nꞌ re̱ꞌ, jee ta ɨɨn ta ɨɨn‑ó kúvi‑ó pedasúꞌ yɨkɨkúñu re̱ꞌ.

Efesios 4:12

Njia̱ꞌa re̱ꞌ rá tiñu vá nu̱u̱nꞌ ráa sáva sikújia ráa iniꞌ rá ñɨvɨ ya̱ nsa̱ꞌá sɨ́ɨ́n Ndiosíꞌ kúvi ñɨvɨ re̱ꞌ. Síkújia ráa iniꞌ maáó ya̱ kúvi‑ó rá ñɨvɨ re̱ꞌ sáva kɨtíñú‑ó saꞌá‑ó tiñu re̱ꞌ nu̱u̱nꞌ ɨɨn inka táꞌán‑ó, sáva sikuéꞌnu‑ó ɨɨn inka táꞌán‑ó, ya̱ ɨɨn ni ñɨvɨ kuvi‑ó nu̱u̱nꞌ Cristo, kuéntáꞌ ɨɨn yɨkɨkúñu.

1 Corintios 11:3

Soo kuíni ni̱ꞌ ya̱ kuniꞌ rán ya̱ yósóꞌ Cristo nu̱u̱nꞌ ntáká te̱e kuéntáꞌ yósóꞌ xi̱ni̱ꞌ nu̱u̱nꞌ yɨkɨkúñu. Jee yósóꞌ ɨɨn te̱e nu̱u̱nꞌ ñasɨ́ꞌɨ́ re̱ꞌ kuéntáꞌ yósóꞌ xi̱ni̱ꞌ. Jee yósóꞌ Ndiosíꞌ nu̱u̱nꞌ Cristo.

1 Corintios 6:19

Áxí, ¿á ntu̱ví jíníꞌ rán ya̱ yɨkɨkúñu rán kúvi veñu̱ꞌun nu̱u̱nꞌ yɨ́ꞌɨ́ Ta̱chi̱ꞌ Ííꞌ Ndiosíꞌ iniꞌ rán, jín ya̱ níꞌin rán maa nu̱u̱nꞌ Ndiosíꞌ résa? Jín, ¿á ntu jíníꞌ rán ya̱ nsú i̱toꞌoꞌ xí maárán kúvi rán résa?

Efesios 5:23

Chi te̱e ya̱ kúvi yɨɨ́ ɨɨn ñaꞌan ví ya̱ yósóꞌ nu̱u̱nꞌ ñasɨ́ꞌɨ́ re̱ꞌ, kuéntáꞌ kua̱ꞌ Cristo yósóꞌ re̱ꞌ nu̱u̱nꞌ ntáká yó ya̱ kúneí iniꞌ‑ó re̱ꞌ. Chi kúvi te̱e kuéntáꞌ xi̱ni̱ꞌ nu̱u̱nꞌ ñasɨ́ꞌɨ́‑ɨ kuéntáꞌ kua̱ꞌ kúvi Cristo kuéntáꞌ xi̱ni̱ꞌ nu̱u̱nꞌ‑ó, jee maáórán kúvi kuéntáꞌ yɨkɨkúñu re̱ꞌ. Jee maáréꞌ ví ya̱ síkáku re̱ꞌ yó nu̱u̱nꞌ kua̱chi‑ó.

Lucas 20:16

Kiji re̱ꞌ jee xináánꞌ re̱ꞌ rá te̱e sátíñú vá. Jee ku̱ꞌvanúún re̱ꞌ ñuꞌun vá nu̱u̱nꞌ káá tataꞌ uva nu̱u̱nꞌ rá inka ka̱ꞌ rá ñɨvɨ ―nkachiꞌ Jesús. Jee sáá nteso̱ꞌo rá ñɨvɨ ya̱ nkachiꞌ Jesús sukuán, jee nkachiꞌ ráa: ―Vankée sukuán ―nkachiꞌ ráa.

Gálatas 6:14

Soo maáníꞌ ntu̱náꞌ káꞌánꞌ téyɨ́ɨ́ ni̱ꞌ. Kua̱chi káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ níꞌiꞌ I̱toꞌoꞌ‑ó Jesucristo nu̱u̱nꞌ kurúsiꞌ jie̱ꞌe̱ꞌ‑ó. Chi jie̱ꞌe̱ꞌ yukuán jee kúvi kuéntáꞌ níꞌiꞌ rá ñujiínꞌ jiáꞌnu ñɨvɨ ñɨ̱vɨ́ nu̱u̱nꞌ kurúsiꞌ nu̱u̱nꞌ ni̱ꞌ. Chi suni kúvi kuéntáꞌ níꞌiꞌ ni̱ꞌ nu̱u̱nꞌ rá ñujiínꞌ vá, chi ntu yɨ́ꞌɨ́ ni̱ꞌ ka̱ꞌ chi̱ji naꞌá rává.

Gálatas 3:21

Saájee, ¿á kénta tu̱ꞌun ley vá si̱kɨ̱ꞌ ya̱ nchi̱sóyuꞌú Ndiosíꞌ rúja? ¡Ntu̱ví kuitɨꞌ!, chi retánꞌ ntaji Ndiosíꞌ néni ɨɨn ley ya̱ kúvi xitékúꞌ‑u yó nɨ́ɨ́nkání jín re̱ꞌ, nékúvi, ña̱re kúvi saꞌá ley vá ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ síkúnkuvi‑ó ya̱ káchíꞌ ley vá, nékúvi.

Gálatas 2:17

Soo nu̱u̱nꞌ nánukú‑ó ya̱ sííyo Ndiosíꞌ kua̱chi‑ó jie̱ꞌe̱ꞌ yɨ́ꞌɨ́‑ó nu̱u̱nꞌ Cristo, jee ré níní nákuniꞌ‑ó ya̱ suni kúvi‑ó ñɨvɨ kua̱chi nu̱u̱nꞌ Ndiosíꞌ, sáni xínéꞌénꞌ ley Moisés nu̱u̱nꞌ‑ó, ¿á sáꞌá Cristo ya̱ kívɨ‑ó nu̱u̱nꞌ kua̱chi? Ntu̱né kúvi suꞌva.

1 Corintios 6:13

Suni káchíꞌ ráa: “Ya̱ yájíꞌ‑ó kúvi ya̱ kuꞌun chi̱ji‑ó, jee chi̱ji‑ó kúvi ya̱ kuꞌun ya̱ yájíꞌ‑ó.” Soo koo ɨɨn ki̱vɨ̱ꞌ ya̱ xináánꞌ Ndiosíꞌ ni núvíꞌ ráa. Soo yɨkɨkúñu‑ó, jee ntu̱ví nsáꞌá Ndiosíꞌ maa sáva kuatíñú‑ó maa saꞌá‑ó tiñu téní kúsíkɨ́ iniꞌ‑ó, chisaꞌ nsa̱ꞌá re̱ꞌ maa sáva kɨtíñú‑ó jín‑i nu̱u̱nꞌ maá I̱toꞌoꞌ‑ó, jee íyó ya̱ kuatíñú I̱toꞌoꞌ‑ó yɨkɨkúñu‑ó.

Romanos 7:13

Saájee, ya̱ tu̱ꞌun váꞌa vá, ¿á nkenta nsa̱ꞌá‑a ya̱ kuviꞌ ni̱ꞌ? ¡Ntu kúvi kuitɨꞌ! Chisaꞌ máá kua̱chi ña̱tíñú‑u ley va̱ꞌa vá, sáva saꞌá‑a kuviꞌ ni̱ꞌ nu̱u̱nꞌ Ndiosíꞌ, sáva stúvi ya̱ kúvi‑i kua̱chi. Chi sukuán stúvi tu̱ꞌun tátúníꞌ Ndiosíꞌ ya̱ níváꞌa nasɨ́kuitɨꞌ kúvi kua̱chi.

Romanos 7:7

Saájee, ¿ná kúvi ya̱ kachiꞌ‑ó résa? ¿Á kúvi ley kua̱chi résa? ¡Ntu̱ví kuitɨꞌ! Soo ni nsáꞌ kukáꞌnú iniꞌ ni̱ꞌ ná kúvi kua̱chi retánꞌ nsú ley káchíꞌ maa. Chi suni ni nku̱níꞌ ni̱ꞌ ná kúvi ya̱ nééꞌ uꞌvi iniꞌ, retánꞌ ntu káchíꞌ ley: “Koto nééꞌ uꞌvi iniꞌ nú rá nantíñú inka ñɨvɨ.”

Romanos 6:15

Saájee, ¿ná kachiꞌ‑ó? ¿Á saꞌá‑ó ka̱ꞌ kua̱chi chi ntu ka̱ꞌ yɨ́ꞌɨ́‑ó xi̱ntíín tu̱ꞌun ley nta̱túníꞌ Ndiosíꞌ, chisaꞌ yɨ́ꞌɨ́‑ó xi̱ntíín tu̱ꞌun íyó mániꞌ iniꞌ Ndiosíꞌ néꞌyá re̱ꞌ yó, rúsa? ¡Ntu̱ví kuitɨꞌ!

Romanos 6:2

¡Vankée sukuán!, chi ya ni̱ꞌi̱ꞌ‑ó nu̱u̱nꞌ kua̱chi‑ó, ¿na̱sa kuvi kueꞌnu i̱i̱ꞌ‑órán ka̱ꞌ jín kua̱chi‑ó, rúsa?

Romanos 3:31

Saájee retú sííyo Ndiosíꞌ kua̱chi‑ó jie̱ꞌe̱ꞌ ya̱ kúneí iniꞌ‑ó Jesús, ¿á síjíta‑ó tu̱ꞌun káꞌánꞌ ley vá? ¡Ni ntu̱ví kuitɨꞌ! Chisaꞌ kúnáaꞌ iniꞌ‑ó ya̱ yɨ́yáꞌvi ley vá.

Génesis 44:17

Soo nkachiꞌ José: ―Ni ntu̱ví chi maá te̱e yaꞌá ya̱ nna̱niꞌinꞌ ráníꞌ ya̱ nku̱mí copa vá kuvi musúꞌ ni̱ꞌ ya̱ kɨꞌɨ re̱ꞌ xi̱ntíín ni̱ꞌ. Jee ránoꞌó nikó va̱ꞌa rán kinoꞌonꞌ rán nu̱u̱nꞌ tátáꞌ rán.

Romanos 3:6

¡Ntu̱né íyó sukuán! Chi retú ntu sáꞌá na̱a̱ꞌ Ndiosíꞌ, ¿na̱sa keꞌneꞌ re̱ꞌ kua̱chi rá ñɨvɨ ñɨ̱vɨ́, résa?

1 Corintios 6:3

¿Á ntu̱ví jíníꞌ rán ya̱ koo ɨɨn ki̱vɨ̱ꞌ ya̱ saꞌá náaꞌ‑ó jie̱ꞌe̱ꞌ rá tiñu nsa̱ꞌá rá najiáꞌáꞌ ííꞌ Ndiosíꞌ rúja? Jee saꞌ víꞌí káꞌ íyó sanáaꞌ‑ó jie̱ꞌe̱ꞌ rá kua̱chi ya̱ íyó iniꞌ ñɨ̱vɨ́ yaꞌá ni tékúꞌ rán yaꞌá.

1 Corintios 6:17

Jee ɨɨn ñɨvɨ ya̱ chiꞌi‑i maáa nu̱u̱nꞌ I̱toꞌoꞌ‑ó, jee ɨɨn ni nnuvi‑i jín re̱ꞌ iniꞌ ánímaꞌ‑a.