1 Corintios 6:12 - Mixteco del suroeste de Tlaxiaco Oaxaca

¹² Káchíꞌ sava rá ñɨvɨ: “Yɨ́netuꞌ saꞌá ni̱ꞌ ntáká tiñu”, soo nsú ntáká tiñu vá íyó váꞌa nu̱u̱nꞌ ni̱ꞌ áxí nu̱u̱nꞌ rá inka ñɨvɨ. Káchíꞌ ráa: “Yɨ́netuꞌ saꞌá ni̱ꞌ ntáká tiñu”, soo ntu jiáꞌa ni̱ꞌ ya̱ ni ɨɨn tiñu nkúneí kosoꞌ nu̱u̱nꞌ ni̱ꞌ.

1 Corintios 6:12 Referans Kwoze

1 Corintios 9:27

Chisaꞌ, xichiꞌ nákeꞌen ni̱ꞌ yɨkɨkúñu ni̱ꞌ, jee chíꞌi ni̱ꞌ maa xi̱ntíín ni̱ꞌ, jee sáꞌá ni̱ꞌ sukuán sáva sáá nku̱neí ni̱ꞌ ya̱ nste̱kútu̱ꞌún ni̱ꞌ Tu̱ꞌun Ndiosíꞌ nu̱u̱nꞌ inka ñɨvɨ, jee retú ntu nákeꞌen ni̱ꞌ yɨkɨkúñu ni̱ꞌ jee sa̱naanꞌ jee ntu tɨɨn kuéntáꞌ Ndiosíꞌ ya̱ nsa̱ꞌá ni̱ꞌ jee xitá re̱ꞌ ta̱ꞌvi̱ꞌ nachunáán re̱ꞌ nu̱u̱nꞌ nuꞌuꞌ nékúvi.

2 Tesalonicenses 3:9

Ntu ni̱ka̱nꞌ ráníꞌ ya̱ koto rán ránuꞌuꞌ, súnika̱ꞌ nísotíñú ráníꞌ tiñu ntaji Ndiosíꞌ jee kuvi ka̱ka̱nꞌ ránꞌ maa nu̱u̱nꞌ ránoꞌó. Chisaꞌ nsa̱tíñú ránꞌ sáva taji ránꞌ ɨɨn ichi nu̱u̱nꞌ ránoꞌó na̱sa nasaꞌá rán.

Judas 1:12

Jee rá ñɨvɨ yaꞌá ya̱ xínéꞌénꞌ tu̱ntúꞌún, jee sáá yájíꞌ tútú rán jie̱ꞌe̱ꞌ ya̱ ñúnúunꞌ rán ɨɨn inka táꞌán rán, jee máá ñɨvɨ kini sátéꞌén kúvi ráa sáá yájíꞌ ráa jín rán súka̱ꞌ ntu kúkanuun ráa. Jee kua̱chi maáráa kúmí ráa. Ntu íyótiñu ráa kuéntáꞌ ntu íyótiñu rá vi̱ko̱ꞌ ntu níso sa̱vi̱ꞌ ya̱ xínéchi ta̱chi̱ꞌ víjin maa cháꞌá chúkuán. Jee suni kúvi ráa kuéntáꞌ kúvi yutun númáꞌ ya̱ ni ntu jiáꞌa‑á ya̱ vixíꞌ, sáá kenta tiempúꞌ ya̱ kúun ya̱ vixíꞌ rá yutun. Jee sukuán kúvi ráa kuéntáꞌ yutun níꞌiꞌ ya̱ ne̱ yoꞌo‑o ntavaꞌ ñɨvɨ maa jee kuéntáꞌ ni̱ꞌi̱ꞌ‑i u̱vi̱ꞌ íchí jee ni ntu̱né íyó na̱ja nene‑e ka̱ꞌ.

1 Corintios 8:4

Saájee káchíꞌ ni̱ꞌ tu̱ꞌun jie̱ꞌe̱ꞌ rá sókóꞌ rá ñɨvɨ nu̱u̱nꞌ rá santúꞌ ñunéꞌyúꞌ. Jee jíníꞌ‑ó ya̱ ntu̱náꞌ kúvi rá nantíñú nsa̱ꞌá jín naꞌá íyó iniꞌ ñɨ̱vɨ́ yaꞌá ya̱ néñu̱ꞌun ñɨvɨ, chi ntu̱ví íyó inka ka̱ꞌ ndiosíꞌ chi métúꞌún Ndiosíꞌ tékúꞌ ni vá íyó.

Romanos 7:14

Chi jíníꞌ‑ó ya̱ va̱ji ley nu̱u̱nꞌ Ta̱chi̱ꞌ Ííꞌ, jee nuꞌuꞌ kúvi ni̱ꞌ ñɨvɨ ñunéꞌyúꞌ, ya̱ yɨ́ꞌɨ́ ni̱ꞌ xi̱ntíín kua̱chi kuéntáꞌ kúvi ni̱ꞌ musúꞌ ya̱ nkuya̱ꞌvi.

1 Corintios 9:12

Jee retú íyó inka ñɨvɨ ya̱ íyó ni̱ꞌi̱nꞌ ráa nu̱u̱nꞌ rán ya̱ kutekuꞌ ráa jie̱ꞌe̱ꞌ xínéꞌénꞌ ráa ránoꞌó, saájee saꞌ víꞌí ka̱ꞌ íyó ni̱ꞌi̱nꞌ ráníꞌ nu̱u̱nꞌ ránoꞌó ya̱ kutekuꞌ ránꞌ résa. Soo ntu níkánꞌ ráníꞌ ya̱ taji ránú nu̱u̱nꞌ ránuꞌuꞌ ya̱ íyó ni̱ꞌi̱nꞌ ráníꞌ, chisaꞌ jiéꞌnéꞌ iniꞌ ránꞌ nɨꞌɨ, sáva ntu kasɨꞌ ránꞌ sikúténuun ránꞌ ka̱ꞌ tu̱ꞌun váꞌa jie̱ꞌe̱ꞌ Cristo.

Juan 5:10

Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ráa nu̱u̱nꞌ te̱e ya̱ nnuvi vá: ―Ki̱vɨ̱ꞌ nájiáví kúvi vitan, jee ntu yɨ́netuꞌ kuniso nú tu̱nchi̱só nú ―nkachiꞌ ráa.